Конда́к 1.

Избра́нней от все́х родо́в Бо́жией Ма́тери, Небеси́ и земли́ Цари́це, врачевство́ духо́вное всему́ ми́ру подаю́щей, благода́рственная пе́ния прино́сим о дарова́нии Боже́ственнаго сокро́вища, чудотво́рныя ико́ны Ея́, «Прибавле́ние ума́» нарече́нныя, е́юже огражда́еми, ра́дуемся све́тло и с любо́вию взыва́ем:

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

И́кос 1.

А́нгел предста́тель по́слан бы́сть во гра́д Назаре́т к чи́стей Отрокови́це Мари́и рещи́: ра́дуйся, егда́ Бо́г Сло́во воплоща́шеся во утро́бе Ея́. Арха́нгела благове́стие слы́шавши, Пречи́стая Де́ва во смире́нии се́рдца отвеща́: се́, Раба́ Госпо́дня, бу́ди Мне́ по глаго́лу твоему́. Мы́ же гре́шнии, благогове́йне чту́ще Ма́терь Христа́ Бо́га на́шего, я́ко А́нгелом научи́хомся, та́ко со умиле́нием вопие́м Благода́тней:

Ра́дуйся, Благослове́нная в жена́х; ра́дуйся, у Го́спода обре́тшая благода́ть.

Ра́дуйся, си́лою Всевы́шняго осене́нная; ра́дуйся, Ду́хом Святы́м освяще́нная.

Ра́дуйся, ве́рная Рабо́ Госпо́дня; ра́дуйся, Богоизбра́нная Отрокови́це.

Ра́дуйся, Спаси́теля ми́ра ро́ждшая; ра́дуйся, Ма́ти Све́та, все́х просвеща́ющая.

Ра́дуйся, прему́дрых превосходя́щая ра́зум; ра́дуйся, ве́рных озаря́ющая смы́слы.

Ра́дуйся, Небеси́ и земли́ Цари́це; ра́дуйся, я́ко Тя́ ублажа́ют вси́ ро́ди.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 2.

Ви́дящи, Всенепоро́чная, жела́ние люде́й новопросвеще́нных, благослови́ ева́нгельских та́йн благове́стника апо́стола Луку́ написа́ти пречи́стаго ли́ка Твоего́ изображе́ние, и на него́ зря́щи, глаго́лала еси́ со вла́стию: С си́м о́бразом благода́ть Моя́ и си́ла да бу́дет. Те́мже благогове́йне покланя́ющеся пред святы́ми ико́нами Твои́ми, и́миже ве́сь ми́р христиа́нский украси́ла еси́, благода́рственно вопие́м о Тебе́ Бо́гу: Аллилу́иа.

И́кос 2.

Ра́зум небе́сный открыва́юще, Пречи́стая Де́во, благоизво́лила еси́ позна́ти все́м ве́рным, я́ко в ми́ре е́сть во́ля Бо́жия, блага́я, уго́дная и соверше́нная, и вся́к у́м превосходя́щая. При́зри на на́с, Всепе́тая Богоро́дице, озари́ све́том и́стины, уте́ши на́с, я́ко Ма́ти, наста́ви на́с на пу́ть пра́вды, да возопии́м моля́ще Тебе́ та́ко:

Ра́дуйся, Бо́жию Си́лу и Бо́жию Прему́дрость, Христа́ породи́вшая; ра́дуйся, Бо́га с Челове́ком соедини́вшая.

Ра́дуйся, све́том ра́зума ду́ши на́ша просвеща́ющая; ра́дуйся, неизрече́нныя сла́вы Бо́жия вмести́лище.

Ра́дуйся, почита́ния святы́х ико́н освяще́ние; ра́дуйся, духо́вных сокро́вищ Пода́тельнице.

Ра́дуйся, честны́м Твои́м ико́нам благода́ть дарова́вшая; ра́дуйся, я́ко на ико́ны Твоя́ взира́юще, Са́мой Тебе́ покланя́емся.

Ра́дуйся, во все́м ми́ре исцеле́ния от святы́х ико́н Твои́х подаю́щая; ра́дуйся, к Небесе́м умы́ и сердца́ на́ша возводя́щая.

Ра́дуйся, всю́ вселе́нную луча́ми Твоея́ благода́ти озари́вшая; ра́дуйся, с Сы́ном Твои́м и Бо́гом ве́чно ца́рствующая.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 3.

Си́лою благода́тною осеня́еми, благочести́вии лю́дие во гра́д Назаре́т приидо́ша и обрето́ша та́мо до́м Богоро́дичен, иде́же Пречи́стая Де́ва роди́ся и благове́стие Арха́нгела прия́т, и пренесо́ша до́м то́й в зе́млю Итали́йскую, во гра́д Лоре́то. Верху́ же до́ма о́наго доны́не е́сть ико́на Богоро́дична, от дре́ва сотворена́, ю́же а́нгельския Небе́сныя Си́лы неви́димо окружа́ют и благоле́пно честву́ют, ра́достно вопию́ще Бо́гу: Аллилу́иа.

И́кос 3

Иму́щи к ро́ду христиа́нскому ма́тернее милосе́рдие, вси́ концы́ земли́ ко спасе́нию призыва́еши, Пречи́стая, те́мже у́бо наро́ди разноязы́чнии от мно́гих стра́н прихо́дят в до́м Тво́й и пред ико́ною Твое́ю испове́дуют грехи́ своя́. Того́ ра́ди от восто́ка до за́пада просла́влена бы́сть ико́на Твоя́, и изба́вленнии от боле́зней, скорбе́й и напа́стей лю́дие прино́сят Ти́ благодаре́ния, взыва́юще:

Ра́дуйся, До́ме, Его́же созда́ Себе́ Прему́дрость Бо́жия; ра́дуйся, гра́де Бо́жий, и́же от ма́лаго гра́да Назаре́та произы́де.

Ра́дуйся, до́м Бо́жий явле́нием Свои́м освяти́вшая; ра́дуйся, Отрокови́це, Свята́я Святы́х бо́льшая.

Ра́дуйся, с Предве́чным Богомладе́нцем в Назаре́т прише́дшая; ра́дуйся, та́инству спасе́ния ро́да челове́ческаго послужи́вшая.

Ра́дуйся, Ле́ствице, Е́юже восхо́дим от земли́ на Не́бо; ра́дуйся, всему́ ми́ру преди́вный Покро́ве.

Ра́дуйся, я́ко с ве́рою покланя́емся пречи́стаго ли́ка Твоего́ изображе́нию; ра́дуйся, я́ко от него́ прие́млем благода́тныя да́ры во спасе́ние ду́ш на́ших.

Ра́дуйся, ди́вная зна́мения ико́нами Твои́ми соверша́ющая; ра́дуйся, держа́вная Засту́пнице ро́да христиа́нскаго.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 4.

Бу́рею ско́рби ве́лия одержи́м бе́ изо́граф не́кий, в помраче́нии ра́зума от земны́х враче́й никоея́же по́льзы получи́вый. Тогда́ Пречи́стая Ма́ти Го́спода яви́ся боля́щему и запове́да ико́ну написа́ти, я́же до́м Ея́ во гра́де Лоре́то освяща́ет. Сия́ испо́лнив, изо́граф исцели́ся и от того́ дне́ ико́ну новопи́санную «Прибавле́ние ума́» нарече́, поя́ пред не́ю хвале́бную пе́снь Бо́гу: Аллилу́иа.

И́кос 4.

