Икона Николаю Чудотворцу

Святой Николай еще при жизни снискал славы чудотворца. А началось все еще с детства: его мать, Нонна, после родов сразу исцелилась от болезни, а новорожденный младенец во время крещения удивил тем, что самостоятельно простоял в купели на ногах три часа.

В житие святого также отмечается, что еще будучи младенцем, Николай начал поститься и принимал молоко матери только по средам и пятницам, лишь один раз, после вечерних молитв родителей.

В списке чудес, которые сотворил святой Николай также история о том, как он избавил от смерти трех мужчин, которых несправедливо осудил градоначальник. Николай подошел к палачу и удержал его меч, который был занесенный над головами осужденных. В результате, градоначальник, которого Николай также обличил в неправде, раскаялся и просил прощение.

Сообщается также, что Николай не раз спасал утопающих в море, выводил из плена и заточения в темницах.

Поэтому совсем не удивительно, что святого в молитвах просят об избавлении от голода, о замужестве, о хорошей дороге для путешествующих, об излечении от тяжелой болезни, обрести семейное счастье, родить ребенка, изменить к лучшему свою судьбу.

Существует также молитва Николаю Чудотворцу, которая изменяет судьбу:

«Возбранный Чудотворче и изрядный угодниче Христов Отче Николае! Миру всему источая многоценное милости миро и неисчерпаемое чудес море, крепости духовные уставляеши, и я восхваляю тя любовцю, преблаженне Святителю Николае: ты же яко имея дерзновение ко Господу, от всяких мя бед свободи, да зову ти: Радуйся, Николае, великий Чудотворче, радуйся, Николае, великий Чудотворче, радуйся, Николае, великий Чудотворче!

Ангела образом, земнаго суща естеством яви всея твари Создателя; благоплодную бо доброту души твоея провидев, преблаженне Николае, научи всех вопити тебе сице:

Реклама

Радуйся, во одеяниях ангельских рожденный, якоже во плоти чист; радуйся, и водою и огнем крещеный, яко же во плоти свят. Радуйся, рождением своим родителей удививый; радуйся, силу душевную абие по рождестве явивый. Радуйся, саде земли обетования; радуйся, цвете Божественнаго саждения. Радуйся, лозо добродетельная винограда Христова; радуйся, древо чудоточное рая Иисусова. Радуйся, крине райского прозабения; радуйся, миро Христова благоухания. Радуйся, яко тобою отгонится рыдание; радуйся яко тобою приносится радование. Радуйся, Николае, великий Чудотворче, радуйся, Николае, великий Чудотворче, радуйся, Николае, великий Чудотворче!

Радуйся, образе агнцев и пастырей; радуйся, святое очистилище нравов. Радуйся, добродетелей великих вместилище; радуйся, святыни чистое и честное жилище! Радуйся, светильнице всесветлый и вселюбимый; радуйся, свете златозарный и непорочный! Радуйся, достойный Ангелов собеседниче; радуйся, добрый человеков наставниче! Радуйся, правило веры благочестивыя; радуйся, образе кротости духовныя! Радуйся, яко тобою от страстей телесных избавляемся; радуйся, яко тобою слодостей духовных исполняемся! Радуйся, Николае, великий Чудотворче, радуйся, Николае, великий Чудотворче, радуйся, Николае, великий Чудотворче!

Радуйся, избавление от печали; радуйся, подаяние благодати. Радуйся, нечаемых зол прогонителю; радуйся, желаемых благих насадителю. Радуйся, скорый утешителю в беде сущих; радуйся, страшный наказателю обидящих. Радуйся, чудес пучина, Богом излиянная; радуйся, закона Христова скрижаль Богом писанная. Радуйся, крепкое подающих возведение; радуйся, право стоящих утверждение. Радуйся, яко тобою всякая лесть обнажается; радуйся, яко тобою всякая истина сбывается. Радуйся, Николае, великий Чудотворче, радуйся, Николае, великий Чудотворче, радуйся, Николае, великий Чудотворче!
Радуйся, всяких исцелений источниче; радуйся, лютее страждущих помощниче!

