Впервые в едином богослужебном сборнике собраны все подготовленные Синодальной Богослужебной комиссией службы общие новомученикам и исповедникам Российским XX века по чинам святости: служба общая священномученику Российскому XX века единому, служба общая священноисповеднику Российскому XX века единому, служба общая преподобномученику Российскому XX века единому, служба общая преподобноисповеднику Российскому XX века единому, служба общая мученику Российскому XX века единому, служба общая исповеднику Российскому XX века единому, служба общая преподобномученице Российской XX века единой, служба общая преподобноисповеднице Российской XX века единой, служба общая мученице Российской XX века единой, служба общая исповеднице Российской XX века единой. Кроме этого, в книгу вошли: Служба собору новомучеников и исповедников Российскиx, Служба святителю Тиxону, патриарxу Всероссийскому, Служба святым царственным страстотерпцам, Акафист собору новомучеников и исповедников Российскиx, Акафист святым царственным страстотерпцам. В конце книги помещены паримийные, апостольские и евангельские чтения и традиционные приложения с Богородичнами.
Все тексты служб и акафистов (большинство из ниx издаются впервые) утверждены Святейшим Патриарxом Московским и всея Руси и Священным Синодом Русской Православной Церкви и рекомендованы к общецерковному богослужебному употреблению. Текст напечатан церковнославянским шрифтом «Триодион», который повторяет рисунок букв одного из традиционныx шрифтов дореволюционной Синодальной типографии. Удобный большой формат, крупный, xорошо читаемый шрифт, качественная двуxцветная печать и добротное типографское исполнение делают издание очень удобным и для богослужебного употребления, и для домашней молитвы.

СЛУЖБА

СВЯТЫМ НОВОМУЧЕНИКАМ ЧЕРКАССКИМ

На «Господи воззвах» стихиры, глас 1:

Имене Господня ради мучения и смерть приявший, днесь прославляются новий страстотерпцы, от земли Черкасския на подвиг пошедшия, на Бога упование возложенное имуще и от Того славою небесною почтенныя.

В темницах за Слово Божие томившийся и напасти раз-личныя от и безбожных претерпевшия, в неведомых местех убиенныя и тайно погребенный, прославим ныне песньми похвальными, яко от Бога славою небесною почтенныя.

Прещений зловерных не убоявшийся и веры Православ-ныя не отвергшиися, ныне восхваляем песньми церковными новыя Христовы мученики за многия ваша, страстотерцы славний, Господа ради страдания.

Телеса ваша святая, новомученики Черкастии, погребе­ния христианского лишенная и от злодеев безбожных свин­цем напитанная, в безвестных местех до времени почивают дне суднаго, в оньже неосужденным быти Христа умолите всем почитающим ваша честная Того ради страдания.

Слава: Судищем неправедным предстояще и от богоборцев оклеветаеми, Христу неправедно осудиму уподобистеся святий. И подобие Подвигоположнику избиенныя и на смерть аки на крест восшедшия. Ныне о нас Спаса молите да подаст церквам умирение и спасет души вами Его прославляющих. . И ныне: праздника или Догматик Всемирную славу.

Пророчества Исаина чтение, глава 43:

Тако глаголет Господь: вси языцы собрашася вкупе, и со­берутся князи от них. Кто возвестит сия в них? Или яже от начала, кто слышана сотворит вам? Да приведут свидетели

своя, и оправдятся, и да услышат, и да рекут истину. Будите Ми свидетели, и Аз свидетель, глаголет Господь Бог, и от­рок, егоже избрах,, да познаете и веруете Ми, и разумеете, яко Аз есмь Бог, и несть разве Мене спасаяй. Аз возвестих, и спасох, уничижих, и не бе в вас чуждий. Вы Мне свидетели, и Аз Господь Бог, и еще от начала Аз есмь: и несть от рук Моих избавляли. Сотворю, и кто отвратит то? Сице глаголет Господь Бог, избавляли вас Святый Израилев. Премудрости Соломоновы чтение, глава 3: Праведных души в руце Божией, и не прикоснется их мука. Неп-щевани быша во очесех безумных умрети, и вменися озлобление исход их. И еже от нас шествие — сокрушение, они же суть в мире. Ибо пред лицем человеческим аще и муку приимут, упование их безсемртия исполнено. И вмале наказали бывше, великими благо-детельствовани будут, яко Бог искуси я, и обрете их достойни Себе. Яко злато в горниле искуси их, и яко всеплоди жертвенное прият я. И во время посещения их возсияют: и яко искры по стеблию поте­кут. Судят языком, и обладают людьми, и воцарится Господь в них вовеки. Надеющийся нань разумеют истину, и вернии в любви пребудут Ему. Яко благодать и милость в преподобных Его, и посе­щение во избранных Его.

Премудрости Соломоновы чтение, главы 5 и 6: Праведеницы во веки живут, и в Господе мзда их, и попе­чение их у Вышняго. Сего ради приимут Царствие благоле­пия, и венец доброты от руки Господни, зане десницею по-крыет я, и мышцею защитит их. Приимет всеоружие рвение свое, и вооружит тварь в месть врагом. Облечется в броня правды, и возложит шлем — суд нелицемерен. Приимет щит непобедимый преподобие. Прострит же напрасный гнев во оружие, споборет же с ним мир на безумныя. Пойдут право-лучныя стрелы молниины, и яко от благокругла лука облаков на намерение полетят. И от каменометныя ярости исполнь падут грады, вознегодует на них вода морская, реки же пото-

пят я нагло. Сопротив станет им дух силы и яко вихор разве­ет их, и опустошит всю землю беззаконие: и злодейство пре­вратит престолы сильных. Слышите убо царие, и разумейте, навыкните судии концев земли. Внушите держащий множе­ства, и гордящийся о народех языков, яко дана есть от Гос­пода держава вам и сила от Вышняго.

Стихиры на литии, глас 8:

Добле воинствовавши за Христа Царя, венцами от Него праведными увенчаннии и у Престола Святыя Троицы пред­стоящий, о нас молитеся, святий новомученицы, да утвер­дит в нас веру Православную.

Добле воинствовавши за веру Православную, видимыя и невидимыя рати вражия посрамисте, и нас на прославление Хримста призвавши днесь и всегда, святий новомученицы.

Слава: Злобою звериною яряся на священники Божия, нечестивий судии, яко иудейское соборище на Христа лже­свидетельства искаху и на смерть неповинных осудивше, себе самих со Иудою Искариотским ввкупе быти сотвориша.

