День памяти: 24 апреля
Преподобная Елисавета Константинопольская

Преподобная Елисавета чудотворица была избрана на служение Богу еще до рождения. Ее матери было откровение, что отроковица будет избранным сосудом Святого Духа.

С детства родители отдали девочку в монастырь. Она выросла в посте и трудах и получила дар исцелять не только телесные недуги, но и душевные.

Сестры избрали преподобную игуменией. Преподобная носила одежду из острой власяницы. Тело ее мерзло, но дух горел пламенем Божественной любви.

Воздержание святой было безмерно: многие годы она питалась лишь травами и овощами без хлеба, а вина и масла не принимала никогда. Много раз преподобная Елисавета проводила святую Четыредесятницу, ничего не вкушая. Подражая мытареву смирению, она три года не поднимала глаз на небо, но духовными очами всегда взирала к Богу. В полуночных молитвах преподобную осиявал и просвещал Небесный Свет.

Много чудес сотворила преподобная: лютого змея умертвила молитвой, исцелила кровоточивую женщину, которая болела много лет, отгоняла от людей нечистых духов. По смерти гроб преподобной Елисаветы также подавал исцеления от болезней. Даже самый прах, взятый от ее мощей, даровал слепым прозрение.

Биография:

Родилась в 1948 году в Московской области
— 1971 г. — окончила Смоленский Государственный Институт физической культуры.
— 1973 г. — получила специализацию в Ярославском медицинском институте.
— 1974-1976 — врач-методист по лечебной физкультуре и массажу, заведующая отделением Центральной районной больницы Правдинска, Калининградская область
— 1976-1985 — заведующая кабинетом реабилитации в медсанчасти №1, преподаватель курса лечебной физкультуры и массажа в Калининградском медучилище
— 1985-1990 — преподаватель кафедры физического воспитания в Калининградском Государственном Университете
— 1987 г. — защитила кандидатскую диссертацию по теме: «Реабилитация плавсостава флота рыбной промышленности в связи с факторами риска ишемической болезни сердца в межрейсовом периоде» (на базе Медсанчасти №1 г. Калининграда)
— 1990-98 гг. — паломническая деятельность по святым местам
— 1998 г. — приняла монашеский постриг с именем Елисавета в честь СЧвятой Преподобномученицы Великой Княгини Елисаветы
— 1998 г. — начало строительства Свято-Елисаветинского женского монастыря.
— 1999 г. — назначена настоятельницей Свято-Елисаветинского женского монастыря
— 2000 г. — начало творческой деятельности. Живопись. Поэзия Издание первого сборника стихов «Я прикоснусь к тебе, Христос»
— 2001 г. — награждена желтым крестом за строительство домового храма в честь святой преподобномученицы Великой Княгини Елисаветы
— 2003г. — издание сборников стихов «По недостоинству прошу»
— 2006 г. — награждена орденом Святой Равноапостольной Ольги.
— 2006г. — издание сборника стихов «Пустынька»
— 2008г. — возведена в сан игумении епархиального женского монастыря в честь Святой Преподобномученицы Великой Княгини Елисаветы
— 2008 г. — награждена орденом Святой Евфросинии Московской II степени
— 2008г. — издание «Воздохни обо мне» •
— 2008г. — издание сборника стихов и картин «Пою Богу моему донде же есмь»
— 201г. — присвоено звание Почетный гражданин Санкт-Петербурга — 2010г. — присвоено звание Почетный гражданин Славска
— 2011 г. — награждена наперсным крестом с украшениями.
— 2013 г. — открытие и освещение епископом Балтийским Серафимом, викарием Калининградской Епархии художественной галереи при Свято — Елисаветинском женском монастыре
— 2014 г. — первая персональная выставка живописи «Цветочная псалтирь» в Калининградской Художественной галере
— 2014 г. — 2-ая персональная выставка в музее города Советска.
— 2014 г. — август, участие в проекте реконструкции Гумбиненсского сражения, город Гусев
— 2014 г. — декабрь, персональная выставка в администрации города Балтийска
— 2015 г. — персональная выставка живописи «И Свет во тьме светит» в Калининградской Художественной галерее •
— 2017 г. — издание сборника коротких духовных рассказов «Дорога любви» (1 ЧАСТЬ)
— 2017г. — издание сборника коротких духовных рассказов » Благослови»(2 ЧАСТЬ)
— 2017г. — стала членом Императорского Православного Палестинского общества, награждена его орденом

Текст утвержден Священным Синодом
Русской Православной Церкви
16 апреля 2016 года (журнал № 16)

Конда́к 1

Избра́нней от преве́чнаго Бо́га чудотво́рице преди́вней/ тебе́, преподо́бная ма́ти Елисаве́то,/ похва́льное прино́сим пе́ние./ Ты же, я́ко иму́щая ве́лие дерзнове́ние ко Го́споду,/ от вся́ких нас бед и боле́зней свободи́/ и к доброде́тели наста́ви, да зове́м ти:// Ра́дуйся, преподо́бная ма́ти Елисаве́то, чудотво́рице, Бо́гом избра́нная.

И́кос 1

А́нгелов Творе́ц и всея́ тва́ри Соде́тель призва́ тя, всечестна́я, пре́жде рождества́ твоего́ (от чре́ва ма́терня) послужи́ти Ему́ в преподо́бии и пра́вде, те́мже и мно́гими да́ры небе́сными украси́ тя. Сего́ ра́ди и мы, сла́вяще равноа́нгельное житие́ твое́, со благогове́нием воспева́ем ти сицева́я:

Ра́дуйся, пречестно́е селе́ние Святы́я Тро́ицы;

ра́дуйся, А́нгелом благогове́йная собесе́днице.

Ра́дуйся, сокро́вищнице даро́в Ду́ха Свята́го;

ра́дуйся, благоуха́нная ве́тве ра́йская.

Ра́дуйся, всем се́рдцем Христа́ возлюби́вшая;

ра́дуйся, сораспя́тися Спаси́телю возжела́вшая.