Слы́шавше лю́дие земли́ Ру́сския, я́ко благоизво́ли Пресвята́я Богоро́дица да́ти и́м в ра́дость и утеше́ние ико́ну Свою́, «Прибавле́ние ума́» нарече́нную, мно́гими спи́сками ея́ украси́ша хра́мы и до́мы своя́, от ни́хже ди́вная зна́мения и чудеса́ оби́льно содева́ются все́м притека́ющим с ве́рою и пою́щим Преблагослове́нней такова́я:

Ра́дуйся, о́браз Тво́й честны́й во утеше́ние и освяще́ние на́м дарова́вшая; ра́дуйся, боле́зни душе́вныя и теле́сныя ико́ною Твое́ю ско́ро врачу́ющая.

Ра́дуйся, зе́млю Ру́сскую покро́вом ми́лости Твоея́ осени́вшая; ра́дуйся, лю́бящия и чту́щия Тво́й о́браз от вся́ких бе́д избавля́ющая.

Ра́дуйся, со ико́нами Твои́ми благода́тными неви́димо в до́мы на́ша входя́щая; ра́дуйся, благослове́ние и ра́дование те́м принося́щая.

Ра́дуйся, оста́вленных врача́ми на Свои́ всемо́щныя ру́це прие́млющая; ра́дуйся, ижди́вшим от неду́га у́м исцеле́ние подаю́щая.

Ра́дуйся, безнаде́жных Наде́ждо; ра́дуйся, умо́в на́ших Просвеще́ние.

Ра́дуйся, позна́ния и́стины чи́стое зерца́ло; ра́дуйся, я́ко от восто́ка и до за́пада и́мя Твое́ ублажа́ется.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 5

Боготе́чней звезде́ подо́бна яви́ся ико́на Твоя́, Богома́ти: страну́ бо на́шу Росси́йскую и гра́ды ея́ освяща́ет, су́щих во тьме́ неве́жества све́том богове́дения озаря́ет, ра́зум на́ш, грехми́ помраче́нный, просвеща́ет, заблужда́ющихся же на пу́ть де́лания за́поведей Сы́на Твоего́ и Бо́га наставля́ет, Ему́же благода́рственне вопие́м: Аллилу́иа.

И́кос 5.

Ви́девше Боже́ственное сокро́вище — ди́вную ико́ну Богома́тере, к не́йже усе́рдно притека́юще, в неду́зех исцеле́ние, в ско́рбех утеше́ние, в беда́х избавле́ние прие́млем и ра́достно пое́м Засту́пнице на́шей:

Ра́дуйся, явле́нием ико́ны Твоея́ ве́рных осия́вшая; ра́дуйся, я́ко Тобо́ю во тьме́ возсия́ Со́лнце Пра́вды, Христо́с Бо́г на́ш.

Ра́дуйся, Ма́ти Све́та у́мнаго, благода́тию всю́ вселе́нную озари́вшаго; ра́дуйся, заря́ми благода́ти на́с просвеща́ющая.

Ра́дуйся, све́том Твои́м мра́к неве́дения на́шего разгоня́ющая; ра́дуйся, Де́во, я́ко Тобо́ю све́т богове́дения все́м возсия́.

Ра́дуйся, свеще́ неугаси́мая, све́т ве́ры воспламеня́ющая; ра́дуйся, доброде́тели пу́ть освеща́ющая.

Ра́дуйся, святы́ни исто́чниче; ра́дуйся, от бе́д и напа́стей кре́пкая на́ша Храни́тельнице.

Ра́дуйся, любве́ Боже́ственныя свети́льниче неугаси́мый; ра́дуйся, сия́нием чуде́с Твои́х ве́сну спасе́ния на́м возвеща́ющая.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 6.

Пропове́дует ми́р ве́сь ми́лости Твоя́, Ма́ти Го́спода на́шего, во мно́зех бо граде́х и ве́сех земли́ Ру́сския ико́на Твоя́ «Прибавле́ние ума́» луча́ми чуде́с сия́ет, просвеща́ющи ду́ши на́ша све́том Бо́жия благода́ти и подвиза́ющи пе́ти просла́вльшему Тя́ Бо́гу: Аллилу́иа.

И́кос 6.

Возсия́л еси́ в честне́й ико́не Твое́й, Богоро́дице, све́т спасе́ния все́м, блужда́ющим во тьме́ грехо́в и страсте́й, и все́м моля́щимся пред не́ю с ве́рою и благогове́нием ско́рая по́мощь подае́тся. Умо́в на́ших омраче́ние све́том Твои́м отжени́, Всепе́тая, и да́руй И́стинный Све́т узре́ти все́м, с любо́вию вопию́щим Ти́ си́це:

Ра́дуйся, Звездо́ незаходи́мая, Со́лнце Пра́вды в ми́р вводя́щая; ра́дуйся, Ма́ти Све́та И́стиннаго, ду́ши ве́рных просвеща́ющаго.

Ра́дуйся, благода́тнаго уче́ния Наста́внице; ра́дуйся, я́ко све́тлым покро́вом у́м на́ш омраче́нный осеня́еши.

Ра́дуйся, заре́ невече́рняя, мглу́ на́ших грехо́в разгоня́ющая; ра́дуйся, тьмы́ и ве́чных му́к на́с избавля́ющая.

Ра́дуйся, от сете́й вра́жиих свобожда́ющая; ра́дуйся, безу́мие ми́ра побежда́ющая.

Ра́дуйся, душевре́дных уче́ний низложе́ние; ра́дуйся, душеполе́зных зна́ний дарова́ние.

Ра́дуйся, ико́ною Твое́ю на́с утеша́ющая; ра́дуйся, све́том ра́дости ду́ши ободря́ющая.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 7.

Хотя́й все́м челове́ком спасти́ся и в ра́зум и́стины приити́, премилосе́рдый Госпо́дь и Созда́тель на́ш о́браз Пречи́стыя Ма́тере Своея́ «Прибавле́ние ума́» дарова́л е́сть на́м, да вси́ с ве́рою моля́щиися пред ни́м, кре́пость сло́ва, и ра́зум, и му́дрость ума́ прии́мше, в тишине́ по́мыслов Царю́ и Бо́гу на́шему пою́т: Аллилу́иа.

И́кос 7.

Но́вая и пресла́вная чудеса́ явля́еши, Ма́ти Бо́жия, ве́рным лю́дем свято́ю ико́ною Твое́ю: си́лою благода́ти Христо́вы помраче́нныя умо́м просвеща́еши, от безу́мия отвраща́еши, разсла́бленныя укрепля́еши и все́м притека́ющим к целе́бному Твоему́ о́бразу ско́рую по́мощь подае́ши, подвиза́ющи пе́ти Тебе́ такова́я:

Ра́дуйся, из глубины́ неве́дения извлача́ющая; ра́дуйся, мно́ги в ра́зуме просвеща́ющая.

Ра́дуйся, сло́во прему́дрости прося́щим да́рующая; ра́дуйся, несмы́сленных разу́мны содева́ющая.

Ра́дуйся, грехо́вныя по́мыслы отгоня́ющая; ра́дуйся, сердца́ ожесточе́нная умягча́ющая.

Ра́дуйся, у́м к Бо́гу возвыша́ющая; ра́дуйся, нему́дрыя умудря́ющая.

Ра́дуйся, ко благоче́стию на́ша Наста́внице; ра́дуйся, одева́ющая на́с ве́чною ра́достию.