Радуйся, заре, сияющая в нощи греховной блуждающим; радуйся, росо неботочная в знои трудов сущим! Радуйся, подовая требующим благостроение; радуйся, уготовляяй просящим изобилие! Радуйся, многажды прошение предваряй; радуйся, старым сединам силу обновляй! Радуйся, многих заблуждений от пути истиннаго обличителю; радуйся, таин Божиих верный служителю. Радуйся, яко тобою зависть попираем; радуйся, яко тобою благонравное житие исправляем. Радуйся, Николае, великий Чудотворче, радуйся, Николае, великий Чудотворче, радуйся, Николае, великий Чудотворче!

Радуйся, от убожества вечнаго изымали; радуйся, богатство нетленное подаваяй! Радуйся, брашно негиблющее алчущим правды; радуйся, питие неисчерпаемое жаждущим жизни! Радуйся, от мятежа и брани соблюдаяй; радуйся, от уз и пленения освобождаяй! Радуйся, преславней в бедах заступниче; радуйся, превеликий в напастях защитниче! Радуйся, Николае, великий Чудотворче, радуйся, Николае, великий Чудотворче, радуйся, Николае, великий Чудотворче!

Радуйся, озарение Трисолнечнаго света; радуйся, деннице незаходимого солнца! Радуйся, свече, Божественным пламенем возженная; радуйся, яко угасил еси бесовский пламень нечестия! Радуйся, молние, ереси пожигающая; радуйся, громе, устрашающий соблазняющих! Радуйся, истиннаго научителю разума; радуйся, таинственнаго изъявителю ума! Радуйся, яко тобою попрано поклонение твари; радуйся, яко тобою научимся поклонятися Творцу в Троице! Радуйся, Николае, великий Чудотворче, радуйся, Николае, великий Чудотворче, радуйся, Николае, великий Чудотворче!

Радуйся, всех добродетелей зерцало; радуйся, всех притекающих к тебе крепкое забрало! Радуйся, по Бозе и Богородице, все наше упование; радуйся, телес наших здравие и душ спасение! Радуйся, яко тобою от вечныя смерти освобождаемся; радуйся, яко тобою бесконечныя жизни сподобляемся! Радуйся, Николае, великий Чудотворче, радуйся, Николае, великий Чудотворче, радуйся, Николае, великий Чудотворче!

Возбранный Чудотворче и изрядный угодниче Христов Отче Николае! Миру всему источая многценное милости миро и неисчерпаемое чудес море, крепости духовные уставляеши, и я восхваляю тя любовцю, преблаженне Святителю Николае: ты же яко имея дерзновение ко Господу, от всяких мя бед освободи, да зову ти: Радуйся, Николае, великий Чудотворче, радуйся, Николае, великий Чудотворче, радуйся, Николае, великий Чудотворче!»

Акафист Святителю Николаю

Велича́ниеПравить

Велича́ем тя, святи́телю о́тче Нико́лае, и чте́м святу́ю па́мять твою́: ты бо мо́лиши о нас Христа́ Бо́га на́шего.

Тропа́рь, глас 4-йПравить

Пра́вило ве́ры и о́браз кро́тости, воздержа́ния учи́теля яви́ тя ста́ду твоему́ я́же веще́й и́стина; сего́ ра́ди стяжа́л еси́ смире́нием высо́кая, нището́ю бога́тая, о́тче священнонача́льниче Нико́лае, моли́ Христа́ Бо́га спасти́ся душа́м на́шим.

Конда́к, глас 3-йПравить

В Ми́рех, свя́те, священноде́йствитель показа́лся еси́: Христо́во бо, преподо́бне, Ева́нгелие испо́лнив, положи́л ду́шу твою о лю́дех твои́х, и спасл еси́ непови́нныя от сме́рти; сего́ ра́ди освяти́лся еси́, я́ко вели́кий та́инник Бо́жия благода́ти.

