Канон мученику уару

читать только с благословения священника!!!

ЗАСТУПНИК НЕКРЕЩЕННЫХ И В ИНОВЕРИИ УМЕРШИХ СВЯТОЙ МУЧЕНИК УАР

По учению святого апостола Павла, Церковь есть живое Тело Христово, а Он — Глава, все же верующие — живые клеточки этого великого организма, одушевляемого Духом Божиим. Некрещеные люди, равно как и еретики, есть мертвые члены, отсеченные от целого тела Церкви. Они не родились духовно ,во святом Крещении . Умершие некрещеными родственники есть во многих семьях. Святой мученик Уар, покровитель, просит Бога и за них. К нему можно обратиться и за младенцев, во чреве убиенных. Если ваша мольба будет услышана, Уар попросит за них перед Господом Богом. Но почему Уару дано такое исключение? Мученик Уар — святой, принявший смерть за Христа в 307 году. Служил императору Максимиану в столице Египта Александрии легионером. Считался трусом, грешником. В его биографии много парадоксального. Считал себя христианином, но показывать свою веру боялся. По ночам заходил в темницы к мученикам, которые страдали за веру. Поддерживал их как мог, просил молиться за него, но признавался: «Хотел бы пострадать за Христа, но не имею для сего такой твердости, боюсь тех мучений, которые испытываете вы». А когда пришел час, Уар оказался смелым и нашел силы стать в ряды мучеников. Парадокс: граница между трусом и героем, грешным и святым очень зыбкая. Перешагнуть ее доступно каждому. Человек, укрепленный Духом Святым, обретает мужество пройти любое испытание. Однажды Уар целую ночь беседовал с семью осужденными на смерть христианскими учителями, которых перед тем избивали и держали голодными. Утром, когда осужденных повели на казнь, Уар пошел вместе с ними. Судья, видя особую твердость веры Уара, приказал предать его жестоким избиениям, во время которых святой мученик скончался. Затем были усечены христианские учители. Это было в 307 г. Тело Уара, растерзанное римскими псами, Клеопатра тайно вывезла в Палестину. К ней Уар стал являться в видениях. Однажды святой сообщил ей, что за ее благодеяния он умолил Бога отпустить грехи всем ее умершим родственникам-язычникам. С тех пор православные христиане обращаются с молитвой к мученику Уару о ходатайстве перед Господом за их родных и близких, умерших не крещенными в православную веру.
Святому молятся также о самоубийцах

Полное Житие святого мученика Уара

Святой мученик Уар жил в Александрии в IV веке и служил в римском войске. Он был тайным христианином. Не имея мужества открыто исповедать свою веру во время гонений, Уар по ночам обходил тюрьмы, ухаживал за мучениками и просил их молитв.

Однажды он узнал, что среди заключенных находятся семь христианских учителей. Их пытали, а потом связанных бросили в тюремную камеру, где несколько дней морили голодом. Подкупив сторожей, Уар вошел в тюрьму, освободил мучеников от оков, напоил и накормил.

«Помолитесь обо мне, угодники Божии,- просил он,- и я бы хотел пострадать за Христа, но боюсь пыток». «Вспомни, что сказано в Евангелии,- отвечали мученики.- «Кто отречется от Меня пред людьми, отрекусь от того и Я пред Отцем Моим Небесным». Пойдем, брат, с нами ко Христу мученическим путем — потерпим вместе».

Наутро один из мучеников скончался от ран и святой Уар, вместо него представ перед наместником, сказал, что хочет пострадать с христианами. Его начали пытать: истязали, строгали железными ножами, затем, прибив к дереву вниз головой, сдирали со спины кожу, а по животу били суковатыми палками до тех пор, пока внутренности не выпали на землю. Когда святой Уар скончался, его тело выволокли из города и бросили на съедение псам.

Одна благочестивая вдова, по имени Клеопатра, тайно взяла тело мученика и погребла в своем доме.

Когда гонение прекратилось, Клеопатра уехала в Палестину, в селение Эдра. Она перенесла сюда мощи святого и положила их в семейной усыпальнице. Каждый день она молилась у гробницы мученика Уара. По ее примеру и другие христиане стали прибегать к его помощи и получали исцеления от мощей святого.

Блаженная Клеопатра, видя, что множество людей собирается ко гробу Уара, решила построить в его честь храм. Ее семнадцатилетний сын Иоанн готовился вступить в римское войско, и мать усердно молилась святому Уару, чтобы он был помощником юноше и испросил бы для него у Господа то, что будет Ему угодно, а Иоанну — полезно. Она надеялась, что, когда храм будет построен, сын получит в войске почетную должность.

В новой церкви мощи святого Уара положили под престолом. После совершения первой Божественной литургии блаженная Клеопатра устроила угощение и вместе с сыном прислуживала гостям. Внезапно у него начался сильный жар, и в полночь юноша скончался. Клеопатра побежала в церковь и стала укорять святого мученика: «Угодник Божий, вот как ты заплатил за мои труды! Лучше бы мне умереть самой, чем увидеть смерть сына».

От крайней усталости и скорби блаженная Клеопатра заснула прямо в храме. Во сне ей явились мученик Уар и Иоанн в сверкающих одеждах и венцах.

Святой сказал: «Неужели ты думаешь, что я забыл твои благодеяния? Я умолил Бога, чтобы Он отпустил грехи твоим сродникам, с которыми ты положила меня в гробнице. Я взял твоего сына — он предстоит престолу Божию и служит Царю Небесному; если хочешь, чтобы он служил царю земному и временному, возьми его обратно». Но юноша обнял его со словами: «Нет, не лишай меня общения со святыми!» А матери сказал: «Что ты плачешь? Я причислен к воинству небесному и предстою Христу вместе с ангелами».

Придя в себя, блаженная Клеопатра рассказала священникам о видении; вместе с ними она с честью погребла своего сына при гробе святого Уара, уже не плача, а веселясь о Господе. После этого, раздав свое имение и отрекшись от мира, Клеопатра стала жить при церкви святого Уара, угождая Богу.

День памяти святого мученика Уара — 19 октября (1 ноября по новому стилю).

Молитва об умершем некрещеным, святому мученику Уару

О, святый мучениче Уаре досточудный, ревностию по Владыце Христу разжигаем, Небесного Царя пред мучителем исповедал еси, и ныне Церковь почитает тя, яко прославляемого от Владыки Христа славою Небесною, Иже дарова тебе благодать великаго к Нему дерзновения, и ныне предстоиши Ему со Ангелы, и в Вышних ликуеши, и зриши ясно Святую Троицу, и светом Безначального Сияния наслаждаешися: воспомяни и наших сродников томление, умерших в нечестии, прими наше прошение, и якоже Клеопатрин род неверный молитвами твоими от вечных мук свободил еси, тако воспомяни елицы противобожне погребенныя, умершия некрещеными (имена), потщися испросити оным от вечныя тьмы избавление, да вси едиными усты и единем сердцем восхвалим Премилосердного Творца во веки веков. Аминь.

КАНОН СВЯТОМУ МУЧЕНИКУ УАРУ,

Канон, глас 8, имый краестрочие: умоли, Уаре, за внешния наши роды

Песнь 1

Ирмос: Колесницегонителя фараоня погрузи, чудотворяй иногда, Моисейский жезл крестообразно поразив и разделив море, Израиля же беглеца пешеходца спасе, песнь Богови воспевающа.

Святый мучениче Уаре, моли Бога о нас.

Умолен буди, Господи, святым Твоим Уаром мучеником и облецися в милость и щедроты; и сия даже до ада излиются, Человеколюбче, и ущедрят, яже от нас просимыя, богатным Твоим милосердием.

Святый мучениче Уаре, моли Бога о нас.

Мучениче Христов великий, озлобленныя и безпомощныя воспомяни, седящия во мраце тьмы не просветимыя, и не престани, припадая ко щедрому Господу, дондеже утешит я богатным Своим милосердием.

Святый мучениче Уаре, моли Бога о нас.

О роде Клеопатры дивныя умолити возмогл еси, славный страстотерпче, убо и днесь, возмогая, возможеши свободити от мук, иже от нас воспоминаемыя, аще прилежно о них ко Господу помолишися, тебе бо ради утешит я Владыка богатным Своим милосердием.

Слава Отцу, и Сыну, и Святому Духу и ныне и присно и во веки веков. Аминь.

Богородичен: Безпомощным Благая Помощнице, призри от славы Своея, Владычице, ко мраку адову и виждь беды умиленных, пред Тобою нами воспоминаемых, и не престани о них умоляя Своего Сына и щедраго Господа и Владыку, дондеже утешит я богатным Своим милосердием.

Песнь 3

Ирмос: Утверждей в начале Небеса разумом и землю на водах основавый, на камени мя, Христе, заповедей Твоих утверди, яко несть свят, паче Тебе, Едине Человеколюбче.

Лик святых Сил Небесных подвигни с собою на молитву, мучениче, и сотвори дело пречудно, и велико, и честно, паче же радость неимущим надежды и утешения не уповающим, горьким нашим неверно умершим прародителем и еже с ними воспоминаемым, еже даровати сим от Господа прощение и велию милость.

Изрядный страстотерпче и Христу любимый, увеждь, коль желательна свобода мучимым и отрада, сице убо и наша сродники, и иже с ними неверия ради вечныя муки притяжавшия, меры не обрящут своим радостем, аще испросиши сим от Господа прощение и велию милость.

Уаре, добропобедный страдальче, милостив буди и к нашим молением, и зри удрученных несказанную нужду, и сам, от жалости понужден, неотступно молися к Человеколюбцу Владыце, да подаст им прощение и велию милость.

Богородичен: Всемирная надеждо, богоприятное селение, наше к Богу примирение, Марие Владычице, приими прошения настоящаго предстояния и не престани моляся к Сыну Своему и всяческих Господу, да подаст безнадежным Тебе ради прощение и велию милость.

Седален, глас 5:

Аще молишися за весь мир, великомучениче, и не престаеши, прося всем милости и всяким преступником всеми образы люто Владыце досадившим и непрестанно досаждающим, иже мертвыми делы себе до конца умертвившим и ничтоже приобретшим, яко зло сотворшим, такоже, страстотерпче, предстани и о наших умерших сродницех, яко возможная начиная, не отступи, моляся и припадая к милующему всех Господу, да простит и помилует, иже во тьме седящия и люте зело огорченныя.

Другий седален, глас 3:

Радости вечныя насельниче, Небесному покою тезоименитый, Уаре великий, дерзая, да дерзнеши воспомянути пред Господем умиленныя четы наших прародителей, аще бо и не в гробе оных полагаем тя, усердным же прошением к жалости, еже от них, совокупляем тя. Темже припади и молися, не отринет бо предстояния твоего Владыка, но от безмерныя благостыни приклонен, пошлет преогорченным избавление и велию милость.

