Молитвенное последование с каноном покаянным о грехе убийства чад во утробе (аборте)
Моли́твенное после́дование с кано́ном покая́нным
о грехе́ уби́йства чад во утро́бе (або́рте)
Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере и всех святы́х, поми́луй нас. Ами́нь.
Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Святы́й Бо́же, Святы́й Кре́пкий, Святы́й Безсме́ртный, поми́луй нас. Трижды, и три поклона.
Сла́ва Отцу́, и Сы́ну, и Свято́му Ду́ху, и ны́не и при́сно, и во ве́ки веко́в. Ами́нь.
Пресвята́я Тро́ице, поми́луй нас: Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй. Трижды.
Сла́ва, и ны́не:
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Тропари́, глас 6
Поми́луй нас, Го́споди, поми́луй нас;/ вся́каго бо отве́та недоуме́юще,/ сию́ Ти моли́тву я́ко Влады́це/ гре́шнии прино́сим: поми́луй нас.
Сла́ва:
Го́споди, поми́луй нас,/ на Тя́ бо упова́хом;/ не прогне́вайся на ны́ зело́,/ ниже́ помяни́ беззако́ний на́ших,/ но при́зри и ны́не, я́ко благоутро́бен,/ и изба́ви ны́ от враг на́ших:/ Ты́ бо еси́ Бог наш,/ и мы лю́дие Твои́,/ вси дела́ руку́ Твое́ю,/ и и́мя Твое́ призыва́ем.
И ны́не:
Милосе́рдия две́ри отве́рзи нам,/ благослове́нная Богоро́дице,/ наде́ющиися на Тя да не поги́бнем,/ но да изба́вимся Тобо́ю от бед:/ Ты́ бо еси́ спасе́ние ро́да христиа́нскаго.
Го́споди, поми́луй. 12 раз.
Сла́ва, и ны́не:
Прииди́те, поклони́мся Царе́ви на́шему Бо́гу. Поклон.
Прииди́те, поклони́мся и припаде́м Христу́, Царе́ви на́шему Бо́гу. Поклон.
Прииди́те, поклони́мся и припаде́м Самому́ Христу́, Царе́ви и Бо́гу на́шему. Поклон.
Псало́м 50
Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ еди́ному согреши́х, и лука́вое пред Тобо́ю сотвори́х; я́ко да оправди́шися во словесе́х Твои́х, и победи́ши, внегда́ суди́ти Ти. Се́ бо в беззако́ниих зача́т есмь, и во гресе́х роди́ мя ма́ти моя́. Се́ бо и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х, и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́, и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, да́л бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на олта́рь Твой тельцы́.
Кано́н покая́нный
ко Го́споду на́шему Иису́су Христу́
для муже́й и жен, пови́нных в грехе́ чадоуби́йства
(келе́йно что́мый)
Песнь 1
Ирмо́с: Я́ко по су́ху пешеше́ствовав Изра́иль,/ по бе́здне стопа́ми,/ гони́теля фарао́на/ ви́дя потопля́ема,/ Бо́гу побе́дную песнь пои́м, вопия́ше.
Припе́в: Поми́луй мя, Бо́же, поми́луй мя.
Ны́не приступи́х аз, гре́шный(ая) и обремене́нный ( ая) грехо́м детоуби́ йства, к Тебе́, Влады́це и Бо́гу моему́;/ не сме́ю же взира́ти на не́бо, то́кмо молю́ся, глаго́ля:/ даждь ми, Го́споди, ум,/ да пла́чуся дел мои́х го́рько.
Поми́луй мя, Бо́же, поми́луй мя.
О, го́ре мне гре́шному ( ей)!/ Па́че всех челове́ к окая́нен есмь,/ покая́ния несть во мне;/ даждь ми, Го́споди, сле́зы,/ да пла́чуся дел мои́х го́рько.
Сла́ва Отцу́, и Сы́ну, и Свято́му Ду́ху.
Безу́мне, окая́нне челове́че,/ в нераде́нии о покая́нии вре́мя губи́ши;/ помы́сли житие́ твое́, и обрати́ся ко Го́споду Бо́гу,/ и пла́чися о де́лех твои́х го́рько.