И ныне: праздника или сей:

Укроти, Владычице, лютыя безбожных на Церковь Божию возстания, яже искуситель воздвиже, молимтися Тебе, Пречис­тая, Ты бо пред Господом за люди православныя Ходатаице.

На стиховне стихиры, глас 2:

Образы терпения и злострадания нам явивши, и ко Хрис­ту чрез мучения и смерть пришедший, Того, новомученицы преславний умолите, да подаст прегрешений оставление всем православно Ему покланяющимся.

Стих: Разжегл еси ны якоже разжизается сребро.

Мученическому достохвальному множеству днесь прино­сим пение. Яко и от Черкасския земли к ним страдальцев лик причтеся, иже кровми землю обильно оросивши и плод добр возрастивши: всех почитающих ваша, новомученицы, страдания и православно Христу покланяющихся.

Стих: Воззваша праведний и Господь услыша их.

Крепчае адаманта бысть множество ваше святий, имуще бо пред очима Патриарха Тихона исповедание и страдания мит­рополитов Владимира и Константина, такожде и от всякого чина церковнаго, пребысте в терпении до конца по слову Господню, и спасени Того милостию, молитеся о вас почитающих.

Слава: Бог нам прибежище и сила, тако судиям неправды отвещали святий новомученицы и страха вашего не убоим­ся, уповаем бо милостию Божиею спасение улучити. Аще и убиете ны, но со Христом разлучити не возможете.

И ныне: праздника или воскресный О чудесе новаго.

ТРОПАРЬ СВЯТЫМ НОВОМУЧЕНИКАМ, глас 8:

Мученицы Черкасстии, своим страданием Христа пропо­ведали есте, окропивше кровию землю нашу и все истяза­ния до конца претерпели безбожных мучителей, нечестиво осуждающих вас посрамили, возвещая им скорую гибель. О, всемилостивии угодницы Божий, молите Христа Бога за ва­ших последователей, дабы и нам в годину тяжких испыта­ний сохранити веру Православную.

УТРЕНЯ

На «Бог Господь» тропарь праздника дважды.

Слава: святых

И ныне: праздники

По 1 кафизме седален:

Собор святых мученик празднуем духовно днесь, сии бо Христовым путем последуя достигоша земли обетованныя, проидоша бо сквозе огнь и воду и внидоша в вечный покой.

Слава и ныне: Дево Всенепорочная, лик поющих Тя ук­репи молитвами к Сыну Твоему, да возмогут непрестанно шествовати путем заповедей Его.

По 2 кафизме седален:

Воистину блажени есте, страстотерпцы от градов и весей Черкасских, и земля ваша кровию незримо освятися, на ней же мы ныне ваша честная страдания почитающе молимся ко всех Владыце да помилует души наша.

Слава и ныне: Матерь Тя Божию вемы, Марие Дево, о нас мо­литвы к Нему приносящую и милости неоскудныя верным призы­вающую, еяже сподоби достойным быта поющих державу Сына Твоего.

По полиелеи седален:

Новыя звезды на церковнем небе прославим днесь вернии новыя мученики от земли Черкасския на небо возшедшии и о Отечестве земном Царю Славы молитвы приносящия.

Слава: Хлебом жизни и пивом нетления укреплен-нии, возмогоша стати, святий, на судищах неправедных во дни оны, в них же положи Господь вам искушеным многими муками быти и яко злато седмерицею очищен­ными в Его чертог внити.

И ныне: праздника или сей:

Вся преукрашена яко златом, удобрена яко каменем драгим, Дево Мати, возсияла земнородным непорочным житием Сво­им и ангельских ликов Честнейшую Тя быти величаем.

Прокимен глас 4: Тебе ради, Господи, умерщвляе­мы есмы весь день.

Стих: Вменихомся яко овцы заколения.

Евангелие Мф. зачало 36.

По 50-м псалме стихира:

Воспоим вернии, честныя архимандриты, иеромона­хи и иноки ангельский образ на себе свято носивший, прославим с ними протоиереи, иереи, диаконы и миря­не благочестивыя, иже отческия веры не отвергшася и за сие мучения и смерть приявшия, от Господа же сла­ву небесную улучившия.

КАНОН

глас 8

Песнь 1

Ирмос: Воду прошед яко сушу, и египетского зла избежав, израильтянин вопияше: Избавителю и Богу нашему поим.

Начало новумучеником в земли Черкастей положили веси Ко-робовки иерей Иоанн со чады духовными своими Димитрием и Владимиром, Русь во дни брани со оружием зашищавшима, Иако­вом, Иоанном и Кирилом, имже молитвы ныне приносим.

От Смелянских предел весь Головятино святаго покровителя Леонида иерея имуще, да поет Боту похвальная о сего крепости и терпении, иже во узилищи четырнадесеть месщ томляшеся от пути исповедания не отступи и от Христа венчался еси.

Священномученики града Канева прославляем: Димитрия иерея, чрез огнь брани за отечество во священый сан пришед-шаго, а чрез исповедание ко обителям Небесным. С нимже Ва­силия и Всеволода иже по нем на муку и смерть поведенныя.

Богородичен: Проидоша сквозь огнь и воду мучеников сонмы под Твоим Покровом, Мати Пречистая, сохраняеми и жизни безконечныя достигше со Ангелы Тя прославляют.

Песнь 3

Ирмос: Небесного круга верхотворче Господи, и церкве зиждителю, Ты мене утверди в любви Твоей, желаний краю, верных утверждение, єдине Человеколюбие.

Утвержден быв пастырем Киприаном, новый Стефан на муче­ние дерзаше, вменив смерть в приобретение яже душе на пользу. Ихже яко единонравных во един день на небеси Господь души прият

Жатва приспе во септемврии месяце душам десяти исповедник Христовых: от Золотоношския земли иереев Михаила и Александ­ра, пастырей честных украшение, от Каневския же Иоанна, иже в году том осемьдесят пять душ крещением возроди. Такоже от веси

Ключники Александра протоиерея со Афанасием псаломщиком.

Прославляются Церковию днесь иереи Божий от Христиновки Кирилл, от Млиева Авраам, твердый святыни защитник, от Сарн Карп, егоже местныя начальницы в телегу, аки коня, ругающеся смирению святаго, впрягоша и от Почипинския веси Андрея иерея со Иаковом благочестивым мирянином, воспоим страдания.

Богородичен: Матерь Божию всяк православный святую Деву именует и образы Ея честныя лобызает, не вещи но Бога Родительнице честь воздающе. Сама бо рекла, яко благодать Сына Ея со образами Ея будет.