Ра́дуйся, мно́гими чудесы́ Творца́ просла́вившая;

ра́дуйся, наде́ждо и по́моще всем с ве́рою тя призыва́ющим.

Ра́дуйся, преподо́бная ма́ти Елисаве́то, чудотво́рице, Бо́гом избра́нная.

Конда́к 2

Ви́дя многоми́лостивый Госпо́дь богоуго́дное житие́ роди́телей твои́х, Елисаве́то всечестна́я, по мно́зех ле́тех безча́дия посла́ святу́ю му́ченицу Свою́ Глике́рию благовести́ти им ра́дость ве́лию о гряду́щем рожде́нии твое́м. Мы же, дивя́щеся пресла́вному виде́нию сему́, Творца́ и Промысли́теля вся́ческих славосло́вим, вопию́ще Ему́: Аллилу́ия.

И́кос 2

Ра́зумом боже́ственным и благода́тию еще́ во чре́ве ма́тере твоея́ просвеще́нная, всесла́вная Елисаве́то, изде́тска яви́ла еси́ о́браз жития́ доброде́тельнаго, чте́нию же Писа́ния Свяще́ннаго и жития́ святы́х уго́дников Бо́жиих, па́че же к моли́тве усе́рдно прилежа́ла еси́. Мы же, сему́ подража́ти ревну́юще, со умиле́нием воспева́ем ти такова́я:

Ра́дуйся, ро́да честна́го отра́сле добропло́дная;

ра́дуйся, от непло́дныя ста́рицы, я́ко и Предте́ча, прозя́бшая.

Ра́дуйся, и́менем ма́тере велича́йшаго проро́ка нарече́нная;

ра́дуйся, уподо́битися пра́ведной Елисаве́те во свя́тости предызбра́нная.

Ра́дуйся, от младе́нства се́рдце твое́ Го́сподеви преда́вшая;

ра́дуйся, измла́да води́тельству Ду́ха Свята́го прилежа́вшая.

Ра́дуйся, я́ко от ю́ности ра́зум твой просвети́ся вы́сшею прему́дростию;

ра́дуйся, чистото́ю душе́вною, я́ко богосве́тлая свеща́, возсия́вшая.

Ра́дуйся, преподо́бная ма́ти Елисаве́то, чудотво́рице, Бо́гом избра́нная.

Конда́к 3

Си́ла Христо́ва осени́ тя, богому́драя Елисаве́то, и дарова́ ти кре́пость претерпе́ти искуше́ния врага́ неви́димаго, его́же стре́лы разжже́нныя сле́зными к Бо́гу моли́твами угаси́ла еси́ и ко и́ноческому по́двигу му́жественно устреми́лася еси́, жесто́кое житие́ иму́щи: боле́зньми по́стническими плоть укроща́ющи, ду́хом же укрепля́ема, Бо́гови при́сно пою́щи: Аллилу́ия.

И́кос 3

Иму́щи в се́рдце твое́м еди́наго Бо́га, всечестна́я Елисаве́то, по кончи́не роди́телей твои́х все име́ние ни́щим раздала́ еси́, и град твой Ира́клию оста́вивши, в царегра́дскую оби́тель пришла́ еси́, иде́же, красо́ты ми́ра сего́ отве́ргши, во о́браз а́нгельский облекла́ся еси́. Мы же, любо́вь твою́ ко Го́споду воспева́юще, велича́ем тя си́це:

Ра́дуйся, па́че земны́х небе́сная возлюби́вшая;

ра́дуйся, на Го́спода все упова́ние возложи́вшая.

Ра́дуйся, бога́тство и сла́ву ми́ра сего́ ни во что́же вмени́вшая;

ра́дуйся, сокро́вищу нетле́нному всем се́рдцем прилежа́вшая.

Ра́дуйся, цве́те де́вства и чистоты́;

ра́дуйся, плоть ду́хови покори́вшая.

Ра́дуйся, я́ко ра́дость послуша́ния пре́жде собла́знов ми́ра сего́ позна́ла еси́;

ра́дуйся, я́ко, и́ноческим путе́м ше́ствующи, небе́сных оби́телей дости́гла еси́.

Ра́дуйся, преподо́бная ма́ти Елисаве́то, чудотво́рице, Бо́гом избра́нная.

Конда́к 4

Бу́рю вражде́бных по́мыслов и мирски́х пристра́стий по́стнически усмири́ла еси́, ма́ти Елисаве́то пресла́вная, в зи́мнюю сту́жу горе́нием боже́ственныя любве́ согрева́ющися, те́ло слеза́ми псало́мски омыва́ющи, ду́шу богоподо́бну соде́лала еси́, непреста́нно Христа́ сла́вящи: Аллилу́ия.

И́кос 4

Слы́шавши глаго́лы ева́нгельския о мы́тари, не дерза́вшем взира́ти на не́бо, ты, о блаже́нная ма́ти, сему́ в покая́нии подража́ющи, три ле́та о́чи к высоте́ не возводи́ла еси́, до́лу главу́ прикло́ньши, серде́чныма же очи́ма небе́сною ле́потою у́мно наслажда́ющися. Те́мже многотру́дное твое́ сла́вяще житие́, воспева́ем ти та́ко:

Ра́дуйся, во еди́ном хито́не сту́жу и зно́й терпе́вшая;

ра́дуйся, безстра́стием в ри́зу нетле́нну, свы́ше истка́нную, обле́кшаяся.

Ра́дуйся, соверше́нную четыредеся́тницу пости́вшаяся;

ра́дуйся, не бра́шны, но Хле́бом Небе́сным насыща́вшаяся.

Ра́дуйся, в воздержа́нии велича́йшему из рожде́нных жена́ми подража́вшая;

ра́дуйся, го́рлице пустыннолю́бная, в Царегра́де я́ко в пусты́ни обита́вшая.

Ра́дуйся, се́мя про́поведи вели́каго Предте́чи в се́рдце твое́м насади́вшая;

ра́дуйся, в покая́нии три ле́та о́чи до́лу низводя́щи, плоды́ стори́чныя прине́сшая.

Ра́дуйся, преподо́бная ма́ти Елисаве́то, чудотво́рице, Бо́гом избра́нная.

