Семь отроков эфесских икона

Православный Церковный календарь

Кондак 1

Избраннии от воскресшаго плотию из мертвых Христа Бога, во уверение общаго всех воскресения миру явленнии, предивнии отроцы, иже во Ефесе, прославляюще прославльшагося в вас Господа, похвальная пения возносим вам, глаголюще: Радуйтеся, страстотерпцы Христовы, всемирнаго воскресения мертвых пречуднии проповедницы!

Икос 1

Ангелов Творец, ведый из начала несумненную крепость исповедания вашего, сотвори вас в лютых обстояниих провозвестники быти общаго всех воскресения, яко ангелоподобныя свидетели евангельскаго обетования. Сицевому о нас смотрению Божию дивящеся, во благоговеинстве зовем сице: Радуйтеся, светлыя звезды гряду щаго воскресения; Радуйтеся, преславнии лучи Христа Спаса воскресшаго. Радуйтеся, деннице великаго дне Господня; Радуйтеся, из домов неверных верная Христу чада явившиися. Радуйтеся, в чудный свет и свободу сынов воскресения призваннии; Радуйтеся, Духом Святым в проповедники глаголов живота вечнаго избраннии. Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 2

Видяще вас родители разум добр имущая, потщащася в чин воинский дружины царевы вас устроити; вы же, вся тленная мира презревше, в Сион горний к Царю небесному сердцы своими востекосте, да яко друзи Божии и служителие тайны общаго воскресения вменени будете, поюще Христу: Аллилуиа.

Икос 2

Разум Христов чистыми душами восприяти сподобившеся, дивнии отроцы, посреде греховныя жизни сверстник ваших благодатию Христовою соблюдаеми, друг ко другу любовию и единением духа братие явистеся, и во едино свершени бысте. Сего ради приимите от нас похвалы сия: Радуйтеся, единою банею пакибытия возрожденнии; Радуйтеся, любовию Христовою аки братие соединеннии. Радуйтеся, Церкве Божия чада возлюбленная; Радуйтеся, ангелов Божиих собеседницы. Радуйтеся, паче брашен естественных истинным хлебом жизни себе питавшии; Радуйтеся, сею пищею чрез благодать Святаго Духа от смерти в жизнь процветшии. Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 3

Сила Вышняго, таинники благодати в злостраданиих укрепляющи, сих венцем добропобедным исповедания увенчатися пред человеки и ангелы сподоби, нас же научи пети Богу: Аллилуиа.

Икос 3

Имуще тщание в дом Господень на молитву по вся дни приходити, никакоже сего обычая отвергостеся, святии, гонению Декиеву бывшу; еже уведевше врази веры Христовы, царя о сем известити потщашася, обаче мучителева прещения на прославление вам силою Божиею пременишася. Таковому убо о вас Божию промышлению радующеся, со умилением глаголем вам сице: Радуйтеся, темныя силы князя мира сего благодатию Христовою сокрушившии; Радуйтеся, злобу и коварство слуг его всепобедно посрамившии. Радуйтеся, козней и прещений их не убоявшиися, ниже смутившиися; Радуйтеся, помощию Божиею видимо укрепившиися. Радуйтеся, яко древле Даниил в пещере львове, посреде мучителей сохраненнии; Радуйтеся, силою Владычнею из среды их неврежденно изведеннии. Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 4

Бурею ярости движим, злочестивый Декий царь во гневе святыя вопрошает: почто не бысте с нами в праздник богов, всю вселенную призвавших кпоклонению? Емуже Максимилиан, един от седми, отвещает: имамы единаго Бога и Царя, иже на небеси, Емуже приносим на всяк час жертву хваления, исповедания и моления, поюще Ему: Аллилуиа.

Икос 4

Слышав нечестивый царь, како веру вашу со дерзновением исповедаете, чести воинския лишити вас повеле, и тако испытания ваша Христа ради начашася, Христом скоропослушно в пречудное успение преображенная. Темже и ныне крепость в испытаниих от Бога умолите поющим: Радуйтеся, воеве царя земнаго, к воинству Царя небеснаго сопричтеннии; Радуйтеся, честь земную оставльшии, да славу небесную восприимете. Радуйтеся, земныя чести за Христа лишеннии; Радуйтеся, сего ради венцы нетленными от Него увенчаннии. Радуйтеся, победы Его проповедницы явленнии; Радуйтеся, славы Его вечныя седмочисленное блистание. Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 5

Божественныя любве теплотою грееми, благодатию Христовою от мучителей покровени явилися есте, святии отроцы, Максимилиане, Иамвлише, Мартиниане, Иоанне, Дионисие, Ексакустодиане же и Антонине, в летех юных красоту внутренняго человека с лепотою внешнею сочетавающе и, яко ангели, в пламени исповедания вашего воспевающе Богу: Аллилуиа.

