Икона Божией Матери «Отрадо» или » Утешение»

АКАФИСТ ПРЕСВЯТЕЙ БОГОРОДИЦЕ
В ЧЕСТЬ ИКОН ЕЯ «ОТРАДО» ИЛИ «УТЕШЕНИЕ»

Кондак 1

Взбранной Воеводе Победительная, яко избавльшеся от злых, благодарственная восписуем Ти раби,Твои, Богородице, но яко имущая державу непобедимую от всяких нас бед и скорбей свободи, да зовем Ти:

Радуйся, Радосте наша, отраду и утешение верным дарующая.

Икос 1

Ангел множество и вся небесныя воинства славят Тебе, Матерь всех Богородицу, яко источаеши радости и утешения сердцам человеков в скорби обретающихся. Тем же и мы печальми обремененнии, надежду спасения в Тебе улучивши, умиленно взываем:

Радуйся, материнское к нам грешным благоволение; радуйся, прибегающих к Тебе крепкое заступление.

Радуйся, Божественныя благости Подательнице; радуйся, христианскаго рода Заступление.

Радуйся, яко Тебе вся колена земная Материю Божиею исповедуют; радуйся, яко Твоими молитвами скорби наша утишаются.

Радуйся, Твоим ходатайством прошения благая наша исполняются; радуйся, благодать и милость иконами Твоими нам являющая.

Радуйся, мир от потопа греховнаго спасающая; радуйся, яко молящиеся Тебе от всякаго зла сохраняются.

Радуйся, яко Твои честныя иконы чудесами прославляются.

Радуйся, Радосте наша, отраду и утешение верным дарующая.

Кондак 2

Видя чудес множество от честных икон Твоих изливающееся, яко Ты еси молящихся Благая Помощнице, обидимых Заступнице, ненадеющихся Надеждо, скорбных Отрада и Утешение, болящих исцеление, труждающихся помоще, благодарственно вопием о Тебе Богу: Аллилуиа.

Икос 2

Разум подаждь нам, Всеусердная Предстательнице наша, в находящих на нас лютых скорбех к Тебе прибегати, утешения ищущи. Ты же яко Благая, не остави нас во всякой требуемой нам помощи, да таковую получивше взываем Тебе радостно:

Радуйся, обуреваемых тихое пристанище; радуйся, сомневающихся известное утверждение.

Радуйся, скорая Помощнице в скорбех и напастех; радуйся, теплая Заступнице во всяких обстояниях.

Радуйся, печали наша Твоим утешением умоляющая; радуйся, скорбями грехи наша очищающая.

Радуйся, в страданиях наших утешение нам подавающая; радуйся, от внезапныя смерти без покаяния молящихся Тебе избавляющая.

Радуйся, от враг видимых и невидимых нас охраняющая; радуйся, от нападения злых человек спасающая.

Радуйся, во всяких нуждах прибегающим к Тебе помогающая.

Радуйся, Радосте наша, отраду и утешение верным дарующая.

Кондак 3

Силою свыше укрепи нас, Благая Владычице, к Твоему заступлению с верою притекающих и Твоего посещения и промышления сподоби, мрак уныния и скорбей облегших нас отгоняя, да спасаеми Тобою вопием Богу: Аллилуиа.

Икос 3

Имущи богатство милосердия неизреченное, всем просящим руку помощи простираеши, недуги врачуя, скорби утоляя, страсти угашая. Не презри нас, Благая Владычице, в печалях и скорбех наших к Тебе притекаюх и вопиющих:

Радуйся, Единая всех Мати, милосердие нам являющая; радуйся, милости Своей сокровищницу всем открывающая.

Радуйся, родителей скорбящих о чадах своих заблудших печаль утоляющая; радуйся, вдовствующих подкрепляющая.

Радуйся, сиротствующих добре устрояющая; радуйся, всех скорбящих утешение.

Радуйся, отчаявающихся едина Надеждо; радуйся, изнемогающих от уныния Заступнице и подкрепление.

Радуйся, болящих телом и душею благонадежное посещение; радуйся, различными недугами одержимых премудре уврачевание.

Радуйся, яко Тобою по мере веры подается совершенное исцеление немоществующим.

Радуйся, Радосте наша, отраду и утешение верным дарующая.

Кондак 4

Буря многих бед и напастей содержит нас и волнения их в мире терпим. Ты же, яко Милостивая Мати Спаса нашего Господа, воздвигни руце к Сыну Твоему, да призрит на лютыя сердец наших и исхитит нас из пучины отчаяния, вопиющих Ему: Аллилуиа.

Икос 4

Слышащи, Пресвятая Дево и Мати, яко являла и являеши многую милость к роду христианскому, не оставляй нас во дни скорби и напасти и избавление от сих даруй, молим Тя: храни и заступи всех нас от всякия беды и печали, да в мире воспеваем Ти сице:

Радуйся, Заступнице наша, Твоим всемощным заступлением от всякия нужды нас избавляющая; радуйся, усердное моление ко Господу о нас приносящая.

Радуйся, Своим предстательством праведный гнев Божий утоляющая; радуйся, на милость Его к нам приклоняющая.

Радуйся, Твоею помощию уповающих на Тя не оставляющая; радуйся, добре подвизающихся укрепляющая.

Радуйся, на благое и душе полезное нас наставляющая; радуйся, души обремененныя заботами житейскими к попечению духовному направляющая.

Радуйся, всех верных благое мздовоздание; радуйся, в забвении долга и чести живущих правосудное наказание.

Радуйся, в пленении, во узах сущих подкрепление и возвращение.

Радуйся, Радосте наша, отраду и утешение верным дарующая.

Кондак 5

Богосветлые чины ангельския славят Тебе, яко Матерь всех и Богородицу. Мы же Тебе, Заступнице нашей, поклоняющеся, умиленное благоволение приносим и уповающи на Твою милость смиренно молим Тя: милостива пребуди к нам, Владычице, и избави нас от бед и скорбей, да всегда прославляем Твое милосердие зовуще Богу: Аллилуиа.

Икос 5

Видеша силы небесныя, яко Твоею молитвою гнев Божий утоляется, прославляют и величают Твое милосердие. Мы же грешнии на земли зряще Тебе, изображенную Пречистую Богоматерь, умиленно взываем:

Радуйся, Матерь рода христианского, милосердие нам являющая; радуйся, у Престола Сына Твоего непрестанно о христианах молящаяся.

Радуйся, любовию Своею грехи наши покрывающая; радуйся, Твоею милостию нас заступающая.

Радуйся, источник отрады и утешения всем источающая; радуйся, от междоусобия и распри нас охраняющая.

Радуйся, вражду и ненависть миром и любовию утоляющая; радуйся, скорбь и смущение сердец наших умиляющая.

Радуйся, гневливостью одержимых вразумляющая; радуйся, в мире со всеми живущих Отрада и Утешение.

Радуйся, суетная прелести мира сего презирати нас научающая.

Радуйся, Радосте наша, отраду и утешение верным дарующая.

Кондак 6

Проповедуют милости и чудеса Твоя, Богомати, вси люди православнии, ибо честным Своим покровом охраняеши весь род христианский. Тем же вопием Ти: избави Твоими молитвами всех нас от бед и напастей, да воспоим вси Богу: Аллилуиа.