Конда́к 5

Всесве́тлая звезда́ Ца́рскому гра́ду яви́лася еси́, Елисаве́то всехва́льная, на высоту́ соверше́нства смире́нием вознесе́нная и терпе́нием к но́вым по́двигом приугото́ванная: да́ры боже́ственными па́че обогати́лася еси́, славосло́вящи непреста́нно Вседержи́теля Бо́га: Аллилу́ия.

И́кос 5

Ви́дев тя святи́тель Генна́дий доброде́телей испо́лнену и да́ром разсужде́ния духо́внаго благоукра́шену, по кончи́не игу́мении поста́ви тя, преподо́бная Елисаве́то, прее́мницу ея́. Ты же, трудолю́бно подвиза́ющися, богому́драя наста́вница яви́лася еси́ не то́кмо сестра́м оби́тели твоея́, но и жена́м мирски́м, науча́ющи от лжи, лука́вства и злосло́вия удаля́тися, сла́бость ума́ молча́нием восполня́ти, в любви́ христиа́нстей и по́двизех моли́твы возраста́ти. Те́мже мо́лим тя, ма́ти преблага́я, бу́ди и нам во бра́ни со страстьми́ помо́щница, да зове́м ти:

Ра́дуйся, в Царегра́де наста́вницею мона́шествующих утвержде́нная;

ра́дуйся, служе́ния сего́ во всем ми́ре да́же до днесь не оставля́ющая.

Ра́дуйся, чистото́ю нра́ва о́браз воздержа́ния показу́ющая;

ра́дуйся, укрепле́ние всех в терпе́нии подвиза́ющихся.

Ра́дуйся, я́ко сете́й злоязы́чия и лука́вства избега́ти науча́еши;

ра́дуйся, я́ко неразу́мных жен нелицеприя́тно облича́еши.

Ра́дуйся, я́ко праздносло́вия и лжи бе́гати повелева́еши;

ра́дуйся, чи́стый сосу́де безмо́лвия, трезве́ния и кро́тости.

Ра́дуйся, преподо́бная ма́ти Елисаве́то, чудотво́рице, Бо́гом избра́нная.

Конда́к 6

Пропове́дница немо́лчная суде́б Бо́жиих яви́лася еси́, Елисаве́то блаже́нная, возвести́ла бо еси́ гряду́щее на град Константи́нь запале́ние о́гненное. Сострада́нием же дви́жима, вку́пе с преподо́бным Дании́лом Сто́лпником Человеколю́бца Бо́га дерзнове́нно моли́ла еси́ о лю́дех, пострада́ти иму́щих. Егда́ же моли́твами ва́шими угасе́ огнь, благода́рственно вси возопи́ша Творцу́: Аллилу́ия.

И́кос 6

Возсия́ спаси́тельная луча́ гра́ду твоему́, всехва́льная, егда́ веле́нием свы́ше гряду́щее бе́дствие благове́рному царю́ Льву прорекла́ еси́. Те́мже мо́лим тя, о ма́ти милосе́рдная, не оста́ви и нас, гре́шных и немощны́х, во дни испыта́ний на́ших, отведи́ вся́кий гнев от наде́ющихся на тя и вопию́щих ти такова́я:

Ра́дуйся, избра́ннице Бо́жия, та́йны гряду́щаго ве́давшая;

ра́дуйся, гнев на ми́лость премени́ти Го́спода Бо́га умоли́вшая.

Ра́дуйся, еди́на от пра́ведник, и́хже ра́ди отврати́ Госпо́дь от гра́да сожже́ние;

ра́дуйся, от огня́ гее́нскаго ве́рных спасе́ние.

Ра́дуйся, заступле́ние твое́ и во стране́ Ру́сстей явля́ющая;

ра́дуйся, ра́ны и ожо́ги еле́ем от ико́ны твоея́ исцеля́ющая.

Ра́дуйся, к покая́нию и премене́нию злых обы́чаев нас призыва́ющая;

ра́дуйся, от па́губы и обнища́ния мно́гих спаса́ющая.

Ра́дуйся, преподо́бная ма́ти Елисаве́то, чудотво́рице, Бо́гом избра́нная.

Конда́к 7

Хотя́ яви́ти си́лу свою́, дарова́ тебе́ Вседержи́тель Госпо́дь Креста́ ору́жие непобеди́мое, и́мже зми́я дре́вняго, во о́бразе зри́мом я́вльшагося, победи́ла еси́. К твоему́ предста́тельству прибега́юще, ма́ти досточу́дная, мо́лим тя, помози́ и нам то́ю же си́лою побежда́ти неви́димыя враги́, песнь побе́дную воспева́юще: Аллилу́ия.

И́кос 7

Но́вую обре́тше тя избра́нницу Бо́жию, лю́дие Евдомо́нския ве́си со слеза́ми и упова́нием к тебе́ притеко́ша, моля́ще изба́вити их от драко́нта лю́таго, пожира́ющаго вся́каго мимоходя́щаго. Ты же, о пресла́вная вои́тельнице Христо́ва, честны́м кресто́м вооружи́вшися и к ло́гову зве́ря прише́дши, зна́мением кре́стным того́ умертви́ла еси́, пято́ю попра́вши главу́ его́. Лю́дие же, чу́до сие́ ви́девше, в ра́дости воспе́ша ти си́це:

Ра́дуйся, во свяще́нней оби́тели великому́ченика Гео́ргия подвиза́вшаяся;

ра́дуйся, си́лу его́ победоно́сную духо́вно восприи́мшая.

Ра́дуйся, зна́мением Креста́ си́лу вра́жию победи́вшая;

ра́дуйся, побе́ду на неви́димаго врага́ сим ору́жием получи́вшая.

Ра́дуйся, главу́ зми́я пято́ю попра́вшая;

ра́дуйся, реши́мости во бра́ни духо́вней нас науча́ющая.

Ра́дуйся, одержи́мых стра́хом защи́тнице;

ра́дуйся, от напа́стей и наше́ствия враго́в изба́вительнице.