Ра́дуйся, к Сы́ну Твоему́ и Бо́гу моли́твы ве́рных принося́щая; ра́дуйся, и Сама́ непреста́нно у Престо́ла Вседержи́теля о все́х моля́щаяся.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 8.

Стра́нно е́сть ви́дети ико́ну Твою́, Пречи́стая Богоро́дице Де́во, на досце́ напи́санную, духо́в тьмы́ прогоня́ющую си́лою Твое́ю Боже́ственною и ра́зум подаю́щую не́мощию ума́ одержи́мым и все́м неудо́бь уча́щимся; и на́с, во гресе́х погиба́ющих, мо́лим со слеза́ми, изба́ви от вра́г ви́димых и неви́димых, от тьмы́ неразу́мия, да всегда́ пое́м Спаси́телю и Бо́гу на́шему: Аллилу́иа.

И́кос 8.

Вся́ земля́ Ру́сская преиспо́лнена, я́ко звезда́ми богосве́тлыми, чудотво́рными ико́нами Твои́ми, Богоро́дице Де́во, в не́йже и сия́ ико́на Твоя́, «Прибавле́ние ума́», благода́тию сия́ет и согрева́ет оледене́лая сердца́ на́ша зна́меньми ми́лости Твоея́ к на́м гре́шным. Сего́ ра́ди пред ли́ком Твои́м святы́м прекло́ньше коле́на, воспева́ем Тя́, Всепречи́стая Ма́ти на́ша, та́ко:

Ра́дуйся, ско́рби на́ша в ра́дость претворя́ющая; ра́дуйся, от разжже́нных стре́л лука́ваго на́с защища́ющая.

Ра́дуйся, младе́нцев воспита́ние и благода́тное хране́ние; ра́дуйся, ю́ности Охрани́тельнице и Наста́внице прему́драя.

Ра́дуйся, де́тем неудо́бь уча́щимся ра́зум подаю́щая; ра́дуйся, вра́жия се́ти разруша́ющая.

Ра́дуйся, ве́рных ра́зум просвеща́ющая; ра́дуйся, неве́рныя посрамля́ющая.

Ра́дуйся, помраче́нием ума́ одержи́мых исцеля́ющая; ра́дуйся, я́ко благода́тию от ико́ны Твоея́ де́мони прогоня́ются.

Ра́дуйся, Ма́ти милосе́рдия и щедро́т; ра́дуйся, Наде́ждо ве́чнаго на́шего спасе́ния.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 9.

Вся́кое естество́ а́нгельское благогове́йно Тебе́ слу́жит, Небеси́ и земли́ Цари́це, челове́ческий же ро́д хвалы́ Тебе́ прино́сит и Твою́ святу́ю ико́ну почита́ет, сию́ бо во отра́ду и утеше́ние дарова́ла еси́ на́м. Научи́ на́с, о Всеблага́я, досто́йно сла́вити Тя́ и воспева́ти ро́ждшемуся от Тебе́ Спаси́телю ми́ра: Аллилу́иа.

И́кос 9.

Вити́и челове́честии недоумева́ют позна́ти та́йну служе́ния Твоего́ ро́ду христиа́нскому, Богоро́дице, ниже́ мо́гут изъясни́ти си́лу чудотво́рную, от ико́н Твои́х происходя́щую на вся́ку по́льзу душе́вную и теле́сную челове́ком. Мы́ же, правосла́внии, со слеза́ми ра́дости пред ико́ною Твое́ю свято́ю предстоя́ще, прославля́ем Тя́, Благода́тная, и глаго́лем:

Ра́дуйся, А́нгелов ра́дование; ра́дуйся, от Арха́нгел покланя́емая.

Ра́дуйся, Ю́же на возду́се срета́ют Херуви́ми; ра́дуйся, Е́йже похва́льная прино́сят Серафи́ми.

Ра́дуйся, све́тлое Це́ркве Небе́сныя и земны́я украше́ние; ра́дуйся, все́х Небе́сных Си́л вы́шшая.

Ра́дуйся, от во́инств Небе́сных почита́емая; ра́дуйся, все́х земноро́дных сла́во.

Ра́дуйся, о́бразом Твои́м умы́ на́ша к Го́рнему возводя́щая; ра́дуйся, Путеводи́тельнице на́ша к Небе́сному Оте́честву.

Ра́дуйся, сия́нием души́ Твоея́ всю́ зе́млю просвеща́ющая; ра́дуйся, все́х на́с при Кресте́ Сы́на Твоего́ усынови́вшая.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 10.

Спасти́ хотя́ ми́р от безу́мия и пре́лести вра́жия, Человеколю́бец Госпо́дь чу́дную ико́ну Твою́, Богома́ти, дарова́, пред не́юже помраче́ннии умо́м исцеля́ются, бесну́ющиися от де́монов свобожда́ются, скорбя́щии утеше́ние и ра́дость обрета́ют. Те́мже прославля́юще Бо́га, подаю́щаго на́м таковы́я ми́лости, вопие́м Ему́ благода́рне: Аллилу́иа.

И́кос 10.

Стена́ необори́мая и Покро́в бу́ди на́м, Всенепоро́чная, сопроти́в ополче́ний ви́димых и неви́димых вра́г, огражда́ющи на́с от вся́ких бе́д и боле́зней. Сего́ ра́ди припа́дающе к ико́не Твое́й «Прибавле́ние ума́», с ве́рою в по́мощь благода́тную и врачевство́ все́м неду́гом душе́вным и теле́сным, ра́достно вопие́м Ти́ си́це:

Ра́дуйся, от путе́й поги́бельных на́с удаля́ющая; ра́дуйся, на вся́ку и́стину ве́рных наставля́ющая.

Ра́дуйся, ду́ха боле́зни и уны́ния отгна́ние; ра́дуйся, ду́ха ра́зума и кре́пости стяжа́ние.

Ра́дуйся, враго́в си́лою Бо́жиею посрамля́ющая; ра́дуйся, сове́ты нечести́вых разоря́ющая.

Ра́дуйся, бесну́ющимся здра́вие подаю́щая; ра́дуйся, вся́ лю́тыя неду́ги врачу́ющая.

Ра́дуйся, от сме́рти духо́вныя на́с избавля́ющая; ра́дуйся, слеза́ми Твои́ми грехи́ на́ша омыва́ющая.

Ра́дуйся, ра́достию духо́вною на́с ди́вно насыща́ющая; ра́дуйся, и в бу́дущем ве́це ве́чныя ра́дости на́с сподобля́ющая.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 11.

Пе́ние благода́рственное прино́сим пред пречи́стым о́бразом Твои́м, Пренепоро́чная, за неизрече́нное Твое́ милосе́рдие и мо́лимся, о Богоблагода́тная: огради́ у́м на́ш и се́рдце от тлетво́рных уче́ний, неве́рия и суеве́рия, сохрани́ страну́ на́шу Росси́йскую от вся́ких нестрое́ний, врага́ми ве́ры во Оте́честве на́шем воздвиза́емых, и сподо́би на́с чи́стым се́рдцем сла́вити Созда́теля на́шего, пою́ще пе́снь: Аллилу́иа.

И́кос 11.

Я́ко светоприе́мную свещу́ зри́м ико́ну Твою́, Богома́ти, сия́нием чуде́с зе́млю на́шу просвеща́ющую, на пу́ть спасе́ния на́с наставля́ющую и сердца́ на́ша любо́вию воспламеня́ющую к Тебе́, Пречи́стей Ма́тери Го́спода. Мы́ же, ве́дуще си́лу благода́ти Твоея́, пе́сньми ра́достными прославля́ем Тя́ си́це:

Ра́дуйся, прему́дрости Соломо́новы превы́шшая; ра́дуйся, сокрове́нныя та́йны Бо́жия ве́рным открыва́ющая.

