sobor_voronezh

О велицыи угодницы Божии, столпи и светильницы Земли Российстей, преподобнии и богоноснии отцы наши Оптинстии, Льве, Макарие, Моисее, Антоние, Иларионе, Амвросие, Анатолие, Исаакие и Иосифе, Варсонофие, Анатолие, Нектарие, Никоне и Исаакие, по закону Евангельскому Господа Бога всем сердцем и всею душею и всем разумением возлюбившии и всему народу Божию во спасение бывшии; сего ради под покров Пресвятыя Владычицы нашея Богородицы во обитель Оптину, покаявшимся разбойником основанную, притекшии, путем тесным и прискорбным смирения и самоукорения до конца дней ваших ходившии, темже убо благодатныя дары святаго Духа преизобильно стяжавшии; старых и младых, знатных и препростых, мудрых века сего и худоумных, никогоже от грядущих к вам ижденувшии, николиже тща и неутешна отпустившии, но светом истины Христовы всех просветившии и духовно воскресившии, ближних ваших, яко себе самех, возлюбившии и тех в сердце своем вместившии, по словеси Апостола, пророчествующе и назидающе, увещающе и утешающе. Умолите Милосердаго Господа, во обитель райскую разбойника благоразумнаго с собою вземшаго, даровати нам, недостойным, яко работником единонадесятаго часа, дух сокрушения, сердца очищение, уст хранение, правоту деяний, мудрование смиренное, слезы покаяния, веру непостыдную, любовь нелицемерную, мир душевный и здравие телесное, да предстательством вашим сподобит нас Господь добраго ответа на Страшнем Судищи Своем, вечных мук избавляя, и царствия Небеснаго купно с вами да удостоит во веки веков. Аминь.

Акафист собору преподобных отцев и старцев в Оптиной Пустыни просиявших

← к оглавлению

Написан Иваном Беляевым,
родным братом прписп. Никона (Беляева)

Кондак 1

Избранным Богом от суетнаго мира, вам, о преподобнии отцы Оптинстии, крест свой благоговейно подъемши и Христу последовавшим верою, яко дерзновенным предстателем нашим пред Господем ныне усердное моление приносяще, с любовию взываем: Радуйтеся, преподобнии отцы Оптинстии, благодати старчества светильницы.

Икос 1

Ангельскаго иноческаго жития всем сердцем взыскавше, вся мирская пристрастия отвергосте, Богомудрии, и во объятия Отча с любовию в обитель Оптинy притекше, путем тесным и прискорбным до конца дней ваших шествовасте. Сего ради воспеваем сице: Радуйтеся, на зов Господень радостно притекшии; радуйтеся, всем желанием Христу последовавшии. Радуйтеся, крест свой на рамо восприимшии; радуйтеся, паче Господа ничесоже возлюбившии. Радуйтеся, Христа ради всеконечно себя отвергшиися; радуйтеся, Царствия Божия блаженнии наследницы. Радуйтеся, преподобнии отцы Оптинстии, благодати старчества светильницы.

Кондак 2

Видевше сети диаволъския, аки паучина в мире распростертая, и во глубине сердец ваших восчувствовавше, яко от них человецы токмо смирением спасаются, себе самех в теплой молитве пред Господем повергосте, со умилением взывающе: Аллилуиа.

Икос 2

Разумевше сердцем и умом, яко делы своими не оправдится пред Богом всяк живый, и присно содержаще пред очесы вашими согрешения своя, токи слезныя, единому Господу зримыя, источати не престасте, покаяние души Ему приносяще, Егоже образ показасте нам, взывающим: Радуйтеся, грехи своя неприкровенны прозревавшии; радуйтеся, дар умиления и слез от Господа приявшии. Радуйтеся, блаженство плача о гресех познавшии; радуйтеся, неусыпающую скорбь о них стяжавшии. Радуйтеся, на земли покаяния проповедницы; радуйтеся, на небеси ныне Господем утешаемии. Радуйтеся, преподобнии отцы Оптинстии, благодати старчества светильницы.

Кондак 3

Силу искупительных страданий Христовых положисте, святии, яко нерушимую надежду спасения, себе самех хуждшими всех человек и никоеяже милости достойных помышляюще, и сего ради со многим смирением и благодарением присно вопиясте Богу: Аллилуиа.

Икос 3

Имуще в сердцах своих Божественный смиренномудрия дар, истинные ученицы Христа, смирившаго Себе даже до смерти Крестныя, ни во чтоже вменисте вся подвиги и труды ваша. Возрастающим бо подвигом, сугубо возрасташе и смирение, емуже дивящеся, глаголем: Радуйтеся, послушанию и смирению Спасителем наученнии; радуйтеся, за смирение Господем Славы вознесеннии. Радуйтеся, безгневия и кротости смирением достигшии; радуйтеся, смирением и самоукорением покой душам обретшии. Радуйтеся, нищетою духовною обогатившиися избранницы; радуйтеся, ваше бо есть Царствие Небесное, нищим духом уготованное. Радуйтеся, преподобнии отцы Оптинстии, благодати старчества светильницы.

Кондак 4

Бурю страстей, плотию и диаволом воздвизаемую, утоляюще, ум владыку над страстьми пагубными постнически постависте, мужески бо естество понудивше, потщастеся благодатию Божиею хуждшее покорити лучшему и плоть поработити духу, Подвигоположнику Христу пети не престающе: Аллилуиа.

Икос 4

Слышавше глагол Господень, яко Царствие Небесное нудится и токмо нуждницы восхищают е, постом, бдением и молитвою непрестанно подвизастеся и плоть свою со страстьми и похотьми Христови распясте, уставы иноческия нерушимо соблюдше. Темже ублажаем вы: Радуйтеся, благое иго Христово люботрудно noнесшии; радуйтеся, трезвением сердечным духа не угасившии. Радуйтеся, крепкое хранение устом своим полагавшии; радуйтеся, телеса своя нещадно утеснявшии. Радуйтеся, с телесными подвиги умное делание сочетавшии; радуйтеся, в терпении вашем души ваша стяжавшии. Радуйтеся, преподобнии отцы Оптинстии, благодати старчества светильницы.

Кондак 5

Светоносное имя Иисусово, яко оружие непобедимое противу бесовския рати, непрестанно в сердце с верою носяще, приснотекущий источник благодати обретосте, восходяще от силы в силу и огнь ко огню прилагающе, очищенным смыслом воспеваете Богу: Аллилуиа.