Икос 6

Возсия благодать светозарная от пречудных икон Твоих, Богомати, пред ними мы припадающе молим Тя: отгони облак нашедших на нас искушений, да вопием Ти:

Радуйся, честныя иконы Твоя чудесами прославляющая; радуйся, молящимся пред сими иконами с верою прошения исполняющая.

Радуйся, в бедах сущих заступающая; радуйся, уповающим на Тя спасение подающая.

Радуйся, Предстательнице пред Богом, за всех нас молящаяся; радуйся, Заступнице рода христианского, от Бога нам дарованная.

Радуйся, яко Ты еси храмов наших первейшее украшение; радуйся, домов христианских благословение.

Радуйся, православных людей Покров и Заступление; радуйся, всего мира очищение.

Радуйся, вся благополезная просящим у Тебе дарующая.

Радуйся, Радосте наша, отраду и утешение верным дарующая.

Кондак 7

Хотящи явити милосердия Своего бездну повелела, Пречистая, игумену обители Ватопедския на Афоне врат обители их не отверзати, да избегнут Твоим ходатайством по суду Божию предстоявшего нападения вражескаго и тако избавльшеся милостию Твоею беды и напасти вси иноцы воспеша Богу: Аллилуиа.

Икос 7

Дивное чудо явила, Богомати, инокам спасение, от святыя иконы Своея изрекла еси, но и зрак лика Твоего Пречистаго Сына сущии на иконе изменила еси. Сего ради видевше чудо сие велие и преславное вси люди возопиша Ти:

Радуйся, святыя иконы Своя на земли во спасение всем явити благоизволившая; радуйся, иконами Своими милосердное нам заступление являющая.

Радуйся, чрез святыя изображения Твоя чудеса и ныне источающая; радуйся, ими наша скорби и печали утоляющая.

Радуйся, яко на икону Твою взирающе Тебе Самой поклоняемся; радуйся, Твоим милостивым заступлением мы грешнии спасаемся.

Радуйся, Твоими святыми иконами град наш освятившая; радуйся, теми сердца верующих возвеселившая.

Радуйся, грады и веси Российския Своими чудотворными иконами от разорения спасавшая; радуйся, страну нашу от порабощения избавлявшая.

Радуйся, утешением и радостию молящихся пред Твоею честною иконою возвеселяющая.

Радуйся, Радосте наша, отраду и утешение верным дарующая.

Кондак 8

Странники и пришельцы на земли вси есмы, по глаголу Алостолову: беды от врагов, скорби от близких, печали от лжебратии и сродник терпяще, в лишениях многих. Ты же, Владычице, яко Милостивая Утешительнице, настави нас к тихому пристанищу и моли Сына Твоего утешение и радости нам даровати, да всегда вопием Ему: Аллилуиа.

Икос 8

Все житие наше на земли болезненно и печали бывает причастно: слава не стоит, богатство мимо течет, друзи и искреннии смертию отъемлются, немоществует тело, изнемогает и дух наш. К Тебе убо прибегаем, о Богомати, пред Пречистою иконою Твоею припадающе, исполни радости и утешения скорбное сердце наше, да вопием Ти:

Радуйся, всех к Тебе прибегающих милостию Своею покрывающая; радуйся, Милостивая, и нас милующая.

Радуйся, Домостроительнице, жизнь нашу добре устрояющая; радуйся, отрадою и утешением печали наши утоляющая.

Радуйся, с Сыном Твоим и Богом вечно царствующая; радуйся, Ему о нас моления всегда приносящая.

Радуйся, жестокость сердца нашего умягчающая; радуйся, отчаявшихся надеждою возвеселяющая.

Радуйся, Твоим заступлением враждующия на нас отводящая; радуйся, от козней духа злобы нас спасающая.

Радуйся, верующим противу диавола силу и мужество подающая.

Радуйся, Радосте наша, отраду и утешение верным дарующая.

Кондак 9

Всякое естество ангельское виде Тя, Богомати, у Престола Сына Твоего, предстоящую и за вся христианы молящуюся, восхваляет Тя, яко сильным Своим предстательством грешных заступаеши, прибегающих к Тебе от бед избавляеши, печали наша, отрадою утоляеши и молишися о всех верою зовущих: Аллилуиа.

Икос 9

Витийство человеческое не возможет по достоянию восхвалити Тя, Пресвятая Богородице, и воспети неисчетныя чудеса Твоя, ими же нас просвещаеши. Мы же Твои благодеяния ведающе, душею радующеся Тебе глаголем:

Радуйся, от напастей Твоим предстательством нас защищающая; радуйся, от всяких бед Своим ходатайством нас изъимающая.

Радуйся, от належащего праведнаго прещения Божия Твоим умолением нас освобождающая; радуйся, от нашествия вражия нас спасающая.

Радуйся, от домашния вражды и брани единокровных миром ограждающая; радуйся, от смертоносныя язвы прибегающих к Тебе с несумненную верою исцеляющая.

Радуйся, правосудие Божие умилостивляющая; радуйся, страны нашея православныя Защитнице.

Радуйся, всех верующих Благая Заступнице; радуйся, всех труждающихся помощь и укрепление.

Радуйся, теплая за всех нас Предстательнице.

Радуйся, Радосте наша, отраду и утешение верным дарующая.

Кондак 10

Спасти хотя род человеческий от вечныя муки и прелести вражия Человеколюбец Господь Тебе, Матерь Свою, дарова земным во отраду и утешение, да будеши обидимым Заступнице, отчаявающимся Надеждо, скорбящим радование, печальным утешение и всех в нуждах и напастех к Тебе прибегающих спасаеши, вопиющих верно: Аллилуиа.

Икос 10

Стена еси и заступление всем с верою и любовию притекающим к Тебе, Пречистая Владычице, тем же молим Тя: заступи и покрый, и огради всех сирых и безпомощных нас от искушений, озлоблений и бед с любовию взывающим:

Радуйся, Мати Божия, любовию материнскою нас возлюбившая; радуйся, яко Твоя материнская молитва много может, Владыку умилостивляющая.

Радуйся, Милосердная, двери милосердия Божия нам отверзающая; радуйся, к делам милосердия нас возбуждающая.

Радуйся, Святыя Заповеди исполняти нас научающая; радуйся, любити своего ближняго нас наставляющая.

Радуйся, грешники к покаянию призывающая; радуйся, находящий на нас облак печалей и скорбей разсеявающая.

Радуйся, пламень страстей наших угасающая; радуйся, мрак искушений изгоняющая.

Радуйся, Твоим к Богу прошением вся полезная нам подающая.

Радуйся, Радосте наша, отраду и утешение верным дарующая.

Кондак 11

Пение всеумиленное приносим Ти раби Твои, Богородице, яко всесильней Заступнице рода христианскаго: к Тебе бо в напастех и скорбех прибегаем и пред Тобою в бедах наших слезы проливаем, поюще Богу: Аллилуиа.

Икос 11

Светозарне сияют иконы Твои святыя, проявленныя на освящение наше и утешение. Мы же с любовию чтуще их с верою припадаем пред ними и вопием Ти:

Радуйся, Мати Бога Истиннаго, благочестивыя души просвещающая; радуйся, Утешительнице наша, обремененныя сердца умиряющая.