Ра́дуйся, любому́дрыя нему́дрыя явля́ющая; ра́дуйся, Мо́лние, ду́ши просвеща́ющая.

Ра́дуйся, су́етную му́дрость ве́ка сего́ посрамля́ющая; ра́дуйся, ослепле́нных е́ю на пу́ть пра́вый наставля́ющая.

Ра́дуйся, и́скренне моля́щимся у́м обновля́ющая; ра́дуйся, в ча́с недоуме́ния мы́сль бла́гу на се́рдце полага́ющая.

Ра́дуйся, Прему́дрости и бла́гости Бо́жия открове́ние; ра́дуйся, Го́рняго ми́ра Красото́.

Ра́дуйся, яви́вшая на́м ди́вную ико́ну Твою́, я́ко да́р Небе́сный; ра́дуйся, исто́чниче ра́дости непреста́нныя.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 12.

Благода́ть Боже́ственную испроси́ у Сы́на Твоего́ и Бо́га, о Всеблага́я, пода́й на́м ру́ку по́мощи, да не поги́бнем без покая́ния; согре́й на́с любо́вию Твое́ю, очи́сти умы́ на́ша от грехо́вных по́мыслов, просвети́ серде́чныя о́чи на́ша к зре́нию спасе́ния и сподо́би на́с в жи́зни се́й и в Ца́рстве Небе́снем воспева́ти Творцу́ и Созда́телю на́шему: Аллилу́иа.

И́кос 12.

Пою́ще чудеса́, от ико́ны Твоея́ явле́нная, Влады́чице, хва́лим, сла́вим и велича́ем Тя́, честне́йшую вои́стину Херуви́м и сла́внейшую без сравне́ния Серафи́м. При́зри с Небесе́, Богоро́дице, на предстоя́щия пред свято́ю ико́ною Твое́ю и благода́ть Твою́ низпосли́ на́м, изба́ви от вся́ких бе́д и искуше́ний вра́жиих все́х воспева́ющих Тя́, я́ко Засту́пницу и Храни́тельницу на́шу:

Ра́дуйся, моли́твами Твои́ми ве́сь ми́р спаса́ющая; ра́дуйся, ны́нешняго ско́рбнаго ве́ка утеше́ние.

Ра́дуйся, Ма́ти Све́та, све́том чистоты́ Твоея́ все́х просвеща́ющая; ра́дуйся, во́ли Госпо́дни та́йны на́м открыва́ющая.

Ра́дуйся, страну́ Росси́йскую в достоя́ние Себе́ избра́вшая; ра́дуйся, явле́нием чудотво́рных ико́н Твои́х зе́млю Ру́сскую благослови́вшая.

Ра́дуйся, чудесы́ от о́браза Твоего́ к Све́ту И́стины на́с возводя́щая; ра́дуйся, незри́мо на́с благода́тию осеня́ющая в о́бразе Твое́м.

Ра́дуйся, ра́дость благода́тную в сердца́ боголюби́вая излива́ющая; ра́дуйся, две́ри милосе́рдия Бо́жия хода́тайством Твои́м отверза́ющая.

Ра́дуйся, да́ры Ду́ха Свята́го стяжа́ти на́м помога́ющая; ра́дуйся, еди́на Чи́стая и Благослове́нная в жена́х.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 13.

О Всепе́тая Ма́ти Присносу́щнаго Све́та и О́тчия Прему́дрости, Ты́ еси́ све́т омраче́нных, прибавле́ние ума́ и ра́дость серде́ц на́ших; услы́ши и приими́ моле́ние на́с гре́шных, умудри́ на́с неразу́мных и наста́ви на пе́ние и моли́тву пред ико́ною Твое́ю, «Прибавле́ние ума́» нарече́нную. Не преста́й моли́ти о на́с, недосто́йных рабе́х Твои́х, сла́вящих Тя́ и пою́щих Сы́ну Твоему́ и Бо́гу: Аллилу́иа.

Этот конда́к чита́ется три́жды, зате́м и́кос 1-й и конда́к 1-й.

И́кос 1.

А́нгел предста́тель по́слан бы́сть во гра́д Назаре́т к чи́стей Отрокови́це Мари́и рещи́: ра́дуйся, егда́ Бо́г Сло́во воплоща́шеся во утро́бе Ея́. Арха́нгела благове́стие слы́шавши, Пречи́стая Де́ва во смире́нии се́рдца отвеща́: се́, Раба́ Госпо́дня, бу́ди Мне́ по глаго́лу твоему́. Мы́ же гре́шнии, благогове́йне чту́ще Ма́терь Христа́ Бо́га на́шего, я́ко А́нгелом научи́хомся, та́ко со умиле́нием вопие́м Благода́тней:

Ра́дуйся, Благослове́нная в жена́х; ра́дуйся, у Го́спода обре́тшая благода́ть.

Ра́дуйся, си́лою Всевы́шняго осене́нная; ра́дуйся, Ду́хом Святы́м освяще́нная.

Ра́дуйся, ве́рная Рабо́ Госпо́дня; ра́дуйся, Богоизбра́нная Отрокови́це.

Ра́дуйся, Спаси́теля ми́ра ро́ждшая; ра́дуйся, Ма́ти Све́та, все́х просвеща́ющая.

Ра́дуйся, прему́дрых превосходя́щая ра́зум; ра́дуйся, ве́рных озаря́ющая смы́слы.

Ра́дуйся, Небеси́ и земли́ Цари́це; ра́дуйся, я́ко Тя́ ублажа́ют вси́ ро́ди.

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Конда́к 1.

Избра́нней от все́х родо́в Бо́жией Ма́тери, Небеси́ и земли́ Цари́це, врачевство́ духо́вное всему́ ми́ру подаю́щей, благода́рственная пе́ния прино́сим о дарова́нии Боже́ственнаго сокро́вища, чудотво́рныя ико́ны Ея́, «Прибавле́ние ума́» нарече́нныя, е́юже огражда́еми, ра́дуемся све́тло и с любо́вию взыва́ем:

Ра́дуйся, Всеми́лостивая Влады́чице, прему́дрость и ра́зум ве́рным лю́дем Твои́м да́рующая.

Моли́тва.

Богоро́дице Пречи́стая, До́ме, Его́же созда́ Прему́дрость Бо́жия, даро́в духо́вных Пода́тельнице, от ми́ра к преми́рным у́м на́ш возводя́щая и все́х к позна́нию ра́зума приводя́щая! Приими́ моле́бное пе́ние от на́с, недосто́йных ра́б Твои́х, с ве́рою и умиле́нием покланя́ющихся пред пречи́стым о́бразом Твои́м. Умоли́ Сы́на Твоего́ и Бо́га на́шего, да да́рует власте́м на́шим му́дрость и си́лу, судия́м пра́вду и нелицеприя́тие, па́стырем му́дрость духо́вную, ре́вность и бде́ние о душа́х, наста́вником смиренному́дрие, ча́дом послуша́ние, все́м же на́м ду́х ра́зума и благоче́стия, ду́х смире́ния и кро́тости, ду́х чистоты́ и пра́вды. И ны́не, Всепе́тая на́ша Ма́ти, пода́й на́м ума́ прибавле́ние, умири́, соедини́ во вражде́ и разделе́нии су́щия и положи́ и́м соу́з любве́ неразреши́мыя, все́х заблу́ждших от неразу́мия к све́ту и́стины Христо́вы обрати́, стра́ху Бо́жию, воздержа́нию и трудолю́бию наста́ви, сло́во прему́дрости и душеполе́зное зна́ние прося́щим да́руй, осени́ на́с ве́чною ра́достию, Херуви́мов честне́йши и Серафи́мов сла́внейши су́щая. Мы́ же, ди́вная дела́ и многоразу́мную прему́дрость Бо́жию в ми́ре и жи́зни на́шей ви́дяще, устрани́мся земны́я суеты́ и изли́шних жите́йских попече́ний, и у́м, се́рдце на́ше на Небеса́ возведе́м, я́ко да Твои́м заступле́нием и по́мощию сла́ву, хвалу́, благодаре́ние и поклоне́ние за вся́ в Тро́ице сла́вимому Бо́гу и все́х Созда́телю возсыла́ем, ны́не и при́сно и во ве́ки веко́в. Ами́нь.