И ны́не и при́сно, и во ве́ки веко́в. Ами́нь.
Богоро́дичен: Ма́ти Бо́жия Пречи́стая,/ воззри́ на мя гре́шнаго ( ую), и от се́ти диа́воли изба́ви мя,/ и на путь пока я́ния наста́ви мя,/ да пла́чуся дел мои́х го́рько.
Песнь 3
Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.
Поми́луй мя, Бо́же, поми́луй мя.
Внегда́ поста́влени бу́дут престо́ли на Cуди́щи Cтра́шнем,/ тогда́ всех челове́к дела́ облича́тся;/ го́ре та́мо бу́дет гре́шному ( ей), в му́ку отсыла́емому ( ей);/ и то ве́дущи, душе́ моя́, пока́йся от злых дел твои́х.
Поми́луй мя, Бо́же, поми́луй мя.
Пра́ведницы возра́дуются, а гре́шнии воспла́чутся;/ тогда́ никто́же возмо́жет помощи́ нам,/ но дела́ на́ша осу́дят нас;/ те́мже пре́жде конца́ пока́йся от злых дел твои́х.
Сла́ва Отцу́, и Сы́ну, и Свято́му Ду́ху.
Увы́ мне великогре́шному ( ей),/ и́же ( я́же) де́лы и мы ́сльми оскверни́вся ( шися),/ ни ка́пли слез им е́ю от жестосе́рдия;/ ны́не возни́кни от земли́, душе́ моя́,/ и пока́йся от злых дел твои́х.
И ны́не и при́сно, и во ве́ки веко́в. Ами́нь.
Богоро́дичен: Се взыва́ет, Госпоже́, Сын Твой, и поуча́ет нас на до́брое,/ аз же гре́шный(ая) добра́ всегда́ бе́гаю;/ но Ты, Ми́лостивая, поми́луй мя,/ да пока́юся от злых мои́х дел.
Го́споди, поми́луй. Трижды.
Седа́лен, глас 6:
Помышля́ю день стра́шный и пла́чуся дея́ний мои́х лука́вых:/ ка́ко отвеща́ю Безсме́ртному Царю́,/ или́ ко́им дерзнове́нием воззрю́ на Судию́, блу́дный(ая) аз?/ Благоутро́бный О́тче, Сы́не Единоро́дный и Ду́ше Святы́й, поми́луй мя.
Сла́ва, и ны́не, Богоро́дичен:
Свя́зан(а) мно́гими ны́не плени́цами грехо́в/ и содержи́мь(а) лю́тыми страстьми́ и беда́ми,/ к Тебе́ прибега́ю, моему́ спасе́нию, и вопию́:/ помози́ ми, Де́во, Ма́ти Бо́жия.
Песнь 4
Ирмо́с: Христо́с моя́ си́ла,/ Бог и Госпо́дь,/ честна́я Це́рковь/ боголе́пно пое́т, взыва́ющи/ от смы́сла чи́ста, о Го́споде пра́зднующи.
Поми́луй мя, Бо́же, поми́луй мя.
Широ́к путь зде и уго́дный сла́сти твори́ти,/ но го́рько бу́дет в после́дний день,/ егда́ душа́ от те́ла разлуча́тися бу́дет;/ блюди́ся от сих, челове́че, Ца́рствия ра́ди Бо́жия.
Поми́луй мя, Бо́же, поми́луй мя.
Почто́ по́хоть и блуд безу́мне твори́ши,/ сластьми́ ми́ра сего́ пленя́ешися,/ любо́вь роди́тельску попира́еши/ и свое́ беззащи́тное ча́до убива́еши?/ Пока́йся у́бо, душе́ моя́, Ца́рствия ра́ди Бо́жия.
Сла́ва Отцу́, и Сы́ну, и Свято́му Ду́ху.
О безу́мный челове́че,/ доко́ле углеба́еши, я́ко пчела́, собира́ющи бога́тство твое́?/ Вско́ре бо поги́бнет, я́ко прах и пе́пел;/ но бо́лее взыщи́ Ца́рствия Бо́жия.