Радуйся, всем, Тебя призывающим, руку помощи простирающая; радуйся, Тебе Материю Божией именующим и почитающим нам непрестанно помогающая.

Радуйся, уповающим на Тя и в вере живущим непостыдный конец живота подающая; радуйся, во внезапных бедах на нас находящих подкрепляющая.

Радуйся, от насилия и от внезапныя смерти охраняющая; радуйся, от татей ограждающая.

Радуйся, в сердцах наших зависть и небратолюбие искореняющая; радуйся, от наветов, клеветы и поношений защищающая.

Радуйся, отступающих от веры и церкви вразумляющая и на путь правый возвращающая.

Радуйся, Радосте наша, отраду и утешение верным дарующая.

Кондак 12

Благодать Божественную испроси нам у Сына Твоего, Пречистая Богородительнице, и простри руку помощи, покрый нас кровом крилу Твоею, избави от облежащия беды и напастей, отгони от нас всякаго врага и супостата, умири нашу жизнь, Владычице, и в печалех бедствующим помози, да спасаеми Тобою воспеваем Богу: Аллилуиа.

Икос 12

Поюще Твои милости и чудеса, Богородительнице, хвалим Тя вси, яко твердую Предстательницу нашу, веруем и надеемся, яко испросиши, Благая, временная и вечная всем воспевающим Тя сице:

Радуйся, непостыдное наше Упование в животе и по представлении нашем; радуйся, уповающим на Тя в мире конец живота подающая.

Радуйся, всех искренне верующих благословляющая; радуйся, маловерных и суеверных вразумляющая.

Радуйся, непочитающих икон Твоих святых наказующая; радуйся, поклоняющимся иконам Твоим и Тя на помощь призывающим помогающая.

Радуйся, гордостию ума одержимых и от святыя Церкви отходящих смиряющая; радуйся, благами мира сего прельщающихся и попечение сугубое о них имущих светом блага истиннаго озаряющая.

Радуйся, в юности доброму и чистому житию Наставнице; радуйся, в старости от сердечнаго окаменения охранительнице.

Радуйся, Радосте наша, отраду и утешение верным дарующая.

Кондак 13

О, Всепетая и Всемилостивая Мати, Пречистая Госпоже Богородице! Услыши глас молящихся рабов Твоих и приемши сие малое моление наше избави нас от всяких бед, скорбей и напастей: подаждь нам в жизни руку помощи, враги наша разжени, недуги наша исцели, всякую злобу и вражду отжени от нас, в печалех житейских отраду и утешение даруй и будущия изми муки о Тебе вопиющих: Аллилуиа, аллилуиа, аллилуиа.

Этот кондак читается трижды, затем икос 1- й «Ангел множество…» и кондак 1- й «Взбранной Воеводе…».

Молитва

Надежда всем концем земли, Пречистая Дево Богородице, Утешение и Отрадо наше! Не гнушайся нас грешных, на Твою бо милость уповаем. Угаси пламень греховный и покаянием ороси изсохшие сердца наша. Очисти ум наш от греховных помышлений. Приими моления от души и сердца с воздыханием Тебе приносимыя. Буди Ходатаице о нас к Сыну Твоему и Богу и отврати гнев Его от нас Матерними молитвами. Укрепи в нас веру православную, вложи в нас дух страха Божия, дух смирения, терпения и любви. Душевныя и телесныя язвы исцели, утиши бурю злых нападений вражеских. Отыми бремя грехов наших и не остави нас до конца погибнути. Подаждь нам милость Твою и святое благословение Свое всем зде предстоящим и молящимся и всегда пребываяй с нами, подавая приходящим к Тебе отраду и утешение, помощь и заступление, да славим и величаем Тя вси до последняго нашего воздыхания. Аминь.

Тропарь, глас 4

К Богородице прилежно ныне притицем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений. Не отврати Твоея рабы тщи, Тя бо и едину надежду имамы.

Кондак, глас 8

Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Ти: Радуйся, Невесто Неневестная.

Акафист Пресвятей Богородице в честь иконы Ея «Отрада и Утешение»

Это редкий акафист Богородице перед Её иконой «Отрада и Утешение». С соблюдением греческих акафистных традиций, он написан в начале ХХ века выдающимся церковным композитором и литургистом Порфирием Мироносицким, погибшим в 1932 году во время допроса в НКВД.

Примечательно, что форма акафиста частично отражает строение Великого Акафиста: все 24 строфы начальными буквами образуют акростих «Ангелов радосте, миру отрадо», подобно тому, как 24 строфы греческого Акафиста следуют 24 буквам греческого алфавита.

***

Кондак 1

Возбранных сил небесных радость и хваление, всего же рода человеча исправление, ублажаем Тя, Пречистая Дево Мати, Ты же, наше упование единое, низпосли душам отраду благодатную, да поем Тебе, образ дивный Твой чтуще:

Радуйся, Божия Мати, Невесто нетленная, светлая наша отрадо.

Икос 1

Ангелов лицы дивятся, образ афонский Твой зряще, на немже, пречистая Дево и Мати, от уст нетленных рукою десною десницу Младенца отводиши кротко. Что сие есть знамение образа? Мы же речем, поюще таковая:

Радуйся, Дево, Всевышняго Мати; Радуйся, дивный раю благодати.

Радуйся, наша отрадо небесная; Радуйся, людем надеждо известная.

Радуйся, образ бо Твой спасение возвещает всей земли; Радуйся, взор бо Твой утешение пребывающим во тли.

Радуйся, свете небесный, мглу наших дний озаряяй; Радуйся, цвете нетленный, тлен наших дел оживляяй.

Радуйся, Ты бо молитвы к Сыну за мир твориши; Радуйся, яко в теплой молитве, аки светильник, гориши.

Радуйся, радостно Ти восклицаем; Радуйся, песненно Тя воспеваем.

Радуйся, Божия Мати, Невесто нетленная, светлая наша отрадо.

Кондак 2

Недоумеет ум дольний тайны Твоея разумети, Пречистая Богоблаженная Дево, Ты бо, в лоно чистое действием Духа приимши безсеменно Отчее Слово, Бога человеком сочетавши и песнь повелеваеши всем пети: Аллилуия.

Икос 2

Гору Афонскую, Дево, Сыном Ти данную в жребий, покровом Своим осеняющи свыше, храниши дивно от бед и напастей. Благодатных икон Твоих чудесы обители афонския славятся и гласы преподобными Тя хвалят:

Радуйся, Дево, отрадо в печалех; Радуйся, скоропослушнице в скорбех.

Радуйся, сущим в пути Одигитрие; Радуйся, храмов священных вратарнице.

Радуйся, добрая предвозвестнице унывающим в беде; Радуйся, верное утешение притекающим к Тебе.

Радуйся, бедным богатство, елеоносная Жено; Радуйся, чтущим акафист благоволящая тайно.

Радуйся, в келлии старцу рекшая «Радуйся» чудно; Радуйся, живоприемная Мати.

Радуйся, Тя бо достойно есть пети; Радуйся, Тя бо по долгу ублажаем.