Акафист Пресвятой Богородице пред Ее иконой «Прибавление ума»

Акафист. История возникновения и почитания иконы Богородицы. Древние и чудотворные иконы и современные образы…

Память иконы Пресвятой Богородицы «Прибавление ума»: 15 / 28 августа

Икона Божией Матери «Прибавление ума». Историческая справка

История ее написания необычная. Однажды, было это в XVI — XVII веке, один монах, иконописец, стараясь разобраться в вере, стал читать книги, изданные до патриарха Никона, до книжной справы. Известно, что справа привела в России к расколу церкви. Потом инок стал сличать эти книги с книгами, изданными Никоном уже с исправлениями. Он много думал, по каким же книгам ему молиться, чтобы не совершить грех. И так он старался разобраться в них, что рассудок его помутился.

Тогда, в моменты просветления, он стал молиться Богородице, чтобы Она помогла ему опять обрести рассудок. Однажды во время молитвы Пресвятая явилась ему и сказала: «Напиши икону в том образе, в каком видишь Меня, и молись перед ней». Иконописец увидел чудную икону, но она появлялась только на небольшой промежуток времени. Он начал делать с нее список. Но она быстро исчезала, и монах снова молился и впадал в безумие. Так продолжалось долго, до тех пор, пока икона не была закончена. Когда иконописец завершил работу, он полностью исцелился. Икона стала чудотворной, к ней стекалось множество душевнобольных и по своей вере они получали исцеление. Сегодня она хранится в Спасо-Преображенском Соборе г. Тутаево Ярославской области. Ее каждый год к первому сентября вывозят в Ярославль на поклонение.

Иконография иконы очень необычная. Богородица спелената с младенцем Спасителем одним долматиком. Так называлась во II веке туника мужчин и женщин в Долмации. Потом ее стали носить коронованные особы, и она же стала архиерейским облачением (саккосом) и облачением диаконов (стихарь). Долматик до XI века был белым, но потом стали практиковаться цветные священнические облачения, которые теперь и красные, и зеленые, и фиолетовые, и золотые, но белый по-прежнему чаще других используется в праздники, особенно господские.

На Пресвятой Деве Марии и Спасителе царские венцы. Господь в левой руке держит царскую державу, правой — благословляет молящихся. Короны и необычность иконографии иконы указывают на ее западное происхождение.

Русский исследователь и этнограф Андрей Титов в начале XX века выявил связь этой иконы со статуей Мадонны Лорето, той, что установлена в алтаре восточной части «Святого Домика». Только теперь в московской традиции она получила иное название – не «Ключ Разумения», а «Прибавление ума».

Отличие заключается и в том, что статуя в Лорето сделана из кедрового дерева, короны на Мадонне Лорето и Иисусе Христе позолочены, долматик богато украшен бриллиантами и жемчужными нитями.

Сказание приписывает авторство статуи апостолу Луке, но исследования показали, что статуя была создана много веков спустя после смерти апостола – в XII-XIII веке. От времени она потемнела. В начале XX века старинная статуя сгорела во время пожара в Святом Домике. На следующий год сделали ее копию тоже из ливанского кедра. Автор копии решил приблизить статую к старинному образу и очень сильно затемнил ее. Теперь она выглядит почти черной. Паломники, прибывающие на поклонение в Италию, могут получить картонную иконку с названием «Богоматерь Лоретская. Русская икона XVIII века».

Но вернемся к иконе «Прибавление ума». Она очень необычна для православной иконографии и имеет сложную символику. Как уже говорилось, Богородица и Спаситель изображены в едином колоколообразном облачении, которое украшено многочисленными крестами и цветами, что символизирует, с одной стороны, скорбь, а с другой прославление.

Единый образ Богородицы и Богомладенца изображен у входа в рай, в проеме — множество звезд. Но портал над образом отражает архитектурную деталь «Святого Домика». Ангелы по обе стороны иконы, стоя на облаках, держат светильники, как бы встречая их у врат. Это символизирует вечный свет истины. Сверху и снизу единого образа – красные серафимы и херувимы.

На портале по левую и правую стороны висят зажженные светильники, которые наводят на мысль о притче из Евангелия о мудрых девах, отправившихся встречать Жениха и взявших с собой масло, и девах юродивых, несмысленных, у которых в момент прихода Жениха, масла не оказалось. Масло – это символ ума и Духа Святого. У подножия изображен Небесный град — Горний Иерусалим.

Таким образом, символика иконы показывает, что жертва Сына Божьего во искупление грехов открывает всем верующим дорогу в Царство Небесное. В нижней части старинных списков иконы иногда бывает текст:

«Изображение Пресвятые Богородицы прибавлением к житию судити живых и мертвых от смертного оубийства защищает, от тлетворных ветров, от озноба, от трясавицы, от находа зверей ядовитых, от врагов и мшиц, и комаров».

Икона в такой иконографии была написана псковскими и новгородскими мастерами после большого пожара в Москве 1574 г. по приглашению Иоанна IV Грозного. Имея очень необычное сказание, она не относится и ни к одному из известных типов православных Богородичных икон: ни к Умилению, ни к Одигитрии, ни к Знамению, ни к Агиосоритиссе, ни к Панахранте. Да и к типу акафистных ее тоже не причислишь.

Это, пожалуй, если и не единственный, то очень редкий и любопытный случай, когда в основе православной иконы лежит католическая статуя – статуя Мадонны Лорето. Все это делает икону привлекательной, необычной и день ее празднования – 28 августа практически совпадает с днем знаний.

Наверное еще и поэтому она кладется на аналой в дни молебна перед началом учебного года. Тогда в храмах подаются многочисленные записочки с именами чад, которым предстоит большой и трудный путь в царство знаний.

Православный церковный календарь

Кондак 1

Избранней от всех родов Божией Матери, Небеси и земли Царице, врачевство духовное всему миру подающей, благодарственная пения приносим о даровании Божественнаго сокровища, чудотворныя иконы Ея, «Прибавление ума» нареченныя, еюже ограждаеми, радуемся светло и с любовию взываем:

Радуйся, Всемилостивая Владычице, премудрость и разум верным людем Твоим дарующая.

Икос 1

Ангел предстатель послан бысть во град Назарет к чистей Отроковице Марии рещи: Радуйся, егда Бог Слово воплощашеся во утробе Ея. Архангела благовестие слышавши, Пречистая Дева во смирении сердца отвеща: се, Раба Господня, буди Мне по глаголу твоему. Мы же грешнии, благоговейне чтуще Матерь Христа Бога нашего, яко Ангелом научихомся, тако со умилением вопием Благодатней:

Радуйся, Благословенная в женах.