Икос 5

Видев злохитрый царь Декий зело благолепную юность вашу, на неколико дний и ослабу от уз вам дарует, прельстити вас ко отречению от Христа надеяся. Вы же, во свояси отшедще, сребро и злато нищим раздати потщастеся, ко исходу себе уготовляюще. Сего ради восписуем вам похвальная сия: Радуйтеся, закосневшаго во зле мучителя на некое милосердие подвигшии; Радуйтеся, младенческою кротостию вашею коварную злобу его на время угасившии. Радуйтеся, красотою сынов света злообразныя служители греха пленившии; Радуйтеся, Духа Святаго благодатию коварство их победно посрамившии. Радуйтеся, чрез раздаяние земных богатств сокровищем небесным обогатившиися; Радуйтеся, и нас взаим давати Богу научающии, да богатство неоскудеваемое на небесех обрящем. Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 6

Проповедует пещера горы Охлон чудную славу вашу, святии отроцы, дебри бо и вертепы ея молитвою вашею облагоухали есте, отонудуже на тверди церковней, якоже звезды славы небесныя, из мрака гробов чудно возсиявшыя, явистеся и нас Первоначальнику общаго воскресения Христу Богу пети научисте: Аллилуиа.

Икос 6

Возсияти хотя людем свет истины, мглу же заблуждения разгнати, Христос Бог снити вам во мрак могильный соизволи яко да послежде в дивнем востании вашем общее воскресение уверит. Пред таковым Божиим о вас благоволением преклоняющеся, возсылаем вам хваления сия: Радуйтеся, твердости ради исповедания от мук промыслительно избавленнии; Радуйтеся, и нас крепце за правду братися научающии. Радуйтеся, безболезненно подвиг ваш скончавшии; Радуйтеся, чудным сном почившии, во еже востанием от сего сна смерти мглу заблуждения разсеяти. Радуйтеся, в нетлении телес ваших Господем соблюденнии; Радуйтеся, прежде общаго воскресения изволением Божиим воставшии. Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 7

Хотя безбожный царь нуждею к идолослужению святыя привлещи, паки праздник идольский устрояет и тыя нань привести повелевает; не обретшым же тех во граде Ефесе слугом его, родители их казнию устрашити тщится, но от сих извещен бывает, яко святии в пещере сокрышася, воспевающе Богу: Аллилуиа.

Икос 7

Новое устремление злобы мир явил есть, егда родителие место покоища чад своих цареви открыта, и тако любве отчия к ним отрекошася. Сего ради ко избранником Божиим глаголем сице: Радуйтеся, миром отверженнии и небо восприявшии; Радуйтеся, Отца ради небеснаго отцы земными преданнии. Радуйтеся, отческою любовию Его в таинственнем сне чудно сохраненнии; Радуйтеся, нетление улучившии и мир светом воскресения осиявшии. Радуйтеся, путь к сему дивному свету нам указующии; Радуйтеся, час кончины сбытием обетования Божия нам услаждающии. Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 8

Странное и преславное чудо всемогутства Божия на вас, святии отроцы, показася, камением бо по повелению Декиеву в пещере заграждении и печатию запечатленнии, сто и осмьдесят лет даже до дний царя Феодосия тамо спяще пребыли есте, воставше же аки живии, саддукейское мудрование посрамили есте, поюще Христу, вас воскресившему: Аллилуиа.