Конда́к 1Править

Возбра́нный Чудотво́рче и изря́дный уго́дниче Христо́в, ми́ру всему́ источа́яй многоце́нное ми́лости ми́ро, и неисчерпа́емое чуде́с мо́ре, восхваля́ю тя любо́вию, Святи́телю Нико́лае: ты же я́ко имея́й дерзнове́ние ко Го́споду, от вся́ких мя бед свободи́, да зову́ ти: Ра́дуйся, Нико́лае, вели́кий Чудо́творче.

Икос 1Править

Ангела о́бразом, земна́го су́ща естество́м яви́ тебе́ всея́ тва́́ри Созда́тель; благопло́дную бо добро́ту души́ твоея́ прови́дев, преблаже́нне Нико́лае, научи́ всех вопи́ти тебе́ си́́це:

Ра́дуйся, от утро́бы ма́терния очище́нный;

Ра́дуйся, да́же до конца́ освяще́нный.

Ра́дуйся, рожде́нием свои́м роди́телей удиви́вый;

Ра́дуйся, си́лу душе́вную а́бие по рождестве́ яви́вый.

Ра́дуйся, са́де земли́ обетова́ния;

Ра́дуйся, цве́те Боже́ственнаго сажде́ния.

Ра́дуйся, лозо́ доброде́тельная виногра́да Христо́ва;

Ра́дуйся, дре́во чудото́чное рая́ Иису́сова.

Ра́дуйся, кри́не ра́йскаго прозябе́ния;

Ра́дуйся, ми́ро Христо́ва благоуха́ния.

Ра́дуйся, я́ко тобо́ю отго́нится рыда́ние;

Ра́дуйся, я́ко тобо́ю прино́сится ра́дование.

Ра́дуйся, Нико́лае, вели́кий Чудо́творче.

Конда́к 2Править

Ви́дяще твои́х мир излия́ние, Богому́дре, просвеща́емся душа́ми и телесы́, ди́внаго тя мирото́чца живоно́сна, Нико́лае, разуме́юще: чудесы́ бо я́ко вода́ми, благода́тию Бо́жиею излива́ющимися, напая́еши ве́рно вопию́щих к Бо́гу: Аллилу́иа.

Икос 2Править

Ра́зум неуразуме́нный вразумля́я о Святе́й Тро́ице, был еси́ в Нике́и со святы́ми отцы́ побо́рник испове́дания правосла́вныя ве́ры: ра́вно бо Отцу́ Сы́на испове́дал еси́, соприсносу́щна и сопресто́льна, А́рия же безу́мнаго обличи́л еси́. Сего́ ра́ди ве́рнии научи́шася воспева́ти тебе си́́це:

Ра́дуйся, вели́кий благоче́стия сто́лпе;

Ра́дуйся, ве́рных прибе́жища гра́де.

Ра́дуйся, тве́рдое правосла́вия укрепле́ние;

Ра́дуйся, честно́е Пресвяты́я Тро́ицы носи́ло и похвале́ние.

Ра́дуйся, Отцу́, равноче́стна Сы́на пропове́давый;

Ра́дуйся, А́риа возбеси́вшагося от Собо́ра святы́х отгна́вый.

Ра́дуйся, о́тче, отце́в сла́вная красото́;

Ра́дуйся, всех богому́дрых прему́драя добро́то.

Ра́дуйся, о́гненная словеса́ испуща́яй;

Ра́дуйся, до́бре ста́до свое́ наставля́яй.

Ра́дуйся, я́ко тобо́ю ве́ра утвержда́ется;

Ра́дуйся, я́ко тобо́ю е́ресь низлага́ется.

Ра́дуйся, Нико́лае, вели́кий Чудо́творче.