Радуйся, у Господа обретшая благодать.

Радуйся, силою Всевышняго осененная.

Радуйся, Духом Святым освященная.

Радуйся, верная Рабо Господня.

Радуйся, Богоизбранная Отроковице.

Радуйся, Спасителя мира рождшая.

Радуйся, Мати Света, всех просвещающая.

Радуйся, премудрых превосходящая разум.

Радуйся, верных озаряющая смыслы.

Радуйся, Небеси и земли Царице.

Радуйся, яко Тя ублажают вси роди.

Радуйся, Всемилостивая Владычице, премудрость и разум верным людем Твоим дарующая.

Кондак 2

Видящи, Всенепорочная, желание людей новопросвещенных, благослови евангельских тайн благовестника апостола Луку написати пречистаго лика Твоего изображение, и на него зрящи, глаголала еси со властию: С сим образом благодать Моя и сила да будет. Темже благоговейне покланяющеся пред святыми иконами Твоими, имиже весь мир христианский украсила еси, благодарственно вопием о Тебе Богу: Аллилуиа.

Икос 2

Разум небесный открывающе, Пречистая Дево, благоизволила еси познати всем верным, яко в мире есть воля Божия, благая, угодная и совершенная, и всяк ум превосходящая. Призри на нас, Всепетая Богородице, озари светом истины, утеши нас, яко Мати, настави нас на путь правды, да возопиим моляще Тебе тако:

Радуйся, Божию Силу и Божию Премудрость, Христа породившая.

Радуйся, Бога с Человеком соединившая.

Радуйся, светом разума души наша просвещающая.

Радуйся, неизреченныя славы Божия вместилище.

Радуйся, почитания святых икон освящение.

Радуйся, духовных сокровищ Подательнице.

Радуйся, честным Твоим иконам благодать даровавшая.

Радуйся, яко на иконы Твоя взирающе, Самой Тебе покланяемся.

Радуйся, во всем мире исцеления от святых икон Твоих подающая.

Радуйся, к Небесем умы и сердца наша возводящая.

Радуйся, всю вселенную лучами Твоея благодати озарившая.

Радуйся, с Сыном Твоим и Богом вечно царствующая.

Радуйся, Всемилостивая Владычице, премудрость и разум верным людем Твоим дарующая.

Кондак 3

Силою благодатною осеняеми, благочестивии людие во град Назарет приидоша и обретоша тамо дом Богородичен, идеже Пречистая Дева родися и благовестие Архангела прият, и пренесоша дом той в землю Италийскую, во град Лорето. Верху же дома онаго доныне есть икона Богородична, от древа сотворена, юже ангельския Небесныя Силы невидимо окружают и благолепно чествуют, радостно вопиюще Богу: Аллилуиа.

Икос 3

Имущи к роду христианскому матернее милосердие, вси концы земли ко спасению призываеши, Пречистая, темже убо народи разноязычнии от многих стран приходят в дом Твой и пред иконою Твоею исповедуют грехи своя. Того ради от востока до запада прославлена бысть икона Твоя, и избавленнии от болезней, скорбей и напастей людие приносят Ти благодарения, взывающе:

Радуйся, Доме, Егоже созда Себе Премудрость Божия.

Радуйся, граде Божий, иже от малаго града Назарета произыде.

Радуйся, дом Божий явлением Своим освятившая.

Радуйся, Отроковице, Святая Святых большая.

Радуйся, с Предвечным Богомладенцем в Назарет пришедшая.

Радуйся, таинству спасения рода человеческаго послужившая.

Радуйся, Лествице, Еюже восходим от земли на Небо.

Радуйся, всему миру предивный Покрове.

Радуйся, яко с верою покланяемся пречистаго лика Твоего изображению.

Радуйся, яко от него приемлем благодатныя дары во спасение душ наших.

Радуйся, дивная знамения иконами Твоими совершающая.

Радуйся, державная Заступнице рода христианскаго.

Радуйся, Всемилостивая Владычице, премудрость и разум верным людем Твоим дарующая.

Кондак 4

Бурею скорби велия одержим бе изограф некий, в помрачении разума от земных врачей никоеяже пользы получивый. Тогда Пречистая Мати Господа явися болящему и заповеда икону написати, яже дом Ея во граде Лорето освящает. Сия исполнив, изограф исцелися и от того дне икону новописанную «Прибавление ума» нарече, поя пред нею хвалебную песнь Богу: Аллилуиа.

Икос 4

Слышавше людие земли Русския, яко благоизволи Пресвятая Богородица дати им в радость и утешение икону Свою, «Прибавление ума» нареченную, многими списками ея украсиша храмы и домы своя, от нихже дивная знамения и чудеса обильно содеваются всем притекающим с верою и поющим Преблагословенней таковая:

Радуйся, образ Твой честный во утешение и освящение нам даровавшая.

Радуйся, болезни душевныя и телесныя иконою Твоею скоро врачующая.

Радуйся, землю Русскую покровом милости Твоея осенившая.

Радуйся, любящия и чтущия Твой образ от всяких бед избавляющая.

Радуйся, со иконами Твоими благодатными невидимо в домы наша входящая.

Радуйся, благословение и радование тем приносящая.

Радуйся, оставленных врачами на Свои всемощныя руце приемлющая.

Радуйся, иждившим от недуга ум исцеление подающая.

Радуйся, безнадежных Надеждо.

Радуйся, умов наших Просвещение.

Радуйся, познания истины чистое зерцало.

Радуйся, яко от востока и до запада имя Твое ублажается.

Радуйся, Всемилостивая Владычице, премудрость и разум верным людем Твоим дарующая.

Кондак 5

Боготечней звезде подобна явися икона Твоя, Богомати: страну бо нашу Российскую и грады ея освящает, сущих во тьме невежества светом боговедения озаряет, разум наш, грехми помраченный, просвещает, заблуждающихся же на путь делания заповедей Сына Твоего и Бога наставляет, Емуже благодарственне вопием: Аллилуиа.

Икос 5

Видевше Божественное сокровище — дивную икону Богоматере, к нейже усердно притекающе, в недузех исцеление, в скорбех утешение, в бедах избавление приемлем и радостно поем Заступнице нашей:

Радуйся, явлением иконы Твоея верных осиявшая.

Радуйся, яко Тобою во тьме возсия Солнце Правды, Христос Бог наш.

Радуйся, Мати Света умнаго, благодатию всю вселенную озарившаго.

Радуйся, зарями благодати нас просвещающая.

Радуйся, светом Твоим мрак неведения нашего разгоняющая.

Радуйся, Дево, яко Тобою свет боговедения всем возсия.

Радуйся, свеще неугасимая, свет веры воспламеняющая.

Радуйся, добродетели путь освещающая.

Радуйся, святыни источниче.

Радуйся, от бед и напастей крепкая наша Хранительнице.

Радуйся, любве Божественныя светильниче неугасимый.

Радуйся, сиянием чудес Твоих весну спасения нам возвещающая.

Радуйся, Всемилостивая Владычице, премудрость и разум верным людем Твоим дарующая.

***

Кондак 6

Проповедует мир весь милости Твоя, Мати Господа нашего, во мнозех бо градех и весех земли Русския икона Твоя «Прибавление ума» лучами чудес сияет, просвещающи души наша светом Божия благодати и подвизающи пети прославльшему Тя Богу: Аллилуиа.