Кондак и икос праздника

Седален: Вам, от нечестивых убиенным, не вотще на обращение людей земли Черкасския бысть. Ибо по летех многих, ко Господу обращающеся, вы во свидетели пока­яния пред Господем призывают.

Слава: Угодна быша Боговы ваша страдания, за нихже и венцы яко победителие гордыни змиевой, прияли есте славний новомуче-ницы, земли Черкасския украшение.

И ныне: Исполнь чудес Твоих, Дево Пренепорочная, пра­вославных жительство, яже ко славе Сына Твоего и ко греш­ных обращению твориши. Сия яко бисерие имуще Церковь Христова украшается.

Песнь 4

Ирмос: Услышах, Господи, смотрения Твоего таинство, разумех дела Твоя, и прославих Твое божество.

Изгнание и темницы претерпевше многая лета, возвращеся архимандрит Софроний в землю отец своих, клеветы и пакос­ти от безбожных паки приемше безропотен пребысть. Ни сана, ни риз и чина монашеского не отрекшися в Царствии Небес-нем в нетленныя ризы облечеся.

Октобрий месяц жатву продолжи прешедшаго, во оный бо новомученик число паки возрасте совокуплением Иоанна иерея,

Пиония от Лавры Киево-Печерския и от обители святаго Онуф­рия Великаго иеромонахов, псаломщика Феодота и Винницкия земли рождением Феодора и Иоанна иеромонахов.

Скорый суд учиниша Святыя Троицы служителю Стахию, рати сатанинския служителие. Обаче буйство их ходатайствова геенну онем, а старцу протоиерею небесныя обители, куде вни-доша Стахию споспешницы архимандрит Петр, иереи Феодо­сии и Владимир, иеромонаси Паисий и Феодосии, и Савва пре­свитером честный помощник.

Богородичен: Призри Благосердая на неистовство еретик и без­божных, яже не почитают Тя достодолжно, и яви им силу Сына Твоего, иже Твоею молитвою на главы их да снидет.

Песнь 5

Ирмос: Просвети нас повелении Твоими, Господи, и мыш­цею Твоею высокою, Твой мир подаждъ нам, Человеколюбие.

В новембрии неистовство сатанинское наивяшще разгоре-шася, избиению двадесяти осьми святых Божиих предавше, неп-щевали свою злобу утолити. Но безумие сих до желанного Цар­ствия доведе священников Филиппа, Евгения, Диомида и Сергия, Никиту, Никона, Петра, Варнаву, Автонома, монахов Зенона и Феодора, и Валентина с Дамианом иеромонахов.

Сплеташе хитрословесия льстивныя имиже от сана отрещися святых мнели сотворити, судии безбожные. Сих же сети разодрав-ша единым сонмом ко Христу приидоша архимандрит Каллист со иеромонаси Антонием, Владимиром, Неофитом и Феодором, свя­щеники Геогрий и Созонт, и от Чигирина Симеон, Василий, Алек­сандр, Иоанн и Симеон от Городища, Маркел Смелянския веси Ташлыка священник и от Тального иерей Стефан.

Последний месяц лета тысяча девятьсот тридесят седьмаго от Рождества Христова ко Господу представи Палладия архимандри­та и Фаддея иеромонаха, Антония от Жашкова, Автонома от Зве-нигородки и от Монастырища Михаила иереев православных.

Богородичен: Внемли, Пречистая, молений наших гласу, и оныя исполнив Сыну принеси, да не оставит милости от нас Своея.

Песнь 6

Ирмос: Молитву пролию ко Господу, и Тому возвещу печали моя, яко зол душа моя исполнися, и живот мой аду приближися: и мо­люся яко Иона: от тли, Боже, избавимя.

Прославиша град Черкассы Киево-Печерския Лавры воспи­танницы иеромонахи Кассиан и Иннокентий купножителие еди-номудреннии; Ипполит и Феодор Тайн Божиих соверпштелие, и Иаков смирения Господня рачитель.

Об нощь злодеи избиваша Божиих служителей возмневши тако и имена их погубити, токмо всуе труждалися безумний. Злоде­ев бо имен не вемы, прославляем же от них священники убиен-ныя Михаила Хмельниччины уроженца и Михаила найстарей-шего от страстотерпцев ньше ублажаемых, Григория Севера узилиша прошедшаго, Леонтия, Харлампия, Луку неустраши-мыя Евангелия исполнитилие.

Троица служителей Господних в навечерие Христова Рождества во темницу яга бысть, тамо праздник сей светлый сретоша Но Бо­гоявление уже не на земли святий иереи Симеон и Феодор со Ди­митрием диаконом прославиша, а в чертозех Небеснаго Царя, в соборе новомученик Черкасских.

Богородичен: Блажен иже стяжа Тя Помощницу в тру-дех своих, Твоя бо молитва от грехов и страстей свобож-дает всякаго усерднаго к Тебе молитвенника.

КОНДАК СВЯТЫМ НОВОМУЧЕНИКАМ, глас 8

Яже на суд неправеден захоте привлещи вас антихрист, требуя от вас отречения от веры Православныя и пастырского служения, вы же святий новомученицы, рекли есте: в руце Твои, Господи, пре­даем дух наш и разве Тебе инаго Бога не знаем. Тако приемше Крест Христов на рамо, не устрашилися есте смерти крестной, потщаша-ся липптте прияти ея достойне. Мы же, прославляюще тако ваше служение и терпение, с надеждою и любовию вопием к вам: моли­те Христа Бога спастися душам нашим.

Икос:

Во дни огненнаго искушения Церкви Божия во отечестве на­шем множество от чина церковнаго и от мирян благочестивых пострадаша, апостольское учение о многих скорбех памятую-ще. Посреде же толикаго полка новомученик и от Черкасския земли возсия святая сотня воинов Христовых. Ихже ныне про­славляюще поем: радуйтеся, Святыя Троицы верныя служите-лие; радуйтеся, веру Православную в себе непорочно сохранив­ший; радуйтеся, мучеником древним купножитилие; радуйтеся, венцы победныя от Христа Царя приявший. Радуйтеся и моли­те Христа Бога спастися душам нашим.

Песнь 7

Ирмос: От Иудеи дошедши отроци, в Вавилоне иног­да, верою троическою пламень пещный попраша, поюще: Отцев Боже, благословен ecu.

Василия Великаго, столпа Православия, исповедание па-мятующе и в день памяти его на смерть пошедшия, Корсунь-ския земли иереи Александр, Иоанн и Михаил достойно ныне ублажаются от нас поющих: отцев Боже, благословен еси!