Ра́дуйся, преподо́бная ма́ти Елисаве́то, чудотво́рице, Бо́гом избра́нная.

Конда́к 8

Стра́нная и пресла́вная соверша́ющи чудеса́, о всеблаже́нная ма́ти, теле́сныя исцеля́еши неду́ги, па́че же науча́еши пре́жде о души́ пещи́ся, я́ко душа́ бо́льши есть те́ла: та́ко и неду́зи пло́ти уклоне́нием от грехо́вных на́выков во здра́вие претворя́ются. Сего́ ра́ди, богому́драя, роди́телю кровоточи́выя отрокови́цы, цено́ю всего́ име́ния жа́ждущему здра́вие дще́ри свое́й купи́ти, запове́дала еси́ пре́жде смиренному́дрие и нищелю́бие стяжа́ти, си́ми бо доброде́тельми благоугожда́ется Бог, да́руяй здра́вие и ве́лию ми́лость тружда́ющимся и с ве́рою вопию́щим Ему́: Аллилу́ия.

И́кос 8

Вся чудеса́ твоя́ зря́ще, преподо́бная, жены́ непло́дныя и кровоточи́выя нача́ша притека́ти во оби́тель твою́, и я́ко ева́нгельская жена́, кра́ю ри́зы Госпо́дни косну́вшаяся, исцели́ся, та́ко и сия́, пома́занныя тобо́ю святы́м еле́ом, а́бие исцеля́хуся, ве́лиим гла́сом воспева́юще ти такова́я:

Ра́дуйся, рождество́м свои́м непло́дство роди́телей разреши́вшая;

ра́дуйся, непло́дным пре́жде жена́м весе́лие о ча́дех да́рующая.

Ра́дуйся, любве́ ра́ди ко Христу́ де́вство избра́вшая;

ра́дуйся, жен неду́жных си́лою моли́тв твои́х исцеля́ющая.

Ра́дуйся, за́поведи ева́нгельския исполня́ти повелева́ющая;

ра́дуйся, стяжа́нием доброде́телей, я́ко водо́ю живо́ю, боле́зни врачу́ющая.

Ра́дуйся, мольбы́ роди́телей, здра́вия ча́дом прося́щих, не отрева́ющая;

ра́дуйся, всем притека́ющим к тебе́ с ве́рою ми́лость от Бо́га испра́шивающая.

Ра́дуйся, преподо́бная ма́ти Елисаве́то, чудотво́рице, Бо́гом избра́нная.

Конда́к 9

Все естество́ А́нгельское удиви́ся си́ле Бо́жией, в немощне́м сосу́де же́нскаго естества́ де́йствующей. Егда́ о́чи слепорожде́нному отве́рзла еси́, пресла́вная ма́ти Елисаве́то, тогда́ просла́ви Творца́ исцеле́нный тобо́ю слепе́ц, гла́сом Варти́меовым вопия́: Аллилу́ия.

И́кос 9

Вити́йствовати не мо́жет язы́к наш высоту́ чудотворе́ний твои́х, богодухнове́нная ма́ти! Кто пове́сть, ка́ко возсия́ свет во о́чию слепорожде́ннаго, припа́дшаго к тебе́ с ве́рою и возопи́вшаго: «Поми́луй мя, ве́рная учени́це Бо́жия!»? Ты же, сострада́нием преиспо́лнена, возде́вши ру́це в моли́тве, еле́ом пома́зала еси́ зе́ницы незря́чия, и па́ки во всю седми́цу не преста́ла еси́ умоля́ющи Исто́чника вся́каго све́та, Го́спода на́шего Иису́са Христа́, дарова́ти прозре́ние слепцу́ убо́гому, ве́дущи, я́ко близ есть Госпо́дь. Сама́ же ты, о ма́ти свята́я, виде́ние светоза́рное и боже́ственное удосто́илася еси́ лицезре́ти. Та́ко и мы, сле́пи су́ще душе́ю, прозре́ти же твои́ми моли́твами жела́юще, взыва́ем ти:

Ра́дуйся, цельбоно́сная купе́ле, очеса́ незря́чая отверза́ющая;

ра́дуйся, свет Христо́в свя́тостию жития́ явля́ющая.

Ра́дуйся, прекра́сный цве́те, чудесы́ исцеле́ний благоуха́ющий;

ра́дуйся, све́тлая звездо́, путь ко спасе́нию освеща́ющая.

Ра́дуйся, та́йны Бо́жия очи́ма се́рдца позна́вшая;

ра́дуйся, соше́ствие Ду́ха Свята́го на Святы́я Да́ры созерца́вшая.

Ра́дуйся, в черто́зех небе́сных трисо́лнечным Све́том ны́не наслажда́ющаяся;

ра́дуйся, врачевство́ оче́с от ико́ны твоея́ нам ще́дро посыла́ющая.

Ра́дуйся, преподо́бная ма́ти Елисаве́то, чудотво́рице, Бо́гом избра́нная.

Конда́к 10

О спасе́нии души́ ревну́ющи, ма́ти честна́я, пред исхо́дом от вре́меннаго жития́ сего́, места́, бли́зкая се́рдцу твоему́, посети́ла еси́: Ира́клии же дости́гши, в Халкопрати́йстей це́ркви Богоро́дицы чуде́снаго явле́ния му́ченицы Глике́рии сподо́билася еси́, я́же возвести́ ти ско́рое преселе́ние во Оте́чество Небе́сное, иде́же Херуви́ми воспева́ют непреста́нно: Аллилу́ия.

И́кос 10

Стена́ тве́рдая и заступле́ние необори́мое яви́лася еси́ всем с ве́рою к тебе́ прибега́ющим: и́бо и по отше́ствии твое́м во оби́тели ве́чныя не престае́ши чудотвори́ти и явля́ти по́мощь твою́. Досто́йно и сла́вно бы́сть сие́ преставле́ние твое́, преподо́бная ма́ти, егда́ ты, пра́здник во оби́тели великому́ченика Гео́ргия све́тло соверши́вши, с моли́твою предала́ еси́ ду́шу твою́ в ру́це Госпо́дни, глаго́лющи: ны́не отпуща́еши рабу́ твою́, Влады́ко, с ми́ром: и небе́сною ле́потою просия́ пресве́тлое лице́ твое́. Мы же, блаже́нную кончи́ну твою́ воспева́юще, воспису́ем ти сицева́я:

Ра́дуйся, весть о исхо́де твое́м с ра́достию восприи́мшая;

ра́дуйся, де́во благоразу́мная, Жениха́ твоего́ бо́дрственно ожида́вшая.