Икос 6

Возсиял еси в честней иконе Твоей, Богородице, свет спасения всем, блуждающим во тьме грехов и страстей, и всем молящимся пред нею с верою и благоговением скорая помощь подается. Умов наших омрачение светом Твоим отжени, Всепетая, и даруй Истинный Свет узрети всем, с любовию вопиющим Ти сице:

Радуйся, Звездо незаходимая, Солнце Правды в мир вводящая.

Радуйся, Мати Света Истиннаго, души верных просвещающаго.

Радуйся, благодатнаго учения Наставнице.

Радуйся, яко светлым покровом ум наш омраченный осеняеши.

Радуйся, заре невечерняя, мглу наших грехов разгоняющая.

Радуйся, тьмы и вечных мук нас избавляющая.

Радуйся, от сетей вражиих свобождающая.

Радуйся, безумие мира побеждающая.

Радуйся, душевредных учений низложение.

Радуйся, душеполезных знаний дарование.

Радуйся, иконою Твоею нас утешающая.

Радуйся, светом радости души ободряющая.

Радуйся, Всемилостивая Владычице, премудрость и разум верным людем Твоим дарующая.

Кондак 7

Хотяй всем человеком спастися и в разум истины приити, премилосердый Господь и Создатель наш образ Пречистыя Матере Своея «Прибавление ума» даровал есть нам, да вси с верою молящиися пред ним, крепость слова, и разум, и мудрость ума приимше, в тишине помыслов Царю и Богу нашему поют: Аллилуиа.

Икос 7

Новая и преславная чудеса являеши, Мати Божия, верным людем святою иконою Твоею: силою благодати Христовы помраченныя умом просвещаеши, от безумия отвращаеши, разслабленныя укрепляеши и всем притекающим к целебному Твоему образу скорую помощь подаеши, подвизающи пети Тебе таковая:

Радуйся, из глубины неведения извлачающая.

Радуйся, многи в разуме просвещающая.

Радуйся, слово премудрости просящим дарующая.

Радуйся, несмысленных разумны содевающая.

Радуйся, греховныя помыслы отгоняющая.

Радуйся, сердца ожесточенная умягчающая.

Радуйся, ум к Богу возвышающая.

Радуйся, немудрыя умудряющая.

Радуйся, ко благочестию наша Наставнице.

Радуйся, одевающая нас вечною радостию.

Радуйся, к Сыну Твоему и Богу молитвы верных приносящая.

Радуйся, и Сама непрестанно у Престола Вседержителя о всех молящаяся.

Радуйся, Всемилостивая Владычице, премудрость и разум верным людем Твоим дарующая.

Кондак 8

Странно есть видети икону Твою, Пречистая Богородице Дево, на досце написанную, духов тьмы прогоняющую силою Твоею Божественною и разум подающую немощию ума одержимым и всем неудобь учащимся; и нас, во гресех погибающих, молим со слезами, избави от враг видимых и невидимых, от тьмы неразумия, да всегда поем Спасителю и Богу нашему: Аллилуиа.

Икос 8

Вся земля Русская преисполнена, яко звездами богосветлыми, чудотворными иконами Твоими, Богородице Дево, в нейже и сия икона Твоя, «Прибавление ума», благодатию сияет и согревает оледенелая сердца наша знаменьми милости Твоея к нам грешным. Сего ради пред ликом Твоим святым преклоньше колена, воспеваем Тя, Всепречистая Мати наша, тако:

Радуйся, скорби наша в радость претворяющая.

Радуйся, от разжженных стрел лукаваго нас защищающая.

Радуйся, младенцев воспитание и благодатное хранение.

Радуйся, юности Охранительнице и Наставнице премудрая.

Радуйся, детем неудобь учащимся разум подающая.

Радуйся, вражия сети разрушающая.

Радуйся, верных разум просвещающая.

Радуйся, неверныя посрамляющая.

Радуйся, помрачением ума одержимых исцеляющая.

Радуйся, яко благодатию от иконы Твоея демони прогоняются.

Радуйся, Мати милосердия и щедрот.

Радуйся, Надеждо вечнаго нашего спасения.

Радуйся, Всемилостивая Владычице, премудрость и разум верным людем Твоим дарующая.

Кондак 9

Всякое естество ангельское благоговейно Тебе служит, Небеси и земли Царице, человеческий же род хвалы Тебе приносит и Твою святую икону почитает, сию бо во отраду и утешение даровала еси нам. Научи нас, о Всеблагая, достойно славити Тя и воспевати рождшемуся от Тебе Спасителю мира: Аллилуиа.

Икос 9

Витии человечестии недоумевают познати тайну служения Твоего роду христианскому, Богородице, ниже могут изъяснити силу чудотворную, от икон Твоих происходящую на всяку пользу душевную и телесную человеком. Мы же, православнии, со слезами радости пред иконою Твоею святою предстояще, прославляем Тя, Благодатная, и глаголем:

Радуйся, Ангелов радование.

Радуйся, от Архангел покланяемая.

Радуйся, Юже на воздусе сретают Херувими.

Радуйся, Ейже похвальная приносят Серафими.

Радуйся, светлое Церкве Небесныя и земныя украшение.

Радуйся, всех Небесных Сил вышшая.

Радуйся, от воинств Небесных почитаемая.

Радуйся, всех земнородных славо.

Радуйся, образом Твоим умы наша к Горнему возводящая.

Радуйся, Путеводительнице наша к Небесному Отечеству.

Радуйся, сиянием души Твоея всю землю просвещающая.

Радуйся, всех нас при Кресте Сына Твоего усыновившая.

Радуйся, Всемилостивая Владычице, премудрость и разум верным людем Твоим дарующая.

Кондак 10

Спасти хотя мир от безумия и прелести вражия, Человеколюбец Господь чудную икону Твою, Богомати, дарова, пред неюже помраченнии умом исцеляются, беснующиися от демонов свобождаются, скорбящии утешение и радость обретают. Темже прославляюще Бога, подающаго нам таковыя милости, вопием Ему благодарне: Аллилуиа.

Икос 10

Стена необоримая и Покров буди нам, Всенепорочная, сопротив ополчений видимых и невидимых враг, ограждающи нас от всяких бед и болезней. Сего ради припадающе к иконе Твоей «Прибавление ума», с верою в помощь благодатную и врачевство всем недугом душевным и телесным, радостно вопием Ти сице:

Радуйся, от путей погибельных нас удаляющая.

Радуйся, на всяку истину верных наставляющая.

Радуйся, духа болезни и уныния отгнание.

Радуйся, духа разума и крепости стяжание.

Радуйся, врагов силою Божиею посрамляющая.

Радуйся, советы нечестивых разоряющая.

Радуйся, беснующимся здравие подающая.

Радуйся, вся лютыя недуги врачующая.

Радуйся, от смерти духовныя нас избавляющая.

Радуйся, слезами Твоими грехи наша омывающая.

Радуйся, радостию духовною нас дивно насыщающая.

Радуйся, и в будущем веце вечныя радости нас сподобляющая.

Радуйся, Всемилостивая Владычице, премудрость и разум верным людем Твоим дарующая.

Кондак 11

Пение благодарственное приносим пред пречистым образом Твоим, Пренепорочная, за неизреченное Твое милосердие и молимся, о Богоблагодатная: огради ум наш и сердце от тлетворных учений, неверия и суеверия, сохрани страну нашу Российскую от всяких нестроений, врагами веры во Отечестве нашем воздвизаемых, и сподоби нас чистым сердцем славити Создателя нашего, поюще песнь: Аллилуиа.