И ны́не и при́сно, и во ве́ки веко́в. Ами́нь.
Богоро́дичен: Богоро́дице, поми́луй мя гре́шнаго ( ую),/ и в доброде́тели укрепи́,/ и со блюди́ мя, да на́глая смерть не похи́тит мя негото́ваго ( ую),/ и доведи́ мя, Де́во, Ца́рствия Бо́жия.
Песнь 5
Ирмо́с: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща.
Поми́луй мя, Бо́же, поми́луй мя.
Воспомяни́ грехи́ твоя́, окая́нный челове́че,/ ка́ко себялю́бие, сребролю́бие, жестокосе́рдие и по́хоть чадоуби́йцею соде́лаша тя./ Душе́ моя́ гре́шная, того́ ли восхоте́ла еси́?
Поми́луй мя, Бо́же, поми́луй мя.
Трепе́щут ми у́ди, все́ми бо сотвори́х вину́:/ очи́ма взира́яй, уши́ма слы́шай,/ язы́ком зла́я глаго́ляй,/ всего́ себе́ гее́нне предая́й;/ душе́ моя́ гре́шная, сего́ ли восхоте́ла еси́?
Сла́ва Отцу́, и Сы́ну, и Свято́му Ду́ху.
Блудника́ и разбо́йника ка́ющася прия́л еси́, Спа́се,/ аз же еди́н ( а) ле́ностию грехо́вною отягчи́хся/ и злым дело́м порабо́тихся;/ душ е́ моя́ гре́шная, сего́ ли восхоте́ла еси́?
И ны́не и при́сно, и во ве́ки веко́в. Ами́нь.
Богоро́дичен: Ди́вная и ско́рая Помо́щнице всем челове́ком, Ма́ти Бо́жия,/ помози́ мне недосто́йному ( ей),/ душа́ бо моя́ гре́шная того́ восхоте́.
Песнь 6
Ирмо́с: Жите́йское мо́ре/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мой,/ Многоми́лостиве.
Поми́луй мя, Бо́же, поми́луй мя.
Житие́ на земли́ блу́дно пожи́х и ду́шу во тьму преда́х,/ ны́не у́бо молю́ Тя, Ми́лостивый Влады́ко:/ свободи́ мя от рабо́ты человекоуби́йцы диа́вола/ и даждь ми ра́зум твори́ти во́лю Твою́.
Поми́луй мя, Бо́же, поми́луй мя.
Кому́ уподо́билася еси́, душе́ моя́?/ Ка́ину окая́нному пе́рвому уби́йце и И́роду беззако́нному детоуби́йце./ Но Ты, Го́споди, исто́ргни мя от греха́ сего́/ и даждь ми се́рдце твори́ти за́поведи Твоя́.
Сла́ва Отцу́, и Сы́ну, и Свято́му Ду́ху.
Воспряни́, окая́нный челове́че, к Бо́гу, воспомяну́в своя́ согреше́ния,/ припа́дая ко Творцу́, слезя́ и стеня́;/ Той же, я́ко милосе́рд, даст ти ум зна́ти во́лю Свою́.
И ны́не и при́сно, и во ве́ки веко́в. Ами́нь.
Богоро́дичен: Богоро́дице Де́во,/ от ви́димаго и неви́димаго зла сохрани́ мя, Пречи́стая,/ и приими́ моли́твы моя́, и донеси́ я́ Сы́ну Твоему́,/ да даст ми ум твори́ти во́лю Его́.
Го́споди, поми́луй. Трижды.
Сла́ва, и ны́не:
Конда́к, глас 6:
Душе́ моя́, почто́ греха́ми богате́еши,/ почто́ во́лю диа́волю твори́ши,/ в чесо́м наде́жду полага́еши?/ Преста́ни от сих и обрати́ся к Бо́гу с пла́чем, зову́щи:/ милосе́рде Го́споди, поми́луй мя гре́шнаго ( ую).