Радуйся, Божия Мати, Невесто нетленная, светлая наша отрадо.

Кондак 3

Евину гордую прелесть Девы смиренное «Буди» в очах Милосерднаго всю упраздняет: се Сын Божий Сын Девы бывает и Бог неприступный живет с человеки, темже благодарственное пение немолчными усты возсылаем: Аллилуия.

Икос 3

Ликостояще над морем, светом молитвы сияют пред Богом святыни Афона и явно Божия Матере слава Афона святыя главы осеняет, к пению на всяк час призывающи пустынников, поющих Ей хвалебно:

Радуйся, славо пустынь вожделенных; Радуйся, чудо высот поднебесных.

Радуйся, гор и холмов осенение; Радуйся, скал и стремнин освящение.

Радуйся, Еюже открывается путь в небесныя страны; Радуйся, Еюже отверзается рай нетленныя весны.

Радуйся, крине в юдоли, благоуханная радосте; Радуйся, лилие в поли, приснотекущая сладосте.

Радуйся, света восточе, долы земли озаривый; Радуйся, жизни поточе, воду живую явивый.

Радуйся, гласе немолчных молений; Радуйся, щите священных селений.

Радуйся, Божия Мати, Невесто нетленная, светлая наша отрадо.

Кондак 4

О человечестем роде, еже спасти ны, о Дево, в молитвах пред Сыном сладчайшим стоиши; о Мати, людем благая отрадо, Ты видиши бездну грехов наших лютых, мы же, в рове истления поверженнии, не смеем возвести очес и пети: Аллилуия.

Икос 4

Ватопеда обитель славится образом чудным, емуже есть древнее имя Отрада. О нем предание старец блаженных хранит благодатную дивную повесть, во славу Богородицы заступницы, да слышаще сию, поем Пречистей:

Радуйся, мира благая отрадо; Радуйся, верным стено и оградо.

Радуйся, чудо чудес несказанное; Радуйся, небо небес осиянное.

Радуйся, любящим жизнь безмолвия святых желаний краю; Радуйся, ищущим безмятежия желанный раю.

Радуйся, яко Тобою всяка душа оживает; Радуйся, яко Тобою мертвенный ум воскресает.

Радуйся, веры горнило, имже неверие тает; Радуйся, тайная сило, яже от тли возставляет.

Радуйся, славо отшельников твердых; Радуйся, крепосте иноков бодрых.

Радуйся, Божия Мати, Невесто нетленная, светлая наша отрадо.

Кондак 5

Рождшая жизнь всему миру, рождшая милости бездну, о Дево Пречистая, оком яснейшим зриши наших печалей пучину, слышиши гласы земных воздыханий, скоро к нам на помощь притекающи, и учиши нас пети Всеблагому: Аллилуия.

Икос 5

Алчуще злата и крове, дерзко разбойницы с моря обитель святую в нощи облагают, да зело утро, вратом отворенным, убивше монахов, расхитят святыни. Ты же, неусыпная Заступнице, удел Свой защищаеши, да славит Тя:

Радуйся, Ватопеда отрадо; Радуйся, вражиим кознем преградо.

Радуйся, замыслов злых обличение; Радуйся, лютых врагов отражение.

Радуйся, Ты бо не усыпаеши, Свой спасающи удел; Радуйся, Ты бо бодрственно отвращаеши тучи смертоностных стрел.

Радуйся, крепосте чтущих святость икон Твоих чудных; Радуйся, столпе поющих славу чудес Твоих многих.

Радуйся, кротких победо и поражение гордых; Радуйся, правых защито и посрамление лживых.

Радуйся, Ты бо еси заблудших кормило; Радуйся, Ты бо еси молитвы кадило.

Радуйся, Божия Мати, Невесто нетленная, светлая наша отрадо.

Кондак 6

Девственный взор Твой, благая Мати, потоки любви и щедрот изливает: Ты нас храниши в исходех и входех, спасаеши верных на суши и в мори, аще токмо искра покаяния возникает в сердце, еже воспевати: Аллилуия.

Икос 6

Общия молитвы в час утра иноцы совершивше, отъидоша в келии до литургии, обаче игумен обители, в храме един моляся, от иконы Твоея Отрады глас слыша: «Врат не отверзайте днесь», трепетом же объят сый, сице старец восклицаше:

Радуйся, Дево, Ты бо еси стража святыни; Радуйся, яко дом Твой спасаеши ныне.

Радуйся, щите заутра и нощию; Радуйся, грозная силою многою.

Радуйся, Ты бо щадиши грешныя милосердием Твоим; Радуйся, Ты бо поражаеши сильныя, востающия на ны.

Радуйся, венче надежды, знаменование мира; Радуйся, жезле победы, обетование славы.

Радуйся, каменю сапфире, подобный видению неба; Радуйся, светлый престоле и колеснице Царева.

Радуйся, яко глас Твой сладок ушима; Радуйся, яко образ Твой красен очима.

Радуйся, Божия Мати, Невесто нетленная, светлая наша отрадо.

Кондак 7

Сын Человеческий близ есть, Суд Его Страшный при дверех — вещает нам глас богоносных Писаний, обаче нерадим о кончине, ленивии суще, и грозным глаголом не внемлем, вси бо суете повинни волею, и слово изрещи не вемы Богу: Аллилуия.

Икос 7

Трепетно старец игумен к образу взор свой возводит и видит: се лицы пред ним оживают, и Деве грозный Младенец рукою уста заграждает, глаголя: «О Мати, не провещавай, да накажутся». Старец же, ужасаяся, поет Пречистей тако:

Радуйся, Дево, Владычице мира; Радуйся, неба Царице благая.

Радуйся, яко Божий гнев утоляеши; Радуйся, яко грозный суд отвращаеши.

Радуйся, Мати всемилосердная, избавление от бед; Радуйся, помоще благодатная, упование душам.

Радуйся, Ты бо печали наша отгониши скоро; Радуйся, Ты бо болезни грешных врачуеши дивно.

Радуйся, якоже утро, свет проливающая тихий; Радуйся, якоже солнце, согревающая хладныя души.

Радуйся, чудная Отроковице; Радуйся, дивная Богоневесто.

Радуйся, Божия Мати, Невесто нетленная, светлая наша отрадо.

Кондак 8

Единомысленно, Дево, взоры к Тебе обращаем, Ты бо в день воздаяния нас не оставляеши; простри убо нам щедрую Свою руку, грехми бо падохом до адския бездны, и кто нас избавит от грядущих мук, кто же нас утвердит, во еже пети: Аллилуия.

Икос 8

Мати отводит десницу сладкаго Сына и, мало лице отклоняющи, старцу глаголет: «На стены братия вся да выходят и лютых разбойников да отражают!» Старец же всю братию глашает и, видевше все чудо, воспевают:

Радуйся, Мати благая Христова; Радуйся, тихой пустыни покрове.

Радуйся, аще и не вемы, киими Тя хвалебными возвеличим словесы; Радуйся, аще и не вемы, кия благодатныя принесем Ти похвалы.

Радуйся, яко Свет превечный носиши неопалимо; Радуйся, яко Огнь ипостасный держиши непостижимо.