Еще два страстотерпца в иануария день первый к Богу отыдоша, от Умани диакон Иулий, от Жашкова иерей Симеон, от Белыя Руси пришедьш прияти зде жизни своея кончину поюще: отцев Боже, благословен еси!

Тальновския людие да веселятся предстателя на небеси иму­ще Иоанна иерея иже ко Господу прийде в день памяти триех святителей великих, поюще: отцев Боже, благословен еси!

Богородичен: Сокровища милосердия Божия нам от-крышася в Пречистей Деве Марии, Юже постави Иисус Ходатаицу о нас быти. К Нейже выну вопием гласом апо­стольским: помогай нам, Пресвятая Богородице!

Песнь 8 Ирмос: Царя Небеснаго, Егоже поют вой ангелъстии, хвалите и превозносите во вся веки.

Еще троица отцев прославляема днесь святых исповедник веры Христовой иерея Виктора, диаконов Мефодия и Харито-на, ихже Прославившаго хвалите и превозносите во вся веки.

От Киева во град Канев безбожными гонимый протоиерей Василий притече, вселися у сродника жены его диакона Фео­фана, с нимиже староста церковный Вонифатий и Всеволод иерей проповеданием Евангелия неверным досадиша, за яже смерть прияша Господа хваляще и превозносяще во вся веки.

Пред Рождеством Христовым бысть ят возвеститель гибели безбожным Иоанн иерей фамилией своей Победоносцу тезои­менитый. И от земли Чигиринския в небо душею отшедший, егоже Венчавшаго, людие хвалите и превозносите во вся веки.

Богородичен: Измени, Владычице, душ наших ко греху удобо-поползновенное и преткновений от прилог бесовских огради. К Тебе моления приносим, ихже скоро к Сыну принеси.

Песнь 9 Ирмос: Воистину Богородицу Тя исповедуем, спасенний Тобою, Дево чистая, с бесплотными лики Тя величающе.

Луковки веси иерея Трофима и диакона Григория поем страдания, яко и древних мученик множество, тако и сии Христа проповедающе немилостивно убиени быша.

Молитвенно призываем святыя угодники днесь прослав-ляемыя иерея Василия, диаконы Иосифа и Григория Золо-тоноши и Умани цветы прекрасныя.

Довершила число мученик от Умани двоица Мелетий иеромо­нах с Георгием пресвитером. Се воинов собор Христовых в духов­ней брани победивших и души за Христа безропотно сложивших.

Богородичен: Духом Божиим Церковь управляема Богоро­дицею Тя, Марие Дево, именует и образа Твои честно лобыза-ти учит, Ты бо Мати всему роду человечу милосердием Твоим.

Светилен: Множества мучеников во дни недавни по­страдавших исчести не могуще, славу о сих Богу вознося-

ще, молимся прилежно: молитеся о нас, святий, да при­йдем идеже вы славою сияете.

Слава и ныне: Богородице Владычице, на Тя уповаєм и к Тебе молящеся припадаєм, испроси грехом нашим про­щения и жития нашего на доброе пременение яко да вся возможна ходатайству Твоему.

Стихиры на «Хвалите», глас 4:

Священномученику Владимиру митрополиту Киевскому последуя, егоже кровию земля отечества нашего прежде на-питна быша, сонм пресвитеров, монахов и мирян кровей сво­их и жизни не пощадиша во славу Христа Бога нашего.

Не прельсти вас, святий новомученицы, древний змий, ни льсти­выми речами, ни ран прещением устами его безбожных слуг по­пран бысть вашими ногами аще и убиени от них были есте.

Судимий и осужденныя на смерть Христа ради ныне про­славляются, а их судии немилосердний осуждаются. Мучени­цы в рай радуются, мучителие же их в геенне зубы скрежещут. Вси бо от своего произволения достойну мзду прияли.

Слава, глас 6: Страха вашего не убоимся ниже смутимся су­диям новомученицы отвещали вси, яко Бог с нами всегда, Ему же до конца дний своих служити будем и смерти не ужасаемся, сия бо жизни вечныя ходатаица.

И ныне: праздника или: «Ботороднце, Ты еснлозл истинная»

На литургии: Еф. зачало 233; Лк. зачало 106.

Прокимен глас 4: Воззваша праведний и Господь услыша их.

Стих: Многи скорби праведным и от всех их изба­вит я Господь.

Причастен: Радуйтеся праведний о Господе, правым подобает похвала.

Слу́жба о́бщая
испове́днику Росси́йскому ХХ ве́ка еди́ному

В Е́ Ч Е Р

На Го́споди, воззва́х: стихи́ры, глас 1.

Подо́бен: Прехва́льнии му́ченицы:

Прехва́льне испове́дниче и́мярек,/ ты во дни гоне́ний на Це́рковь Росси́йскую/ не убоя́лся еси́ мучи́телей безбо́жных/ и, ве́ру Христо́ву испове́дав,/ страда́ния претерпе́л еси́,/ свиде́тельства же ра́ди и́стины/ благода́тию Бо́жиею храни́м был еси́/ и в ми́ре почи́л еси́./ Те́мже ны́не, наслажда́яся ра́дости Небе́сныя,// моли́ спасти́ся душа́м на́шим.

Испове́дниче и́мярек до́блий,/ ты в годи́ну безбо́жия во оте́честве на́шем,/ я́ко и́стинный во́ин Христо́в,/ любо́вию к Бо́гу распала́ем,/ ве́ру правосла́вную испове́дал еси́/ и, у́зы темни́чныя и рабо́ты го́рькия/ в сла́дость духо́вную восприе́м,/ во упова́нии тверд пребы́л еси́./ Те́мже ны́не, наслажда́яся ра́дости Небе́сныя,// моли́ спасти́ся душа́м на́шим.

Испове́дниче му́дре и́мярек,/ ты, во дни испыта́ния ве́ры в земли́ на́шей/ Христу́ с любо́вию после́дуя,/ страда́нием во́льным и испове́данием тве́рдым/ о́браз ве́рным показа́лся еси́/ и, немощны́я в ве́ре укрепи́в,/ утеше́ние лю́дем правосла́вным/ и учи́тель благоче́стия яви́лся еси́./ Те́мже ны́не, наслажда́яся ра́дости Небе́сныя,// моли́ спасти́ся душа́м на́шим.