Слава, и ныне, Богородичен:

Пресветлая Госпоже, от Небесных сил превоспеваемая, и выну возвеличаемая, Мати Царя всяческих, где убо и когда хощет умножитися Твоя слава и величество, не тогда ли, егда грешныя заступаеши и весь мир молитвами Своими покрываеши, темже и днесь умножи, Владычице, велелепоту Твоего превозхождения, избави теплыми Твоими молитвами от лютых мук неверныя наша и некрещенныя сродники и с яже о них и с ними воспоминаемыя, и подаждь оным избавление и велию милость.

Песнь 4

Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недра Отча, и нашу нищету посетив, тем с пророком Аввакумом зову ти: силе Твоей слава, Человеколюбче.

Ельма убо*, страстотерпче, всех любиши с верою к тебе прибегающих, темже и любимь быти от молящих тя благопоспеши. Что же ино с желанием прославити тя Человеколюбный сотворит, не поданием ли просимыя милости умиленным и всякия отрады лишенным вечным узником, тако и впредь, о доблий мучениче, не оскудей о сих моляся.

Зима люта и спасения безплодие облежит в нечестиих умершия и плач безотраден, зде убо вочтени* суть, иже от нас воспоминаемыя. Ты же, страстотерпче, соединити сих к роду праведных потщися и не оскудей о них моляся.

Адова мрачная темница во веки да не обымет прародители и сродники наша и вся, воспоминаемыя с ними: тебе, дивному страдальцу, силу неверия и греховную мощь низложившу, тако и впредь сих еже с Клеопатриным родом простити не оскудей, мучениче, моляся.

Богородичен: Тобою, Пречистая, познахом славити всяческих Содетеля, и от Тебе Плотоносца непрелестна Спаса величати навыкохом, и Тя, Владычицу, хвалим, и Тебе поклоняемся, и молим, помилуй умершия в неверии наша сродники, и еже избавити сих не оскудей к Сыну моляся.

Песнь 5

Ирмос: Вскую мя отринул еси от лица Твоего, Свете незаходимый, и покрыла мя есть чуждая тьма, окаяннаго, но обрати мя и к свету заповедей Твоих пути моя направи, молюся.

Всяко дарование, мучениче, и всяка милость от милостиваго Господа изливаемы, аще и предивны, и пречудесны суть, слагаеми же к прощению в нечестии умерших, величество преизящно сему оставляют. Темже и днесь великая сотворити потщися, Владыку, мучениче, умолити.

Не отвратися, Господи, от нашего умиления, ниже помяни множество грехов наших, паче же помяни древния Своя милости, и ради щедрот Твоих, и ради Уара страдальца добляго, не оскудей в богатстве безмернаго Твоего милосердия, но излей милости и прощение, еже от нас воспоминаемым.

Есть убо, великомучениче, и достизает человеколюбие Владычне и к сущим в мори далече, темже предстани и днесь и, припадая, умоли Его еже помиловати удаленныя и веры, и Крещения отчужденныя умершия наша сродники и всем, иже с ними воспоминаемым, даровати прощение и велию милость.

Богородичен: Предстани, Владычице, нашему изнеможению и буди выну в нуждах, помогая нам всюду и присно, Ты бо еси христианская Надежда и Упование, темже не отрини наша прошения, но сотвори совершена и исполнена неисписанною Твоею благодатию.

Песнь 6

Ирмос: Очисти мя, Спасе, многа бо беззакония моя, и из глубины зол возведи, молюся: к Тебе бо возопих, и услыши мя, Боже спасения моего.

Шатания вражия да не возрадуются, души в корысть получивши, ты же, мучениче, теплыми своими молитвами разруши хотения его, умоляя Господа еже простити нами воспоминаемыя, и от вечныя муки тоя и нас избавити.

Начало нашему подвигу Клеопатрина рода прощение, отсюду убо виновное восприяхом возставити тя на молитву, и о еже нами поминаемых не презри, великомучениче, и не отрини грешных предстояние, но, потщався, испроси у Владыки Христа оным прощение и от горьких мук избавление.

Иже неверия ради срете конец зол, и чаяние благих весьма погибе прогневания Божия ради, ты же, страстотерпче, дерзновение прием, радость отпущения вместо страшнаго томления от Небеснаго Царя испроси и, извед от горести, соблюди во Владычней милости.

Богородичен: Кая, Владычице, злоба превозможет Твоя матерния молитвы? Воистину убо, аще предстанеши и днесь, моля за просимыя Тобою, сотвориши оным радостное прощение, избавление и велию милость.

Кондак, глас 4:

Христу последуя, мучениче Уаре, Того испив чашу, и венцем мучения увязеся, и со Ангелы ликовствуеши, моли непрестанно за души наша.

Икос:

Воспомяни наша глаголы, светлый жителю Небесный, Христов славный великомучениче Уаре, вечному покою тезоименитый, и великими твоими страдании непроходимое и светлое покоище приобретый от непреходныя темницы, и томления непрестаннаго, и нужды, потщися богоприятными твоими молитвами избавити рабы умиленныя, ихже ради молим тя, предстояще и во усердии взывающе, исполни наша прошения, святе, и Христа Бога моли непрестанно за души наша.

Песнь 7

Ирмос: Божия снизхождения огнь устыдеся в Вавилоне иногда, сего ради отроцы в пещи радованною ногою, яко во цветнице, ликующе, пояху: благословен еси, Боже отец наших.

Яко же солнце, Господи, всех просвещаеши, и всем дождь независтно изливаеши, и прогневающим Тя милость непрестанно даруеши, и ныне послушай Уара, Твоего страдальца, и пролей милость Твою до конца оныя отчужденным сродником нашим и яже с ними неверным, Человеколюбче.

Ныне, якоже и прежде, щедр буди, Господи, и умолен явися, Владыко, якоже о Клеопатре содея, сице и о нас, Милостиве, сотвори; посли Своя щедроты и милосердие ко еже нами воспоминаемым, источник бо еси милости неисчерпаемый.

Аще пророк, восперяяся, поет милости Твоя, Господи, во веки, убо не оскудевша Тя в щедротах веруем, яко милосердия Твоего пределы неизмеримы, и от пучины во глубину потопшим излияти милости Тя умоляем, исполни убо ради мученика сие, о Владыко наш.

Богородичен: Гору Тя сказует премудрый во пророцех, мы же тому и еже от Тебе Каменю Богородия изыти без примешения мужеска, веруем; Имже наше спасение и от глубин адовых возведение получихом, Владычице, возведи и днесь от ада воспоминаемыя нами, да Тя, Всемилостивую, непрестанно величаем.

Песнь 8

Ирмос: Мусикийским органом согласующим и людем безчисленным поклоняющимся образу в Деире, три отроцы не повинувшеся, Господа воспеваху и славословяху во вся веки.

Шары* да будут словеса древния Твоя, милости, Господи, сказующия и нашу надежду воздвижущия, яко послушал еси святыя Твоя, Господи, еже помиловати неверныя умершия, ихже и днесь приводим Ти на молитву, да прошения их ради ущедриши инославно умершия, ведением и неведением Тебе, Владыко, досадившия.

Агнче Божий, Пречистою Своею Кровию нас искупивый, Феклино и блаженнаго Григория моление услышав, Мефодия со многими и Макария прием прошения, и отраду, и избаву зловерным подав умершим, и Златоустаго о сих молитися написати воздвигнув, приими убо, Владыко, с сими славнаго Уара и молитвами их воспоминаемыя от нас прости и помилуй.

Радость нам испроси, великомучениче, возвеселимся бо, аще обрящем твоими молитвами избавленныя от вечных мук наша сродники; всегда бо Твоя молитвы Владыка слышит и прошения исполняет, ты же убо не оскудей о сих и ныне моляся, да тя выну прославляем.

Богородичен: Пренепорочная Владычице, обилуй множеством милосердия и щедрот, дивная и Безневестная Мати Царева, нам бо милости взыскающим, где инде сию обрящем, аще не к Тебе поспешим, припадающе, Ты бо Поток сладости преизобилен нам родила еси, Преблагословенная.

Песнь 9

Ирмос: Ужасеся о сем Небо, и земли удивишася концы, яко Бог явися человеком плотски, и чрево Твое бысть пространнейшее Небес, тем Тя, Богородицу, Ангелов и человек чиноначалия величают.

О Бозе да возможеши, Уаре славный, богоприятными твоими молитвами восприяти и излияти милости, иже до конца оныя отчужденным, Един бо есть щедрот и милосердия Родитель, и вся Ему возможна яко Владыце, к Немуже неотступно, страдальче, молися, простити и помиловати яже от нас воспоминаемыя.

Дело соверши предивно, о великомучениче, и славе твоей прикладно, еже от Господа прощение и праведнаго Его гнева пременение испросити огорченным темнаго зловерия ради нашим прародителем и еже сих, в горести и во ожидании лютейших сущих, да возмеши в безстрашное избавление, идеже веси Владыка прощенныя положити.

И кое убо чудо явится сего дивнейши, кая слава знаменитейши, и кое милосердие таковаго больши, аще ты, мучениче, сожалев, умолиши милостиваго Господа отпустити грех нечестия, иже от нас поминаемых, и лютаго томления оных избавити.

Богородичен: Владычице милостивая, человеколюбивая и зло не помнящая, приими жалость нашего прошения и ходатайствуй неотступно о милости к милостивому Твоему Сыну и Владыце, еже помиловати и простити грех инославия умершим сродником нашим и яже с ними помянутым, отпущение и место сим милости неотъемлемо подати.

Светилен:

Праведно убо да будет, Владыко Господи, простившему Ти Клеопатрины прародители, и днесь услышати молитву Уара Твоего великомученика и наше, многогрешных, предстояние: от мук избавити, иже с жалостию пред Тобою воспоминаемыя. Темже ускори, Щедрый, и потщися яко милостив помиловати сих, яко можеши, хотяй.

Слава, и ныне, Богородичен:

Потщися, Владычице, услышати нашу молитву, яже в Твоей Церкви к Тебе приносимую, и Сама, Богородительнице, преклони на милость Сына Своего и Владыку еже помиловати и от праведнаго гнева разрешити умершия прародители, други же и сродники наша, ускори убо, Всемилостивая, избавити сих, можеши бо яко милостива, хотящая всем милости.

Стихиры:

Что ти принесем, чудный мучениче, всяка бо Церковь почитает тя, яко прославляемаго от Владыки Христа славою Небесною, Иже дарова тебе благодать великаго к Нему дерзновения, и ныне предстоиши Ему со Ангелы, славный Уаре, Христов страстотерпче, Егоже моли простити умершия инославно и спастися душам нашим.