Икос 5

Прозревающе всечасно немощь свою и спасительную, благодатную силу молитвы Иисусовой, николиже престасте творити ю, страстей прилоги тою посецающе и вся козни вражия попаляюще, в безмолвии сердца молитвенное собеседование с Господем таинственно обретше, нас научаете взывати вам: Радуйтеся, весь ум свой в молитву погрузившии; радуйтеся, всецело горе сердца своя имевшии. Радуйтеся, на молитве ни о чемже суетнем помышлявшии; радуйтеся, имя Иисусово неусыпно призывавшии. Радуйтеся, молитвы сердечныя изряднии подвижницы; радуйтеся, вся просимая во имя Господне получавшии молитвенницы. Радуйтеся, преподобнии отцы Оптинстии, благодати старчества светильницы.

Кондак 6

Предстояще сердцем в молитве пред Крестом за грехи людския страждущаго Господа, рыданием возрыдаете, преподобнии, скорбию о гресех своих снедаеми и неизглаголанною любовию к Искупителю нашему возгарающеся, до конца жития убо трепетно взывасте Ему: Аллилуиа.

Икос 6

Воссиявшу в сердцах ваших свету любве Божественныя, славу земную и похвалы возненавидесте и омерзисте, безчестие же от человеков и всякия скорби отверстым сердцем радостно приемлюще, поношению Христову усердно приобщистеся. Нам убо образ злострадания и терпения показасте, зовущим: Радуйтеся, язвы Господа Иисуса Христа на теле своем носившии; радуйтеся, поругания, яко врачевство чистительное, усердно пившии. Радуйтеся, от почестей земных всем сердцем отвратившиися; радуйтеся, за ненавидящих вас с любовию молившиися. Радуйтеся, обидящих вас, яко благодетелей, возлюбившии; радуйтеся, благодарити Милосердаго Господа николиже преставшии. Радуйтеся, преподобнии отцы Оптинстии, благодати старчества светильницы.

Кондак 7

Хотяй Господь всем человеком спастися и в разум истины приити, видя ваше благое произволение и труд непрестанный в исполнении заповедей Его, отверзе вам ум разумети пути Своя и оправданием Своим научи вас. Темже сердцем просвещенным выну воспевасте: Аллилуиа.

Икос 7

Дивна дела Твоя, Господи, яко паче книжник вразумляеши рабов Твоих, всем сердцем взыскующих Тя, и открываеши очи их, да уразумеют чудеса от закона Твоего. Блажим убо преподобных Твоих, отцев наших Оптинстих, присно поучавшихся в заповедех Твоих, яже возлюбиша зело, и поем им: Радуйтеся, словеса Божия, яко богатство много, в сердце сокрывшии; радуйтеся, путие заповедей Божиих всем сердцем возлюбившии. Радуйтеся, всяк путь неправды омерзившии; радуйтеся, от пути Господня николиже отступившии. Радуйтеся, в добрем подвизе уготовившиися и не смутившиися; радуйтеся, слово Божие вместивше, мир мног во Христе обретшии. Радуйтеся, преподобнии отцы Оптинстии, благодати старчества светильницы.

Кондак 8

Странников и пришельцев на земли себе помышляюще, ничесоже от тленных вещей мира сего стяжати себе не возжеласте, да не будут сердца ваша к земли влекома, обаче к единому Богу прилепистеся, чисте возносяще Ему песнь: Аллилуиа.

Икос 8

Всякое плотское пристрастие, от любве Господни отлучающее, вседушно отвергосте, единое на потребу взыскующе. Всегда убо при ногу Иисусову неотторженною приседесте любовию, ко благом житейским сердца не прилагающе и все упование свое на Господа возложивше. Темже похваляем вас, святии: Радуйтеся, без пристрастий к миру житие свое скончавшии; радуйтеся, от земных забот свобождшеся, сладость чистыя молитвы познавшии. Радуйтеся, твердою верою попечения житейская отложившии; радуйтеся, нестяжанием и послушанием пагубныя страсти умертвившии. Радуйтеся, иноческий обет нестяжания свято соблюдшии; радуйтеся, волю свою отсекшии Христовы послушницы. Радуйтеся, преподобнии отцы Оптинстии, благодати старчества светильницы.

Кондак 9

Вся молитвы ваша и вся силы ваша подвигосте, преподобнии, во еже стяжати чистоту душевную и телесную, без неяже, по словеси Христову, никтоже узрит Бога; темже убо чистым сердцем сподобистеся в раи Господни достойно воспети чудную праведных песнь, зовуще: Аллилуиа.

Икос 9

Воюющии на душу плотская вожделения постом и молитвою укрощающе, помыслом греховным возобладати вами не попускаете, от Господа Бога, единаго власть имущаго побеждати естества чин, дар чистоты и целомудрия приясте. Приимите убо и от нас хваления таковая: Радуйтеся, благодать Божию в борьбе с плотию смирением привлекшии; радуйтеся, труды и лишения возлюбивше, покой телесный отринувшии. Радуйтеся, постом и всенощными моленьми похоть плоти умертвившии; радуйтеся, естества уставы силою Христовою победившии. Радуйтеся, телеса и души ваша чисты Господеви принесшии; радуйтеся, чистии сердцем, Бога в вечнем блаженстве зрящии. Радуйтеся, преподобнии отцы Оптинстии, благодати старчества светильницы.

Кондак 10

Спасти хотяще души своя для жизни вечныя, вся помышления о земнем и привременнем отринусте и Спасителю нашему, заповедь велику о любви учеником Своим давшему, делом и истиною последовасте. Сего ради ближних ваших теплою любовию тогда возлюбисте, Небесному Отцу всех человеков зовуще: Аллилуиа.

Икос 10

Возлюбивше всею душею ближняго своего, Царствие Божие внутрь себе обретосте, темже сниде в сердца ваша огнь попаляяй любве Божия, еюже необыменно насыщающеся, всецело себе в жертву делом любве принесосте. Ныне же и от нас благоговейное пение сие слышите: Радуйтеся, всех человеков святою любовию возлюбившии; радуйтеся, во еже некия спасти, всем вся бывшии. Радуйтеся, о горестех людских слезно воздыхавшии; радуйтеся, всех притекающих в сердцах своих вмещавшии. Радуйтеся, тща от себе никогоже отпускавшии; радуйтеся, души ваша за ближних полагавшии. Радуйтеся, преподобнии отцы Оптинстии, благодати старчества светильницы.