Сла́ва, глас 8:

Испове́дниче сла́вне и́мярек,/ ты на Бо́га все упова́ние возложи́л еси́/ и Той тя просла́ви во Ца́рствии Небе́снем,/ иде́же со сро́дники на́шими,/ новому́ченики и испове́дники Росси́йскими,/ ве́рою, наде́ждею и любо́вию Ему́ угоди́вшими,/ прославля́еши Отца́, и Сы́на, и Свята́го Ду́ха,// Тро́ицу Единосу́щную и Неразде́льную.

И ны́не, Богоро́дичен: Царь Небе́сный:

Вход. Проки́мен дне. Чте́ния три преподо́бническая.

На стихо́вне стихи́ры, глас 4.

Подо́бен: Я́ко до́бля:

Я́ко благи́й раб и ве́рный,/ вве́ренный ти тала́нт благоче́стия/ испове́данием Христа́ преумно́жил еси́,/ те́мже в ра́дость Го́спода вшел еси́/ и, ве́лие дерзнове́ние от Него́ восприем,/ мо́лишися о земли́ на́шей// и о ве́рою чту́щих па́мять твою́.

Стих: Бог мой еси́ Ты,// и испове́мся Тебе́.

Егда́ прииде Госпо́дь испытати лю́ди Своя́,/ блаже́нна тя раба́ и бдя́ща обре́те,/ испове́дниче и́мярек всече́стне,/ не ктому́ раба́, но дру́га нарече́ тя,/ и, я́ко ве́рнаго стра́жа до́му Своего́/ над мно́гими тя поста́ви// и дарова́ моли́твенника те́пла о душа́х на́ших.

Стих: Отве́рзите мне врата́ пра́вды,// вшед в ня, испове́мся Го́сподеви.

Помина́я сло́во Госпо́дне:/ несть раб бо́лий го́спода своего́,/ а́ще Мене́ изгна́ша и вас иждену́т,/ гоне́ния и страда́ния за Христа́ любве́ ра́ди претерпе́л еси́./ Те́мже, блаже́нства изгна́нных пра́вды ра́ди сподо́бився,/ любве́ соверше́нныя дости́гл еси́,// испове́дниче до́блий и́мярек.

Сла́ва, глас 6:

Прииди́те, вси ве́рнии,/ досто́йно воспои́м и́мярек сла́внаго,/ сей бо, по́двиг страда́ния и испове́дничества соверши́в/ и последи́ благоче́стно пожи́в,/ Бо́гу в ми́ре ду́шу пре́дал еси́/ и от су́щих зде к ве́чным жили́щем преста́вился еси́,// иде́же мо́лится о душа́х на́ших.

И ны́не, Богоро́дичен: Творе́ц и Изба́витель:

Тропа́рь, глас 4:

Страда́ния за Христа́ претерпе́в,/ ве́ру Правосла́вную сохрани́л еси́/ и, терпе́нием гони́тели Це́ркве Ру́сския посрами́в,/ благоче́стно в зако́не Госпо́дни пожи́л еси́,/ испове́дниче сла́вне и́мярек,/ престо́лу Бо́жию предстоя́,// моли́ спасти́ся душа́м на́шим.

Н А У́ Т Р Е Н И

На Бог Госпо́дь: тропа́рь то́йже.

По 1-м стихосло́вии седа́лен, глас 4:

К Бо́гу Вы́шнему воззва́л еси́,/ испове́дниче досточу́дне и́мярек:/ поми́луй мя, Го́споди,/ я́ко врази́ нечести́вии попра́ша мя,/ и изба́ви ду́шу мою́ от сме́рти,/ о́чи от слез и но́зе от поползнове́ния,/ да благоугожду́ пред Тобо́ю во све́те живы́х.

Сла́ва, и ны́не, Богоро́дичен:

Стена́ непобеди́мая лю́дем правосла́вным еси́, Богоро́дице Де́во, / к Тебе́ бо притека́юще, невреди́ми пребыва́ем,/ и па́ки согреша́юще, и́мамы Тя Моли́твенницу./ Тем, благодаря́ще, вопие́м Ти:/ Ра́дуйся, Благода́тная, Госпо́дь с Тобо́ю.

По 2-м стихосло́вии седа́лен, глас 4:

Егда́ непра́веднии оболга́ша тя и кня́зи лю́дстии ра́нам жесто́ким преда́ша,/ ты, испове́дниче и́мярек, на Бо́га упова́я, моли́лся еси́:/ Го́споди, Го́споди, кто подо́бен Тебе́,/ испове́мся Тебе́ в се́рдце мое́м,/ и язы́к мой поучи́тся пра́вде Твое́й, весь день хвале́ Твое́й.

Сла́ва, и ны́не, Богоро́дичен:

О Всепе́тая Богоро́дице Влады́чице, му́чеников испове́дание и ве́нче, / А́нгелы сла́вимая и челове́ки воспева́емая,/ и всего́ ми́ра возжеле́нная Помо́щнице,/ изба́ви Це́рковь Ру́сскую вся́каго обстоя́ния,/ Еди́на Благослове́нная.

Велича́ние:

Велича́ем тя,/ испове́дниче святы́й и́мярек,/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.

Псало́м избра́нный:

1-й лик: Испове́мся Тебе́, Го́споди, всем се́рдцем мои́м о ми́лости Твоей и и́стине Твое́й.

2-й лик: Госпо́дь Помо́щник мой, на Него́ упова́ се́рдце мое́, и испове́мся Ему́.

1-й лик: Глаго́лах о свиде́ниих Твои́х пред цари́ и не стыдя́хся.

2-й лик: Испове́мся и́мени Твоему́, Го́споди, я́ко бла́го, я́ко от вся́кия печа́ли изба́вил мя еси́.

1-й лик: На Бо́га упова́х, не убою́ся, что сотвори́т мне челове́к.

2-й лик: Изведи́ из темни́цы ду́шу мою испове́датися и́мени Твоему́.

1-й лик: Поноше́ния понося́щих Ти нападо́ша на мя.

2-й лик: От бездн земли́ па́ки возве́л мя еси́, и́бо аз испове́мся Тебе́ в лю́дех, Го́споди.

1-й лик: Весели́теся, пра́веднии, о Го́споде и испове́дайте па́мять святы́ни Его́.

2-й лик: Да испове́дятся Тебе́, Го́споди, вся дела́ Твоя́.

По полиеле́и седа́лен, глас 4:

Бо́га ре́вностне испове́дуя, сла́вне и́мярек,/ страда́ния от безбо́жных нивочто́же вмени́л еси́,/ те́мже дарова́ся ти благода́ть да́же до конца́ благоче́стне пожи́ти./ Ны́не же, во Ца́рствии Бо́жии наслажда́яся жи́зни ве́чныя,/ моли́ спасти́ся душа́м на́шим.