Святый мучениче Уаре великий, зря Христовы страдальцы, ранами тяжкими обложенныя, ревностию по Владыце разжигаемь, Небеснаго Царя пред мучителем исповедал еси, и о Нем усердно пострадал еси, и с Ним ныне царствуеши, Егоже моли послати милость умершим в неверии и спастися душам нашим.

Предивный Уаре, слава твоя велелепная, в нетленных радостех веселишися, с Небесными Силами в Вышних ликуеши, и зриши ясно Святую Троицу, и светом Безначальнаго Сияния наслаждаешися, воспомяни убо и нас в твоем веселии, воспомяни и наших сродников томление, умерших в нечестии, и моли Христа Бога сих помиловати и спастися душам нашим.

Иже вечному покою соименный, славный мучениче, от Бога нам дарованный на пользу нашу и на спасение, иже за Христа в страданиих просветився, равностоятель святым Ангелом явился еси и Господа молиши даровати мирови смирение и еже от нас воспоминаемым избавление, мы же тя усердно воспеваем: приими наша прошения, глаголюще,и вознеси оныя ко Христу Богу, и низпосли всем велию милость.

Приидите убо, мучениколюбцы, стецытеся усердно днесь, возвеличим страстотерпца, Небеснаго венечника, славнаго Уара великомученика, и возопием к нему, молящеся и глаголюще: о дивный воине и храбрый, Царя Христа воеводо, сниди к настоящему ликованию во еже видети с молением предстояние, и приими наше прошение, и не забуди помиловати нами поминаемыя, падшия в неверии еже о нас сродники, якоже и Клеопатрин род неверный молитвами своими от вечных мук свободил еси, тако воспомяни воспоминаемыя выну наши деды и прадеды, и яже с ними вочтенныя, елицы противобожне погребенныя, умершия некрещенныя. За сих убо предстани ко Христу Богу, к Твоему Подвигоположнику, за Негоже усердно пострадал еси, и потщися испросити оным от вечныя тьмы избавление и душам нашим прощение и велию милость.

Прекрасная Слову палато, вожделенная Царская ложнице, одушевленный Христов чертоже, Непорочная Невесто Отча, Марие, Пречистая Девице, призри ко умиленным нашим прошением и виждь, яко бедствуем от жалости, зряще страждущих лютая наших прародителей и ближников, аще бо и по достоинству, но премногое выну сретают томления, и скорбь, и мучение; призри убо, Всемилостивая, на сих от высот Своея радости, и лютыми оных нуждами подвигнися, и не престани от прошения, Владычице, дондеже умолиши Своего Сына и Господа подати безпомощным прощение и велию милость.

КАНОН МУЧЕНИКУ УАРУ ОБ ИЗБАВЛЕНИИ ОТ МУКИ ВО ИНОВЕРИИ УМЕРШИХ

Древняя Русь при всей строгости своего отношения к умершим, находила возможным молиться не только об обращении живых к истинной вере, но и об избавлении от мук в иноверии умерших. При этом она прибегала к предстательству святого мученика У ара. В старинных канонах имеется специальный канон на сей случай, совершенно отличный от канона, помещающегося в октябрьской Минее под 19 числом. Этот канон предназначается главным образом для тех, чьи ближайшие родственники или предки скончались вне общения с Православною Церковью. Кроме того, по-видимому, имеется в виду и то, что каждый из православных имеет отдаленных предков, умерших вне Православной Церкви, о которых, как о своих прародителях, подобает печаловаться. В соответствии с этим в каноне испрашивается предстательство святого мученика пред Господом и прощении и пременении праведного Его гнева огорченным темнаго зловерия ради нашим прародителям, в нечестии, инославии и даже в поганстве умерших, (поганый — на древнерусском языке — язычник). Причина, по которой именно к мученику Уару обращаются с подобной молитвой, та, что он о роде Клеопатры дивныя умолити возмог начало нашему подвигу (т. е. молитвенному обращению к мученику Уару) — Клеопатрина ради прощения (по-видимому, предполагается прощение языческим предкам ее). Отсюда убо виновное восприяхом возставити тя на молитву. Аще молишися за весь мир, великомучениче, и не преставши прося всем милости и всяким сущим всеобразным преступником и люто Владьще досадившим и досаждающим иже мертвыми делы себе до конца уморившим и ничтоже от мертвых (т. е. ставших ничем не лучше мертвых), яко во зло успевающим такоже, их страстотерпче, предстани и о наших умерших сродницех… припадая ко Господу, да простит и помилует, иже во тьме седящия. Если пророк поет милости Господни возвести, то и мы веруем, что неоскудны щедроты Его и доныне, и поэтому просим Его: Агнче Божий, пречистою Твоею Кровию нас искупивый, Феклино и блаженного Григория моление услышавый, Мефодия со многими и Макария приемый прошение, и отраду и избаву зловерным подавый умершим, и Златоустаго и сих молитися написати воздвигнувый, — приими убо Владыко с ними и славнаго Уара и молитвами их, от нас воспоминаемых, прости и помилуй.

О канонической недопустимости церковного поминовения не православных

Каноническое сознание древней Церкви совершенно не допускало молитвенного общения с еретиками, иудеями и язычниками. Такой запрет на молитвенное общение относился как к живым, так и к умершим. Как справедливо отметил протоиерей Владислав Цыпин, «усопшие христиане остаются членами Церкви, и поэтому Церковь возносит за них свои молитвы как и о живых своих членах», поэтому «Церковь может, конечно, отпевать лишь тех, кто принадлежит лишь ей» .

Наглядно показать это можно, сравнив вышеприведенные цитаты из неуставного канона мученику Уару с церковным каноном из службы Троицкой родительской субботы, помещенной в Цветной Триоди. В этом богослужебном последовании буквально в каждой песне канона отмечается, что поминает Церковь лишь крещеных православных людей, в вере и благочестии окончивших свою земную жизнь.

«Вси помолимся Христу, творяще память днесь от века мертвых, да вечнаго огня избавит я, в вере усопшыя, и надежде жизни вечныя» (Песнь 1).

«Видите, видите, яко Аз есмь Бог ваш, праведным судом водрузивый пределы жизни, и в нетление от тли приемляй вся, усопшыя в надежди вечнаго воскресения» (Песнь 2).

«Присномутное жития море преплывшыя Христе, в нетленное твоего жития сподоби пристанище притещи, православным житием окормленныя» (Песнь 3).

«Отцы и праотцы, деды и прадеды, от первых и даже до последних, во благозаконии умершыя и благоверии, вся помяни Спасе наш» (Песнь 4).

«Огня приснопалящаго, и тмы несветимыя, скрежета зубнаго, и червия безконечно мучащаго, и всякаго мучения избави Спасе наш, вся верно умершыя» (Песнь 5).

«От века яже приял еси верныя Боже, род всякий человеческий, сподоби во веки с служащими Ти славити Тя» (Песнь 6).

«В страшное Твое пришествие, Щедре, одесную овец Твоих постави, православно Ти в житии послужившыя Христе, и преставльшыяся к Тебе» (Песнь 7).

«Сокрушивый первее сень смертную, возсияв яко солнце из гроба, сыны воскресения Твоего сотвори, Господи славы, вся умершыя в вере, во веки» (Песнь 8).

«Всякий возраст, старцы, и юныя младенцы, и дети, и ссущыя млеко, мужеское естество и женское, упокой Боже, яже приял еси верныя» (Песнь 9).

В богородичных тропарях этой службы, в отличие от неуставной службы мученику Уару, Церковь испрашивает ходатайство у Пречистой Девы Марии лишь за верных: «Струи живыя источник запечатанный, показалася еси Богородице Дево, без мужа бо Господа рождши, безсмертия верныя напояеши водою во веки» (Песнь 8).

Пространные и развернутые прошения об усопших читаются по Уставу на вечерне под День Святаго Духа — в особенности в третьей коленопреклоненной молитве, помещенной в Цветной Триоди. Но и в этой всеохватной молитве упоминаются исключительно православные христиане: «Услыши нас молящихся Тебе, и упокой души рабов Твоих, прежде усопших отец и братий наших, и прочих сродник по плоти, и всех своих в вере, о нихже и память творим ныне, яко в Тебе всех держава, и в руце Твоей содержиши вся концы земли».

Согласно Служебнику, на проскомидии совершается поминовение «о всех в надежде воскресения жизни вечныя и Твоего общения усопших православных». В чинопоследовании евхаристического канона литургии святителя Иоанна Златоуста содержатся следующие слова: «Еще приносим Ти словесную сию службу о иже в вере почивших… и о всяком Дусе праведном в вере скончавшемся», а также прошение: «И помяни всех усопших о надежди воскресения жизни вечныя». На литургии святителя Василия Великого предстоятель молится подобным образом: «Да обрящем милость и благодать со всеми святыми от века Тебе благоугодившими… и со всяким духом праведным в вере скончавшимся», и в завершение: «И помяни всех прежде усопших о надежде воскресения жизни вечныя» . О неверующих ни св. Иоанн Златоуст, ни св. Василий Великий молитв не возносили, памятуя слова евангельские: иже веру имет и крестится, спасен будет, а иже не имет веры, осужден будет (Мк. 16, 16).

Святые Отцы поступали в полном соответствии с учением апостольским:

Кое бо причастие правде и беззаконию, или кое общение свету ко тме, кое же согласие Христови с велиаром, или кая часть верну с неверным, или кое сложение Церкви Божией со идолы? (2 Кор. 6, 14–16).

Кондак 1
Избранную Христом невесту богозванную, святаго Павла ученицу верную и мудрую, земнаго жениха и мир презревшую и в подвизех пресветло просиявшую, тя, Фекло, мученице первая, восхвалим. Ты же, яко у Бога дерзновение обретшая, от пагубы страстей и бед покрый зовущих ти:

Радуйся, невесто Христова, Фекло первострадальная.

Икос 1

Ангели на Небесех удивишася, узревше души твоея силу и произволение: мужескими бо труды врага посрамивши, ты, агниц чистых священная похвало, первая в свещеноснем их сонме достигла еси Чертога Превечнаго Жениха, идеже ныне ублажаема тако:

Радуйся, красото мучеников;
Радуйся, радование дев и жен.
Радуйся, первых пустынножителей образе:
Радуйся, подвижников благочестия правило.
Радуйся, Апостола верховнаго дщи предобрая;
Радуйся, мати иночествующих преславная.
Радуйся, жениха земнаго добре бежавшая;
Радуйся, к Жениху Небесному прекрасно притекшая.
Радуйся, агнице Христова пренепорочная;
Радуйся, свеще Господня светлосиянная.
Радуйся, еюже вернии утверждаются;
Радуйся, еюже сопротивнии низлагаются.
Радуйся, невесто Христова, Фекло первострадальная.