Конда́к 3Править

Си́лою, да́нною ти свы́ше, слезу́ вся́ку отъя́л еси́ от лица́ лю́те стра́ждущих, богоно́се о́тче Нико́лае: а́лчущим бо яви́лся еси́ корми́тель, в пучи́не морсте́й су́щим изря́дный прави́тель, недугу́ющим исцеле́ние, и всем всяк помо́щник показа́лся еси́, вопию́щим Бо́гу: Аллилу́иа.

Икос 3Править

Име́яше вои́стинну, о́тче Нико́лае, с небесе́ пе́снь тебе́ воспева́ема бы́ти, а не от земли́: ка́ко бо кто от челове́к возмо́жет твоея́ святы́ни вели́чия пропове́дати; но мы, любо́вию твое́ю побежда́еми, вопие́м ти си́це:

Ра́дуйся, о́бразе а́гнцев и па́стырей;

Ра́дуйся, свято́е очисти́лище нра́вов.

Ра́дуйся, доброде́телей вели́ких вмести́лище;

Ра́дуйся, святы́ни чистое и честно́е жили́ще.

Ра́дуйся, свети́льниче всесве́тлый и вселюби́мый;

Ра́дуйся, све́те златоза́рный и непо́рочный.

Ра́дуйся, досто́йный а́нгелов собесе́дниче;

Ра́дуйся, до́брый челове́ков наста́вниче.

Ра́дуйся, прави́ло ве́ры благочести́выя;

Ра́дуйся, о́бразе кро́тости духо́вныя.

Ра́дуйся, я́ко тобо́ю от страсте́й теле́сных избавля́емся;

Ра́дуйся, я́ко тобо́ю сла́достей духо́вных исполня́емся.

Ра́дуйся, Нико́лае, вели́кий Чудо́творче.

Конда́к 4Править

Бу́ря недоуме́ния смуща́ет ми ум, ка́ко досто́йно есть пе́ти чудеса́ твоя́, блаже́нне Нико́лае; никто́же бо мо́жет я исчести́, а́ще бы и мно́ги язы́ки имел, и глагола́ти восхоте́л; но мы ди́вно Бо́гу в тебе́ прославля́ющемуся дерза́ем воспева́ти: Аллилу́иа.

Икос 4Править

Слы́шаша, богому́дре Нико́лае, бли́жнии и да́льнии вели́чие чуде́с твои́х, я́ко по возду́ху ле́гкими благода́тными крила́ми навы́кл еси́ су́щих в беда́х предваря́ти, ско́ро от тех избавля́я всех, вопию́щих к тебе таковая:

Ра́дуйся, избавле́ние от печа́ли;

Ра́дуйся, подая́ние благода́ти.

Ра́дуйся, неча́емых зол прогони́телю;

Ра́дуйся, жела́емых благи́х насади́телю.

Ра́дуйся, ско́рый уте́шителю в беде́ су́щих;

Ра́дуйся, стра́шный наказа́телю оби́дящих.

Ра́дуйся, чуде́с пучи́но, Бо́гом излия́нная;

Ра́дуйся, зако́на Христо́ва скрижа́ли Бо́гом пи́санныя.

Ра́дуйся, кре́пкое па́дающих возведе́ние;

Ра́дуйся, пра́во стоя́щих утвержде́ние.

Ра́дуйся, я́ко тобо́ю вся́кая лесть обнажа́ется;

Ра́дуйся, я́ко тобо́ю вся́кая и́стина сбыва́ется.

Ра́дуйся, Нико́лае, вели́кий Чудо́творче.

Конда́к 5Править

Боготе́чная звезда́ яви́лся еси́, наставля́я по мо́рю пла́вающих лю́те, и́мже смерть предстоя́ше вско́ре иногда́, а́ще не бы ты предста́л еси́ призыва́ющим тя в по́мощь, Чудо́творче святы́й Нико́лае; у́же бо несты́дно бесо́м лета́ющим, и погрузи́ти корабли́ хотя́щим запрети́в, отгна́л еси́ их, ве́рныя же научи́л еси́ спаса́ющему тобо́ю Бо́гу взыва́ти: Аллилу́иа.