И́кос:
Помы́сли, душе́ моя́, го́рький час сме́рти/ и Стра́шный Суд Творца́ твоего́ и Бо́га:/ А́нгели бо гро́знии по́ймут тя, душе́,/ и в ве́чный огнь введу́т:/ у́бо пре́жде сме́рти пока́йся, вопию́щи:/ Го́споди, поми́луй мя гре́шнаго(ую).
Песнь 7
Ирмо́с: Росода́тельну у́бо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти:/ благослове́н еси́, Бо́же оте́ц на́ших.
Поми́луй мя, Бо́же, поми́луй мя.
Не наде́йся, душе́ моя́, на тле́нное бога́тство и на непра́ведное собра́ние,/ вся бо сия́ не ве́си кому́ оста́виши, но возопи́й:/ поми́луй мя, Христе́ Бо́же, в чадоуби́йстве пови́ннаго(ую).
Поми́луй мя, Бо́же, поми́луй мя.
Не упова́й, душе́ моя́, на теле́сное здра́вие и на скоромимоходя́щую красоту́,/ ви́диши бо, я́ко си́льнии и млади́и умира́ют; но возопи́й:/ поми́луй мя, Христе́ Бо́же, чадоуби́йцу скве́рнаго(ую).
Сла́ва Отцу́, и Сы́ну, и Свято́му Ду́ху.
Воспомяни́, душе́ моя́, ве́чное житие́, Ца́рство Небе́сное, угото́ванное святы́м,/ и тьму кроме́шную и гнев Бо́жий злым, и возопи́й:/ поми́луй мя, Христе́ Бо́же, тя́жко согреши́вшаго(ую).
И ны́не и при́сно, и во ве́ки веко́в. Ами́нь.
Богоро́дичен: Припади́, душе́ моя́, к Бо́жией Ма́тери и помоли́ся Той,/ есть бо ско́рая Помо́щница ка́ющимся,/ умо́лит Сы́на Христа́ Бо́га,/ и поми́лует мя покая́ние принося́щаго(ую).
Песнь 8
Ирмо́с: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́:/ вся́ бо твори́ши, Христе́, то́кмо е́же хоте́ти./ Тя превозно́сим во вся ве́ки.
Поми́луй мя, Бо́же, поми́луй мя.
Ка́ко не и́мам пла́катися, егда́ помышля́ю о соде́янном мно́ю,/ вем бо зол мои́х мно́жество, детоуби́йца сый(су́щи)./ Что у́бо ча́ю и на что наде́юся?/ То́кмо даждь ми, Го́споди, пре́жде конца́ покая́ние.
Поми́луй мя, Бо́же, поми́луй мя.
О, Го́споди, жи́зни Пода́телю!/ За мно́гая Твоя́ бла́га возда́х Тебе́ злом, окая́нный(ая),/ отверго́х пренебе́сный дар жи́зни/ и дарова́нная Тобо́ю ча́да погуби́х,/ но во смире́нии молю́:/ даждь мне, Го́споди, пре́жде конца́ покая́ние.
Сла́ва Отцу́, и Сы́ну, и Свято́му Ду́ху.
Ве́рую, я́ко прии́деши суди́ти живы́х и ме́ртвых,/ и вси во свое́м чи́ну ста́нут,/ ста́рии и млади́и, влады́ки и кня́зи, де́вы и свяще́нницы;/ где обря́щуся аз?/ Сего́ ра́ди вопию́:/ даждь ми, Го́споди, пре́жде конца́ покая́ние.
И ны́не и при́сно, и во ве́ки веко́в. Ами́нь.
Богоро́дичен: Пречи́стая Богоро́дице,/ приими́ недосто́йную моли́тву мою́,/ и сохрани́ мя от на́глыя сме́рти,/ и да́руй ми пре́жде конца́ покая́ние.
Песнь 9
Ирмо́с: Бо́га/ челове́ком невозмо́жно ви́дети,/ на Него́же не сме́ют чи́ни А́нгельстии взира́ти;/ Тобо́ю же, Всечи́стая, яви́ся челове́ком/ Сло́во воплоще́нно, Его́же велича́юще,/ с Небе́сными во́и Тя ублажа́ем.