Кондак 2

Видящи умныма очима твоима, Фекло, свет любве Божия в души твоей, егда стрелами благовестия, от честных уст Павловых испущенными, сладце уязвися, за ны Распятому воззвала еси: Аллилуиа.

Икос 2

Разум Небесных таин даровася ти, Феокли и отрасле, Фекло прехвальная, егда вслед Христа устремившися, презрела еси доброту лица твоего, паче же лепоту юности. Темже мы, чтуще тя, яко вертоград чистоты, приносим ти пение таковое:

Радуйся, украшение чистых дев;
Радуйся, печате лика апостолов.
Радуйся, разума духовнаго светильниче;
Радуйся, подвига страдальческаго краю.
Радуйся, мечу, стремления страстей посецаяй;
Радуйся, путю, в Небесный Град востекаяй.
Радуйся, сподвижнице мужей апостольских;
Радуйся, ветве и рождие Лозы, Христа.
Радуйся, свещнице трезвения и мудрости;
Радуйся, огню духовныя любве.
Радуйся, грозо на ярость вражию;
Радуйся, молние на сопротивнаго.
Радуйся, невесто Христова, Фекло первострадальная.

Кондак 3

Силою Вышняго осеняема и Духом Божиим напаяема, Фекло, благодати росу в сердце твоем собравши, живоносный кладезь показалася еси, исполнь даров Утешителя, источаяй же словеса от Слова Превечнаго, имиже орошаемии славят Святую Троицу: Аллилуиа.

Икос 3

Имущи, дево, сердце, возжженное пламенем любве Жениха твоего, Христа, обручника своего Фамира абие отреклася еси, жития равноангельнаго возжелевши и вся, яже суть в мире, во уметы вменивши, якоже Павел тебе образ подражания подаде. Сему дивящеся, тако тя величаем:

Радуйся, щите воздержания;
Радуйся, двере благочестия.
Радуйся, мрак страстей на земли разгнавшая;
Радуйся, богатство на Небеси стяжавшая.
Радуйся, храме священия световиднейший;
Радуйся, скиние жития добронравнаго.
Радуйся, яко словом твоим сердца утучняются;
Радуйся, яко тобою потоцы греховнии изсушаются.
Радуйся, упование кротких агниц;
Радуйся, венче преподобных дев.
Радуйся, источниче струй благодатных;
Радуйся, верте цветосаждений Райских.
Радуйся, невесто Христова, Фекло первострадальная.

Кондак 4

Буря тягостных искушений возста на храм души твоея, о Фекло мужемудренная; ты же, ревность имущи Божественную, от Павла уведевши во узилище о Камени краеугольнем, Христе, на Онаго исповедании утвердила еси скинию сердца, в нейже воспела еси: Аллилуиа.

Икос 4

Слушающи отца твоего по духу, Павла апостола, сподобилася еси во образе того узрети укрепляющего тебе Христа, Егоже волею пламень тя яко чертог окружи, егда введена бысть во огнь велий; и облак, воды и града исполнь, излияся. Чудо же сие ведяще, научаемся ти звати, добропобедная Фекло, сице:

Радуйся, нравов благих сокровищнице;
Радуйся, Истины первосвидетельнице.
Радуйся, богатство целомудрия неоскудное;
Радуйся, страже Икони и неусыпаяй.
Радуйся, яко тобою Христос возвеличися;
Радуйся, яко тобою враг посрамися.
Радуйся, столпе чистоты, до Небес досязаяй;
Радуйся, свете любве, вся концы просвещаяй.
Радуйся, копие, закалающее всякую страсть;
Радуйся, реко, орошающая землю душ.
Радуйся, гласе Премудрости;
Радуйся, изобильный кладезю милости.
Радуйся, невесто Христова, Фекло первострадальная.

Кондак 5

Боготечною звездою темный мир осияла еси, о первая страстотерпице Фекло, яко адамант явльшися во страданиих многих и образ бывши добраго исповедания. Тобою бо луча Солнца Правды, Христа, возсия, нощь греха разгоняющая и пети с тобою Тому воздвизающая: Аллилуиа.

Икос 5

Видев благолепие лица твоего, о Фекло, Александр зверонравный на честь твою посягнути умысли; ты же, девство твое положивши хранити, исповедала еси обручение свое Христу. Того ради, мужество твое поминающе, тако песньми немолчно тя ублажаем:

Радуйся, луче славных победоносцев;
Радуйся, крепкая поборнице исповедниц.
Радуйся, дохновения Свыше мироположнице;
Радуйся, Царства Святыя Троицы украшение.
Радуйся, девство твое, яко дар, Христу принесшая;
Радуйся, сосуд освящен Духа Святаго явльшаяся.
Радуйся, злых человек поправшая лесть;
Радуйся, Живодавца привлекшая благодать.
Радуйся, знамение любве Творца;
Радуйся, возбранение беззакония.
Радуйся, правило доблемысленных жен;
Радуйся, образе мужественнаго дерзновения.
Радуйся, невесто Христова, Фекло первострадальная.

Кондак 6

Проповедницу славы Триединаго Бога себе показала есе, о Фекло прехвальная, егда силу богоборца, иже во Антиохии, богоугодным противлением победила еси. Зверем же дивиим бывши предана на снедение, неврежденна сохранилася силою Жениха твоего; Емуже, краснейшему паче всех человек, воспела еси: Аллилуиа.

Икос 6

Возсиявый в сердце твоем Христос, Свет Истинный, богодейственною десницею Своею ярость зверей устави; и паки, тебе наутрие вданней львом и медведем, нрав их на тихость и целомудрие преложи, львицу же защищати тя, дево чистая, научи. Вси зрящии о сем ужасахуся; мы же, вернии, вопием ти:

Радуйся, Истины благовестие;
Радуйся, богословия уста.
Радуйся, ластовице, возлетевшая от деяния к созерцанию;
Радуйся, соловей, вдохновленный наитием Духа.
Радуйся, цветоплетенный подвижников венче;
Радуйся, преизобильный учений поточе.
Радуйся, яко уста зверей затворяеши;
Радуйся, яко Горнюю Скинию украшаеши.
Радуйся, утверждение Вышния светлости;
Радуйся, основание твердаго благочестия.
Радуйся, светлаго чертога наследнице;
Радуйся, крина чистоты насадительнице.
Радуйся, невесто Христова, Фекло первострадальная.

Кондак 7

Хотящи Трифену вдовицу в вере наставити, той слово Жизни благовествовала еси, она же, о воскресении мертвых уведевши, молитв испроси о усопшей дщери своей. И абие ты пламенне возопила еси: Иисусе мой, Сыне Вышняго, помяни душу преставльшияся Фалкониллы, да воспоет Тебе выну песнь на земли живых: Аллилуиа.

Икос 7

Новое чудо смотрения Своего яви Господь, егда жены богомудрыя ввергоша во езеро со зверьми благовонныя нард, амом и касию, во образ мира благоуханнаго, имже запечатлеся баня пакирождения твоего. Тогда бо облак огненный тело твое сокры, гады же оныя умертви, во еже взывати всем:

Радуйся, Иисусово многоценное миро;
Радуйся, Утешителев несокрушимый сосуде.
Радуйся, невещественных Ангелов общнице;
Радуйся, подвизающимся человеком наставнице.
Радуйся, высото добродетелей пренебесных;
Радуйся, разума глубино дев премудрых.
Радуйся, богомыслием себе укрепившая;
Радуйся, благодатию звери лютыя укротившая.
Радуйся, душетленных страстей истребление;
Радуйся, нравов благих насаждение.
Радуйся, за немощствующих к Богу ходатайство;
Радуйся, во искушениих сущих предстательство.
Радуйся, невесто Христова, Фекло первострадальная.

Кондак 8

Странное чудо, дево богохранимая, мучителие твой и людие вси узреша, егда привязанней ти разъяренным тельцем, оных свирепая устремления укротишася, на тебе почивающею Божиею благодатию, еяже действием уверовавшии воспеша вся содержащему в длани Своей Творцу: Аллилуиа.

Икос 8

Вся осиянна была еси светом Фаворским, Фекло, Сияния Отча святая избраннице; темже убо безлунный мрак идолобесия, безбожия же и упорства иудейскаго расточила еси, концы вся просвещающи и наставляющи вопити тебе сице:

Радуйся, буесловных падение;
Радуйся, безмолвствующих умудрение.
Радуйся, Света немерцающаго причастнице;
Радуйся, радости неотьемлемыя таиннице.
Радуйся, диадимо достойных жен;
Радуйся, тайнозрительнице славы дев.
Радуйся, кивоте Божиих даров;
Радуйся, ковчеже благ Небесных.
Радуйся, горлице чистая и нескверная;
Радуйся, светило девства и целомудрия.
Радуйся, звездо умнаго благомощия;
Радуйся, цельбо душевнаго нерадения.
Радуйся, невесто Христова, Фекло первострадальная.

Кондак 9

Всякое естество Ангельское возрадовася о человецех, уверовати имущих, егда ты, Фекло богопросвещенная, благодати и силы Духа Свята исполненная, Павла великаго благим повелением возвратилася еси в землю отечествия твоего, научающи пети немолчно Христу: Аллилуиа.

Икос 9

Ветии многовещаннии никакоже могут по достоянию восхвалити дела твоя, Фекло: ты бо Трифене, во Евангелие уверовавшей, высокий образ любве показала еси, ту научивши богатство свое расточити болящим, сиротам, убогим и неимущим, иже, приявше даяния, абие тепле воззваша:

Радуйся, алчущих изобилие;
Радуйся, злоскорбящих веселие.
Радуйся, богатство жития светоявленнаго;
Радуйся, главизно воспитания богоугоднаго.
Радуйся, манно с Небесе, насытившая нищия;
Радуйся, райский нектаре, возставляяй падшия.
Радуйся, напаяющая таинственными орошеньми;
Радуйся, просвещающая Божественными озареньми.
Радуйся, агнице, Пастырем знаменованная;
Радуйся, дево мудрая, Царем избранная.
Радуйся, дерзновения о Христе одеяние златошвенное;
Радуйся, Евангельския любве излияние светлоструйное.
Радуйся, невесто Христова, Фекло первострадальная.

Кондак 10

Спасти хотя чрез тебе человек множество, путеводительным облаком приведе тя Господь в пещеру Селевкийския горы Каламон, идеже пребывати тебе, подвижнице, указа; ты же тамо постом, бдением и молитвою неисчетная искушения препобедивши, воспела еси Дивному во святых Своих: Аллилуиа.