Икос 5Править

Ви́деша отрокови́цы, на брак скве́рный нищеты́ ра́ди угото́ванныя, вели́кое твое́ к ни́щим милосе́рдие, преблаже́нне о́тче Нико́лае, егда́ ста́рцу роди́телю их но́щию узельцы́ три зла́та тая́ся пода́л еси́, самаго́ со дще́рьми избавля́я от паде́ния грехо́внаго. Того́ ра́ди слы́шиши от все́х си́це:

Ра́дуйся, ми́лости превели́кия сокро́вище;

Ра́дуйся, промышле́ния о лю́дех прия́телище.

Ра́дуйся, пи́ще и отра́до к тебе прибега́ющих;

Ра́дуйся, хле́бе неснеда́емый а́лчущих.

Ра́дуйся, бога́тство бе́дне живу́щим на земли́ Бо́гом да́нное;

Ра́дуйся, воздви́жение ско́рое убо́гих.

Ра́дуйся, бы́строе ни́щих услы́шание;

Ра́дуйся, скорбя́щих прия́тное попече́ние.

Ра́дуйся, трие́х дев непоро́чный невести́телю;

Ра́дуйся, чистоты́ усе́рдный храни́телю.

Ра́дуйся, ненаде́жных наде́яние;

Ра́дуйся, всего́ ми́ра наслажде́ние.

Ра́дуйся, Нико́лае, вели́кий Чудо́творче.

Конда́к 6Править

Пропове́дует мир весь тебе́, преблаже́нне Нико́лае, ско́раго в беда́х засту́пника: я́ко мно́гажды во еди́ном часе́, по земли́ путеше́ствующим и по мо́рю пла́вающим, предваря́я, посо́бствуеши, ку́пно всех от злых сохраня́я, вопию́щих к Бо́гу: Аллилу́иа.

Икос 6Править

Возсия́л еси́ свет живо́тный, избавле́ние нося́ воево́дам, непра́ведную смерть прия́ти иму́щим, тебе́, до́брый па́стырю Нико́лае, призыва́ющим, егда́ вско́ре я́влься во сне царе́ви, устраши́л еси́ его́, сих же неврежде́нных отпусти́ти повеле́л еси́. Сего́ ра́ди с ни́ми ку́пно и мы благода́рственно вопие́м ти си́це:

Ра́дуйся, усе́рдно призыва́ющим тя помога́яй;

Ра́дуйся, от неправе́днаго убие́ния избавля́яй.

Ра́дуйся, от ле́стныя сохраня́яй клеветы́;

Ра́дуйся, непра́ведныя разруша́яй сове́ты.

Ра́дуйся, растерза́яй лжу я́ко паучи́ну;

Ра́дуйся, возноша́яй сла́вно и́стину.

Ра́дуйся, непови́нных от уз разреше́ние;

Ра́дуйся, и мертвеце́в оживле́ние.

Ра́дуйся, прояви́телю пра́вды;

Ра́дуйся, помрачи́телю непра́вды.

Ра́дуйся, я́ко тобо́ю непови́ннии изба́влени от меча́;

Ра́дуйся, я́ко тобо́ю наслади́шася све́та.

Ра́дуйся, Нико́лае, вели́кий Чудо́творче.

Конда́к 7Править

Хотя́ богоху́льное ерети́ческое отгна́ти злосмра́дие, ми́ро вои́стинну благово́нное, та́инственное яви́лся еси́, Нико́лае; лю́ди мире́йския упа́сл еси́, и весь мир свои́м благода́тным ми́ром испо́лнил еси́. И от нас у́бо богоме́рзкое грехо́вное злосмра́дие отжени́, да благоприя́тно Бо́гу вопие́м: Аллилу́иа.