Икос 8

Весь седмочисленный исповедников лик, во гробе каменнем заключен быв, жизни вечныя никакоже отлучися, но истекшым стом и осмидесятим летом сон от очес их произволением Божиим отрясеся, и тако святии отроцы живии восташа, весь мир о воскресении всех уверяюще и нас пети научающе сице: Радуйтеся, упование общаго воскресения обетованием Божиим утверждающии, Радуйтеся, краеугольнаго ради камене Христа Бога камением во гробе загражденнии. Радуйтеся, Его ради, во гробе запечатленного, печатию запечатленнии; Радуйтеся, Агнцем, вземшим на Себе грех мира, от уз смерти свобожденнии. Радуйтеся, во уверение общаго воскресения, якоже Лазарь четверодневен, из гроба изведеннии; Радуйтеся, числу седми херувим, престолу славы Божия предстоящих, сообразнии. Радуйтеся, страстотерпцы Христовы, всемирного воскресения мертвых пречуднии проповедницы!

Кондак 9

Всякое естество ангельское возрадовася о чуднем по мнозех летех востании вашем и ужасашеся: како вы, преславнаго убо чудесе, о вас бывшаго, не ведуще, обычное целование друг другу подаете и утреннее пение Господу, аки вчера ко сну отшедшии, приносите, поюще: Аллилуиа.

Икос 9

Ветийствующий язык не возможет изрещи чудес Твоих, Господи, вемы бо, како блаженный отрок Иамвлих, многолетняго успения своего не разумея и во град за пищею исшедый, удивися, егда Ефес, Христовою верою издавна просвещенный, увиде, и Господа прослави, нас же глаголати сотвори таковая: Радуйтеся, делателие на ниве Господней, молитвенныя слезы обильно пролившии; Радуйтеся, в скудости и гонении почившии, во славе и богатстве воставшии. Радуйтеся, зрением торжества веры Христовы, во дни ваша гонимыя, по востании обрадованнии; Радуйтеся, победу Христа над миром яве узревшии. Радуйтеся, и нас на сию уповати научающии. Радуйтеся, от уныния нас ограждающии; Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 10

Спасти хотя Бог и в вере утвердити люди, сия о многолетнем успении Иамвлиха чрез древний пенязь, на торжище им принесенный, научает, епископу града сия уразумевшу и Бога прославившу с песнию: Аллилуиа.

Икос 10

Стена и утверждение веры явистеся, святии, человеком, в пещеру вашу пришедшим и ковчежец с хартиею обретшым, на нейже имена ваша и кончины образ написана быша, во еже пети всем: Радуйтеся, седмь избранных сосудов Божиих; Радуйтеся, вкупе со святыми мученики елеем радования помазаннии; Радуйтеся, седмь светильников пред престолом Ходатая Бога и человеков; Радуйтеся, седмь труб благовестия втораго пришествия Сына Человеческого. Радуйтеся, седмь ангел, благовествующих нам славу до конца претерпевших; Радуйтеся, яко седмисвещник златый, церковь Божию украшающии. Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 11

Пение благодарственное Пресвятей Троице вознося, благочестивый царь Феодосий со тщанием во Ефес устремися, во еже святыя отроки видети, и седмь дний тамо пребываше, дондеже сии, главы преклонше, дух свой Господу предаша, купно с ними победную возсылая песнь Христу Богу: Аллилуиа.

Икос 11

Светильницы, тьму ереси разгоняющии, явилися есте, святии отроцы, светом нетления вашего сияющии и блаженным по востании паки успением истину грядущаго живота утверждающии, саддукейское бо мудрование посрамивше, вся раздоры церковныя утишили есте, общее воскресение вкупе с древним Лазарем уверяюще. Темже, благодаряще о сем Господа, со умилением зовем вам: Радуйтеся, скорбное житие наше добрым упованием осиявающии; Радуйтеся, посреде волн жития сего к пристанищу небесному нас направляющии. Радуйтеся, яко звезды, во отишие блаженнаго покоя в чертозе Христове нас путеводящии; Радуйтеся, блаженство вечное, скорбящим уготованное, благовествующии. Радуйтеся, яко недостойны суть страсти нынешняго времене к будущей славе, уверяющии; Радуйтеся, доблии вестницы царства небеснаго бывшии. Радуйтеся, страстотерпцы Христовы, всемирнаго воскресения мертвых пречуднии проповедницы!

Кондак 12

Благодать дадеся вам от Бога, во еже вся любящия и чтущия вы в чудный свет Его руководствовати. Темже и нашея жизни скорбный путь крепкою надеждою воскресения озарите, от греховныя погибели нас соблюдите и в час смертный нам предстаните, да вашим заступлением невечерняго света величествия Божия и мы грешнии достижем, идеже с лики праведных воспоим о вас Богу: Аллилуиа.