Кондак 11

Пение молебное приносим вам, преподобнии отцы наши Оптинстии, вашею бо стезею воистину право ходити познахом. Блажени есте, Христу работавшии и вражию посрамившии силу, истинное правило добродетели показастеся всем, Господеви зовущим: Аллилуиа.

Икос 11

Светлыя подвиги ваша похваляюще, преподобнии отцы наши Оптинстии, ублажаем вас, яко славных наставников монахов и чудных собеседников Ангелов ныне на небеси Престолу Божию предстоящих и молящихся о нас, с любовию поющих вам: Радуйтеся, трезвения непрестаннаго усерднии ревнителе; радуйтеся, пламени сердечнаго неусыпнии хранителе. Радуйтеся, непоколебимии столпи послушания, вся претерпевшии; радуйтеся, многими скорбьми в Царствие Божие вшедшии. Радуйтеся, иноческаго жития равноангельнии подвижницы; радуйтеся, добрии раби Божии, блазии и вернии. Радуйтеся, преподобнии отцы Оптинстии, благодати старчества светильницы.

Кондак 12

Благодати дар испросите нам у Господа, вас, о блаженнии, верно хвалящим. Вонмите воздыханием нашим, слез наших не презрите. Умолите Господа утолити лютыя страсти наша, дати нам плач сокрушенный о гресех наших, да чистою душею и неоскверненными устнами купно с вами сподобимся в раи Господни воспевати: Аллилуиа.

Икос 12

Поюще ныне вас, о преподобнии, хвалебными гласы, вемы, яко не пения устен взыскуете, но подвигом вашим последования, смирения сердечнаго и жития исправления. Темже в покаянии помощи вашея просяще, любовию же подвизаеми, глаголем: Радуйтеся, добре жительствующих ограждающии; радуйтеся, немощных и сирых укрепляющии. Радуйтеся, падающим руку помощи простирающии; радуйтеся, кающимся слезы утешительныя низпосылающии. Радуйтеся, всем призывающим вас скории помощницы; радуйтеся, спасения нашего пред Богом теплии ходатаи. Радуйтеся, преподобнии отцы Оптинстии, благодати старчества светильницы.

Кондак 13

О преславнии угодницы Христовы, преподобнии отцы и старцы, Моисее, Антоние, Исаакие, Иларионе, Анатолие, Иосифе и Вторый Исаакие, Льве, Макарие, Амвросие, Варсонофие, Вторый Анатолие, Нектарие и Никоне, яко седмь столпов и седмь светильников в Оптинстей обители просиявшии! Нынешнее наше моление услышите и испросите нам у Господа смирение и память смертную, да избавит нас Господь от всякаго зла и сподобит христианския кончины всех вопиющих Ему: Аллилуиа.

(Этот кондак читается трижды, а затем икос 1 и кондак 1)

Молитва преподобным отцем
и старцем, в Оптиной пустыни просиявшим

О велицыи угодницы Божии, столпи и светильницы Земли Российстей, преподобнии и богоноснии отцы наши Оптинстии, Льве, Макарие, Моисее, Антоние, Иларионе, Амвросие, Анатолие, Исаакие и Иосифе, Варсонофие, Анатолие, Нектарие, Никоне и Исаакие, по закону Евангельскому Господа Бога всем сердцем и всею душею и всем разумением возлюбившии и всему народу Божию во спасение бывшии; сего ради под покров Пресвятыя Владычицы нашея Богородицы во обитель Оптину, покаявшимся разбойником основанную, притекшии, путем тесным и прискорбным смирения и самоукорения до конца дней ваших ходившии, темже убо благодатныя дары Святаго Духа преизобильно стяжавшии; старых и младых, знатных и препростых, мудрых века сего и худоумных, никогоже от грядущих к вам ижденувшии, николиже тща и неутешна отпустившии, но светом истины Христовы всех просветившии и духовно воскресившии, ближних ваших, яко себе самех, возлюбившии и тех в сердце своем вместившии, по словеси Апостола, пророчествующе и назидающе, увещающе и утешающе. Умолите Милосердаго Господа, во обитель райскую разбойника благоразумнаго с Собою вземшаго, даровати нам, недостойным, яко работником единонадесятаго часа, дух сокрушения, сердца очищение, уст хранение, правоту деяний, мудрование смиренное, слезы покаяния, веру непостыдную, любовь нелицемерную, мир душевный и здравие телесное, да предстательством вашим сподобит нас Господь добраго ответа на Страшнем Судищи Своем, вечных мук избавляя, и Царствия Небеснаго купно с вами да удостоит во веки веков. Аминь.

Тропарь, глас 6

Православныя веры светильницы, монашества непоколебимии столпи, земли Российския утешителие, преподобнии старцы Оптинстии, любовь Христову стяжавшии и души своя за чада полагавшии, молитеся ко Господу, да утвердит земное Отечество ваше в православии и благочестии и спасет души наша.

Кондак, глас 4

Воистину дивен Бог во святых своих, Пустынь Оптину якоже вертоград старчества явивый, идеже богопросвещеннии отцы, тайная сердца человеческаго ведуще, народа Божия печальницы доблии явишася: сии бо на путь покаяния грехом отягощенныя наставиша, в вере колеблющияся светом Христова учения просветиша и Божией премудрости научиша, страждущим и немощным спострадаша и исцеление дароваша. Ныне же, во славе Божией пребывающе, молятся непрестанно о душах наших.

LiveInternetLiveInternet

АКАФИСТ ПРЕПОДОБНОМУ АМВРОСИЮ ОПТИНСКОМУ
.