Ра́дуйся, добропло́дная смоко́внице, в вертогра́ды ра́йския пресажде́нная;

ра́дуйся, со А́нгелы ны́не трисвяту́ю пе́снь воспева́ющая.

Ра́дуйся, сострада́нием к неду́жным преиспо́лненная;

ра́дуйся, хода́таице пред Влады́кою о всех прося́щих тя.

Ра́дуйся, я́ко о спасе́нии на́шем Го́спода умоля́еши;

ра́дуйся, я́ко в час исхо́да на́шего ме́сто поко́йно душа́м уготовля́еши.

Ра́дуйся, преподо́бная ма́ти Елисаве́то, чудотво́рице, Бо́гом избра́нная.

Конда́к 11

Пе́ние хвале́бное прино́сим ти, пречу́дная ма́ти Елисаве́то, я́ко и ны́не во гра́де Москве́ явля́еши чудоде́йственную си́лу твою́ неисце́льно неду́гующим, от бесо́в му́чимым и во отча́янии су́щим, да вси просла́вят Творца́ и Зижди́теля, воспева́юще: Аллилу́ия.

И́кос 11

Светоно́сную свещу́ зрим тя, свята́я Елисаве́то, с высоты́ светя́щую, и све́том чудотворе́ний просвеща́ющую ду́ши воспева́ющих ти похва́льная сицева́я:

Ра́дуйся, звездо́, в созве́здии святы́х я́сно сия́ющая;

ра́дуйся, луча́ми благода́ти мир согрева́ющая.

Ра́дуйся, многосве́тлая лампа́до Боже́ственнаго Све́та;

ра́дуйся, боже́ственный огнь любве́ в душа́х на́ших возжига́ющая.

Ра́дуйся, многопло́дная розго́, гро́зды принося́щая исцеле́ний;

ра́дуйся, во служе́нии стра́ждущим во́лю Человеколю́бца Бо́га исполня́ющая.

Ра́дуйся, наде́ждо на́ша, го́рькая рыда́ния на сле́зы умиле́ния претворя́ющая;

ра́дуйся, ра́досте на́ша, от ико́ны твоея́ целе́бную си́лу явля́ющая.

Ра́дуйся, преподо́бная ма́ти Елисаве́то, чудотво́рице, Бо́гом избра́нная.

Конда́к 12

Благода́ть чудотворе́ний от всеще́драго Бо́га прия́ла еси́, преблага́я ма́ти Елисаве́то, по досто́инству бо чудотво́рица нарече́на бы́сть, и не то́кмо в земно́м житии́, но и по кончи́не вели́чием чуде́с нас удивля́еши и сла́вити Го́спода призыва́еши: Аллилу́ия.

И́кос 12

Пою́ще Бо́га, ди́внаго во святы́х Свои́х, сла́вим тя, ма́ти всехва́льная, предстоя́ще пред о́бразом твои́м честны́м со упова́нием, я́ко не отврати́ши лица́ твоего́ от нас, но я́ко в земно́м житии́ твое́м ни еди́наго прося́щаго отри́нула еси́, та́ко и ны́не приими́ глас моле́ния на́шего, с любо́вию вопию́щих ти такова́я:

Ра́дуйся, Це́ркве Христо́вы сла́во;

ра́дуйся, зако́ны естества́ превозше́дшая.

Ра́дуйся, де́вства преди́вное соверше́ние;

ра́дуйся, преподо́бных пресла́вное украше́ние.

Ра́дуйся, и́нокинь во гра́де Москве́, я́ко и в Царегра́де пре́жде, наста́внице;

ра́дуйся, оби́тели, под покро́вом твои́м су́щей, похвало́ и ра́дование.

Ра́дуйся, неисчерпа́емый исто́чниче исцеле́ний;

ра́дуйся, поро́ков и страсте́й искорени́тельнице.

Ра́дуйся, преподо́бная ма́ти Елисаве́то, чудотво́рице, Бо́гом избра́нная.

Конда́к 13

О прехва́льная уго́днице Бо́жия, преподо́бная ма́ти Елисаве́то, чудотво́рице царегра́дская и ве́рная засту́пнице на́ша! Приими́ ма́лое моле́ние сие́, с любо́вию тебе́ приноси́мое, и всеси́льным твои́м хода́тайством вся́кое зло от нас отжени́ и к све́ту за́поведей спаси́тельных возведи́, да в стра́шный день Суда́ одесну́ю пра́веднаго Судии́ ста́вше, сподо́бимся ку́пно с тобо́ю воспе́ти ра́достно: Аллилу́ия.

Сей конда́к глаго́лется три́жды.
И па́ки чте́тся и́кос 1-й, и конда́к 1-й.

Моли́тва

О, пречу́дная ма́ти на́ша, вели́кая уго́днице Бо́жия Елисаве́то! Ле́ностию и ины́ми страстьми́ побежда́емии, недосто́йни есмы́ возноси́ти моли́твы тебе́, вся тяготы́ мона́шескаго по́двига поне́сшей и души́ своея́ ра́ди возлю́бленнаго тобо́ю Христа́ не пощаде́вшей. Но ка́ко воста́нем со одра́ боле́зни без врача́, или́ уразуме́ем прему́дрость без учи́теля? Сего́ ра́ди припа́даем к тебе́, наста́внице на́шей и чудотво́рице, и мо́лим: исцели́ нас от страсте́й, отве́рзи очеса́ на́ша серде́чная, да возненави́дим грех, живу́щий в нас, и омы́вше ду́шу слеза́ми покая́ния, всем се́рдцем Спаси́теля на́шего Го́спода Иису́са Христа́ возлю́бим и Ему́, отве́ргшеся себе́, порабо́таем. Мо́лим тя и о бли́жних на́ших: боля́щих исцели́, в беда́х и обстоя́нии су́щих защити́, непло́дным жена́м ра́дость о ча́дех да́руй, ю́ных от прельще́ний ми́ра сего́ покры́й, и вся ны на спаси́тельныя стези́ напра́ви, да сподо́бимся в небе́сных оби́телех непреста́нно сла́вити Всесвяту́ю Тро́ицу во ве́ки веко́в. Ами́нь.