Поми́луй мя, Бо́же, поми́луй мя.
Ны́не к вам прибега́ю, А́нгели, Арха́нгели и вся Небе́сныя Си́лы, у Престо́ла Бо́жия стоя́щии,/ моли́теся ко Творцу́ своему́,/ да изба́вит ду́шу мою́ от му́ки ве́чныя.
Поми́луй мя, Бо́же, поми́луй мя.
Ны́не пла́чуся к вам, святи́и патриа́рси, ца́рие и проро́цы,/ апо́столи и святи́телие и вси избра́ннии Христо́вы:/ помози́те ми на Суде́,/ да спасе́т ду́шу мою́ от си́лы вра́жия.
Сла́ва Отцу́, и Сы́ну, и Свято́му Ду́ху.
Ны́не к вам воздежу́ ру́це, святи́и му́ченицы,/ пусты́нницы, де́вственницы, пра́ведницы и вси святи́и,/ моля́щиися ко Го́споду за весь мир,/ да поми́лует мя в час сме́рти моея́.
И ны́не и при́сно, и во ве́ки веко́в. Ами́нь.
Богоро́дичен: Ма́ти Бо́жия, помози́ ми, на Тя си́льне наде́ющемуся(ейся),/ умоли́ Сы́на Своего́, да очи́стит мя от тя́жкаго греха́ детоуби́йства/ и покая́ния моего́ ра́ди да́рует проще́ние,/ егда́ ся́дет судя́й живы́х и ме́ртвых. Ами́нь.
Та́же:
Досто́йно есть я́ко вои́стину блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем. Поклон.
Трисвято́е. Сла́ва, и ны́не: Пресвята́я Тро́ице: Го́споди, поми́луй. Трижды. Сла́ва, и ны́не: О́тче наш:
Тропа́рь, глас 1:
Объя́тия О́тча отве́рсти ми потщи́ся,/ блу́дно мое́ ижди́х житие́,/ на бога́тство неиждива́емое взира́яй щедро́т Твои́х, Спа́се:/ ны́не обнища́вшее мое́ да не пре́зриши се́рдце./ Тебе́ бо, Го́споди, умиле́нием зову́:/ согреши́х, на Не́бо и пред Тобо́ю.
Сла́ва, и ны́не, Богоро́дичен:
Упова́ние христиа́н, Пресвята́я Де́во,/ Его́же родила́ еси́ Бо́га па́че ума́ же и сло́ва,/ непреста́нно моли́ с го́рними си́лами,/ да́ти оставле́ние грехо́в нам всем,/ и исправле́ние жития́, ве́рою и любо́вию при́сно Тя чту́щим.
Го́споди, поми́луй. 40 раз.
Моли́тва
Го́споди, Иису́се Христе́, Сы́не Бо́жий, Исто́чниче жи́зни и безсме́ртия, прише́дый в мир гре́шныя спасти́! При́зри на нас, недосто́йных рабо́в Твои́х, вы́ю се́рдца и телесе́ пред вели́чеством сла́вы Твоея́ приклоня́ющих, согреши́хом бо, беззако́нновахом, непра́вдовахом пред Тобо́ю, но, на щедро́ты Твоя́ и ми́лость Твою́ упова́юще, со слеза́ми мо́лим: благоутро́бне и всеми́лостиве Го́споди, прости́ и поми́луй нас, любо́вь Твою́ отве́ргших, зако́н ева́нгельский попра́вших, страстьми́ ум свой ослепи́вших, чад свои́х в безу́мии уби́вших, ины́х к сему́ сме́ртному греху́ подви́гших или́ престу́пному их наме́рению не возбрани́вших. Ве́мы, Го́споди, я́ко досто́йни есмы́ огня́ гее́нскаго и ве́чныя му́ки, но и́мамы и человеколю́бия Твоего́ о́бразы: разбо́йника, мытаря́, блудни́цу, блу́днаго сы́на, и́же покая́нием отверзе́ние двере́й Ца́рствия Небе́снаго и поми́лование улучи́вших. Те́мже ко мно́жеству щедро́т Твои́х взыва́ем: приими́ и́скреннее раска́яние на́ше и се́рдце, оскверне́нное безме́рными греха́ми, человеколю́бне очи́сти. При́зри, всеси́льне Го́споди, на лю́ди Твоя́, вразуми́ бра́тий и сесте́р на́ших, творя́щих беззако́ния; возсия́й и́стиною Твое́ю в сердца́х заблу́дших и во тьме пребыва́ющих, загради́ уста́ нечести́вая и лука́вая, детоуби́йство пропове́дующая; просвети́ ра́зум ма́терей, чад свои́х во чре́ве свое́м умерщвля́ющих; удержи́ ру́ку врача́-детоуби́йцы всеси́льною десни́цею Твое́ю; пресеки́ твори́мое крова́вое беззако́ние. О, многоми́лостиве и долготерпели́ве Го́споди! Моли́твами Пречи́стыя Твоея́ Ма́тере, Влады́чицы на́шея Богоро́дицы и Присноде́вы Мари́и и всех святы́х, наипа́че хода́тайством святы́х му́чеников младе́нцев, в Вифлее́ме от И́рода убие́нных, да́руй нам вре́мя на покая́ние, я́ко да, по за́поведем Твои́м пожи́вше, настоя́щих зол и бу́дущих ве́чных мук свободи́мся и со благо́ю наде́ждою и и́стинным увере́нием к та́мошнему ми́ру по́йдем, прославля́юще Безнача́льнаго Твоего́ Отца́, с Ни́мже благослове́н еси́, со Пресвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в. Ами́нь.
Та́же:
Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Сла́ва, и ны́не:
Го́споди, поми́луй. Трижды.
Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, поми́луй и спаси́ нас, я́ко Благ и Человеколю́бец. Ами́нь.
О загробной участи некрещёных младенцев, не сподобившихся почему-либо св. крещения и мертворожденных, а также о том, какая должна быть за них молитва
(Составлено по учению свв. Отцев и учителей Православной Церкви)
По верованию Православной Церкви, умершие младенцы православных родителей, не сподобившиеся св. крещения, а равно и мертворожденные, у Человеколюбца Бога не будут забыты. Это верование Церкви можно видеть из того, что она чествует (29 декабря) в лике святых четырнадцать тысяч младенцев за Христа избиенных от Ирода в Вифлееме (Жит. св. м. дек.).
Из св. отцов Церкви св. Григорий Нисский о судьбе младенцев вообще пишет: «Преждевременная кончина младенцев не ведет к мысли, что скончавший так жизнь несчастлив, или что равен он очистившим себя в настоящей жизни всякою добродетелию, потому что Бог, по лучшему Своему промышлению, предотвращает безмерность зол в тех, которые стали бы жить во зле» (ч. 4, стр. 359, изд. 1862 г.).