Икос 11

Яко светоприемную свещу зрим икону Твою, Богомати, сиянием чудес землю нашу просвещающую, на путь спасения нас наставляющую и сердца наша любовию воспламеняющую к Тебе, Пречистей Матери Господа. Мы же, ведуще силу благодати Твоея, песньми радостными прославляем Тя сице:

Радуйся, премудрости Соломоновы превышшая.

Радуйся, сокровенныя тайны Божия верным открывающая.

Радуйся, любомудрыя немудрыя являющая.

Радуйся, Молние, души просвещающая.

Радуйся, суетную мудрость века сего посрамляющая.

Радуйся, ослепленных ею на путь правый наставляющая.

Радуйся, искренне молящимся ум обновляющая.

Радуйся, в час недоумения мысль благу на сердце полагающая.

Радуйся, Премудрости и благости Божия откровение.

Радуйся, Горняго мира Красото.

Радуйся, явившая нам дивную икону Твою, яко дар Небесный.

Радуйся, источниче радости непрестанныя.

Радуйся, Всемилостивая Владычице, премудрость и разум верным людем Твоим дарующая.

Кондак 12

Благодать Божественную испроси у Сына Твоего и Бога, о Всеблагая, подай нам руку помощи, да не погибнем без покаяния. согрей нас любовию Твоею, очисти умы наша от греховных помыслов, просвети сердечныя очи наша к зрению спасения и сподоби нас в жизни сей и в Царстве Небеснем воспевати Творцу и Создателю нашему: Аллилуиа.

Икос 12

Поюще чудеса, от иконы Твоея явленная, Владычице, хвалим, славим и величаем Тя, честнейшую воистину Херувим и славнейшую без сравнения Серафим. Призри с Небесе, Богородице, на предстоящия пред святою иконою Твоею и благодать Твою низпосли нам, избави от всяких бед и искушений вражиих всех воспевающих Тя, яко Заступницу и Хранительницу нашу:

Радуйся, молитвами Твоими весь мир спасающая.

Радуйся, нынешняго скорбнаго века утешение.

Радуйся, Мати Света, светом чистоты Твоея всех просвещающая.

Радуйся, воли Господни тайны нам открывающая.

Радуйся, страну Российскую в достояние Себе избравшая.

Радуйся, явлением чудотворных икон Твоих землю Русскую благословившая.

Радуйся, чудесы от образа Твоего к Свету Истины нас возводящая.

Радуйся, незримо нас благодатию осеняющая в образе Твоем.

Радуйся, радость благодатную в сердца боголюбивая изливающая.

Радуйся, двери милосердия Божия ходатайством Твоим отверзающая.

Радуйся, дары Духа Святаго стяжати нам помогающая.

Радуйся, едина Чистая и Благословенная в женах.

Радуйся, Всемилостивая Владычице, премудрость и разум верным людем Твоим дарующая.

Кондак 13

О Всепетая Мати Присносущнаго Света и Отчия Премудрости, Ты еси свет омраченных, прибавление ума и радость сердец наших; услыши и приими моление нас грешных, умудри нас неразумных и настави на пение и молитву пред иконою Твоею, «Прибавление ума» нареченную. Не престай молити о нас, недостойных рабех Твоих, славящих Тя и поющих Сыну Твоему и Богу: Аллилуиа.

Этот кондак читается трижды, затем 1-й икос «Ангел предстатель…» и 1-й кондак «Избранней от всех родов …».

Икона Божией Матери «Прибавление Ума», 1738 год. Иконописец игумен Савватий

Молитва Пресвятой Богородице пред Ее иконой «Прибавление ума»

Богородице Пречистая, Доме, Егоже созда Премудрость Божия, даров духовных Подательнице, от мира к премирным ум наш возводящая и всех к познанию разума приводящая! Приими молебное пение от нас, недостойных раб Твоих, с верою и умилением покланяющихся пред пречистым образом Твоим. Умоли Сына Твоего и Бога нашего, да дарует властем нашим мудрость и силу, судиям правду и нелицеприятие, пастырем мудрость духовную, ревность и бдение о душах, наставником смиренномудрие, чадом послушание, всем же нам дух разума и благочестия, дух смирения и кротости, дух чистоты и правды. И ныне, Всепетая наша Мати, подай нам ума прибавление, умири, соедини во вражде и разделении сущия и положи им соуз любве неразрешимый, всех заблуждших от неразумия к свету истины Христовы обрати, страху Божию, воздержанию и трудолюбию настави, слово премудрости и душеполезное знание просящим даруй, осени нас вечною радостию, Херувимов честнейши и Серафимов славнейши сущая. Мы же, дивная дела и многоразумную премудрость Божию в мире и жизни нашей видяще, устранимся земныя суеты и излишних житейских попечений, и ум, сердце наше на Небеса возведем, яко да Твоим заступлением и помощию славу, хвалу, благодарение и поклонение за вся в Троице славимому Богу и всех Создателю возсылаем, ныне и присно и во веки веков. Аминь.

Тропарь Пресвятой Богородице пред Ее иконой «Прибавление ума», глас 4

О Преславная Мати Христа Бога нашего, благих Подателя, милостию Своею всю вселенную сохрани, даруй нам, рабом Твоим, премудрость и разум, светом Сына Твоего души наша просвети, едина Всепетая, от Херувим и Серафим славимая.

Кондак Пресвятой Богородице пред Ее иконой «Прибавление ума», глас 2

Яко умом Христовым нас просвещающую, хвалим Тя, Пречистая Мати Господа, всю вселенную держащаго, Красоты мира видимаго и невидимаго, лучами Жизни нас озаряющая.

Величание Пресвятой Богородице пред Ее иконой «Прибавление ума»

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.

Читайте другие молитвы к Пресвятой Богородице:

• Молитвы о благополучии и счастье семьи — подборка известных православных молитв о семье
• Молитва к Богородице о семье
• Молитва ко Пресвятой Богородице о счастливом браке
• Молитвы к Божией Матери о детях
• Молитва Пресвятой Богородице перед иконой Божией Матери «Взыскание погибших» или «Избавление от бед страждущих»
• Молитва ко Пресвятой Богородице пред иконой Ее «Подательница ума» или «Прибавление ума»
• Канон молебный ко Пресвятой Богородице
• Молитвы ко Пресвятой Богородице от человека, собирающегося в путь
• Молитва Пресвятой Богородице за болящего
• Молитва Пресвятой Богородице перед иконой Божией Матери «Всех скорбящих радость» в болезни
• Молитва Пресвятой Богородице пред иконой «Неупиваемая Чаша»
• Молитва заключенного к Божией Матери
• Молитва ко Пресвятой Богородице об усопших
• Смотрите также иные молитвы в нашем разделе «Православный молитвослов» — молитвы разные на все случаи жизни, молитвы святым, молитвы путешествующих, псалмы, Молитвы воинов, молитвы за болящих, молитвы на разные случаи семейной жизни: благословление на вступление в брак, молитвы о покровительстве Бога вступающим в брак, молитвы о счастливом браке, молитвы беременных женщин о благополучном разрешении и о рождении здоровых детей, молитвы родителей о детях молитвы при бесплодии, молитвы о учащихся детях и многие другие.
• Чтение псалмов на всякую потребу — какие псалмы читать в различных обстоятельствах, искушениях и нуждах
• Православные акафисты и каноны — Постоянно пополняемый сборник канонических православных акафистов и канонов с древними и чудотворными иконами: Господу Иисусу Христу, Богородице, святым…