Кондак 1
Избранный угодниче Божий и чудотворче, великий старче Амвросие, Оптинская похвало и Всея Руси дивный наставниче, прославляюще твое в подвизех изрядное житие, приносим ти многохвальное пение, ты же, яко имея дерзновение ко Господу, молися о всех нас, чадех твоих, со умилением зовущих: Радуйся, преподобне Амвросие, богомудрый учителю веры и благочестия.
Икос 1
Ангельскому житию подражая, отвергл еси вся красная и скоропреходящая тленнаго мира сего и стопы своя направил еси к духовному учителю и прозорливцу старцу Илариону, да наставит Тя на путь истиннаго жительства и благословит на подвиги спасения. Он же, провидев грядущее твое богоугодное житие, посла Тя в обитель Оптину, и тамо ты обрел еси себе доброе пристанище. Сие уведевши таковое Божие изволение о тебе, глаголем сицевая: Радуйся, Богом избранная отрасле благочестия родителей; радуйся, измлада лет твоих Господа возлюбивый. Радуйся, к книжней мудрости усер­дие от юности имевый; радуйся, святых Отцев духоносное учение познавый. Радуйся, скорогибнущих благ мира сего отвержение; радуйся, нетленных сокровищ неослабное желание. Радуйся, Божия произволения о спасении души твоея искавый; радуйся, благословение на путь монашеский получивый. Радуйся, преподобне Амвросие, богомудрый учителю веры и благочестия.
Кондак 2
Видя сердца твоего благое намерение, Христос предначерта узкий и тернистый путь твоего спасения, и егда был еси внезапу на смертном одре болезни, даде Господу обещание: аще исцелит Тя, всего себе предати подвигом иночества. Востав же по милости Божией с одра болезни, абие прославил еси всещедраго Бога, врача душ и телес, зовя: Аллилуиа.
Икос 2
Разум Божественных писаний стяжав, в страсе Божием помышлял еси, како Господь устроит грядущий путь твоего спасения и како вступити на стезю многотруднаго и скорбнаго монашеского жительства. Мы же, дивящеся твоему благому намерению, воспеваем ти: Радуйся, на Бога Промыслителя всю надежду возложивый; радуйся, токмо Его благоизволения взыскавый. Радуйся, всякое испытание во спасение души понести готовый; радуйся, совести своея велению последовый. Радуйся, увеселения мирская возненавидевый; радуйся, богатства земная невозлюбивый. Радуйся, Богу единому поработати всего себе подвигнувый; радуйся, тому точию угодити восхотевый. Радуйся, преподобне Амвросие, богомудрый учителю веры и благочестия.
Кондак 3
Силою любве утверждаяся в вере, поревновал еси Евангельское житие стяжати по образу преподобных Отцев Церкве древния. Егда же даде ти Господь разумение сего благоугождения, воспел еси со умилением: Аллилуиа.
Икос 3
Имея крепкую веру во благое промышление Божие о спасении человека, притекл еси к честному образу Пресвятыя Богородицы Тамбовския, еже бысть тебе благословение родительское, и смиренно молил еси Владычицу, да управит путь твой. Мы же, видяще твое неотступное упование на милость Царицы Небесныя, поем ти: Радуйся, Божия Матере верное и возлюбленное чадо; радуйся, Ея священнаго покрова силы тайное постижение. Радуйся, благословения родительскаго чрез Ея Образ добронравный хранителю; радуйся, Заступницы усердныя благоговейный почитателю. Радуйся, многочастне в нощи молитвы к Ней слезно возносивый; радуйся, Небесныя помощи от Нея непостыдно восприемый. Радуйся, тако утешение в сердце своем обретый сладостное; радуйся, яко умиление приял еси благотишное. Радуйся, преподобне Амвросие, богомудрый учителю веры и благочестия.
Кондак 4
Бурею помышлений движимый пришел еси в обитель Преподобнаго Сергия Радонежскаго, да укрепит твое сердце на подвиги предстоящаго иноческаго поприща всея России Чудотворец и Учитель монашескаго делания, преизливающий от раки своих честных мощей токи благодатныя помощи. Умилився же тамо сердцем, взывал еси с радостию: Аллилуиа.
Икос 4
Слыша велие житие и благочестие богомудрых Отцев и старцев Оптины пустыни, тайно оставил еси мир и вся, яже в нем, и пришел еси необинуяся во обитель сию во смирении души, во еже спастися и угодити Богу. Мы же, видяще вящую ревность души твоея, приносим Ти хвалебную песнь: Радуйся, тленныя блага мира сего нивочтоже вменивый; радуйся, сладость Церковную познавый. Радуйся, во обитель Святую вселивыйся; радуйся, всего себе Богу отдавый. Радуйся, заповеди Божия неленостно исполнивый; радуйся, плоды Христова учения сладце вкусивый. Радуйся, подвигов святых Отцев ревнителю; радуйся, чистоты душевныя неусыпный хранителю. Радуйся, преподобне Амвросие, богомудрый учителю веры и благочестия.
Кондак 5
Богозданная пустынь прия тя, яко во объятия Отча, в нюже кротко вселился еси и тамо первее понесл еси труды послушания в келии великаго старца богопросвещеннаго Льва, имже наставлен был еси к духовному деланию. Уведев же сладость отречения воли своея, возопил еси: Аллилуиа.
Икос 5
Видяще твое иноческое преуспеяние, облекоша тя Отцы пустыни в ризы схимы великия и сподоби тя подвигоначальник Христос благодати Ангельскаго чина приобщитися, сего ради вопием ти: Радуйся, всем сердцем Бога возлюбивый; радуйся, всею душею Ему послуживый. Радуйся, веру чрез многия труды непреложно утвердивый; радуйся, надеждою на помощь свыше себе вооруживый. Радуйся, любве Евангельския сокровище; радуйся, даров Духа Святаго вместилище. Радуйся, подвигов монашеских воине доблественный; радуйся, равноангельскаго жития подражателю предивный. Радуйся, преподобне Амвросие, богомудрый учителю веры и благочестия.
Кондак 6
Проповедник православныя веры и истиннаго жития во Христе Иисусе явился еси, противныя Евангелию и Церкви учения отрицая и многая от пути заблуждения обратил еси ко Христу Жизнодавцу, поя благодарственно: Аллилуиа.
Икос 6
Возсиял еси яко свеща многосветлая в земли Российстей, просвещая всякаго человека, приходящаго к тебе, светом истины, людие же, обремененнии грехми и скорбьми многими, обретоша в тебе богоразумнаго наставника благочестия и добраго отца всем немоществующим, страждущим и уничиженным, воспевающе таковая: Радуйся, светильниче православныя страны Российския; радуйся, зерцало Божественныя любве. Радуйся, столпе веры апостольския; радуйся, каменю надежды жизни вечныя. Радуйся, наставниче во всяких обстояниях Боговдохновенный; радуйся, проповедниче покаяния рачительный. Радуйся, врачу недугов телесных; радуйся, целителю болезней душевных. Радуйся, преподобне Амвросие, богомудрый учителю веры и благочестия.
Кондак 7
Хотя последовати Самому Христу, подражал еси Ему всеусердно, взем иго Его на себе и научився от Него кротости и смирению, обрел еси покой души своей, зовущей присно: Аллилуиа.
Икос 7
Новая и дивная звезда святости явися на небе церковнем, егда возшел еси по лествице духовней к совершенству ангелоподобному, простерл еси лучи любве своея по лицу всея земли рус­ския и привлекл еси к себе знатная и худородная, мудрая века сего и немудрая, вопиющая к тебе сицевая: Радуйся, граде, верху горы стояй; радуйся, светило, мрак неведения про­гоняющее. Радуйся, вся немощная врачуяй; радуйся, от бед и прельщений вражеских избавляяй. Радуйся, печальных утешителю; ра­дуйся, жаждущих духовный напоителю. Радуйся, хитрословеснаго мудрования века сего обличителю; радуйся, многих заблудших на путь истины направителю. Радуйся, преподобне Амвросие, богомудрый учителю веры и благочестия.
Кондак 8
Странником и пришельцем в земном мире предстал еси, взыскующим града небеснаго, и понесл еси тяготы и немощи ищущаго у тебе помощи ближняго, и тако исполнил еси Закон Христов, поя с благодарением: Аллилуиа.
Икос 8
Весь огнем Божественныя любве исполненный, крест многотрудный болезней телесных пронесл еси чрез все твое иноческое житие, в терпении стяжав душу твою, по слову Евангелия Христова, и всех нас научил еси безропотному крестоношению, зовущих ти: Радуйся, вождю ищущих спасения; радуйся, образе истиннаго послушания. Радуйся, сам тяжкие недуги до конца претерпевый; радуйся, приходящия к тебе в болезнех и печалех терпению научивый. Радуйся, паствы твоея изрядный душепопечителю; радуйся, алчущих жизни вечныя питателю. Радуйся, обидимых покровителю; радуйся, непокорных воли Божией вразумителю. Радуйся, преподобне Амвросие, богомудрый учителю веры и благочестия.
Кондак 9
Все естество человеческое в болезнех и телесных немощех испытал еси, плоть распяв со страстьми и похотьми, и молитвою неустанною отгонял еси напасти и искушения лукавых духов и тем вся научал еси противостати кознем диавольским, взывая с верою: Аллилуиа.