Текст утвержден Священным Синодом Русской Православной Церкви 16 апреля 2016 года (журнал № 16).

Кондак 1, глас 8

Подобен: Взбранной Воеводе:

Избранней от превечнаго Бога чудотворице предивней тебе, преподобная мати Елисавето, похвальное приносим пение. Ты же, яко имущая велие дерзновение ко Господу, от всяких нас бед и болезней свободи и к добродетели настави, да зовем ти: Радуйся, преподобная мати Елисавето, чудотворице, Богом избранная.

Икос 1

Ангелов Творец и всея твари Содетель избра тя, всечестная, прежде рождества (от чрева матерняго) послужити Ему в преподобии и правде, темже и многими дары небесными украси тя. Сего ради и мы, славяще равноангельное житие твое, со благоговением воспеваем ти сицевая: Радуйся, пречестное селение Святыя Троицы; радуйся, ангелом благоговейная собеседнице. Радуйся, сокровищнице даров Духа Святаго; радуйся, благоуханная ветве райская. Радуйся, всем сердцем Христа возлюбившая; радуйся, сораспятися Спасителю возжелавшая. Радуйся, многими чудесы Творца прославившая; радуйся, надеждо и помоще всем с верою тя призывающим. Радуйся, преподобная мати Елисавето, чудотворице, Богом избранная.

Кондак 2

Видя многомилостивый Господь богоугодное житие родителей твоих, Елисавето всечестная, по мнозех летех безчадия посла святую мученицу Свою Гликерию благовестити им радость велию о грядущем рождении твоем. Мы же, дивящеся преславному видению сему, Творца и Промыслителя всяческих славословим, вопиюще Ему: Аллилуия.

Икос 2

Разумом божественным и благодатию еще во чреве матере твоея просвещенная, всеславная Елисавето, издетска явила еси образ жития добродетельнаго, чтению же Писания Священнаго и жития святых угодников Божиих, паче же к молитве усердно прилежала еси. Мы же, сему подражати ревнующе, со умилением воспеваем ти таковая: Радуйся, рода честнаго отрасле доброплодная; радуйся, от неплодныя старицы, яко и Предтеча, прозябшая. Радуйся, именем матере величайшаго пророка нареченная; радуйся, уподобитися праведной Елисавете во святости предызбранная. Радуйся, от младенства сердце твое Господеви предавшая; радуйся, измлада водительству Духа Святаго прилежавшая. Радуйся, яко от юности разум твой просветися высшею премудростию; радуйся, чистотою душевною, яко богосветлая свеща, возсиявшая. Радуйся, преподобная мати Елисавето, чудотворице, Богом избранная.

Кондак 3

Сила Христова осени тя, богомудрая Елисавето, и дарова ти крепость претерпети искушения врага невидимаго, егоже стрелы разжженныя слезными к Богу молитвами угасила еси и ко иноческому подвигу мужественно устремилася еси, жестокое житие имущи: болезньми постническими плоть укрощающи, духом же укрепляема, Богови присно поющи: Аллилуия.

Икос 3

Имущи в сердце твоем единаго Бога, всечестная Елисавето, по кончине родителей твоих все имение нищим раздала еси, и град твой Ираклию оставивши, в цареградскую обитель пришла еси, идеже, красоты мира сего отвергши, во образ ангельский облеклася еси. Мы же, любовь твою ко Господу воспевающе, величаем тя сице: Радуйся, паче земных небесная возлюбившая; радуйся, на Господа все упование возложившая. Радуйся, богатство и славу мира сего ни во чтоже вменившая; радуйся, сокровищу нетленному всем серцем прилежавшая. Радуйся, цвете девства и чистоты; радуйся, плоть духови покорившая. Радуйся, яко радость послушания прежде соблазнов мира сего познала еси; радуйся, яко, иноческим путем шествующи, небесных обителей достигла еси. Радуйся, преподобная мати Елисавето, чудотворице, Богом избранная.

Кондак 4

Бурю враждебных помыслов и мирских пристрастий постнически усмирила еси, мати Елисавето преславная, в зимнюю стужу горением божественныя любве согревающися, тело слезами псаломски омывающи, душу богоподобну соделала еси, непрестанно Христа славящи: Аллилуия.

Икос 4

Слышавши глаголы евангельския о мытари, не дерзавшем взирати на небо, ты, о блаженная мати, сему в покаянии подражающи, три лета очи к высоте не возводила еси, долу главу приклонши, сердечныма же очима небесною лепотою умно наслаждающися. Темже многотрудное твое славяще житие, воспеваем ти тако: Радуйся, во едином хитоне стужу и зной терпевшая; радуйся, безстрастием в ризу нетленну, свыше истканную, облекшаяся. Радуйся, совершенную четыредесятницу постившаяся; радуйся, не брашны, но Хлебом Небесным насыщавшаяся. Радуйся, в воздержании величайшему из рожденных женами подражавшая; радуйся, горлице пустыннолюбная, в Цареграде яко в пустыни обитавшая. Радуйся, семя проповеди великаго Предтечи в сердце твоем насадившая; радуйся, в покаянии три лета очи долу низводящи, плоды сторичныя принесшая. Радуйся, преподобная мати Елисавето, чудотворице, Богом избранная.

Кондак 5

Всесветлая звезда Царскому граду явилася еси, Елисавето всехвальная, на высоту совершенства смирением вознесенная и терпением к новым подвигом приуготованная: дары́ божественными паче обогатилася еси, славословящи непрестанно Вседержителя Бога: Аллилуия.