Радуйся, Тя бо имамы необоримую стену; Радуйся, Тя бо вси вемы милости велию бездну.

Радуйся, херувимов честнейшая; Радуйся, серафимов славнейшая.

Радуйся, Божия Мати, Невесто нетленная, светлая наша отрадо.

Кондак 9

Иов, страдалец пред Богом, мудренно нас поучает, глаголет бо: се, благочестие — мудрость, и благо всем уходящим от мира и сладостный подвиг молитвы подъявшим, имже помогает Богородица в молитвах укреплятися и звати: Аллилуия.

Икос 9

Радостно в храме сем зряще список с иконы Отрады афонских обителей дар драгоценный, в молитве мысленно соединимся с хвалебными лики отцев-святогорцев, иже от заоблачных высот своих Пречистую нас пети приглашают:

Радуйся, стран и народов святыне; Радуйся, всех христиан благостыне.

Радуйся, Огнь во утробу приявшая; Радуйся, Слово по плоти явившая.

Радуйся, облаче света легкий, в мир принесший Христа; Радуйся, лествице, возводящая от земли на небеса.

Радуйся, стамно манны, алчущим сладкая пище; Радуйся, чаше златая, жаждущим новое пиво.

Радуйся, вышнее небо, свет озаряющее верным; Радуйся, тучная ниво, всем веселящая души.

Радуйся, тихая ангелов славо; Радуйся, людем благая отрадо.

Радуйся, Божия Мати, Невесто нетленная, светлая наша отрадо.

Кондак 10

Ум к небеси устремивше, чувства вознесше над тленом, о, коль вожделенно спастися от мира, имуще едино духа стремление к горним, едину сердца надежду на Бога. Помогай нам, Дево Богородице, и в путь веди нас правый, еже пети: Аллилуия.

Икос 10

Образ честный провождая в путь от Афона на север в покров благодатный обители новыя, в залог небесныя помощи граду, честный схимонах святогорец вещает: Се благословение Владычицы! Молитеся и веруйте, и пойте:

Радуйся, яко еси нам покров благодатный; Радуйся, яко еси нам залог упований.

Радуйся, сущим в бедах утешение; Радуйся, сущим в грехах умиление.

Радуйся, яко в час гнева Божия укрепляеши сердца; Радуйся, яко в день испытания умудряеши умы.

Радуйся, яко злых наветов тучи от нас отвращаеши; Радуйся, яко в годы бедствий не до конца погубляеши.

Радуйся, яко во дни бурь безбожных Ты еси единая нам пристань; Радуйся, яко прелестей ложных избавляеши нас присно.

Радуйся, в жизни нам тихая радосте; Радуйся, в вечности райская славо.

Радуйся, Божия Мати, Невесто нетленная, светлая наша отрадо.

Кондак 11

Темныя силы владеют в мире силою же и славою и света Христова познати не могут, но верным токмо молитва есть сила, им слезы — залог и победы, и славы. О Дево Мати, даждь нам тучу слезную и бодрственный нам ветр возвей, поющим: Аллилуия.

Икос 11

Радость на лицах сияет, глас вопиет от Афона: Владычица шествует к вам, исходите, сретайте Деву небес со свещами, сретайте же паче Сию со слезами радости, любве и умиления и празднуйте, и светлым гласом пойте:

Радуйся, кивоте освященный; Радуйся, престоле вознесенный.

Радуйся, горних чинов воспевание; Радуйся, адовых сил трепетание.

Радуйся, яко еси веселие человеческим сердцам; Радуйся, яко еси спасение совратившимся душам.

Радуйся, яко глас Твой пресладкий вечную радость вещает; Радуйся, яко взор Твой претихий нам тишину обещает.

Радуйся, яко Сына и Бога Ты умолиши о людех; Радуйся, яко райских чертогов Ты нам отверзаеши двери.

Радуйся, храмино Духа Святаго; Радуйся, скиние Бога живаго.

Радуйся, Божия Мати, Невесто нетленная, светлая наша отрадо.

Кондак 12

Ангельски днесь воспеваем песнь благодатней Марии: Сия бо есть сладость, и рай, и блаженство, отрада в час испытаний и гнева, надежда блаженств безконечных по смерти. Радуйся убо, Заступнице усердная, и радость подавай нам пети Богу: Аллилуия.

Икос 12

Да защитит Богомати образом дивным Отрады молитвы оплот — монастырь сей и храмы, да во век не угаснет лампада пред ликом спасительным Богоневесты, сонми же монахов гласом радости с миряны немолчно взывают:

Радуйся, храме, светлейший Сиона; Радуйся, свете и славо Афона.

Радуйся, иноков мысль непрестанная; Радуйся, девственных песнь неумолчная.

Радуйся, росу утешения посылаеши во дни; Радуйся, яко слезы умиления исторгаеши в нощи.

Радуйся, дивное имя, чудотворящее в тайне; Радуйся, Божие миро, в мир излиянное щедро.

Радуйся, яко Тобою лиется нам свет безконечный; Радуйся, яко с Тобою вечно Младенец предвечный.

Радуйся, светлосте людем, Тя чтущим; Радуйся, радосте нам, Тя поющим.

Радуйся, Божия Мати, Невесто нетленная, светлая наша отрадо.

Кондак 13

О всепречистая Дево, светлая наша отрадо, сладчайшаго Сына нетленная Мати! От всяких бед и скорбей ограждай нас и от будущих мук избави нас, Благая, радости же вечныя сподоби нас у горняго престола воспевати: Аллилуия.

Сей Кондак читается трижды, затем 1-й Икос и 1-й Кондак:

Икос 1

Ангелов лицы дивятся, образ афонский Твой зряще, на немже, пречистая Дево и Мати, от уст нетленных рукою десною десницу Младенца отводиши кротко. Что сие есть знамение образа? Мы же речем, поюще таковая:

Радуйся, Дево, Всевышняго Мати; Радуйся, дивный раю благодати.

Радуйся, наша отрадо небесная; Радуйся, людем надеждо известная.

Радуйся, образ бо Твой спасение возвещает всей земли; Радуйся, взор бо Твой утешение пребывающим во тли.

Радуйся, свете небесный, мглу наших дний озаряяй; Радуйся, цвете нетленный, тлен наших дел оживляяй.

Радуйся, Ты бо молитвы к Сыну за мир твориши; Радуйся, яко в теплой молитве, аки светильник, гориши.

Радуйся, радостно Ти восклицаем; Радуйся, песненно Тя воспеваем.

Радуйся, Божия Мати, Невесто нетленная, светлая наша отрадо.

Кондак 1

Возбранных сил небесных радость и хваление, всего же рода человеча исправление, ублажаем Тя, Пречистая Дево Мати, Ты же, наше упование единое, низпосли душам отраду благодатную, да поем Тебе, образ дивный Твой чтуще:

Радуйся, Божия Мати, Невесто нетленная, светлая наша отрадо.

Молитва

О Пресвятая Владычице Госпоже Дево Богородице, Невесто нетленная, Мати благословенная, светлая наша отрадо, вожделенное утешение!

Приими ныне дерзновенное и неотступное моление сие, от грешных устен и недостойных душ Тебе приносимое пред святым и светозарным Твоим образом.