Икос 9
Витийства суемудрых, неведавших силы веры православныя, отметал еси словом Божиим и чистым житием твоим, и воистину возсиял еси, яко светозарный столп благочестия и хранитель святоотеческаго предания, усердно прелагая древняя писания отцев в письмена удобовразумительныя. Мы же, дивящеся трудом твоим, воспеваем сице: Радуйся, веры правыя адаманте; радуйся, жития по вере крепосте. Радуйся, духа благочестия насадителю; радуйся, добродетелей христианских сеятелю. Радуйся, подвигов старчества преуспеяние; радуйся, множества иноков духовное просвещение. Радуйся, приведый тех ко спасению; радуйся, обративый многия грешныя к покаянию. Радуйся, преподобне Амвросие, богомудрый учителю веры и благочестия.
Кондак 10
Спастися взыскующим Царства Небеснаго вспомоществуя, верный путеводитель явился еси, мирския и духовныя управляя: на конец же лет своих многая труды положил еси, обитель Шамординскую убогим устрояя, да сестры тоя обретут душевный покой и спасение, воспевающе песнь хвалебную: Аллилуиа.
Икос 10
Стена и прибежище был еси чадом твоим, молитвами неусыпными от демонских наваждений охраняя; на невидимую брань с духи злобы вдохновлял еси их, гордость и славолюбие смирением упраздняя. Темже радующеся зовем Ти: Радуйся, стрелы вражия угасивый; радуйся, демонския полки победивый. Радуйся, пленных от духов злобы свободивый; радуйся, из темницы страстей многая души изведый. Радуйся, любовию и молитвами заблудшия к Богу обративый; радуйся, сирот и вдовиц добрый попечителю. Радуйся, водительства иноков и инокинь богоносный зиждителю; радуйся, смиренномудрия и кротости доброгласный проповедниче. Радуйся, преподобне Амвросие, богомудрый учителю веры и благочестия.
Кондак 11
Пение умиленное приносим Ти, скорому помощнику в нуждах и печалех всем, к тебе с верою и любовию притекающим, до конца дней своих был еси чадолюбивый отец страждущих и обремененных, чающих утешения души. Темже неложно прославляется тобою Бог, дивный во святых Своих, зовущих непрестанно: Аллилуиа.
Икос 11
Светильника добродетелей видеша в тебе вси концы страны нашея, отче наш Амвросие, яко в терпении и смирении земное странствие скончал еси и исполнил еси вся, яже заповеда нам Христос во святем учении, и преселился еси от земли на небо, внидя в радость Господа своего, яко верный раб Христов. Темже радующеся воспеваем Ти таковая: Радуйся, слуго усердный, сотворивый волю Господина своего; радуйся, воине Христов, суету житейскую оставивый. Радуйся, Богу единому послуживый; радуйся, вся заповеди Божия исполнивый. Радуйся, обители Небесныя удостоивыйся; радуйся, горния славы приобщивыйся. Радуйся, наследниче жизни вечныя; радуйся, угодниче Божий прехвальный. Радуйся, преподобне Амвросие, богомудрый учителю веры и благочестия.
Кондак 12
Благодати Божия сокровище некрадомое унаследовал еси и тихое, безмятежное пристанище на Небесех обрел еси. Действием же промысла Божия во дни торжествуемаго тысящелетия Крещения Руси прославлен и к лику Святых причислен был еси. Ныне ублажающе память твою святую, поем вси: Аллилуиа.
Икос 12
Поюще твое всероссийское прославление и обретение честных мощей твоих, возносим ти, яко благоухание кадильное, смиренныя наша молитвы: не забуди чад твоих, почитающих имя твое святое и взывающих к тебе в благодарении: Радуйся, Амвросие, Божественнаго безсмертия тезоименитый; радуйся, Церкве православныя честная похвало. Радуйся, лика Святых угодников причастниче; радуйся, сонма преподобных Отцев сотаинниче. Радуйся, пред престолом Бога Всевышняго наш твердый предстателю; радуйся, пред судом Божиим наш теплый ходатаю. Радуйся, нас, странствующих в юдоли плачевней, путеводителю; радуйся, о всей земли Российстей неусыпный молитвенниче. Радуйся, преподобне Амвросие, богомудрый учителю веры и благочестия.
Кондак 13
О дивный угодниче Христов и Чудотворче, преподобне старче наш Амвросие, приими ныне малое моление недостойных чад твоих, не остави нас в скорбех и болезнех, прииди и простри руку помощи, настави нас на путь покаяния и спасения, во еже избавитися муки вечныя, да тобою присно славим Бога вопиюще: Аллилуиа.
(Этот кондак читается трижды, а затем икос 1 и кондак 1)
Молитвы преподобному Амвросию старцу Оптинскому
О великий старче и угодниче Божий, преподобне отче наш Амвросие, Оптинская похвало и всея Руси учителю благочестия! Славим твое во Христе смиренное житие, имже Бог превознесе имя твое еще на земли тебе суща, наипаче же увенча тя небесною честию по отшествии твоем в чертог славы вечныя. Приими ныне моление нас, недостойных чад твоих, чтущих тя и призывающих имя твое святое. Избави нас твоим предстательством пред престолом Божиим от всех скорбных обстояний, душевных и телесных недугов, злых напастей, тлетворных и лукавых искушений. Низпосли отечеству нашему от Великодаровитаго Бога мир, тишину и благоденствие. Буди непреложный покровитель Святыя обители сия, в нейже в преуспеянии сам подвизался еси и угодил еси всеми в Троице славимому Богу нашему. Ему же подобает всякая слава, честь и поклонение, Отцу, и Сыну, и Святому Духу ныне и присно и во веки веков. Аминь.
О преподобне и богоносне отче наш Амвросие! Ты поработати Господеви желая, зде вселился еси, и неленостно во трудех, бдениех, молитвех и постех подвизался еси, и был еси наставник монашествующим, всем же людем учителю ревностный. Ныне убо, по отшествии твоем от земных, Небесному Царю предстоя, моли благость Его, еже ущедрити место селения твоего, святую обитель сию, идеже духом любве твоея неотступно пребываеши, и всем людем твоим, с верою к раце мощей твоих припадающим, во благая прошения их исполнити. Испроси у милостиваго Господа нашего, да низпослет нам обилие небесных и земных благ, паче же яже на пользу душ наших да дарует нам, и скончати житие сие привременное в покаянии да сподобит, в день же судный деснаго предстояния и наслаждения во Царствии Своем да удостоит во веки веков. Аминь.
О всечестный старче преславныя и дивныя Оптины пустыни, преподобне и богоносне отче наш Амвросие, Церкве нашея доброе украшение и благодатный светильниче, небесным светом всех озаряяй, красный и духовный плод России и всея подсолнечныя, души верных обильно услаждаяй и увеселяяй! Ныне с верою и трепетом припадаем пред цельбоносною ракою святых мощей твоих, ихже на утешение и помощь страждущим милостивно даровал еси, смиренно молим Тя сердцем и усты, отче святый, яко всероссийскаго наставника и учителя благочестия, пастыря и врача душевных и телесных недугов наших: воззри на чад твоих зело согрешающих в словесех и делех и посети нас многою и святою своею любовию, еюже славно преуспел еси еще во дни земныя, а наипаче по праведней твоей кончине, наставляя в правилех святых и богопросвещенных отцев, вразумляя нас в заповедех Христовых, в нихже добре поревновал еси до последняго часа твоея многотрудныя иноческия жизни; испроси нам, немощствующим душею и бедствующим в скорбех, благоприятное и спасительное время на покаяние, истинное исправление и обновление нашего жития, в немже мы, грешнии, осуетихомся умом и сердцем, предахом себе непотребным и лютым страстем, пороком и беззаконием, имже несть числа; приими убо, соблюди и покрый нас кровом твоея многия милости, низпосли нам благословение от Господа, да понесем благое иго Христово в долготерпении до конца дней наших, чающе будущаго живота и Царствия, идеже несть печаль ни воздыхание, но жизнь и радость безконечная, изобильно проистекаемая от Единаго, Всесвятаго и Блаженнаго Источника безсмертия в Троице поклоняемаго Бога Отца, и Сына, и Святаго Духа, ныне и присно и во веки веков. Аминь.
Тропарь, глас 5
Яко к целебному источнику, притекаем к тебе Амвросие, отче наш, ты бо на путь спасения нас верно наставляеши, молитвами от бед и напастей охраняеши, в телесных и душевных скорбех утешаеши, паче же смирению, терпению и любви научаеши, моли Человеколюбца Христа и Заступницу усердную спастися душам нашим.
Кондак, глас 2
Завет Пастыреначальника исполнив, старчества благодать наследовал еси, болезнуя сердцем о всех с верою притекающих к тебе, темже и мы, чада твоя, с любовию вопием Ти: отче святый Амвросие, моли Христа Бога спастися душам нашим.