Икос 10

Стена и град тверд еси, добродево, всем призывающим тя христианом, тебе бо благодатию Вышняго дадеся сила творити многоразличная чудеса: разслабленныя укрепляти, слепым очеса отверзати, демонов от беснующихся отгоняти; сего ради зрящии знамения сия взываху:

Радуйся, чудес неисчерпаемая пучино;
Радуйся, даров звездосиятельная тверде.
Радуйся, нечистых духов изгнание;
Радуйся, разслабленных возставление.
Радуйся, кормило верное силы душевныя;
Радуйся, фиале златый молитвы умносердечныя.
Радуйся, яко люте страждущих гласы слышиши;
Радуйся, яко сущим в бедах предстательство показуеши.
Радуйся, еюже древний змий попирается;
Радуйся, еюже прелесть обличается.
Радуйся, изсушение плоти угодное;
Радуйся, утучнение нивы Евангельския.
Радуйся, невесто Христова, Фекло первострадальная.

Кондак 11

Пение ти богокрасное подобает, о Фекло, воистинну ревнительнице Апостолов сущей: ты бо тех стезям последовала еси на земли и многия люди, в сени смертней седящия, благовестием Жизни Вечныя огласивши, научила еси Христу, Востоку востоков, взывати: Аллилуиа.

Икос 11

Светоприемную свещу святаго девства твоего негасиму, о Фекло, сохранити ищущи от злобы безстуднейшаго умышления, умолила еси Творца, да разсечется скала, во образ Богозданныя раки телу твоему, облеченному снегосветлою милотию чистоты. Сие чудо воспоминающе, тя верою славим:

Радуйся, Церкве Христовы каменю;
Радуйся, низпровержение безбожия.
Радуйся, основание благочестия неколеблемое;
Радуйся, милоте целомудрия нерастерзная.
Радуйся, яко тобою уязвися человеков враг;
Радуйся, яко тобою побежден бысть лукавый;
Радуйся, вскрай моря жития небурное пристанище;
Радуйся, по оному пловцем огню путеводительный.
Радуйся, Небеснаго невестника преддверие;
Радуйся, райския пищи предвкушение.
Радуйся, Богосажденнаго Едема сладосте;
Радуйся, забвение мирския горечи.
Радуйся, невесто Христова, Фекло первострадальная.

Кондак 12

Благодатию Нетленнаго Жениха твоего, от Гроба, иже бе в камени, тридневно возставшаго, боголепный твой образ предивно камень сокры, да смотрением Божиим утаится до времене дарованный Церкви светильник святыя любве, еюже воскриляеми, Херувими присно поют: Аллилуиа.

Икос 12

Поюще тебе, о Фекло прехвальная, песнь, ейже достояше бы от Ангелов приноситися, величаем твоя подвиги, почитаем твоих страданий множество, хвалим доблее твое о Господе свидетельство, ублажаем же болезни и труды апостольския и дивимся силе еже ко Христу рачения твоего, имже и нас восперяеши ти восклицати:

Радуйся, крепосте иноков;
Радуйся, сило проповедников.
Радуйся, многоплетенных посечение грехов;
Радуйся, многообразных добродетелей воня.
Радуйся, крепосте иноков;
Радуйся, сило проповедников.
Радуйся, многоплетенных посечение грехов;
Радуйся, многообразных добродетелей воня.
Радуйся, доброто всех родов;
Радуйся, душ наших радосте.
Радуйся, невесто Христова, Фекло первострадальная.

Кондак 13

О всечестная первомученице Фекло, святым апостолом равная! Нынешнее наше приими приношение и богоприятным твоим ходатайством укрепи нас в добрем подвизе веры, милосердия и целомудрия, да с тобою в Жизни нескончаемей воспеваем Жизнодавцу Господу: Аллилуиа

(Этот кондак читается трижды, затем 1-й икос и 1-й кондак)

Молитва 1-я

О райский цвете целомудрия, о мученице первейшая Завета Новаго, о Фекло, невесто Христова равноангельная, страдании очищенная и проповедию апостольскою напоенная, чистоты крине осиянный, подвиги многими процветый и чудесы преславными облагоухаяй!
Кому уподобим тебе, богозванная, всякое душепагубное прельщение поправшая, Духа Святаго исполнь сосуде, премудрости кладезю, цельбы источниче, иже всякия страсти пламень остужаяй! Яко облак светлый, прииди и омый нас дождем молитвы твоея от скверн душевных и телесных. Якоже огнь любве разжженый, уцеломудри сердца наша и воспламени я ко Христу любовию. Яко знамение мужества в страданиих непреклоннаго, укрепи колеблемая сердца наша спасительною силою Креста Господня; яко крепкая поборнице наша противу выну враждующих на ны, немощныя, буди нам щит огнезрачный необорим, да бежат от нас безстуднии демони, опаляемии твоими молитвами, да телеса наша яко храмы Святаго Духа будут.
Ей, Фекло, добродево премудрая, отврати очи наша от похотей мира сего, да обручимся Христу непорочною совестию; исполни светильницы наша елеом целомудрия, зане тяжце согрешили есмы, верности Жениху Христу не сохранивше, и сего ради Чертога Брачнаго вне затворитися имамы. Обаче не отрини чада твоя, тебе молящаяся, но, яко благосердая помощнице, облеки ны в ризы яже о вере крепости, препояши чресла наша чистотою во умерщвление страстей и обновление духа; паче же и души наша кротостию и смирением украси, да яко чада Божии, якоже агнцы и овчата Христовы невозбранно пройдем искушения нечестиваго мира сего, и вожделеннаго Чертога Райскаго да достигнем, идеже вся мудрыя девы Престолу Жениха Христа предстоят, воспевающе достопокланяемое Имя Отца, и Сына, и Святаго Духа, ныне и в безконечныя веки. Аминь.

Молитва 2-я

О богоблаженная святая первомученице, равноапостольная дево, Фекло прехвальная, истинная невесто Христова, красото тверди церковныя, мысленнаго Неба утренняя звездо, пресветлый бисере чистоты и целомудрия, сада райскаго благоуханный цвете!
Ты, паче всех благ и самыя жизни единаго Господа возлюбившая, добре за Имя Его пострадавшая, венцы девства, мученичества и апостольства предивно от Него увенчанная, ликом Небесным сопричтенная, аще и радуешися ныне во славе вечней, но не оставлявши и нас, чтущих тя, яко неусыпную пред Богом ходатаицу и милосердую нашу предстательницу.
И якоже дарова тебе велию благодать Жених твой, сладчайший Иисус, смиренно молим тя: вонми прошением нашим сердечным, не остави нас в мире сем сирых; посети ны, в темнице греха сущия, на покаяние бодренное скоро возстави, души и тела научи блюсти чистоту, на путь доброделания направи, к евангельскому жительству усердие вдохни, молитвы огнь святый воспламени и возведи к любви Божественней.
Ей, добропобедная первострадальнице, понеже многая на пользу испросити можеши у Многомилостиваго Иисуса Спаса нашего, помощница скорая в сей жизни буди. Ангельское охранение нам исходатайствуй, раны и язвы болящих уврачуй, скорбящим благодатную отраду низпосли, юность и отрочество чистотою огради, иноком в трудех и послушании пособствуй, супружества нерасторжима соблюди, воины во бранех неодолимы сотвори, враги же веры и Святыя Церкве расточи.
Пролей, нареченная избраннице Христова, моление твое за ны ко Господу, да дарует нам жития течение неукоризненно, старость неболезненну, безбедну, мирну; кончину же непостыдну, Таин Пресвятых, Тела и Крове Его Божественных, причастну, во еже Царствие Небесное нам улучити и с чинми Ангельскими тамо пребывати, и со святыми купно воспевати в Троице славимаго Бога, Отца, и Сына, и Святаго Духа, в безконечныя веки веков. Аминь.

Акафист первомученице равноапостольной Фекле 5 (100%) 2 голос.

  • акафист
  • молитва
  • тропарь
  • кондак
  • величание

Кондак 1

Избранную Христом невесту богозванную, святаго Павла ученицу верную и мудрую, земнаго жениха и мир презревшую и в подвизех пресветло просиявшую, тя, Фекло, мученице первая, восхвалим. Ты же, яко у Бога дерзновение обретшая, от пагубы страстей и бед покрый зовущих ти:

Радуйся, невесто Христова, Фекло первострадальная.

Икос 1

Ангели на Небесех удивишася, узревше души твоея силу и произволение: мужескими бо труды врага посрамивши, ты, агниц чистых священная похвало, первая в свещеноснем их сонме достигла еси Чертога Превечнаго Жениха, идеже ныне ублажаема тако:

Радуйся, красото мучеников.

Радуйся, радование дев и жен.

Радуйся, первых пустынножителей образе:

Радуйся, подвижников благочестия правило.

Радуйся, Апостола верховнаго дщи предобрая.

Радуйся, мати иночествующих преславная.

Радуйся, жениха земнаго добре бежавшая.

Радуйся, к Жениху Небесному прекрасно притекшая.

Радуйся, агнице Христова пренепорочная.

Радуйся, свеще Господня светлосиянная.

Радуйся, еюже вернии утверждаются.

Радуйся, еюже сопротивнии низлагаются.

Радуйся, невесто Христова, Фекло первострадальная.

Кондак 2

Видящи умныма очима твоима, Фекло, свет любве Божия в души твоей, егда стрелами благовестия, от честных уст Павловых испущенными, сладце уязвися, за ны Распятому воззвала еси : Аллилуиа.

Икос 2

Разум Небесных таин даровася ти, Феоклии отрасле, Фекло прехвальная, егда вслед Христа устремившися, презрела еси доброту лица твоего, паче же лепоту юности. Темже мы, чтуще тя, яко вертоград чистоты, приносим ти пение таковое:

Радуйся, украшение чистых дев.

Радуйся, печате лика апостолов.

Радуйся, разума духовнаго светильниче.

Радуйся, подвига страдальческаго краю.

Радуйся, мечу, стремления страстей посецаяй.

Радуйся, путю, в Небесный Град востекаяй.

Радуйся, сподвижнице мужей апостольских.

Радуйся, ветве и рождие Лозы, Христа.

Радуйся, свещнице трезвения и мудрости.

Радуйся, огню духовныя любве.

Радуйся, грозо на ярость вражию.

Радуйся, молние на

Радуйся, невесто Христова, Фекло первострадальная.

Кондак 3

Силою Вышняго осеняема и Духом Божиим напаяема, Фекло, благодати росу в сердце твоем собравши, живоносный кладезь показалася еси, исполнь даров Утешителя, источаяй же словеса от Слова Превечнаго, имиже орошаемии славят Святую Троицу: Аллилуиа.