Пощади ны, милостивая и милосердная и щедролюбивая наша заступнице, и не предаждь нас суду и гневу Сына Твоего и Спаса нашего, Господа Иисуса Христа, Емуже без конца согрешихом и повинни есмы осуждению и праведному Его изречению, да накажемся по грехом нашим, превозшедшим всякую меру Его долготерпения.

Приникни с высот Твоих горних, идеже ангели трепетно славят Тя, и воззри на нашу дольнюю нищету: како обнищахом верою, како бедствуем надеждою и оскудехом любовию, како умом омрачихомся, сердцем же и чувством ожесточихомся. Уврачуй нас молитвою Твоею, Дево целебнице. Возстави ны, падшия духом, укрепи разслабленныя умом, возбуди унылыя и отчаянныя, исцели болящия душею и телом.

Призри на град наш и пощади его, Божий отводящи Твоим предстательством гнев. Укроти гордостная стремления людей и богоотступная их шатания. Возвей тихое дыхание благодати Твоея на смятенныя души и сокрушенная сердца.

Сохрани супружеством чистоту, материнству честь, девству благословение. Низпосли под кров жилищ наших освящающий луч божественнаго света, да обличатся деяния неподобная и устыдятся речи хульныя, и укротятся мысли злобныя.

О миролюбивая, благостнейшая и тишайшая Дево Мати, о падениих наших скорбящая, о спасении нашем воздыхающая! Утоли церковныя бури, умири расколы и распадения, собери расточенныя, обрати отпадшия и всех приведи в единение Святыя Церкве, да единодушно и единомудренно славится на земли, якоже и на небеси, единое святейшее и спасительное имя Единосущныя Троицы, Отца и Сына и Святаго Духа, во веки веков. Аминь.

***

Об авторе акафиста

Магистр Богословия П.П. Мироносицкий (1867-1932) родился 10 января 1867 г. в семье священника в селе Мордовский Качим Городищенского уезда Пензенской губернии.

В 1887 году окончил Пензенскую духовную семинарию, а в 1891 г. Казанскую духовную академию. С 1891 г. учительствует в начальной школе села Русский Качим, где при содействии отца и младшего брата построил на старом кладбище новую школу, в которой использовал усовершенствованную методику преподавания и воспитания.

Педагог по призванию, горячо полюбил крестьянских детей, наполнявших школу. Церковная школа, по мнению П.П.Мироносицкого, должна была соединить в себе добрые воспитательные начала древне-русской школы со строго научными данными современной педагогики. Методика преподавания молодого учителя подробно изложена в написанной им книге «Дневник учителя церковноприходской школы» (С.Петербург, 1899, 1901г.г.)

Публикация книги принесла ему общероссийскую известность. А его работа «Очерки развития грамотности в селе Мордовский Качим Городищенского уезда», опубликованная в журнале «Пензенские епархиальные ведомости» (1892. № 15-№16), не утратила своего значения до настоящего времени.

С 29.05.1894 года П.Мироносицкий — магистр богословия. С 01.01.1896 г. — помощник редактора журнала «Народное образование». С 25.03.1897 г. — сверхштатный, а с 14.01.1913 г. постоянный член Училищного Совета при Св. Синоде.

Преподавал в Св.-Владимирской церковно-учительской женской школе. В 1914-1915 был редактором газеты «Приходской листок» (совместно с М.А.Остроумовым). В 1918-1919 работал в Театральном отделе Наркомпроса. С 2 января 1920 г. утвержден преподавателем церковного пения, с 27 июля 1920 г. профессор гимнологии и церковнославянского языка Петроградского богословского института. Участник Александро-Невского братства. С 1925 г. преподавал на высших Богословских курсах греческий и церковно-славянские языки и церковное пение.

С начала 1930-х — преподаватель русского языка Ленинградского политехникума путей сообщения.

Арестован 17 февраля 1932 года, 1 марта 1932 г. умер от сердечного приступа во время допроса. Похоронен на Новодевичьем кладбище в Ленинграде.

Главная монастырская святыня — икона Божией Матери «Отрада и Утешение»

Образы икон, которые стали традиционными каноническими изображениями, можно разделить на писанные и обретенные. Первые – это изображения, созданные художниками-иконописцами. Вторые же появились чудесным образом, как икона Божией Матери «Отрада и Утешение», изменяясь просто на глазах или призывая людей, которым было суждено их найти.

В чем и кому помогает икона Божией Матери «Отрада и Утешение»

Икона Богородицы Отрада и Утешение

Уникальность образа сделала икону одной из наиболее почитаемых. Единение непохожих, даже противоречащих особенностей стало основой настоящего оберега от многих проблем. К иконе Матери Божьей «Отрада и Утешение» обращаются в таких случаях:

• когда города косил мор, списки с иконы несли в крестном ходу, во время которого многие грешники каялись, поэтому беда уходила;
• при наличии угрозы иноземного нападения к иконе и спискам с нее обращались за помощью, что помогало устранить опасность;
• часто к иконе обращаются родные больных или сами заболевшие верующие с просьбой об исцелении;
• когда происходят природные катаклизмы, к образу обращаются с просьбой о защите;
• при наличии склонности к греху, сильных греховных страстей «Отрада и Утешение» помогает сладить с ними, избавиться от них;
• при необходимости найти в жизни свой покой и духовную целостность, конечно же, молитва к Богородице у этой иконы помогает привести душу в гармонию с миром;
• при возникновении угрозы панической атаки стоит только обратиться к образу, и спокойствие отведет в сторону страх, слабость, даст силы выстоять даже в самых неприятных ситуациях;
• если в жизни не царит обустроенность, при этом часто случаются несчастья, обращение к иконе помогает отвести невзгоды;
• молитва непосредственно к иконе Богородицы «Отрада и Утешение» помогает избавиться от язв душевных;
• тем, кто слаб верой, икона помогает укрепить ее;
• икона защитит от врагов, стоит только попросить об этом у Матери Божьей.

Как просить о помощи

Для обращения к иконе надо иметь сам образ и веру в Бога. Не стоит думать, что подобное обращение возможно лишь в храме, где имеется старинный список с лика.

Молиться можно и дома, взяв недорогой образ в обычной церковной лавке. Текст молитвы желательно не менять, а читать его в полном варианте. Лишь в самом конце можно добавить слова, идущие от сердца.

Когда обращаетесь к Богу и Богоматери, не забывайте о своей греховности. Помнить также необходимо и о милости Божией, дарованной нам Искуплением. Само название образа гласит, что Бог дает второй шанс каждому, кто ищет его и готов искупить свои прегрешения.

Не стоит считать, что Бог разделяет людей на тех, кто более достоин благодати, и тех, кто заслужил ее в меньшей мере. На самом деле, Он слышит нас всегда, а проблемы, с которыми мы к Нему обращаемся, он не разделяет на более или менее важные. Веруйте! Просите! И даны будут просящему новые возможности и поддержка.

Не стоит превозносить себя или показательно смиряться, выказывать кротость, чувствуя внутри бурю. Смирите в душе греховный огонь гордыни и покаянно приложитесь к иконе. Истинное благоговение, смирение Богородица видит и преображает духовно.