Тропарь, глас 5

Православной веры светильники, / монашества непоколебимые столпы, / земли Российской утеши́тели, / преподобные старцы Оптинские, / любовь Христову стяжавшие и ду́ши свои за чад духовных полагавшие, / молитесь ко Господу, / да утвердит земное Отечество ваше в Православии и благочестии / и спасет души наши.

КАНОН, ГЛАС 8

Песнь 1

Ирмос: По воде пройдя, как по суше, / и египетского развращения избежав, / израильтянин взывал: / «Избавителю и Богу нашему воспоем!»

Припев: Святые преподобные отцы, в Оптиной Пу́стыни просиявшие, молите Бога о нас.

Как восхвалим вас, преподобные отцы Оптиной Пу́стыни, / подвиги доблестно совершивших, / веру спасительную соблюдших, / и весь мiр своим богоугодным житием удививших?

Взяв на плечи свои благое иго Христово, / подвизались вы, отцы преблаженные, / шествуя в Царство вечной жизни тесным путем, / и достигли славы небесного предстояния / пред Престолом Бога Всевышнего.

Слава: Кто познал труды ваши и страдания, отцы святые, / кто узрел слезы и пот вашего многоскорбного жития, / ко́ими вы соделали души ваши / сосудами обильной благодати Божией?