Св. Григорий Богослов говорит: «Последние (т.е. не сподобившиеся крещения по малолетству) не будут у праведного Судии ни прославлены, ни наказаны, потому что, хотя не запечатлены, однако же не худы, и больше сами потерпели, нежели сделали вреда. Ибо не всякий недостойный наказания, достоин уже и чести; равно как не всякий, недостойный чести, достоин уже наказания» (Сл. на св. Крещ., ч. 3, стр. 242-243, изд. 1889 г.). Участь младенцев, умерших некрещеными, ни в каком случае нельзя назвать безнадежною. Св. Апостол Павел говорит о тех детях, у которых отец христианин, а мать некрещеная, что дети эти «святые суть» (1Кор. 7:14). Наши же мертворожденные младенцы имеют и родителей, и предков православных. Кроме того, дети эти в некотором роде уже освятились во время чревоношения их матерями; нося их в своей утробе, матери их каждодневно молились, часто читали или слушали Слово Божие и соединялись со Христом Господом в таинстве св. Причащения. А когда их матерям пришло время разрешиться ими, они с теплою верою прибегали к Божией помощи и, может быть, полагали особенный обет пред Богом, чтобы разрешение их было благополучно. Как же можно думать, чтобы дети, плод от таких родителей, погибли навсегда? Если даже иной из них и умрет еще во утробе матерней; и тут была готовность родителей совершить над ним крещение. А Господу Богу угодны и самые намерения наши, если они святы.— Еще слышим в Евангелии слова Самого Христа Спасителя: «В дому Отца Моего обители многи суть» (Ин. 14:2). Ужели в этих обителях не будет места для тех младенцев, которых родители были христиане, которых только не было возможности просветить св. крещением или которые, получив уже имена христианские, скончались перед самой купелию? Святая Церковь выражает прямое верование в помилование этих младенцев: «ведати подобает» (говорит она в Богослужебных книгах), «яко младенцы и непросвещеннии (т.е. некрещеные) ниже в геенну пойдут» (Синакс. в мясоп. субб.). Св. Григорий Богослов говорит: “Иные даже не имеют возможности и принять дара (благодати крещения) или, может быть, по малолетству, или по какому-нибудь, совершенно не зависящему от них, стечению обстоятельств” (Душеп. Соб. 1905., № 2, стр. 52-53).
Св. Ефрем Сирин пишет: «Кто умер во чреве матери и вступил в жизнь, того (Судия) сделает совершеннолетним в то же мгновение, в которое возвратит жизнь мертвецам. Младенец, котораго матерь умерла вместе с ним во время чревоношения, при воскресении предстанет совершенным мужем и узнает матерь свою, а она узнает детище свое. Невидавшие здесь друг друга увидятся там, и матерь узнает, что это ея сын, и сын узнает, что это его матерь… Равными воскресит Творец сынов Адамовых; как сотворил их равными, так равными же пробудит и от смерти. В воскресении нет ни больших, ни малых. И преждевременно родившийся возстанет таким же, как и совершеннолетний. Только по делам и образу жизни будут там высокие и славные; и одни уподобятся свету, другие — тьме». (Ч. 4, стр. 105, изд. 1900).
О возможности совершать над мертвыми младенцами крещение, нарекать им имена и поминать некрещеных за литургией не может быть и речи, ибо Господь заповедал Апостолам крестить живых людей, а не мертвых (Мк. 16:16), ибо как может бездыханный труп слышать проповедь и уверовать в Того, о Котором бы ему возвещали? Св. Церковь положила 26-м правилом Карфагенскаго собора скончавшихся ни крестить, ни подавать им Божественных Таин; а в толковании на сие правило сказано: «Пресвитерское бо неразумие (если бы таковое было допущено) не поможет скончавшемуся, по смерти бо крещен быв от него, несть крещен». Правило это помещено в книге «Кормчей», где находятся правила св. Апостолов и святых Вселенских и девяти поместных соборов. Остается только молитвенно воздыхать о таких младенцах к Богу в своих домашних молитвах. Для таковой цели можно порекомендовать молитву, находящуюся в синодике бывшего Новгородскаго и Петербургскаго митрополита Григория. Содержание её следующее: «Помяни, Человеколюбче Господи, души отшедших раб Твоих — младенцев, кои во утробе православных их матерей умерли нечаянно от неведомых действий, или от трудного рождения, или от некоей неосторожности, и потому не приняли святого Таинства Крещения! Окрести их, Господи, в море щедрот Твоих и спаси неизреченною Твоею благодатию» (Душеп. Соб., стр. 54).