Икос 12

Поюще дивное прославление силы Божия в вас, святии отроцы, ублажаем вы, яко заступники и молитвенники наша пред Господем, и с любовию, святей иконе вашей предстояще, возглашаем вам хваления сия: Радуйтеся, в Российстей земли града Старицы похвало и утверждение; Радуйтеся, вся окрестныя веси славою благодатныя помощи вашея исполнившии. Радуйтеся, болящих младенцев прибежище и исцеление; Радуйтеся, скорбей родителей их неложное врачевание. Радуйтеся, всем любящим и чтущим вы покрове и ограждение; Радуйтеся, всего мира христианскаго помоще и заступление. Радуйтеся, страстотерпцы Христовы, всемирнаго воскресения мертвых пречудные проповедницы!

Кондак 13

О, чуднии отроцы, светом небесныя славы вашея и уверением нескончаемаго живота скорбный путь жития нашего озаряющии! Приимите малое сие моление наше и не отрините нас, притекающих к вам: молите присно всех Владыку, да и мы райскаго чертога не лишени будем, но вкупе со святыми воспоим тамо Христу Богу: Аллилуиа.

Ангелов Творец, ведый из начала несумненную крепость исповедания вашего, сотвори вас в лютых обстояниих провозвестники быти общаго всех воскресения, яко ангелоподобныя свидетели евангельскаго обетования. Сицевому о нас смотрению Божию дивящеся, во благоговеинстве зовем сице: Радуйтеся, светлыя звезды гряду щаго воскресения; Радуйтеся, преславнии лучи Христа Спаса воскресшаго. Радуйтеся, деннице великаго дне Господня; Радуйтеся, из домов неверных верная Христу чада явившиися. Радуйтеся, в чудный свет и свободу сынов воскресения призваннии; Радуйтеся, Духом Святым в проповедники глаголов живота вечнаго избраннии. Радуйтеся, страстотерпцы Христовы, всемирнаго воскресения мертвых пречуднии проповедницы!

Избраннии от воскресшаго плотию из мертвых Христа Бога, во уверение общаго всех воскресения миру явленнии, предивнии отроцы, иже во Ефесе, прославляюще прославльшагося в вас Господа, похвальная пения возносим вам, глаголюще: Радуйтеся, страстотерпцы Христовы, всемирнаго воскресения мертвых пречуднии проповедницы!

Молитва первая святым седми отрокам Ефесским

Боже великий, хвальный и непостижимый, и неисповедимый, создавый человека рукою Твоею, персть взем от земли, и образом Твоим почтивый его, Иисусе Христе, прежелаемое имя, со Безначальным Твоим Отцем и с Пресвятым, и Благим, и Животворящим Твоим Духом, явися на рабе Твоем (имярек), и посети его душу и тело, умоляем от преславныя Владычицы нашея Богородицы и Приснодевы Марии, святых Небесных Сил Безплотных, и честнаго славнаго пророка, и Предтечи и Крестителя Иоанна, святых славных и всехвальных апостолов, иже во святых отец наших, и вселенских учителей, Василия Великаго, Григория Богослова, Иоанна Златоустаго, Афанасия и Кирилла, Николая иже в Мирех, Спиридона чудотворца, и всех святых священноначальников, святаго апостола первомученика и архидиакона Стефана, святых славных великомучеников Георгия Победоносца, Димитрия Мироточца, Феодора Стратилата, и всех святых мучеников, преподобных и богоносных отец наших Антония, Евфимия, Саввы Освященнаго, Феодосия общаго жития начальника, Онуфрия, Арсения, Афанасия Афонскаго, и всех преподобных, святых и исцелителей, безсребренников Космы и Дамиана, Кира и Иоанна, Фалалея и Трифона и прочих, святаго праведнаго Иоанна Кронштадтскаго, святаго преподобнаго Иоанна Рыльскаго, святыя блаженныя Ксении Петербуржской и всех Твоих святых. И даждь ему сон упокоения, сон телесный здравия и спасения и живота, и крепость душевную и телесную, якоже посетил еси иногда Авимелеха угодника Твоего во храме Агриппове, и дал еси ему сон утешения, еже не видети падения Иерусалимова, и сего успивый сном питательным, и паки сего воскресивый во едином мгновении времене, в славу Твоея благости. Но и святыя Твоя славныя седмь отроки, исповедники и свидетели Твоего явления показавыи, во дни Декия царя и отступника, и сия успивыи в вертепе на лет сто и осмьдесят, яко младенцы согреваемыя в ложеснах матере своея, и никакоже претерпевшыя тления, в похвалу и славу человеколюбия Твоего, и в показание, и извещение нашего пакибытия, и воскресения всех. Сам убо человеколюбче Царю, предстани и ныне наитием