Молитва Пресвятой Богородице

Существует три основных молитвы к иконе Матери Божьей «Отрада и Утешение». Выберите ту, которая подходит вам больше всего.

Текст молитвы иконе Богоматери «Отрада и Утешение» о благодарности, утешении, смирении и избавлении от грехов:

«зменить шрифт
О, Пресвятая Госпоже Богородице, Отрадо и Утешение наше! Воззри милостивно на люди предстоящие с верою и любовию и покланяющиеся Пречистому Образу Твоему приими наше хвалебное пение и пролей теплую Твою молитву о нас грешных ко Господу, да презрев вся наша согрешения, спасет и помилует нас, О, Предивная Владычице! Покажи на нас чудные милости Твоя, сохрани пастырей Церкви и вся христианское воинство. Молим Тя умиленно, избави и всех нас от всякия скорби, настави на путь всякия добродетели и благостыни, спаси искушений, бед и болезней и изьми от нас оклеветания и свары, сохрани от молниеноснаго грома, от заполения огненнаго, от града, труса, потопа и смертоносныя язвы, подаждь нам Твою милостивую помощь в пути, и в море, и на суши.
Се бо Всемилостивая Владычице во уповании несомнением Тебе нашу убогую молитву возносим. Не отрини наших слез и воздыханий, не забуди нас во вся дни жизни нашея, но всегда пребывай с нами, и Твоим заступлением и ходатайством у Господа подавай нам отраду, утешение, защиту и помощь, да славим и величаем, и ублажаем Тя во вся роды во веки веков. Аминь.

Текст молитвы иконе Богоматери «Отрада и Утешение» о заступничестве, об укреплении веры и избавлении от грехов:

«зменить шрифт
Надежда всем концем земли, Пречистая Дево Богородице, Утешение и Отрадо наша! Не гнушайся нас грешных, на Твою бо милость уповаем. Угаси пламень греховный и покаянием ороси изсохшие сердца наша. Очисти ум наш от греховных помышлений. Приими моления от души и сердца с воздыханием Тебе приносимыя. Буди Ходатаица о нас к Сыну Твоему и Богу и отврати гнев Его от нас Матерними молитвами. Укрепи в нас веру православную, вложи в нас дух страха Божия, дух смирения, терпения и любви. Душевныя и телесныя язвы исцели, утиши бурю злых нападений вражеских. Отыми бремя грехов наших и не остави нас до конца погибнути. Подаждь нам милость Твою и святое благословение Свое всем зде предстоящим и молящимся и всегда пребываяй с нами, подавая приходящим к Тебе отраду и утешение, помощь и заступление, да славим и величаем Тя вси до последняго нашего воздыхания. Аминь.

Текст молитвы иконе Богоматери «Отрада и Утешение» о наставлении на пусть истинный, спасении и просветлении:

«зменить шрифт
О Пресвятая Дево, Мати Господа, Царице Небесе и земли! Вонми многоболезненному воздыханию души нашея, призри с высоты святыя Твоея на нас, с верою и любовию поклоняющихся Пречистому образу Твоему. Се бо грехми погружаемии и скорбьми обуреваемии, взирая на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и обремененных! Помози нам немощным, утоли скорбь нашу, настави на путь правый нас заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину, и на страшном суде Сына Твоего явися нам Милосердая Заступница, да всегда поем, величаем и славим Тя, яко благую Заступницу рода христианскаго, со всеми угодившими Богу. Аминь.

Делимся с Вами чтением молитвы перед иконой Божией Матери Отрада и Утешение в исполнении служителей Кафедрального собора Божией Матери в городе Кропоткин:

Молитва пред иконой Богородицы, именуемой Отрада и Утешение.

История иконы Божией Матери «Отрада и Утешение»

Многие чудеса связаны с горой Афон, где многие века находят для себя уединение и близость к Богу преподобные старцы. В одном из греческих монастырей, где служат господу отринувшие мирскую жизнь мужчины, воплотился новый образ Божией Матери.

Случилось это 27 января 807 года. В ту пору Ватопедскому монастырю угрожала опасность нападения разбойников на обитель. Один из игуменов, проводивший время в молитве Богородице, услышал женский голос и поднял глаза на икону. Голос предупредил монаха о нападении, а лик на иконе повернулся к нему. Игумен сразу же созвал братьев, чтобы они засвидетельствовали о чуде, и они очень удивились изменениям в лике. Преклонив колени, монахи сразу воздали благодарность и вознесли молитву перед иконой «Отрада и Утешение». Когда грабители подошли к стенам, то были неприятно удивлены готовностью монахов к отпору. Так, с именем Богородицы на устах, монахи отбили нападение и защитили монастырь.

С тех пор икона «Отрада и Утешение» стала одним из почитаемых ликов Божьей Матери. Она находится в том же монастыре, где и явилась в мир.

Наиболее известным чудом исцеления данным образом «Отрада и Утешение» стал случай с монахом Неофитом, жившим в Ватопедском монастыре. В тот раз игумен послал монаха в одно из монастырских подворий, расположенных на острове Эвбея. В процессе прохождения послушания монах заболел и почувствовал, что жить ему осталось фактически недолго. Тогда он обратился с молитвой к Богородице, умоляя оставить ему жизнь до той поры, когда он сможет вернуться в обитель. Тогда он услышал женский голос, сказавший, что он может отправляться обратно, но через год, чтобы он был готов к успению.

Недуг отпустил монаха из своих рук, а через некоторое время Неофит вернулся в обитель. Утром того дня, когда прошел год после разговора с Богоматерью, он пошел на службу и принял Причастие. Поднимаясь к себе в келью мимо иконы «Отрада и Утешение», монах снова услышал Ее. Матерь Божья сообщила ему, что время уже пришло.

В келье монах почувствовал сильную слабость и созвал братьев. Он поведал им о чуде и отошел к Богу.

Икона Божией Матери Отрада и Утешение Ватопедского монастыря, Афон.

Оригинал образа Богоматери «Отрада и Утешение» остается в Ватопедском монастыре. Икона не покидает горы Афон. Списки с нее есть и в русских храмах. Наиболее чтимыми из них стали:

1. Список Воскресенского монастыря. Эта икона хранится в Санкт-Петербургской обители. Она всегда доступна для посещения.
2. Список Новодевичьего монастыря в Москве. Икона писалась на горе Афон.
3. Список иконы в Дмитриевском монастыре, расположенном неподалеку от Ростова Великого. Во времена СССР он был утрачен, но в 1997 году Святейший Патриарх Московский и всея Руси Алексий II, путешествующий с митрополитом Крутицким и Коломенским Ювеналием, посетил монастырь с миссией возвращения чудотворного образа.

Храм, посвященный образу «Отрада и Утешение», был построен на Ходынском поле в самом начале двадцатого столетия. После действий большевиков в 20-х годах храм закрыли. Он стоял неухоженный, постепенно разваливался. В начале 90-х храм был передан на попечение Церкви, что стало новым витком в его существовании. На данный момент он полностью восстановлен.

Изображение и значение образа Божией Матери «Отрада и Утешение»

Каждая черта лика Богородицы на иконе источает любовь ко всем живущим в мире и сострадание к нуждающимся в помощи. Глаза ее наполнены смирением и милосердием. Очертания уст отображают нежную улыбку утешения. Кроткий, ласковый образ наполнен благодатью и кротостью.