На вопрос: «как молиться о мертворожденных и вообще не сподобившихся св. крещения младенцах?» — Стефан Фаворский, архиепископ Вифлеемской обители, дает такой ответ: «Получившие св. крещение будут радоваться и блаженствовать на небеси вовеки, хотя бы кончину получили и нечаянную, равно не следует отвергать и тех младенцев, которые родились мертвыми и не успели быть окрещены; они не виноваты, что не получили св. крещения, а у Отца Небеснаго обители многи суть, в числе коих есть, конечно, и такие, в которых таковые младенцы будут покоиться за веру и благочестие верных родителей своих, хотя сами, по неисповедимым судьбам Божиим, и не получили св. крещения; так думать не противно религии, о чем свидетельствуют и св. отцы в Синаксаре в субботу мясопустную. Молиться за них могут родители с верою в милосердие Божие; каждая мать, плачущая о таковых своих чадах, без сомнения, может вопиять к Человеколюбцу Господу следующими словами: «Господи, помилуй чад моих, умерших во утробе моей, за веру и слезы мои, ради милосердия Твоего. Господи, не лиши их света Божественнаго!» (Из Палест. листка Вифлеем. обители).
Наконец, не должно же забывать и о том, что вина мертворождения может падать и на самих матерей-родильниц, не говоря уже о тех злодейках-матерях, которыя сознательно стараются уничтожить плод (большею частию незаконный) и даже в последних периодах чревоношения. Вечная огненная геенна — вот достойное возмездие правосудия Божия, ожидающее нераскаянных за эти злодеяния» (Душеп. Соб. стр. 54).
Св. Ефрем Сирин пишет: «Горе… любодейце, которая извела зачатый ею во чреве плод, чтобы не видел он здешняго мира; не даст Бог увидеть и ей новый век. Как она не дозволила ему насладиться жизнию и светом в этом веке, так и Он лишит ее жизни и света в оном веке. Поелику решилась она извергнуть плод свой из чрева преждевременно, чтобы скрыть его во мраке земли; то и она, как мертвый плод чрева, извергнута будет во тьму кромешную. Таково воздаяние любодеям и любодеицам, которые посягают на жизнь детей своих: Судия накажет их вечною смертию и низринет в бездну мучения, полную зловоннаго тления» (Помн. послед. твоя, изд. 1903, стр. 37).
Впадшие в такое тяжкое прегрешение должны поспешить принести покаяние, пока есть возможность; ибо «нет греха, побеждающаго Божие милосердие для обращающихся к Нему с верою” (Жит. пр. Марии Египетской).
Но бывают и другие обстоятельства мертворождения, вину коих нельзя не приписать матерям-родильницам: одна подняла тяжелый мешок хлеба на воз, а другая безмерно работала на уборке хлеба, — и разрешились преждевременно младенцами. Эта напилась пьяной и оступилась, и — родила мертваго младенца. У той последовал выкидыш вследствие душевных потрясений, происходящих… от безумной и, быть может, неосновательной ревности к мужу. Бывают и случаи явной кары Божией за ропот на многочадие и за проклятие плода, находящагося еще во утробе. Увы! и такия безумныя матери есть на свете. Вот почему мать-родильница после рождения мертваго младенца должна основательно подумать — не была ли она как-нибудь прямо или косвенно причиною мертворождения, и если — по безстрастном обсуждении этого вопроса, — окажется что-либо у нея на совести, то она должна поспешить к своему отцу духовному, исповедать ему свой грех, попросить совета для заглаждения сего греха и затем загладить свой грех добрыми делами, из коих обыкновенно рекомендуется: 1) милостыня бедным людям, у коих много детей, особенно в такие дни, как Пасха, Рождество Христово и престольный праздник; 2) путешествие ко св. местам (наприм. в Киеве к мощам св. угодников и св. младенца, убиеннаго от Ирода за Христа, и почивающаго в дальних пещерах Лавры); 3) усиленная домашняя молитва, сопровождаемая известным количеством поклонов, и добровольно налагаемый пост (напр., по понедельникам; о нем сказано в требнике, в чине исповеди), и 4) совершение в приходском храме литургии об оставлении грехов (Душ. Соб., стр.54—55). См. подроб. в кн. “Наставл. и утеш. болящ.» свящ. ВА. Черкесова.
Итак, по разсуждению св. отцов и учителей Церкви, христианские некрещеные и мертворожденные младенцы не будут терпеть наказания в будущей жизни, потому что родители уже освятили их принятием Св. Таин, молитвами, верою и добрыми делами.
Издание Свято-Успенского Псково-Печерского монастыря 1993г.