И ныне: Матерь Бога истинного, / прими мольбы рабов Твоих, / ищущих Твоего заступничества. / ибо Ты – пристань, бурям недоступная / для православных христиан.

Песнь 3

Ирмос: Небесного свода Создатель, Господи, / и Церкви Строитель, / Ты меня утверди в любви к Тебе, / предел желаний, верных утверждение, / единый Человеколюбец.

Припев: Святые преподобные отцы, в Оптиной Пу́стыни просиявшие, молите Бога о нас.

Славу мiра сего ни во что вменив, / житие чистое избрал ты, преподобный отче Лев, / приняв схиму великую, словно огненный щит / непрестанной молитвы против козней демонских, / и Царство вечное унаследовал, / Христу подражая всем житием твоим.

С Божиим содействием истинно духовное жительство / во обители Оптиной ты насадил, / как древние учи́тели монашеского делания, блаженный отче Лев; / молись о спасении душ наших.

Ревностию о Боге исполнившись, / духовное окормление подвигом старчества людям ты явил, / и тем просиял, как первоначальник / сего спасительного делания, / преподобный Лев, отче наш.

Слава: Научи, достоблаженный отче Лев, / нас, чтущих святую память твою, / житию во Христе, которым сам ты Богу угодил, / дабы и нас, ни на что не годных рабов Своих, / Всещедрый Господь просветил светом разума / и спас души наши.

И ныне: Видя Бога, от Тебя, Дева, воплощающимся, / ужасались в страхе и трепете вышние Силы, / и как истинную Богородицу / они Тебя непрестанно величают.

Господи, помилуй, трижды.

Седален, глас 4

Житейское море без труда воздержанием переплыв, / к невещественной пристани бесстрастия вы причалили, / преподобные отцы и Богомудрые.

Слава, и ныне, Богородичен: Девство и рождество превыше естества и слова / в Тебе Богородица сочетались, / ибо Ты Бога Воплотившегося родила, / Спасителя душ наших.

Песнь 4

Ирмос: Услышал я, Господи, / о таинстве Твоего промысла, / уразумел дела Твои, / и прославил Твоё Божество.

Припев: Святые преподобные отцы, в Оптиной Пу́стыни просиявшие, молите Бога о нас.

Житие твое, преподобный отче Амвросий, / словно солнце в сердцах верных воссияло, зарю чудес являя; / потому не забудь и нас, недостойных чад твоих, / чтущих блаженную память твою, / и любовью твоею просвети души наши, / омраченные множеством грехов.

Вся земля российская узнала имя твое, / святой отче Амвросий, / озарившись благодатию чудес твоих; / и ныне прибегая к раке цельбоносных мощей твоих, / мы просим тебя, да молитвами твоими / Господь спасет души наши.

Прославляя твои подвиги, / в сонме великих старцев Оптинских, / молим тебя, преблаженный отче Амвросий: / не оставь нас, немощных и убогих, / в скорбях и болезнях наших, / но помоги и избавь нас от бед и напастей губительных.

Слава: Как первая звезда, воссияло на небесах / от Оптиной Пу́стыни твое преславное имя, / преподобный отче Амвросий, / возвещая грядущее торжество / сонма всех отцов, здесь просиявших.

И ныне: Один из Святой Троицы / воплотился от Тебя, Пречистая, / да спасет весь род человеческий от рабства врагу / и от вечного осуждения.

Песнь 5

Ирмос: Просвети нас повелениями Твоими, Господи, / и рукою Твоею вознесенною / Твой мир подай нам, Человеколюбец.

Припев: Святые преподобные отцы, в Оптиной Пу́стыни просиявшие, молите Бога о нас.

Всего себя покорил ты Христу, жизни Подателю, / преподобный отче Моисей, / исполняя Божественные заповеди святого Евангелия, / и стяжал Духа Святого в сердце своем, / со всем усердием в Пу́стыни трудясь, / как верный раб Христов.

Доброго и ревностного сотрудника / обрел ты, отче Моисей, / взирая на подвиги брата своего по плоти боголюбивого Антония, / который вместе с тобою пришел спасаться / в обитель Оптину.

Послушания добрым ревнителем / был ты, преподобный отче Антоний, / все претерпел: скорби, болезни и тяжкие искушения от лукавых ду́хов, / и по кончине своей земной жизни / переселился в чертог славы вечной.

Слава: Доброй двоицей преподобных отцов / и братьев по плоти / явились вы, Моисей и Антоний, / украсившие сад духовный обители Оптиной / своими подвигами и трудами многими, / которыми прославляется Бог Господь, / дивный во святых Своих.

И ныне: Всю нашу надежду / на Тебя мы возложили, Дева Мария; / при́зри на нас, людей согрешивших, / но с верою ожидающих от Тебя / заступления и спасения.

Песнь 6

Ирмос: Я пролью молитву к Господу / и Ему возвещу печали мои, / ибо зол душа моя преисполнилась / и жизнь моя ко аду приблизилась, / и молюсь я, как Иона: / «От погибели, Боже, изведи меня!»

Припев: Святые преподобные отцы, в Оптиной Пу́стыни просиявшие, молите Бога о нас.

Как светильник Божией благодати / явился ты, преподобный отче Макарий, / далеко простирая лучи своего равноангельного жития, / которыми были просвещены / сидящие во тьме и тени смертной.

Исследуя творения / богопросвещенных отцов Древней Церкви, / потрудился ты усердно, отче Макарий, / об умножении их писаний духоносных, / дабы всякий жаждущий мог прийти и живую воду пить / во спасение души своей.

Многотрудным и скорбным путем / шествуя во время земной жизни своей, / преподобный отче Анатолий, / стал ты достохвальным учеником / богоносных старцев Макария и Амвросия, / придя к ним из земли калужской / и с радостию вселившись в сей обители / ко спасению души своей.

Слава: Сотаи́нником был ты, преподобный отче Иосиф, / святого старца Амвросия / и принял от него подвиг духовного окормления чад его, / особенно же обители Ша́мординской; / не оставь любовию твоею и нас, / чтущих святую память твою.

И ныне: Владычица Богородица, / отверзи нам двери милосердия Твоего, / ибо Ты – спасение рода христианского.