Святаго Твоего Духа, и посети раба Твоего (имярек), и даруй ему здравие, крепость, и благомощие, Твоею благостию, яко от Тебе есть всяко даяние благо, и всяк дар свершен. Ты бо еси врач душ и телес наших, и Тебе славу и благодарение и поклонение возсылаем, со Безначальным Твоим Отцем, и с Пресвятым, и Благим, и Животворящим Твоим Духом, ныне и присно, и во веки веков. Аминь.

Молитва вторая святым седми отрокам Ефесским

О, пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя. Низведите на ня благословение Христа Бога, рекшаго: оставите детей приходити ко Мне. Болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастати. И всех нас, святей иконе вашей предстоящих рабов Божиих (имярек), и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа, во веки веков. Аминь.

Православная Церковь вспоминает память семи Отроков Ефесских

Согласно преданию, юноши Максимилиан, Иамвлих, Мартиниан, Иоанн, Дионисий, Ексакустодиан (Константин) и Антонин, жили в III веке. Максимилиан был сыном ефесского градоначальника, остальные юноши – сыновьями других знатных граждан. Все они проходили военную службу.

Правивший в середине III века император Декий, возвел гонения на христиан. От всех граждан требовалось принести жертвы языческим божествам, а непокорных ждала смерть. Юноши исповедовали веру во Христа и были лишены знаков воинского отличия, но император, надеясь на то, что отроки одумаются, отпустил их.

Юноши ушли из города и скрылись в пещере горы Охлон. Там они проводили время в молитве, готовясь к мученической кончине. Самый младший – Иамвлих, одеваясь в нищенское рубище, ходил в город и покупал хлеб. В один из таких выходов в город он услышал, что император вернулся и их ищут, чтобы представить на суд.

Узнав, где скрываются отроки, император велел заложить вход в пещеру камнями. чтобы они умерли в ней от голода и жажды. Двое из сановников, присутствовавших при замуровании входа в пещеру, были тайными христианами. Желая сохранить память о святых, они вложили среди камней запечатанный ковчежец, в котором находились две оловянные дощечки. На них были написаны имена семи отроков и обстоятельства их страданий и смерти.

Прошло более полутора веков. При императоре Феодосии Младшем распространилась ересь, отрицавшая воскресение мертвых.

Владелец участка земли, на которой находилась гора Охлон, начал каменную постройку, и рабочие разобрали вход в пещеру. Отроки же по воле Божией проснулись словно от обыкновенного сна, не подозревая, что прошло уже много времени. Готовясь принять мучения, они поручили святому Иамвлиху еще раз купить им хлеба в городе для подкрепления сил. Подойдя к городу, юноша поразился, увидев на воротах святой крест. Услышав свободно произносимое Имя Иисуса Христа, он стал сомневаться, что пришел в свой город.

Расплачиваясь за хлеб, святой отрок подал торговцу монету с изображением императора Декия и был задержан, как скрывший клад старинных монет. Святого Иамвлиха привели к градоначальнику, у которого в то время находился Ефесский епископ. Выслушав недоуменные ответы юноши, епископ понял, что Бог открывает через него какую-то тайну, и сам отправился вместе с народом к пещере. У входа в пещеру епископ вынул из груды камней запечатанный ковчежец и открыл его. Он прочел на оловянных дощечках имена семи отроков и обстоятельства замурования пещеры по повелению императора Декия.

Войдя в пещеру и увидев в ней живых отроков, все возрадовались и поняли, что Господь, через пробуждение их от долгого сна, открывает Церкви тайну воскресения мертвых. Вскоре сам император прибыл в Ефес и беседовал с юношами в пещере. Тогда же святые отроки на глазах у всех склонили головы на землю и опять заснули, на этот раз до всеобщего воскресения.