Икос 3

Имущи, дево, сердце, возжженное пламенем любве Жениха твоего, Христа, обручника своего Фамира абие отреклася еси, жития равноангельнаго возжелевши и вся, яже суть в мире, во уметы вменивши, якоже Павел тебе образ подражания подаде. Сему дивящеся, тако тя величаем:

Радуйся, щите воздержания.

Радуйся, двере благочестия.

Радуйся, мрак страстей на земли разгнавшая.

Радуйся, богатство на Небеси стяжавшая.

Радуйся, храме священия световиднейший.

Радуйся, скиние жития добронравнаго.

Радуйся, яко словом твоим сердца утучняются.

Радуйся, яко тобою потоцы греховнии изсушаются.

Радуйся, упование кротких агниц.

Радуйся, венче преподобных дев.

Радуйся, источниче струй благодатных.

Радуйся, верте цветосаждений Райских.

Радуйся, невесто Христова, Фекло первострадальная.

Кондак 4

Буря тягостных искушений возста на храм души твоея, о Фекло мужемудренная; ты же, ревность имущи Божественную, от Павла уведевши во узилище о Камени краеугольнем, Христе, на Онаго исповедании утвердила еси скинию сердца, в нейже воспела еси : Аллилуиа.

Икос 4

Слушающи отца твоего по духу, Павла апостола, сподобилася еси во образе того узрети укрепляющего тебе Христа, Егоже волею пламень тя яко чертог окружи, егда введена бысть во огнь велий; и облак, воды и града исполнь, излияся. Чудо же сие в едяще, научаемся ти звати, добропобедная Фекло, сице:

Радуйся, нравов благих сокровищнице.

Радуйся, Истины первосвидетельнице.

Радуйся, богатство целомудрия неоскудное.

Радуйся, страже Иконии неусыпаяй.

Радуйся, яко тобою Христос возвеличися.

Радуйся, яко тобою враг посрамися.

Радуйся, столпе чистоты, до Небес досязаяй.

Радуйся, свете любве, вся концы просвещаяй.

Радуйся, копие, закалающее всякую страсть.

Радуйся, реко, орошающая землю душ.

Радуйся, гласе Премудрости.

Радуйся, изобильный кладезю милости.

Радуйся, невесто Христова, Фекло первострадальная.

Кондак 5

Боготечною звездою темный мир осияла еси, о первая страстотерпице Фекло, яко адамант явльшися во страданиих многих и образ бывши добраго исповедания. Тобою бо луча Солнца Правды, Христа, возсия, нощь греха разгоняющая и пети с тобою Тому воздвизающая: Аллилуиа.

Икос 5

Видев благолепие лица твоего, о Фекло, Александр зверонравный на честь твою посягнути умысли; ты же, девство твое положивши хранити, исповедала еси обручение свое Христу. Того ради, мужество твое поминающе, тако песньми немолчно тя ублажаем:

Радуйся, луче славных победоносцев.

Радуйся, крепкая поборнице исповедниц.

Радуйся, дохновения Свыше мироположнице.

Радуйся, Царства Святыя Троицы украшение.

Радуйся, девство твое, яко дар, Христу принесшая.

Радуйся, сосуд освящен Духа Святаго явльшаяся.

Радуйся, злых человек поправшая лесть.

Радуйся, Живодавца привлекшая благодать.

Радуйся, знамение любве Творца.

Радуйся, возбранение

Радуйся, правило доблемысленных жен.

Радуйся, образе мужественнаго дерзновения.

Радуйся, невесто Христова, Фекло первострадальная.

Кондак 6

Проповедницу славы Триединаго Бога себе показала есе, о Фекло прехвальная, егда силу богоборца, иже во Антиохии, богоугодным противлением победила еси. Зверем же дивиим бывши предана на снедение, неврежденна сохранилася силою Жениха твоего; Емуже, краснейшему паче всех человек, воспела еси: Аллилуиа.

Икос 6

Возсиявый в сердце твоем Христос, Свет Истинный, богодейственною десницею Своею ярость зверей устави; и паки, тебе наутрие вданней львом и медведем, нрав их на тихость и целомудрие преложи, львицу же защищати тя, дево чистая, научи. Вси зрящии о сем ужасахуся; мы же, вернии, вопием ти:

Радуйся, Истины благовестие.

Радуйся, богословия уста.

Радуйся, ластовице, возлетевшая от деяния к созерцанию.

Радуйся, соловей, вдохновленный наитием Духа.

Радуйся, цветоплетенный подвижников венче.

Радуйся, преизобильный учений поточе.

Радуйся, яко уста зверей затворяеши.

Радуйся, яко Горнюю Скинию украшаеши.

Радуйся, утверждение Вышния светлости.

Радуйся, основание твердаго благочестия.

Радуйся, светлаго чертога наследнице.

Радуйся, крина чистоты

Радуйся, невесто Христова, Фекло первострадальная.

Кондак 7

Хотящи Трифену вдовицу в вере наставити, той слово Жизни благовествовала еси, она же, о воскресении мертвых уведевши, молитв испроси о усопшей дщери своей. И абие ты пламенне возопила еси: Иисусе мой, Сыне Вышняго, помяни душу преставльшияся Фалкониллы, да воспоет Тебе выну песнь на земли живых: Аллилуиа.

Икос 7

Новое чудо смотрения Своего яви Господь, егда жены богомудрыя ввергоша во езеро со зверьми благовонныя нард, амом и кас ию, во образ мира благоуханнаго, имже запечатлеся баня пакирождения твоего. Тогда бо облак огненный тело твое сокры, гады же оныя умертви, во еже взывати всем:

Радуйся, Иисусово многоценное миро.

Радуйся, Утешителев несокрушимый сосуде.

Радуйся, невещественных Ангелов общнице.

Радуйся, подвизающимся человеком наставнице.

Радуйся, высото добродетелей пренебесных.

Радуйся, разума глубино дев премудрых.

Радуйся, богомыслием себе укрепившая.

Радуйся, благодатию звери лютыя укротившая.

Радуйся, душетленных страстей истребление.

Радуйся, нравов благих насаждение.

Радуйся, за немощствующих к Богу ходатайство.

Радуйся, во искушениих сущих предстательство.

Радуйся, невесто Христова, Фекло первострадальная.

Кондак 8

Странное чудо, дево богохранймая, мучителие твой и людие вси узреша, егда привязанней ти разъяренным тельцем, оных свирепая устремления укротишася, на тебе почивающею Божиею благодатию, еяже действием уверовавшии воспеша вся содержащему в длани Своей Творцу: Аллилуиа.

Икос 8

Вся осиянна была еси светом Фаворским, Фекло, Сияния Отча святая избраннице; темже убо безлунный мрак идолобесия, безбожия же и упорства иудейскаго расточила еси, концы вся просвещающи и наставляющи вопити тебе сице:

Радуйся, буесловных падение.

Радуйся, безмолвствующих умудрение.

Радуйся, Света немерцающаго причастнице.

Радуйся, радости неотъемлемыя тайннице.

Радуйся, диадимо достойных жен.

Радуйся, тайнозрительнице славы дев.

Радуйся, кивоте Божиих даров.

Радуйся, ковчеже благ Небесных.

Радуйся, горлице чистая и нескверная.

Радуйся, светило девства и целомудрия.

Радуйся, звездо умнаго благомощия.

Радуйся, цельбо душевнаго нерадения.

Радуйся, невесто Христова, Фекло первострадальная.

Кондак 9

Всякое естество Ангельское возрадовася о человецех, уверовати имущих, егда ты, Фекло богопросвещенная, благодати и силы Духа Свята исполненная, Павла великаго благим повелением возвратилася еси в землю отечествия твоего, научающи пети немолчно Христу: Аллилуиа.

Икос 9

Ветии многовещаннии никакоже могут по достоянию восхвалити дела твоя, Фекло: ты бо Трифене, во Евангелие уверовавшей, высокий образ любве показала еси, ту научивши богатство свое расточити болящим, сиротам, убогим и неимущим, иже, приявше даяния, абие тепле воззваша:

Радуйся, алчущих изобилие.

Радуйся, злоскорбящих веселие.

Радуйся, богатство жития светоявленнаго.

Радуйся, главизно воспитания богоугоднаго.

Радуйся, манно с Небесе, насытившая нищия.

Радуйся, райский нектаре, возставляяй падшия.

Радуйся, напаяющая таинственными орошеньми.

Радуйся, просвещающая Божественными озареньми.

Радуйся, агнице, Пастырем знаменованная.

Радуйся, дево мудрая, Царем избранная.

Радуйся, дерзновения о Христе одеяние златошвенное.

Радуйся, Евангельския любве излияние светлоструйное.

Радуйся, невесто Христова, Фекло первострадальная .

Кондак 10

Спасти хотя чрез тебе человек множество, путеводительным облаком приведе тя Господь в пещеру Селевкийския горы Каламон, идеже пребывати тебе, подвижнице, указа; ты же тамо постом, бдением и молитвою неисчетная искушения препобедивши, воспела еси Дивному во святых Своих: Аллилуиа.

Икос 10

Стена и град тверд еси, добродево, всем призывающим тя христианом, тебе бо благодатию Вышняго дадеся сила творити многоразличная чудеса: разслабленныя укрепляти, слепым очеса отверзати, демонов от беснующихся отгоняти; сего ради зрящии знамения сия взываху:

Радуйся, чудес неисчерпаемая пучино.

Радуйся, даров звездосиятельная тверде.

Радуйся, нечистых духов изгнание.

Радуйся, разслабленных возставление.

Радуйся, кормило верное силы душевныя.

Радуйся, фиале златый молитвы умносердечныя.

Радуйся, яко люте страждущих гласы слышиши.

Радуйся, яко сущим в бедах предстательство показуеши.

Радуйся, еюже древний змий попирается.

Радуйся, еюже прелесть обличается.

Радуйся, изсушение плоти угодное.

Радуйся, утучнение нивы Евангельския.

Радуйся, невесто Христова, Фекло первострадальная.

Кондак 11

Пение ти богокрасное подобает, о Фекло, воистинну ревнительнице Апостолов сущей: ты бо тех стезям последовала еси на земли и многия люди, в сени смертней седящия, благовестием Жизни Вечныя огласивши, научила еси Христу, Востоку востоков, взывати: Аллилуиа.

Икос 11

Светоприемную свещу святаго девства твоего негасиму, о Фекло, сохранити ищущи от злобы безстуднейшаго умышления, умолила еси Творца, да разсечется скала, во образ Богозданныя раки телу твоему, облеченному снегосветлою милотию чистоты. Сие чудо воспоминающе, тя верою славим:

Радуйся, Церкве Христовы каменю.