Икос 5

Видев тя святитель Геннадий добродетелей исполненну и даром разсуждения духовнаго благоукрашенну, по кончине игумении постави тя, преподобная Елисавето, преемницу ея. Ты же, трудолюбно подвизающися, богомудрая наставница явилася еси не токмо сестрам обители твоея, но и женам мирским, научающи от лжи, лукавства и злословия удалятися, слабость ума молчанием восполняти, в любви христианстей и подвизех молитвы возрастати. Темже молим тя, мати преблагая, буди и нам во брани со страстьми помощница, да зовем ти: Радуйся, в Цареграде наставницею монашествующих утвержденная; радуйся, служения сего во всем мире даже до днесь не оставляющая. Радуйся, чистотою нрава образ воздержания показующая; радуйся, укрепление всех в терпении подвизающихся. Радуйся, яко сетей злоязычия и лукавства избегати научаеши; радуйся, яко неразумных жен нелицеприятно обличаеши. Радуйся, яко празднословия и лжи бегати повелеваеши; радуйся, чистый сосуде безмолвия, трезвения и кротости. Радуйся, преподобная мати Елисавето, чудотворице, Богом избранная.

Кондак 6

Проповедница немолчная судеб Божиих явилася еси, Елисавето блаженная, возвестила бо еси грядущее на град Константинь запаление огненное. Состраданием же движима, вкупе с преподобным Даниилом Столпником человеколюбца Бога дерзновенно молила еси о людех, пострадати имущих. Егда же молитвами вашими угасе огнь, благодарственно вси возопиша Творцу: Аллилуия.

Икос 6

Возсия спасительная луча граду твоему, всехвальная, егда велением свыше грядущее бедствие благоверному царю Льву прорекла еси. Темже молим тя, о мати милосердная, не остави и нас, грешных и немощных, во дни испытаний наших, отведи всякий гнев от надеющихся на тя и вопиющих ти таковая: Радуйся, избраннице Божия, тайны грядущаго ведавшая; радуйся, гнев на милость пременити Господа Бога умолившая. Радуйся, едина от праведник, ихже ради отврати Господь от града сожжение; радуйся, от огня геенскаго верных спасение. Радуйся, заступление твое и во стране Русстей являющая; радуйся, раны и ожоги елеем от иконы твоея исцеляющая. Радуйся, к покаянию и пременению злых обычаев нас призывающая; радуйся, от пагубы и обнищания многих спасающая. Радуйся, преподобная мати Елисавето, чудотворице, Богом избранная.

Кондак 7

Хотя явити силу Свою, дарова тебе Вседержитель Господь Креста оружие непобедимое, имже змия древняго, во образе зримом явльшагося, победила еси. К твоему предстательству прибегающе, мати досточудная, молим тя, помози и нам тою же силою побеждати невидимыя враги, песнь победную воспевающе: Аллилуия.

Икос 7

Новую обретше тя избранницу Божию, людие Евдомонския веси со слезами и упованием к тебе притекоша, моляще избавити их от драконта лютаго, пожирающаго всякаго мимоходящаго. Ты же, о преславная воительнице Христова, честным крестом вооружившися и к логову зверя пришедши, знамением крестным того умертвила еси, пятою поправши главу его. Людие же, чудо сие видевше, в радости воспеша ти сице: Радуйся, во священней обители великомученика Георгия подвизавшаяся; радуйся, силу его победоносную духовно восприимшая. Радуйся, знамением Креста силу вражию победившая; радуйся, победу на невидимаго врага сим оружием получившая. Радуйся, главу змия пятою поправшая; радуйся, решимости во брани духовней нас научающая. Радуйся, одержимых страхом защитнице; радуйся, от напастей и нашествия врагов избавительнице. Радуйся, преподобная мати Елисавето, чудотворице, Богом избранная.

Кондак 8

Странная и преславная совершающи чудеса, о всеблаженная мати, телесныя исцеляеши недуги, паче же научаеши прежде о души пещися, яко душа больши есть тела: тако и недузи плоти уклонением от греховных навыков во здравие претворяются. Сего ради, богомудрая, родителю кровоточивыя отроковицы, ценою всего имения жаждущему здравие дщери своей купити, заповедала еси прежде смиренномудрие и нищелюбие стяжати, сими бо добродетельми благоугождается Бог, даруяй здравие и велию милость труждающимся и с верою вопиющим Ему: Аллилуия.

Икос 8

Вся чудеса твоя зряще, преподобная, жены неплодныя и кровоточивыя начаша притекати во обитель твою, и яко евангельская жена, краю ризы Господни коснувшаяся, исцелися, тако и сия, помазанныя тобою святым елеом, абие исцеляхуся, велиим гласом воспевающе ти таковая: Радуйся, рождеством своим неплодство родителей разрешившая; радуйся, неплодным прежде женам веселие о чадех дарующая. Радуйся, любве ради ко Христу девство избравшая; радуйся, жен недужных силою молитв твоих исцеляющая. Радуйся, заповеди евангельския исполняти повелевающая; радуйся, стяжанием добродетелей, яко водою живою, болезни врачующая. Радуйся, мольбы родителей, здравия чадом просящих, не отревающая; радуйся, всем притекающим к тебе с верою милость от Бога испрашивающая. Радуйся, преподобная мати Елисавето, чудотворице, Богом избранная.

Кондак 9

Все естество ангельское удивися силе Божией, в немощнем сосуде женскаго естества действующей. Егда очи слепорожденному отверзла еси, преславная мати Елисавето, тогда прослави Творца исцеленный тобою слепец, гласом Вартимеовым вопия: Аллилуия.