Император хотел каждого из отроков положить в драгоценную раку, но, явившись ему во сне, святые отроки сказали, чтобы тела их были оставлены в пещере на земле. В ХII веке русский паломник игумен Даниил видел в пещере эти святые мощи семи отроков.

Предание о Семи Отроков Ефесских известно не только в христианстве. В 18 суре Корана “Пещера” рассказывается о неких спящих в пещере многие годы. Исламское предание говорит, что речь идет о шести юношах-воинах, пастухе и собаке, заснувших в пещере на 309 лет. Однако описанные в Коране события происходили не в Ефесе, а в столице Иордании Аммане.

Интересно, что в пещере в Аммане находится сооружение, судя по всему, являющееся раннехристианским храмом-мартириумом (такие храмы-часовни строились над телами мучеников).

Согласно католической традиции, мощи отроков покоятся во Франции, в церкви Сан-Виктуар в Марселе. Туда они были перенесены во время Крестовых походов, когда была обнаружена пещера с останками около Эфеса.

Вторично память семи отроков празднуется 22 октября. (По одному преданию, которое вошло в русский Пролог, отроки вторично уснули в этот день; по заметке греческой минеи 1870 года, они в первый раз уснули 4 августа, а пробудились 22 октября. Святые отроки упоминаются и в службе церковного новолетия – 1 сентября).

В народе Отроков Ефесских почитают как целителей животворящим сном. Считается, что молитва им помогает от бессонницы.

Семь отроков Эфесских, — христианские мученики, почитаются как в Православной, так и в Католической Церкви, заживо замурованные в пещере и проспавшие там несколько веков. Почитаются также в Исламе.

Семь отроков жили в III веке. Святой Максимилиан, один из них, был сыном градоначальника города Эфеса, остальные шестеро его друзей также происходили из эфесской аристократии, и все они находились на военной службе и были христианами. Император Декий (Деций Траян) (249—251 гг.) прибыл в Эфес и приказал приносить жертвы языческим божествам, но юноши отказались это сделать. Тогда император приказал снять с них знаки воинского отличия — воинские пояса, но тем не менее, отпустил их на свободу, надеясь, что они передумают, пока он воюет.

Юноши покинули город и укрылись в пещере на горе Охлон (Селион, Пион — встречаются различные варианты, Симеон Лехаци отождествляет её с Кешиш-Дагом ), где молились, готовясь к мученическому подвигу. Святой Иамвлих во время одного из своих походов в город за хлебом услышал, что император вернулся, и его с товарищами ищут для суда. Отроки добровольно вышли из пещеры и явились на суд.

Их приговорили принять смерть в своей пещере — император приказал заложить вход в неё камнями, чтобы отроки умерли от жажды и голода. Два сановника, присутствовавших при закладке входа, были тайными христианами и, чтобы память о мучениках сохранилась, они вложили в кладку ковчежец с 2 оловянными дощечками, где были написаны имена семи отроков и обстоятельства их страданий и смерти.

Владелец участка (встречается вариант его имени Adolios), на котором находилась г. Охлон, начал стройку, и его рабочие разобрали вход в пещеру (вариант — чтобы использовать пещеру в качестве загона для скота). В этот момент Господь оживил отроков, и они проснулись словно от обыкновенного сна, не подозревая, что прошло почти двести лет. Готовясь принять мучения, друзья поручили Иамвлиху (в католической традиции он носит имя Диомед) ещё раз купить им хлеба в городе. Подойдя к городу, юноша поразился, увидев на воротах святой крест — время гонения на христиан уже давно прошло.

Расплачиваясь за хлеб, Иамвлих подал торговцу монету императора Декия и был задержан, как скрывший клад старинных монет. Его привели к градоначальнику, у которого в то время находился епископ. Священник понял, что Бог открывает через юношу какую-то тайну, и отправился вместе с народом к пещере.

Там в груде камней он нашёл запечатанный ковчежец. Прочтя на оловянных дощечках имена святых и обстоятельства их замурования, епископ вошёл в пещеру и увидел в ней живых отроков. Так было показано, что Господь, через пробуждение их от долгого сна, открывает Церкви тайну воскресения мёртвых — чудо их пробуждения способствовало укреплению веры в воскресение плоти.