Радуйся, низпровержение безбожия.

Радуйся, основание благочестия неколеблемое.

Радуйся, милоте целомудрия нерастерзная.

Радуйся, яко тобою уязвися человеков враг.

Радуйся, яко тобою побежд ен бысть лукавый.

Радуйся, вскрай моря жития небурное пристанище.

Радуйся, по оному пловцем огню путеводительный.

Радуйся, Небеснаго невестника преддверие.

Радуйся, райския пищи предвкушение.

Радуйся, Богосажденнаго Едема сладосте.

Радуйся, забвение мирския горечи.

Радуйся, невесто Христова, Фекло первострадальная.

Кондак 12

Благодатию Нетлённаго Жениха твоего, от Гроба, иже бе в камени, тридневно возставшаго, боголепный твой образ предивно камень сокры, да смотрением Божиим утаится до времене дарованный Церкви светильник святыя любве, еюже воскриляеми, Херувими присно поют: Аллилуиа.

Икос 12

Поюще тебе, о Фекло прехвальная, песнь, ейже достояше бы от Ангелов приноситися, величаем твоя подвиги, почитаем твоих страданий множество, хвалим доблее твое о Господе свидетельство, ублажаем же болезни и труды апостольския и дивимся силе еже ко Христу рачения твоего, имже и нас восперяеши ти восклицати:

Радуйся, крепосте иноков.

Радуйся, сило проповедников.

Радуйся, многоплетенных посечение грехов.

Радуйся, многообразных добродетелей воня.

Радуйся, крепосте иноков.

Радуйся, сило проповедников.

Радуйся, многоплетенных посечение грехов.

Радуйся, многообразных добродетелей воня.

Радуйся, доброто всех родов.

Радуйся, душ наших радосте.

Радуйся, невесто Христова, Фекло первострадальная.

Кондак 13

О всечестная первомученице Фекло, святым апостолом равная! Нынешнее наше приими приношение и богоприятным твоим ходатайством укрепи нас в добрем подвизе веры, милосердия и целомудрия, да с тобою в Жизни нескончаемей воспеваем Жизнодавцу Господу: Аллилуиа (трижды).

(Этот кондак читается трижды, затем икос 1 и кондак 1)

Ангели на Небесех удивишася, узревше души твоея силу и произволение: мужескими бо труды врага посрамивши, ты, агниц чистых священная похвало, первая в свещеноснем их сонме достигла еси Чертога Превечнаго Жениха, идеже ныне ублажаема тако:

Радуйся, красото мучеников.

Радуйся, радование дев и жен.

Радуйся, первых пустынножителей образе:

Радуйся, подвижников благочестия правило.

Радуйся, Апостола верховнаго дщи предобрая.

Радуйся, мати иночествующих преславная.

Радуйся, жениха земнаго добре бежавшая.

Радуйся, к Жениху Небесному прекрасно притекшая.

Радуйся, агнице Христова пренепорочная.

Радуйся, свеще Господня светлосиянная.

Радуйся, еюже вернии утверждаются.

Радуйся, еюже сопротивнии низлагаются.

Радуйся, невесто Христова, Фекло первострадальная.

Избранную Христом невесту богозванную, святаго Павла ученицу верную и мудрую, земнаго жениха и мир презревшую и в подвизех пресветло просиявшую, тя, Фекло, мученице первая, восхвалим. Ты же, яко у Бога дерзновение обретшая, от пагубы страстей и бед покрый зовущих ти:

Радуйся, невесто Христова, Фекло первострадальная.

(После акафиста читается молитва)

Молитва первая первомученице равноапостольной Фекле

«О райский цвете целомудрия, о мученице первейшая Завета Новаго, о Фекло, невесто Христова равноангельная, страдании очищенная и проповедию апостольскою напоенная, чистоты крине осиянный, подвиги многими процветый и чудесы преславными облагоухаяй!

Кому уподобим тебе, богозванная, всякое душепагубное прельщение поправшая, Духа Святаго исполнь сосуде, премудрости кладезю, цельбы источниче, иже всякия страсти пламень остужаяй! Яко облак светлый, прииди и омый нас дождем молитвы твоея от скверн душевных и телесных. Якоже огнь любве разжженый, уцеломудри сердца наша и воспламени я ко Христу любовию. Яко знамение мужества в страданиих непреклоннаго, укрепи колеблемая сердца наша спасительною силою Креста Господня; яко крепкая поборнице наша противу выну враждующих на ны, немощныя, буди нам щит огнезрачный необорим, да бежат от нас безстуднии демони, опаляемии твоими молитвами, да телеса наша яко храмы Святаго Духа будут. Ей, Фекло, добродево премудрая, отврати очи наша от похотей мира сего, да обручимся Христу непорочною совестию; исполни светильницы наша елеом целомудрия, зане тяжце согрешили есмы, верности Жениху Христу не сохранивше, и сего ради Чертога Брачнаго вне затворитися имамы. Обаче не отрини чада твоя, тебе молящаяся, но, яко благосердая помощнице, облеки ны в ризы яже о вере крепости, препояши чресла наша чистотою во умерщвление страстей и обновление духа; паче же и души наша кротостию и смирением украси, да яко чада Божии, якоже агнцы и овчата Христовы невозбранно пройдем искушения нечестиваго мира сего, и вожделеннаго Чертога Райскаго да достигнем, идеже вся мудрыя девы Престолу Жениха Христа предстоят, воспевающе достопокланяемое Имя Отца, и С ына, и Святаго Духа, ныне и в безконечныя веки. Аминь.»

Другие молитвы равноапостольной Фёкле.

Канон святому мученику Уару за умерших без святаго Крещения

Начало канона общее:

Молитвами святых отец наших, Господи Иисусе Христе Боже наш, помилуй нас. Аминь.

Святый Боже, Святый крепкий, Святый безсмертный, помилуй нас. (Читается трижды, с крестным знамением и поясным поклоном.)

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй (трижды).

Слава Отцу и Сыну и Святому Духу, и ныне и присно и во веки веков. Аминь.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Господи, помилуй (12 раз).

Приидите, поклонимся Цареви нашему Богу (поклон).

Приидите, поклонимся и припадем Христу, Цареви нашему Богу (поклон).

Приидите, поклонимся и припадем Самому Христу, Цареви и Богу нашему (поклон).

Тропарь мученику Уару, глас 4

Воинством святых страстотерпец страждущих законне, зря онех, показал еси мужески крепость свою. И устремився на страсть волею, и умрети вожделе за Христа, Иже приял еси почесть победы твоего страдания, Уаре, моли спастися душам нашим.

Кондак мученику Уару, глас 4

Христу последуя, мучениче Уаре, Того испив чашу, и мучения венцем увязеся, и со Ангелы ликовствуеши: моли непрестанно за души наша.

Псалом 50

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя. Яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих, яко да оправдишися во словесех Твоих и победиши, внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся, омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего, и Духа Твоего Святаго не отыми от мене. Воздаждь ми радость спасения Твоего и Духом владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо, всесожжения не благоволиши. Жертва Богу дух сокрушен, сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая, тогда возложат на олтарь Твой тельцы.

Канон святому мученику Уару, глас 8. (за умерших без святаго Крещения; для келейного чтения)

Песнь 1

Ирмос: Колесницегонителя фараоня погрузи, чудотворяй иногда Моисейский жезл, крестообразно поразив и разделив море, Израиля же беглеца пешеходца спасе, песнь Богови воспевающа.

Припев: Святый мучениче Уаре, моли Бога о нас.

Умолен буди, Господи, святым Твоим Уаром мучеником и облецися в милость и щедроты; и сия даже до ада излиются, Человеколюбче, и ущедрят, яже от нас просимыя богатным Твоим милосердием.

Мучениче Христов великий, озлобленныя и безпомощныя воспомяни, седящия во мраце тьмы непросветимыя, и не престани, припадая ко щедрому Господу, дондеже утешит я богатным Своим милосердием.

О роде Клеопатры дивныя умолити возмогл еси, славный страстотерпче, убо и днесь, возмогая, возможеши свободити от мук, иже от нас воспоминаемыя, аще прилежно о них ко Господу помолишися, тебе бо ради утешит я Владыка богатным Своим милосердием.

Богородичен: Безпомощным Благая Помощнице, призри от славы Своея, Владычице, ко мраку адову и виждь беды умиленных, пред Тобою нами воспоминаемых, и не престани о них умоляя Своего Сына и щедраго Господа и Владыку, дондеже утешит я богатным Своим милосердием.

Песнь 3

Ирмос: Утверждей в начале Небеса разумом и землю на водах основавый, на камени мя, Христе, заповедей Твоих утверди, яко несть свят, паче Тебе, Едине Человеколюбче.

Лик святых Сил Небесных подвигни с собою на молитву, мучениче, и сотвори дело пречудно, и велико, и честно, паче же радость неимущим надежды и утешения не уповающим, горьким нашим неверно умершим прародителем и еже с ними воспоминаемым, еже даровати сим от Господа прощение и велию милость.

Изрядный страстотерпче и Христу любимый, увеждь, коль желательна свобода мучимым и отрада, сице убо и наша сродники, и иже с ними неверия ради, вечныя муки притяжавшия, меры не обрящут своим радостем, аще изпросиши сим от Господа прощение и велию милость.

Уаре, добропобедный страдальче, милостив буди и к нашим молением, и зри удрученных несказанную нужду, и сам, от жалости понужден, неотступно молися к Человеколюбцу Владыце, да подаст им прощение и велию милость.

Богородичен: Всемирная надеждо, Богоприятное селение, наше к Богу примирение, Марие Владычице, приими прошения настоящаго предстояния и не престани моляся к Сыну Своему и всяческих Господу, да подаст безнадежным Тебе ради прощение и велию милость.

Седален

Аще молишися за весь мир, великомучениче, и не престаеши, прося всем милости и всяким преступником всеми образы люто Владыце досадившим и непрестанно досаждающим, иже мертвыми делы себе до конца умертвившим и ничтоже приобретшим, яко зло сотворшим, такоже, страстотерпче, предстани и о наших умерших сродницех, яко возможная начиная, не отступи, моляся и припадая к милующему всех Господу, да простит и помилует, иже во тьме седящия и люте зело огорченныя.

Ин седален

Радости вечныя насельниче, Небесному покою тезоименитый, Уаре великий, дерзая, да дерзнеши воспомянути пред Господем умиленныя четы наших прародителей, аще бо и не в гробе оных полагаем тя, усердным же прошением к жалости, еже от них, совокупляем тя. Темже припади и молися, не отринет бо предстояния твоего Владыка, но от безмерныя благостыни преклонен, пошлет преогорченным избавление и велию милость.