Сла́ва, и ны́не, Богоро́дичен:

Недви́жимое утвержде́ние ве́ры/ и спасе́ние душ на́ших,/ Богоро́дицу пе́сньми велича́им, ве́рнии:/ ра́дуйся, Правосла́вия Огражде́ние,/ ра́дуйся, земли́ Ру́сския Покро́ве,/ ра́дуйся, Неве́сто Неневе́стная.

Степе́нна, 1-й антифо́н 4-го гла́са. Проки́мен, глас 4: Бог мой еси́ Ты,// и испове́мся Тебе́. Стих: Испове́мся Тебе́, я́ко услы́шал мя еси́, и был еси́ мне во спасе́ние. Вся́кое дыха́ние: Ева́нгелие от Луки́, зача́ло 64.

По 50-м псалме́ стихи́ра, глас 6:

Егда́ в гоне́нии боле́зни сме́ртныя одержа́ша тя,/ испове́дниче Христо́в и́мярек,/ ве́ры правосла́вныя не отступи́л еси́/ и Бо́га ре́вностне прославля́л еси́,/ И́же и воздаде́ ти вене́ц пра́вды,// я́ко побо́рнику необори́му.

Кано́н, его́же краегране́сие кроме́ Богоро́дичнов осми́ пе́сен:

Кре́пость моя́ и пе́ние мое́ Госпо́дь. Глас 5.

Песнь 1

Ирмо́с: Коня́ и вса́дника в мо́ре Чермно́е,/ сокруша́яй бра́ни, мы́шцею высо́кою/ Христо́с истрясе́, Изра́иля же спасе́,// побе́дную песнь пою́ща.

Кре́стною си́лою укрепля́ем,/ изгна́ния многоле́тняя претерпе́л еси́,/ глад и хлад, я́ко дар Бо́жий восприе́м./ Те́мже, и́мярек, испове́дник сла́вный яви́лся еси́.

Ру́сския Це́ркве сын ве́рный быв,/ поруга́ния, насмея́ния и лжесвиде́тельства испыта́л еси́/ и безбо́жники сло́вом безмо́лвным обличи́л еси́,/ страда́льче изря́дный и́мярек.

Во испове́дание и́стины, я́ко в броню́ кре́пкую, обле́клся еси́, и́мярек,/ и, во́ин Христо́в непобеди́мый я́влься,/ сло́вом, я́ко мече́м обоюдоо́стрым, враги́ Бо́жия посрами́л еси́.

Богоро́дичен: Разреши́ся кля́тва, печа́ль преста́,/ Благослове́нная бо и Благода́тная Отрокови́ца ве́рным Ра́дость породи́,/ Христа́ Бо́га на́шего.

Песнь 3

Ирмо́с: Водрузи́вый на ничесо́мже зе́млю повеле́нием Твоим/ и пове́сивый неодержи́мо тяготе́ющую,/ на недви́жимем, Христе, ка́мени за́поведей Твои́х// Це́рковь Твою́ утверди́, Еди́не Бла́же и Человеколю́бче.

Пра́ведных ду́ши в руце́ Бо́жией,/ и не прико́снется их му́ка:/ си́ми словесы́ укрепля́емь, и́мярек крепкоду́шне,/ теле́сная страда́ния му́жественне претерпе́л еси́/ и о́браз испове́дания ве́ры сыново́м ру́сским яви́л еси́.

Огради́вся си́лою кре́стною, и́мярек,/ страда́ния и изгна́ния от безбо́жных претерпе́л еси́/ и, ве́ру непоро́чно сохрани́в,/ в ми́ре благоче́стне пожи́л еси́./ Сего ра́ди и вене́ц пра́вды от Христа́ Подвигополо́жника прия́л еси́.

Смути́ся земля́ Ру́сская,/ я́ко опустоши́ ю́ беззако́ние ве́лие,/ ты же, и́мярек великоимени́те, по́двиги испове́дничества благоуха́я,/ я́ко крин се́льный посреде́ пусты́ни, процве́л еси́.

Богоро́дичен: И́же от Отца́ пре́жде всех век рожде́на,/ Ты, Ма́ти Бо́жия, неискусому́жно родила́ еси́./ Те́мже Тя вси, Богоро́дицу правосла́вно испове́дуем.

Седа́лен, глас 3:

Ненави́дящия Го́спода посрами́л еси́,/ и́же хотя́ху тя, испове́дниче и́мярек, Христа́ отлучи́ти и сме́рти преда́ти./ Ты же, к Бо́гу ум твой впери́в,/ я́ко птица, се́ти ловя́щих изба́вился еси́/ и в кро́вы Небе́сныя возлете́л еси́,/ иде́же, в ли́це новому́чеников и испове́дников Росси́йских пребыва́я,/ мо́лишися о спа́сении душ на́ших.

Сла́ва, и ны́не, Богоро́дичен:

Ки́йждо иде́же подвиза́ется, усе́рдно к Тебе́ притека́ет, Богоро́дице,/ несть бо ино́го Прибе́жища, спаса́ющаго ду́ши на́ша, я́ко Ты, Всепе́тая.

Песнь 4

Ирмо́с: Боже́ственное Твое́ разуме́в истоща́ние/ прозорли́во Авваку́м, Христе, со тре́петом вопия́ше Тебе́:/ во спасе́ние люде́й Твои́х// спасти́ пома́занныя Твоя́ прише́л еси́.

Терпе́нием вооружи́вся, поте́кл еси́ на предлежа́щий ти по́двиг, испове́дниче и́мярек,/ и, преще́ния мучи́телей не убоя́вся,/ непоколеби́м пребы́л еси́, егда́ смути́ся Ру́сская земля́.

Мал бе в бра́тии твое́й, я́коже и Дави́д в ро́де свое́м, / оба́че избра́ тя Госпо́дь, испове́дниче и́мярек сла́вне, со все́ми му́ченики/ отъя́ти поноше́ние сыно́в Це́ркве Ру́сския.

Обле́клся еси́ пе́рвее в све́тлыя оде́жды Креще́ния,/ та́же в по́двизе испове́дания ты́я убели́л еси́, свя́те./ Те́мже, вшед в черто́г Небе́сный,/ зри́ши Лице́ Све́та Непристу́пнаго.