Господи, помилуй, трижды. Слава, и ныне:

Кондак, глас 3

Воистину дивен Бог во святых Своих, / пу́стынь Оптину са́дом старчества явивший, / в котором Богом просвещенные отцы, / тайны се́рдца человеческого зная, / для народа Божия печальниками доблестными сделались: / ибо они грехом отягощенных на путь покаяния направили, / в вере колеблющихся светом учения Христова просветили / и Божией премудрости научили, / страждущим и немощным сострадали и исцеления даровали. / Ныне же, во славе Божией пребывая, / молятся непрестанно о душах наших.

Песнь 7

Ирмос: Из Иудеи пришедшие юноши / в Вавилоне некогда / верою в Троицу попрали пламя печи, воспевая: / «Боже отцов наших, благословен Ты!»

Припев: Святые преподобные отцы, в Оптиной Пу́стыни просиявшие, молите Бога о нас.

Тленную красоту мира сего / и славу земную презрев, / преподобный отче Варсонофий, / ты стопы свои направил во обитель Оптину / и там достиг умною молитвою и благочестием духовного совершенства, / воспевая Господу: «Боже, благословен Ты!»

Молись о нас, преподобный отче Варсонофий, / да спасет Господь милосердием Своим / души нас, почитающих всех отцов, во обители Оптиной подвизавшихся, / дабы мы взывали вместе с ними: / «Боже, благословен Ты!»

Узрел ты, преподобный отче Анатолий, / исполнение слов пророческих старца Варсонофия / о грядущих бедах страны Российской / и сам скорби и бурю искушений претерпел, / с упованием неся крест свой и взывая: / «Боже, благословен Ты!»

Слава: Искусным учеником великого учителя монашества / преподобного Амвросия / был ты, блаженный отче Нектарий, / многосветлыми добродетелями просияв, / в конце же жизни своей претерпел изгнание / и в Боге земное странствие окончил, воспевая: / «Боже, благословен Ты!»

И ныне: Простри руки Свои, / Преблагословенная Дева, / к Сыну Твоему, Христу Богу нашему, / моля усердно, да помилует Он нас, грешных, / по великой Своей милости.

Песнь 8

Ирмос: Царя небесного, / Которого воспевают воинства Ангелов, / воспевайте и превозносите / во все века.

Припев: Святые преподобные отцы, в Оптиной Пу́стыни просиявшие, молите Бога о нас.

Венцы нетленные вы получили, / богоносные отцы Иларион, Исаакий и прочие старцы Оптинские, / исполнив в житии своем закон Христов, / и унаследовали вышние обители / Отца нашего Небесного, взывая: / «Благословляйте, все творения Господни, Господа!»

Со смирением претерпели вы все страдания, / отцы святые Никон и Исаакий, / крест на плечо подняв, как исповедники и мученики Христовы, / победоносно житие свое окончили, / и так вошли в радость Господа своего, воспевая: / «Благословляйте, все творения Господни, Господа!»

Вера ваша привела вас ко Христу, преподобные отцы, / надеждою на Его всеблагую волю укрепляемые: / добрые плоды любви принесли вы Богу Небесному, взывая: / «Благословляйте, все творения Господни, Господа!»

Слава: Прославляя в сей день собор старцев Оптинских, / небесным облаком этих свидетелей правды Божией осеняемые, / воспоем, верные люди, песнь Богу, взывая: / «Благословляйте, все творения Господни, Господа!»

И ныне: Неусыпающую в молитвах Заступницу / обрел в Тебе, Непорочная Дева, человеческий род. / Потому мы радостно поем: / «Благословляйте, все творения Господни, Господа!»

Песнь 9

Ирмос: Истинно Богородицей Тебя исповедуем / мы, спасенные Тобою, Дева чистая, / с сонмами бесплотных Тебя величая.

Припев: Святые преподобные отцы, в Оптиной Пу́стыни просиявшие, молите Бога о нас.

Вот, открылось вам Царство Небесное, отцы святые, / окончившим на земле праведное ваше житие, / и ныне вы созерцаете Славу Божию, / подобно Ангельскому воинству, / непрестанно славословя Триипостасное Божество.

Вознесите, преподобные отцы, молитвы ваши к Богу, / как кадило благоуханное, / обо всех, чтущих вашу святую память, / помогая нам в скорбных обстоятельствах Богу угождать / и удостоиться наследования жизни вечной.

Множество монахов ныне / во святой Оптиной обители торжествует, / величая собор Богоносных старцев, / Богом дивно прославленных; / принесем и мы хвалу Христу, Спасителю нашему, / прославляющему прославивших Его.

Слава: Воспоем, братия, песнь новую Господу Иисусу, / прославившему в сей день великий сонм старцев Оптинских, / и с верою покло́нимся Ему, / да не отринет Он от лица Своего / и нас, грешных рабов Своих, / чающих себе спасения по их молитвам.

И ныне: Родила Ты вечного Сына, Пречистая, / принявшего нашу плоть / и Кровию Своею на Кресте омывшего от грехов падшего Адама; / умоли же Спасителя нашего избавить нас / от вечной смерти.

Светилен

Процвели вы, как пальмы, по псалму Давида, / и сделались обителями Духа Пресвятого: / и славными явились всей вселенной. / О нас, почитающих с верою всесвященную память вашу, / непрестанно молите, преподобные.

Слава, и ныне, Богородичен: Тебя, Дева Богородица, / мы песнопениями неумолкающими прославляем, / ибо Одного из Троицы Ты родила́ / и носишь на непорочных руках Божественное Слово, / воплотившееся без смешения и изменения.

Молитва Оптинских старцев

Господи, дай мне с душевным спокойствием встретить всё, что принесет мне этот день. Господи, дай мне полностью положиться на волю Твою святую. Господи, на всякий час этого дня во всем наставь и поддержи меня. Господи, открой мне волю Твою для меня и близких мне. Господи, какие бы я не получил сообщения на протяжении дня, дай мне принять их со спокойной душою и твердым убеждением, что на все святая воля Твоя. Господи, Великий, Милосердный, во всех моих делах и словах руководи моими мыслями и чувствами, во всех непредвиденных обстоятельствах не дай мне забыть, что все ниспослано Тобою. Господи, дай мне разумно поступать с каждым из ближних моих, никого не смущая. Господи, дай мне силу перенести утомление этого дня и все события на протяжении его. Руководи моею волею и научи молиться и любить всех нелицемерно. Аминь.