Изображение божественного младенца практически не изменилось. Лик остался таким же строгим, как и на остальных иконах. Рука же его поднята к устам Богоматери в попытке остановить предупреждение о наказании Божьем за чрезмерное подвижничество монахов.

Икона Божией Матери «Отрада и Утешение».

Сама икона на изменении положения лица Богородицы, а также движения руки Младенца не остановилась, при этом продолжила двигаться дальше. Божья Матерь взяла ладонь Богомладенца своей десницей и отвела ее от губ в материнском усмиряющем движении. В этом показана не только великая любовь, но и истинное заступничество за людей.

Весь образ включает в себя несколько взаимоисключающих символов:

• суровость справедливого суда;
• неотвратимость наказания за грехи;
• строгость в воспитании последователей веры;
• милость Божия, которую может заслужить каждый;
• доброта Господа, позволяющего грешникам прийти к покаянию.

Существуют так называемые нерукотворные образы, которые были обретены, то есть где-то просто отыскались и явились людям. Из всего ряда подобных образов особенной является икона «Отрада и Утешение», которая фактически несет на себе печать чуда. Ведь изначально она была просто иконой Богоматери, но чудесным образом фигуры пришли в движение и застыли в новом положении, которое потом стало каноническим, но обо всем по порядку.

Обретение иконы

Другое чудо связано с предупреждением об опасности, грозящей обитателям монастыря. 21 января 807 года молившийся перед иконой игумен услышал голос женщины. Подняв глаза, он увидел, что Ватопедская икона Божией Матери повернулась к нему и предупреждает, о том, что преступники готовятся напасть на монастырь. Изумленный священослужитель немедленно позвал всех обитателей монастыря, чтобы они засвидетельствовали это чудо. Монахи были очень удивлены тем, что лик Божией Матери на святом образе отклонен вправо. Обитатели монастыря воздали благодарность иконе Божией Матери «Отрада и Утешение» и молитва перед чудотворным образом была произнесена сразу. Затем дали отпор грабителям, с именем Богородицы на устах и верой в спасение они не позволили разбойникам войти в обитель и разграбить его.

С тех давних времен Ватопедскую икону называют «Отрада» или «Утешение».

Любовью и состраданием наполнен лик Богородицы на иконе, а глаза смотрят на всех с милосердием и смирением, а уста застыли в кроткой улыбке утешения.

Образ Божественного Младенца остался строгим. В память об этих чудесах перед святым ликом Богородицы находится неугасимая лампада.

Значение иконы «Отрада и Утешение»

Великими почестями пользуется икона Божией Матери «Отрада и Утешение» — значение ей придает и факт чудесного обретения, и содержание. Сейчас этот образ делает Ватопед одним из наиболее посещаемых паломниками, также засвидетельствовано немалое количество чудес по молитве к образу.

Итак, икона Богородицы «Отрада и Утешение» застыла в той самой форме, в которой явилась настоятелю и монахам монастыря в древности. Как гласит предание, Богомладенец на иконе, когда пришел в движение, протягивал руку к устам Богоматери, дабы не дать той предупреждать монахов. Господь посылал свою кару на монастырь и считал подвижничество этих иноков не подобающе старательным.

Только вот Ватопедская икона Божией Матери «Отрада и Утешение» продолжила двигаться, и Пречистая Дева взяла руку Богомладенца в свою и немного усмирила его, как позволительно только матери и великой заступнице людей.

Таким образом в иконе заключено даже некоторое противоречие, хотя в действительности образы дополняют друг друга. Христос строг к своим последователям и взирает строго, а Божья матерь проявляет свою милость и доброту. Таким образом Господь всегда дает возможность раскаяться.

Молитвы

Днем почитания образа является 3 февраля.

Тропарь Пресвятой Богородице пред иконой Ея Ватопедской, именуемой «Отрада» или «Утешение», глас 4

Яко покро́в благода́тный и спаси́тельный/ стяжа́хом честну́ю Твою́ ико́ну, Богоро́дице,/ на сию́ у́бо со умиле́нием взира́юще, Тебе́ вопие́м:/ Влады́чице, ниспосли́ нам отра́ду и утеше́ние,/ на Тя бо упова́ние возлага́ем, гре́шнии и смире́ннии./ На Твое́ предста́тельство наде́емся, недосто́йнии./ Ускори́ нас изба́вити от бед и скорбе́й/ и умоли́ Сы́на Твоего́, Христа́ Бо́га на́шего,// поми́ловати и спасти́ ду́ши на́ша.

Тропарь Пресвятой Богородице пред иконой Ея Ватопедской, именуемой «Отрада» или «Утешение»

К Богоро́дице приле́жно ны́не притеце́м,/ гре́шнии и смире́ннии, и припаде́м,/ в покая́нии зову́ще из глубины́ души́:/ Влады́чице, помози́, на ны милосе́рдовавши,/ потщи́ся, погиба́ем от мно́жества прегреше́ний./ Не отврати́ Твоя́ рабы́ тщи,// Тя бо и еди́ну наде́жду и́мамы.

Кондак Пресвятой Богородице пред иконой Ея Ватопедской, именуемой «Отрада» или «Утешение», глас 8

Взбра́нной Воево́де победи́тельная,/ я́ко изба́вльшеся от злы́х,/ благода́рственная воспису́ем Ти, раби́ Твои́, Богоро́дице,/ но, я́ко иму́щая держа́ву непобеди́мую,/ от вся́ких нас бед свободи́, да зове́м Ти: // Ра́дуйся, Неве́сто Неневе́стная.

Молитва Пресвятой Богородице пред иконой Ея Ватопедской, именуемой «Отрада» или «Утешение»

Наде́жда всем конце́м земли́, Пречи́стая Де́во Богоро́дице, Утеше́ние и Отра́до на́ше! Не гнуша́йся нас гре́шных, на Твою́ бо ми́лость упова́ем. Угаси́ пла́мень грехо́вный и покая́нием ороси́ изсо́хшие сердца́ на́ша. Очи́сти ум наш от грехо́вных помышле́ний. Приими́ моле́ния от души́ и се́рдца с воздыха́нием Тебе́ приноси́мыя. Бу́ди Хода́таице о нас к Сы́ну Твоему́ и Бо́гу и отврати́ гнев Его́ от нас Ма́терними моли́твами. Укрепи́ в нас ве́ру правосла́вную, вложи́ в нас дух стра́ха Бо́жия, дух смире́ния, терпе́ния и любви́. Душе́вныя и теле́сныя я́звы исцели́, утиши́ бу́рю злых нападе́ний вра́жеских. Отыми́ бре́мя грехо́в на́ших и не оста́ви нас до конца́ поги́бнути. Пода́ждь нам ми́лость Твою́ и свято́е благослове́ние Свое́ всем зде предстоя́щим и моля́щимся и всегда́ пребыва́й с на́ми, подава́я приходя́щим к Тебе́ отра́ду и утеше́ние, по́мощь и заступле́ние, да сла́вим и велича́ем Тя вси до после́дняго на́шего воздыха́ния. Ами́нь.