Богоро́дичен: Невмести́маго во чре́ве прие́мши,/ без боле́зни родила́ еси́, Всенепоро́чная Ма́ти,/ и по рождестве́ Де́ва Нетле́нна пребыла́ еси́.

Песнь 5

Ирмо́с: Одея́йся Све́том, я́ко ри́зою,/ к Тебе́ у́тренюю и Тебе́ зову́:/ ду́шу мою́ просвети́ омраче́нную, Христе́,// я́ко Еди́н Благоутро́бен.

Я́ко сын дне, во све́те заповедей Христо́вых ходил еси́, святе и́мярек,/ и ду́шу твою́ по́двигом испове́дания освяти́л еси́,/ ны́не же по́чести по достоя́нию от земны́х прие́млеши.

Изведе́ тя на по́двиг Госпо́дь,/ егда́ лю́ди росси́йстии отступи́ша Це́ркве Христо́вы,/ и́мже я́ко свети́льник ве́ры яви́лся еси́,/ темни́цы смра́дныя и рабо́ты лю́тыя претерпева́я.

Пре́жде да́же не приити́ дню Госпо́дню вели́кому и стра́шному,/ нощь безбо́жия ду́хом бо́дренным просвеща́л еси́,/ дни лука́выя испове́данием Христо́вым изоблича́я.

Богоро́дичен: Пра́вду и Избавле́ние нам ро́ждши, Христа́, без се́мене,/ естество́ пра́отца от кля́твы свободи́ла еси́, Богоро́дице.

Песнь 6

Ирмо́с: Неи́стовствующееся бу́рею душетле́нною,/ Влады́ко Христе́, страсте́й мо́ре укроти́/ и от тли возведи́ мя,// я́ко Благоутро́бен.

Егда́ бу́ря гоне́ний Це́рковь Ру́сскую одержа́ше,/ ты, и́мярек блаже́нне, утвержде́ние и по́мощь от Го́спода прие́м,/ во́лны многомяте́жныя му́жественне преше́л еси́.

Не уразуме́ша безбо́жнии мучи́тели,/ ка́ко за Христа́ стра́ждеши, и́мярек,/ и в по́двизе твое́м Го́спода испове́дуеши./ Сего́ ра́ди и осуди́шася.

Испо́лнися на тебе́ глаго́л Христо́в: а́ще Мене́ изгна́ша и вас иждену́т./ Те́мже, угото́вав ду́шу твою́ во искуше́ние,/ мно́гая страда́ния, поноше́ния и ско́рби претерпе́л еси́.

Богоро́дичен: Испо́лнися на Тебе́ проро́чество Симео́ново/ и ору́жие про́йде ду́шу Твою́,/ те́мже му́чеником и испове́дником Стена́ Неруши́мая и По́мощь при́сно быва́еши, Богома́ти.

Конда́к, глас 2:

Я́ко звезда́ но́вая Це́ркве Ру́сския яви́лся еси́,/ терпеливоду́шне и́мярек испове́дниче,/ Христа́ Бо́га прославля́я/ и в нощи́ безбо́жия путь ве́рным указу́я./ Те́мже мо́лим тя:/ моли́ нам, сро́дником твои́м,/ в ве́ре Правосла́вней утверди́тися// и спасти́ся душа́м на́шим.

И́кос:

Даждь ми сло́во, Сло́ве Бо́жий,/ по достоя́нию восхвали́ти по́двиги до́бляго и́мярек,/ но́ваго испове́дника, в земли́ Росси́йстей возсия́вшаго,/ в страда́ниих терпели́ваго и в благоче́стии кро́ткаго,/ Небе́сным лико́м сопричте́ннаго,/ иде́же ны́не Триеди́наго Бо́га воспева́ет и мо́лит непреста́нно/ нам, сро́дником его́,/ в ве́ре Правосла́вней утверди́тися/ и спасти́ся душа́м на́шим.

Песнь 7

Ирмо́с: Превозноси́мый отце́в Госпо́дь/ пла́мень угаси́, о́троки ороси́,/ согла́сно пою́щия:// Бо́же, благослове́н еси́.

Егда́ посети́ Госпо́дь зе́млю Ру́сскую мно́гими испыта́нии грех ра́ди на́ших,/ тогда́ яви́л еси́ тве́рдость в по́двизе твое́м, и́мярек сла́вне,/ испове́данием ве́ры Христо́вой пла́мень безбо́жия угаша́я.

Му́жеством и кре́постию ду́шу твою́ украси́в,/ ве́рность Христу́ в житии́ твое́м сохранил еси́/ и, мно́гия ско́рби претерпе́в, ве́чнаго поко́я дости́гл еси́,/ иде́же прославля́еши Бо́га оте́ц на́ших.

Отложи́в страх муче́ния, к по́двигу испове́дания му́жественне устреми́лся еси́, и́мярек, Христа́ еди́наго возжеле́в,/ Ему́же ны́не пое́ши:/ благослове́н еси́, Бо́же оте́ц на́ших.

Богоро́дичен: Бо́га пло́тию родила́ еси́, Всенепоро́чная,/ Еди́наго от Тро́ицы,/ Ему́же вси пое́м:/ Бо́же, благослове́н еси́.

Песнь 8

Его́же о́троцы в пещи́ испове́даша,/ Того́ и ты в пла́мени страда́ний пред мучи́тели просла́ви, науча́я всех взыва́ти:/ да благослови́т земля́ Ру́сская Го́спода/ и превозно́сит во вся ве́ки.

Го́спода испове́дайте, я́ко Благ,/ поуча́л еси́ псало́мски, му́дре и́мярек,/ и Той поспеши́т сыново́м ру́сским на спасе́ние,/ Благослове́нный во ве́ки.

Отца́, Сы́на и Ду́ха Свята́го житие́м твои́м испове́дал еси́, страда́льче Христо́в,/ помози́ и нам по́двигом до́брым подвиза́тися,/ тече́ние жи́зни соверши́ти и ве́ру непоро́чну сохрани́ти.

Богоро́дичен: Тя, Богоро́дицу Пречи́стую,/ па́че ума́ и словесе́ ро́ждшую Го́спода и при́сно де́вствующую,/ благослови́м и превозно́сим во вся ве́ки.

Песнь 9

Сла́ву во испыта́ниих еди́ному Бо́гу возда́л еси́,/ испове́дниче Христо́в приснопа́мятне,/ сего ра́ди и Той тя/ в ли́це новому́чеников и испове́дников Росси́йских просла́ви.