Песнь 4

Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недра Отча, и нашу нищету посетив, тем с пророком Аввакумом зову Ти: силе Твоей слава, Человеколюбче.

Ельма убо, страстотерпче, всех любиши с верою к тебе прибегающих, темже и любим быти от молящих тя благопоспеши. Что же ино с желанием прославити тя Человеколюбный сотворит, не поданием ли просимыя милости умиленным и всякия отрады лишенным вечным узником, тако и впредь, о доблий мучениче, неоскудей о сих моляся.

Зима люта и спасения безплодие облежит в нечестиих умершия и плач безотраден, зде убо вочтени суть, иже от нас воспоминаемыя. Ты же, страстотерпче, соединити сих к роду праведных потщися и не оскудей о них моляся.

Адова мрачная темница во веки да не обымет прародители и сродники наша и вся, воспоминаемыя с ними: тебе, дивному страдальцу, силу неверия и греховную мощь низложившу, тако и впредь сих еже с Клеопатриным родом простити не оскудей, мучениче, моляся.

Богородичен: Тобою, Пречистая, познахом славити всяческих Содетеля, и от Тебе Плотоносца непрелестна Спаса величати навыкохом, и Тя, Владычицу, хвалим, и Тебе покланяемся, и молим, помилуй умершия в неверии наша сродники и еже избавити сих не оскудей к Сыну моляся.

Песнь 5

Ирмос: Вскую мя отринул еси от лица Твоего, Свете незаходимый, и покрыла мя есть чуждая тьма, окаяннаго, но обрати мя и к свету заповедей Твоих пути моя направи, молюся.

Всяко дарование, мучениче, и всяка милость от милостиваго Господа изливаемы, аще и предивны, и пречудесны суть, слагаеми же к прощению в нечестии умерших, величество преизящно сему оставляют. Темже и днесь великая сотворити потщися, Владыку, мучениче, умолити.

Не отвратися, Господи, от нашего умиления, ниже помяни множество грехов наших, паче же помяни древния Своя милости, и ради щедрот Твоих, и ради Уара страдальца добляго, не оскудей в богатстве безмернаго Твоего милосердия, но излей милости и прощение, еже от нас воспоминаемым.

Есть убо, великомучениче, и достизает человеколюбие Владычне и к сущим в мори далече, темже предстани и днесь и, припадая, умоли Его еже помиловати удаленныя и веры, и Крещения отчужденныя умершия наша сродники и всем, иже с ними воспоминаемым, даровати прощение и велию милость.

Богородичен: Предстани, Владычице, нашему изнеможению и буди выну в нуждах, помогая нам всюду и присно, Ты бо еси Христианская Надежда и Упование, темже не отрини наша прошения, но сотвори совершена и исполнена неисписанною Твоею благодатию.

Песнь 6

Ирмос: Очисти мя, Спасе, многа бо беззакония моя, и из глубины зол возведи, молюся: к Тебе бо возопих, и услыши мя, Боже спасения моего.

Шатания вражия да не возрадуются, души в корысть получивши, ты же, мучениче, теплыми своими молитвами разруши хотения его, умоляя Господа еже простити нами воспоминаемыя и от вечныя муки тоя и нас избавити.

Начало нашему подвигу Клеопатрина рода прощение, отсюду убо виновное восприяхом возставити тя на молитву, и о еже нами поминаемых не презри, великомучениче, и не отрини грешных предстояние, но, потщався, испроси у Владыки Христа оным прощение и от горьких мук избавление.

Иже неверия ради срете конец зол, и чаяние благих весьма погибе прогневания Божия ради, ты же, страстотерпче, дерзновение прием, радость отпущения вместо страшнаго томления от Небеснаго Царя изпроси и, извед от горести, соблюди во Владычней милости.

Богородичен: Кая, Владычице, злоба превозможет Твоя Матерния молитвы? Воистину убо, аще предстанеши и днесь, моля за просимыя Тобою, сотвориши оным радостное прощение, избавление и велию милость.

Кондак, глас 4

Христу последуя, мучениче Уаре, Того испив чашу, и венцем мучения увязеся, и со Ангелы ликовствуеши, моли непрестанно за души наша.

Икос

Воспомяни наша глаголы, светлый жителю Небесный, Христов славный великомучениче Уаре, вечному покою тезоименитый, и великими твоими страдании непроходимое и светлое покоище приобретый от непреходныя темницы, и томления непрестаннаго, и нужды, потщися богоприятными твоими молитвами избавити рабы умиленныя, ихже ради молим тя, предстояще и во усердии взывающе, исполни наша прошения, святе, и Христа Бога моли непрестанно за души наша.

Песнь 7

Ирмос: Божия снизхождения огнь устыдеся в Вавилоне иногда, сего ради отроцы в пещи радованною ногою, яко во цветнице ликующе, пояху: благословен еси, Боже отец наших.

Яко же солнце, Господи, всех просвещаеши, и всем дождь независтно изливаеши, и прогневающим Тя милость непрестанно даруеши, и ныне послушай Уара, Твоего страдальца, и пролей милость Твою до конца оныя отчужденным сродником нашим и яже с ними неверным, Человеколюбче.

Ныне, якоже и прежде, щедр буди, Господи, и умолен явися, Владыко, якоже о Клеопатре содея, сице и о нас, Милостиве, сотвори; посли Своя щедроты и милосердие ко еже нами воспоминаемым, Источник бо еси милости неисчерпаемый.

Аще пророк, восперяяся, поет милости Твоя, Господи, во веки, убо неоскудевша Тя в щедротах веруем, яко милосердия Твоего пределы неизмеримы, и от пучины во глубину потопшим излияти милости Тя умоляем, исполни убо ради мученика сие, о Владыко наш.

Богородичен: Гору Тя сказует премудрый во пророцех, мы же тому и еже от Тебе Каменю Богородия изыти без примешения мужеска, веруем; имже наше спасение и от глубин адовых возведение получихом, Владычице, возведи и днесь от ада воспоминаемыя нами, да Тя, Всемилостивую, непрестанно величаем.

Песнь 8

Ирмос: Мусикийским органом согласующим и людем безчисленным покланяющимся образу в Деире, три отроцы не повинувшеся, Господа воспеваху и славословляху во вся веки.

Шары (явны) да будут словеса древния Твоя, милости, Господи, сказующия и нашу надежду воздвижущия, яко послушал еси святыя Твоя, Господи, еже помиловати неверныя умершия, ихже и днесь приводим Ти на молитву, да прошения их ради ущедриши инославно умершия, ведением и неведением Тебе, Владыко, досадившия.

Агнче Божий, Пречистою Своею Кровию нас искупивый, Феклино и блаженнаго Григория моление услышав, Мефодия со многими и Макария прием прошения, и отраду, и избаву зловерным подав умершим, и Златоустаго о сих молитися написати воздвигнув, приими убо, Владыко, с сими славнаго Уара и молитвами их воспоминаемыя от нас прости и помилуй.

Радость нам испроси, великомучениче, возвесилимся бо, аще обрящем твоими молитвами избавленныя от вечных мук наша сродники; всегда бо твоя молитвы Владыка слышит и прошения исполняет, ты же убо не оскудей о сих и ныне моляся, да тя выну прославляем.

Богородичен: Пренепорочная Владычице, обилуй множеством милосердия и щедрот, дивная и Безневестная Мати Царева, нам бо милости взыскающим, где инде сию обрящем, аще не к Тебе поспешим, припадающе, Ты бо Поток сладости преизобилен нам родила еси, Преблагословенная.

Песнь 9

Ирмос: Ужасеся о сем Небо, и земли удивишася концы, яко Бог явися человеком плотски, и чрево Твое бысть пространнейшее Небес, тем Тя, Богородицу, Ангелов и человек чиноначалия величают.

О Бозе да возможеши, Уаре славный, Богоприятными твоими молитвами восприяти и излияти милости, иже до конца оныя отчужденным, Един бо есть щедрот и милосердия Родитель, и вся Ему возможна яко Владыце, к Нему же неотступно, страдальче, молися простити и помиловати яже от нас воспоминаемыя.

Дело соверши предивно, о великомучениче, и славе твоей прикладно, еже от Господа прощение и праведнаго Его гнева пременение испросити огорченным темнаго зловерия ради нашим прародителем и еже сих, в горести и во ожидании лютейших сущих, да возмеши в безстрашное избавление, идеже веси Владыка прощенныя положити.

И кое убо чудо явится сего дивнейши, кая слава знаменитейши, и кое милосердие таковаго больши, аще ты, мучениче, сожалев, умолиши милостиваго Господа отпустити грех нечестия, иже от нас поминаемых, и лютаго томления оных избавити.

Богородичен: Владычице милостивая, человеколюбивая и зло не помнящая, приими жалость нашего прошения и ходатайствуй неотступно о милости к милостивому Твоему Сыну и Владыце, еже помиловати и простити грех инославия умершим сродником нашим и яже с ними помянутым, отпущение и место сим милости неотъемлемо подати.

Светилен

Праведно убо да будет, Владыко Господи, простившему Ти Клеопатрины прародители, и днесь услышати молитву Уара Твоего великомученика и наше, многогрешных, предстояние: от мук избавити, иже с жалостию пред Тобою воспоминаемыя. Темже ускори, Щедрый, и потщися яко милостив помиловати сих, яко можеши, хотяй.

Молитва

О, святый мучениче Уаре досточудный, ревностию по Владыце Христу разжигаем, Небеснаго Царя пред мучителем исповедал еси, и о Нем усердно пострадал еси, и ныне Церковь почитает тя, яко прославляемаго от Владыки Христа славою Небесною, Иже дарова тебе благодать великаго к Нему дерзновения, и ныне предстоиши Ему со Ангелы, и в Вышних ликуеши, и зриши ясно Святую Троицу, и светом Безначальнаго Сияния наслаждаешися, воспомяни и наших сродников томление, умерших в нечестии, приими наше прошение, и якоже Клеопатрин род неверный молитвами твоими от вечных мук свободил еси, тако воспомяни елицы противобожне погребенныя, умершия некрещенными, потщися испросити оным от вечныя тьмы избавление, да вси едиными усты и единем сердцем восхвалим Премилосерднаго Творца во веки веков. Аминь.

Окончание канона

Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и Славнейшую без сравнения Серафим, без истления Бога Слова рождшую, сущую Богородицу, Тя величаем (поклон).

Слава Отцу и Сыну и Святому Духу, и ныне и присно и во веки веков. Аминь .

Господи, помилуй (трижды).

Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших, святаго мученика Уара и всех святых помилуй и спаси нас, яко Благ и Человеколюбец. Аминь

Добавить комментарий

Ваш e-mail не будет опубликован. Обязательные поля помечены *