Икос 9

Витийствовати не может язык наш высоту чудотворений твоих, богодухновенная мати! Кто повесть, како возсия свет во очию слепорожденнаго, припадшаго к тебе с верою и возопившаго: «Помилуй мя, верная ученице Божия!» Ты же, состраданием преисполнена, воздевши руце в молитве, елеом помазала еси зеницы незрячия, и паки во всю седмицу не престала еси умоляющи Источника всякаго света, Господа нашего Иисуса Христа, даровати прозрение слепцу убогому, ведущи, яко близ есть Господь. Сама же ты, о мати святая, видение светозарное и божественное удостоилася еси лицезрети. Тако и мы, слепи суще душею, прозрети же твоими молитвами желающе, взываем ти: Радуйся, цельбоносная купеле, очи незрячия отверзающая; радуйся, свет Христов святостию жития являющая. Радуйся, прекрасный цвете, чудесы исцелений благоухающий; радуйся, светлая звездо, путь ко спасению освещающая. Радуйся, тайны Божия очима сердца познавшая; радуйся, сошествие Духа Святаго на Святыя Дары созерцавшая. Радуйся, в чертозех небесных трисолнечным светом ныне наслаждающаяся; радуйся, врачевство очес от иконы твоея нам щедро посылающая. Радуйся, преподобная мати Елисавето, чудотворице, Богом избранная.

Кондак 10

О спасении души ревнующи, мати честная, пред исходом от временнаго жития сего, места близкая сердцу твоему, посетила еси: Ираклии же достигши, в Халкопратийстей церкви Богородицы чудеснаго явления мученицы Гликерии сподобилася еси, яже возвести ти скорое преселение во Отечество Небесное, идеже херувими воспевают непрестанно: Аллилуия.

Икос 10

Стена твердая и заступление необоримое явилася еси всем с верою к тебе прибегающим: ибо и по отшествии твоем во обители вечныя не престаеши чудотворити и являти помощь твою. Достойно и славно бысть сие преставление твое, преподобная мати, егда ты, праздник во обители великомученика Георгия светло совершивши, с молитвою предала еси душу твою в руце Господни, глаголющи: ныне отпущаеши рабу Твою, Владыко, с миром: и небесною лепотою просия пресветлое лице твое. Мы же, блаженную кончину твою воспевающе, восписуем ти сицевая: Радуйся, весть о исходе твоем с радостию восприимшая; радуйся, дево благоразумная, Жениха твоего бодрственно ожидавшая. Радуйся, доброплодная смоковнице, в вертограды райския пресажденная; радуйся, со ангелы ныне трисвятую песнь воспевающая. Радуйся, состраданием к недужным преисполненная; радуйся, ходатаице пред Владыкою о всех просящих тя. Радуйся, яко о спасении нашем Господа умоляеши; радуйся, яко в час исхода нашего место покойно душа́м уготовляеши. Радуйся, преподобная мати Елисавето, чудотворице, Богом избранная.

Кондак 11

Пение хвалебное приносим ти, пречудная мати Елисавето, яко и ныне во граде Москве являеши чудодейственную силу твою неисцельно недугующим, от бесов мучимым и во отчаянии сущим, да вси прославят Творца и Зиждителя, воспевающе: Аллилуия.

Икос 11

Светоносную свещу зрим тя, святая Елисавето, с высоты светящую, и светом чудотворений просвещающую души воспевающих ти похвальная сицевая: Радуйся, звездо, в созвездии святых ясно сияющая; радуйся, лучами благодати мир согревающая. Радуйся, многосветлая лампадо Божественнаго Света; радуйся, божественный огнь любве в душах наших возжигающая. Радуйся, многоплодная розго, грозды приносящая исцелений; радуйся, во служении страждущим волю человеколюбца Бога исполняющая. Радуйся, надеждо наша, горькая рыдания на слезы умиления претворяющая; радуйся, радосте наша, от иконы твоея целебную силу являющая. Радуйся, преподобная мати Елисавето, чудотворице, Богом избранная.

Кондак 12

Благодать чудотворений от всещедраго Бога прияла еси, преблагая мати Елисавето, по достоинству бо чудотворица наречена бысть, и не токмо в земном житии, но и по кончине величием чудес нас удивляеши и славити Господа призываеши: Аллилуия.

Икос 12

Поюще Бога, дивнаго во святых Своих, славим тя, мати всехвальная, предстояще пред образом твоим честным со упованием, да не отвратиши лица твоего от нас, но яко в земном житии твоем ни единаго просящаго отринула еси, тако и ныне приими глас моления нашего, с любовию вопиющих ти таковая: Радуйся, Церкве Христовы славо; радуйся, законы естества превозшедшая. Радуйся, девства предивное совершение; радуйся, преподобных преславное украшение. Радуйся, инокинь во граде Москве, яко и в Царьграде прежде, наставнице; радуйся, обители, под покровом твоим сущей, похвало и радование, Радуйся, неисчерпаемый источниче исцелений; радуйся, пороков и страстей искоренительнице. Радуйся, преподобная мати Елисавето, чудотворице, Богом избранная.

Кондак 13

О прехвальная угоднице Божия, преподобная мати Елисавето, чудотворице цареградская и верная заступнице наша! Приими малое моление сие, с любовию тебе приносимое, и всесильным твоим ходатайством всякое зло от нас отжени и к свету заповедей спасительных возведи, да в страшный день Суда одесную праведнаго Судии ставше, сподобимся купно с тобою воспети радостно: Аллилуия.

Сей кондак глаголи трижды, посем 1-й икос и 1-й кондак.

Молитва

О пречудная мати наша, великая угоднице Божия Елисавето! Леностию и иными страстьми побеждаемии, недостойны есмы возносити молитвы тебе, вся тяготы монашескаго подвига понесшей и души своея ради возлюбленнаго тобою Христа не пощадевшей. Но како востанем со одра болезни без врача, или уразумеем премудрость без учителя? Сего ради припадаем к тебе, наставнице нашей и чудотворице, и молим: исцели нас от страстей, отверзи очи наша сердечныя, да возненавидим грех, живущий в нас, и омывше душу слезами покаяния, всем сердцем Спасителя нашего Господа Иисуса Христа возлюбим и Ему, отвергшеся себе, поработаем. Молим тя и о ближних наших: болящих исцели, в бедах и обстоянии сущих защити, неплодным женам радость о чадех даруй, юных от прельщений мира сего покрый, и вся ны на спасительныя стези направи, да сподобимся в небесных обителех непрестанно славити Всесвятую Троицу во веки веков. Аминь.