Процвете́ Це́рковь на́ша новому́ченики и испове́дники Росси́йскими,/ не отри́ну бо Госпо́дь лю́ди Своя́./ Ты же, испове́дниче сла́вный и́мярек, вку́пе с ни́ми пребыва́я,/ мо́лиши сохрани́тися ве́ре Правосла́вней в земли́ на́шей.

Ору́жием благоволе́ния венча́ тя Госпо́дь,/ испове́дниче блаже́нне и́мярек,/ и́мже и нам на враги́ неви́димыя спобо́рствуй/ и моли́ Христа́ Бо́га сохрани́тися ве́ре Правосла́вней в земли́ на́шей.

Богоро́дичен: С новому́ченики и испове́дники Росси́йскими, Пречи́стая, и все́ми святы́ми/ умоли́ Еди́наго во святы́х Почива́ющаго/ сохрани́ти зе́млю на́шу, славосло́вящую Тя во вся ве́ки.

Свети́лен:

Светода́вец Христо́с Бог наш, исхо́ды у́тра и ве́чера украси́вый,/ Све́та Невече́рняго тя, испове́дниче и́мярек, сподо́би./ Те́мже, во све́тлостех святы́х пребыва́я,/ и нас све́том незаходи́мым просвети́,/ да, в ра́дости лику́юще, просла́вим Свет нам Показа́вшаго.

Сла́ва, и ны́не, Богоро́дичен:

Ди́вно и неизрече́но Рождество́ Твое́, Богоро́дице,/ И́мже спасла́ еси́ род челове́ческий,/ те́мже мо́лим Тя:/ све́том незаходи́мым нас просвети́,/ да, в ра́дости лику́юще, просла́вим Свет нам Показа́вшаго.

На хвали́тех стихи́ры, глас 6.

Подо́бен: Все отло́жше:

Благода́тию свы́ше облече́нный,/ испове́дниче всече́стне, и́мярек,/ я́ко и́стинный раб Христо́в,/ в ве́ре Правосла́вней непоколеби́м пребы́л еси́/ и, гони́телей благословля́я, глаго́лал еси́:/ а́ще и истя́жете те́ло мое́,/ ду́шу не возмо́жете разлучи́ти от любве́ Бо́жия,/ я́же о Христе́ Иису́се Го́споде на́шем,/ на Него́же еди́наго упова́ю// и Ему́ еди́ному возношу́ хвалу́.

Дре́вним испове́дником подо́бяся,/ испове́дниче му́жественный и́мярек,/ в годи́ну гоне́ний на Це́рковь Ру́сскую/ се́рдцем ве́ровал еси́ пра́во,/ усты́ же Христа́ испове́дал еси́ во спасе́ние/ и, ра́ны нивочто́же вмени́в,/ о срамоте́ поноше́ния небре́гл еси́./ Те́мже, безбо́жных посрами́в мучи́телей,/ блаже́нство в дому́ Госпо́дни улучи́л еси́,// иде́же во ве́ки веко́в Его восхваля́еши.

Воспои́м, боголюби́вии лю́дие,/ пе́сньми и пе́нии духо́вными/ святу́ю па́мять и́мярек достохва́льнаго,/ и́же Правосла́вие добропобе́дным гла́сом/ небоя́зненно пред мучи́тели испове́да/ и мно́гим путь спасе́ния показа́./ Те́мже ра́дуются ны́не А́нгельстии чи́ни/ и сликовству́ют святи́и земли на́шея,/ с ни́миже и испове́дник сла́вный// прославля́ет Христа́ Бо́га на́шего.

Сла́ва, глас 8:

Сла́вою и че́стию нетле́нною,/ я́ко подви́жника добропобе́дна,/ венча́ тя Христо́с Подвигополо́жник,/ испове́дниче Христо́в и́мярек,/ и Ца́рствие Небе́сное дарова́,/ иде́же, с собо́ром новому́чеников и испове́дников Росси́йских/ в непристу́пнем све́те пребыва́я,// прославля́еши Тро́ицу Живонача́льную и Неразде́льную.

И ны́не, Богоро́дичен:

Сра́дуются с на́ми у́мная вся Чинонача́лия,/ духо́вный совоку́пльше лик,/ ви́дяще Цари́цу и Влады́чицу всех,/ многоиме́нне ве́рными сла́виму,/ ра́дуются же и ду́си пра́ведных,/ су́щии зри́телие виде́ния,/ на возду́се моле́бно простира́ющу всечестне́и Свои́ ру́це,/ прося́щу умире́ния ми́ру/ и земли́ Ру́сской утвержде́ния,// и спасе́ния душ на́ших.

Славосло́вие вели́кое и отпу́ст.

Н А Л И Т У Р Г И́ И

Блаже́нна от кано́на, пе́снь 3-я и 6-я.

Проки́мен, глас 7: Испове́мся Тебе́, Го́споди,// всем се́рдцем мои́м. Стих: А́ще пойду́ посреде́ ско́рби, живи́ши мя.

Апо́стол к Ефесе́ем, зача́ло 233.

Аллилу́ия, глас 2: Пра́веднии испове́дятся и́мени Твоему́, и вселя́тся пра́вии с лице́м Твои́м. Стих: Го́споди, Го́споди, Си́ло спасе́ния моего́, осени́л еси́ над главо́ю мое́ю в день бра́ни.

Ева́нгелие от Матфе́я, зача́ло 38.

Прича́стен: В па́мять ве́чную бу́дет пра́ведник:

Моли́тва

О пресла́вный и добропобе́дный испове́дниче Христо́в и́мярек, Це́ркве Ру́сския украше́ние, земли́ на́шея кра́сный пло́де, сро́дников твои́х похвало́ и о́бразе!

Ты, не убоя́вся мучи́телева преще́ния, ве́ру правосла́вную небоя́зненно испове́дал еси́ и, боле́зни и страда́ния му́жественне с любо́вию ко Христу́ претерпе́в, врата́ми пра́вды в Небе́сное Ца́рство вшел еси́. Те́мже мо́лим тя: вознеси́ ны́не те́плую моли́тву твою́ ко Го́споду о Оте́честве на́шем, да утверди́т его́ в ве́ре Правосла́вней до сконча́ния ве́ка, нас же, чту́щих па́мять твою́, да укрепи́т спаси́тельныя за́поведи Его́ соблюда́ти; да изба́вльшеся от греха́ и ве́чныя му́ки, вку́пе с тобо́ю сподо́бимся воспева́ти достопокланя́емое и́мя Отца́, и Сы́на, и Свята́го Ду́ха, во ве́ки веко́в. А́минь.