Вскоре сам император прибыл в Эфес и беседовал с юношами в пещере. Тогда святые отроки на глазах у всех склонили головы на землю и опять заснули, на этот раз до дня всеобщего воскресения. Император хотел каждого из отроков положить в драгоценную раку, но, явившись ему во сне, святые отроки сказали, чтобы тела их были оставлены в пещере на земле.
В Исламе отроки Ефесские так же почитаются. В суре рассказывается об отроках, заснувших в пещере. Этот рассказ запутан и труднодоступен для понимания. Срок сна составляет 309 лет. Указаний на конкретное место сна отроков в тексте нет. Имена юношей даются в комментариях Ат-Табари, который указывает, что отроков было шесть, и они проходили военную службу на территории Сирии (именно поэтому их пещера в Аммане, а не в Эфесе). Седьмым был пастух Антоний с собакой, которых отроки встретили по пути в пещеру, и который к ним присоединился.
В Коране местонахождение пещеры точно не указано, но детали рассказа дают возможность предположить, что имеется в виду не эфесская пещера, а погребение на территории римского некрополя в окрестностях современного Аммана, с которым в Сирии и Палестине ещё в доисламский период связывали действие этого сказания
Семь спящих в Османской империи считались покровителями мореплавания. В среде моряков пользовались популярностью каллиграфические композиции в виде корабля, составленные из имён семи отроков и, по мусульманской версии, уснувшей с ними в пещере собаки по имени Китмир. В некоторых мусульманских странах имя Китмир также надписывали на посланиях, чтобы уберечь последние от пропажи.
Имена святых отроков в Исламкой традиции: Максалина, Ямлиха, Маслина, Марнуш, Сазануш, Дабарнуш и Кафататайюш, плюс собака Китимир.
В Православии и Католицизме имена отроков не полностью совпадают.
В Православии это :Максимилиан, Иамвлих, Мартиниан, Иоанн, Дионисий, Антонин и Ексокустодиан.
В Католической Церкви: Максимин , Малх, Мартиниан, Дионис, Иоанн, Серапион и Константин.
Где же эта пещера в которой спали святых семь отроков?

Пещерный грот в Ефесе, одно из предпологаемых мест где спали святые отроки
Место пещеры не определено. Выделяют 2 основных кандидата: собственно грот в Эфесе (Турция) и пещера в Аммане (Иордания), с которым связывается мусульманское повествование. С отроками эфесскими связывают также различные пещеры Передней и Средней Азии, и даже Испании (южная Андалузия).
Но приоритет (помимо собственно эфесского грота) остается за пещерой на самой окраине Аммана, в урочище Аль-Раджиб, называемой арабским именем Ахль Аль-Кахаф (Пещера спящих). Как место их упокоения она почиталась уже V—VI веках.
Пещера спящих в Иорданском Аммане

Храм в амманской пещере — в форме равностороннего креста (что свидетельствует о его немусульманском происхождении), его потолок и стены выложены камнем. Слева стоят три белокаменные гробницы, справа — другие четыре . Вероятней всего, древний храм относился к раннехристианскому типу построек — мартириуму.

Вход в пещеру спящих в Аммане , пещера в урочище Аль-Раджиб (другое название – Аль-Раким) как место упокоения этих христианских мучеников почиталась еще V–VI веках.

Одна из гробниц справа застеклена: мощи, считающиеся мощами отроков, покоятся сейчас как раз в ней. «В 1963 году все семь гробниц пещеры были вскрыты, и в каждой из них обнаружены череп и кости, а также некоторые предметы быта. Останки переложили в одну гробницу, в торце которой неаккуратно пробили отверстие» .

Монастырь Сан-Виктуар в Марселе

Католическая традиция, тем не менее, считает, что мощи отроков покоятся во Франции, в церкви Сан-Виктуар в Марселе (там же где находятся и мощи святого Кассиана), куда они были перенесены во время Крестовых походов, когда была обнаружена пещера с останками около Эфеса. Эфесские пещеры раскапывались австрийскими археологами XIX века .
Изображение Семи спящих отроков в России достаточно распространены. В народе они почитались как целители животворящим сном. Их образы были особенно распространены в мелкой пластике, на небольших образках и змеевиках, которые использовались как амулеты от бессонницы. Святые отроки так же считаются покровителями всх детей и избавителями от нечистой силы.

Добавить комментарий

Ваш e-mail не будет опубликован. Обязательные поля помечены *