Икос 7Править

Но́ваго тя Но́я, наста́вника ковче́га спаси́тельнаго разуме́ем, о́тче святы́й Нико́лае, бу́рю всех лю́тых разгоня́ющаго направле́нием свои́м, тишину́ же боже́ственную принося́щаго вопию́щим такова́я:

Ра́дуйся, обуре́ваемых ти́хое приста́нище;

Ра́дуйся, утопа́ющих изве́стное храни́лище.

Ра́дуйся, пла́вающих посреде́ пучи́н до́брый ко́рмчий;

Ра́дуйся, треволне́ния морска́я уставля́ющий.

Ра́дуйся, превожде́ние су́щих в ви́хрех;

Ра́дуйся, согре́яние су́щих во мра́зех.

Ра́дуйся, сия́ние, ско́рбный мрак разгоня́ющее;

Ра́дуйся, свети́ло, вся концы́ земли́ просвеща́ющее.

Ра́дуйся, от бе́здны грехо́вныя челове́ки избавля́яй;

Ра́дуйся, в бе́здну а́дскую сатану́ вверга́яй.

Ра́дуйся, я́ко тобо́ю дерзнове́нно бездну милосе́рдия Бо́жия призыва́ем;

Ра́дуйся, я́ко тобо́ю от пото́па гне́ва изба́вльшеся, мир с Бо́гом обрета́ем.

Ра́дуйся, Нико́лае, вели́кий Чудо́творче.

Конда́к 8Править

Стра́нное чу́до явля́ется притека́ющим к те́бе, блаже́нне Нико́лае, свяще́нная твоя́ це́рковь: в ней бо и моле́ние принося́ще, ве́лиих неду́гов прие́млем исцеле́ние, а́ще то́кмо по Бо́зе упова́ние на тя возло́жим, ве́рно вопию́ще: Аллилу́иа.

Икос 8Править

Весь еси́ всем вои́стинну помо́щник, богоно́се Нико́лае, и собра́л еси́ вку́пе вся прибега́ющия к тебе́, я́ко свободи́тель, пита́тель и врач ско́рый всем земны́м, на похвалу́ всех подвиза́я, вопи́ти к тебе си́це:

Ра́дуйся, вся́ких исцеле́ний исто́чниче;

Ра́дуйся, лю́те стра́ждущим помо́щниче.

Ра́дуйся, заре́, сия́ющая в нощи́ грехо́вной блужда́ющим;

Ра́дуйся, росо́ небото́чная в зно́и трудо́в су́щим.

Ра́дуйся, подава́яй тре́бующим благострое́ние;

Ра́дуйся, уготовля́яй прося́щим изоби́лие.

Ра́дуйся, мно́гажды проше́ние предваря́яй;

Ра́дуйся, ста́рым седи́нам си́лу обновля́яй.

Ра́дуйся, мно́гих заблужде́ний от пути́ и́стиннаго обличи́телю;

Ра́дуйся, та́ин Бо́жиих ве́рный служи́телю.

Ра́дуйся, я́ко тобо́ю за́висть попира́ем;

Ра́дуйся, я́ко тобо́ю благонра́вное житие́ исправля́ем.

Ра́дуйся, Нико́лае, вели́кий Чудо́творче.

Конда́к 9Править

Вся́кия утоли́ боле́зни, вели́кий наш засту́пниче Нико́лае: растворя́я благода́тная врачева́ния, услажда́ющая ду́ши на́ша, сердца́ же веселя́щая всех усе́рдно к по́мощи твое́й притека́ющих, Бо́гу же вопию́щих: Аллилу́иа.

Икос 9Править

Вети́я суему́дренныя нечести́вых ви́дим тобо́ю посра́мленныя, богому́дре о́тче Нико́лае: А́риа бо ху́льника, разделя́юща Божество́, и Саве́ллиа, смеша́юща Святу́ю Тро́ицу, препре́л, нас же во правосла́вии укрепи́л еси́. Сего́ ра́ди вопие́м ти си́це:

Ра́дуйся, щи́те, защища́яй благоче́стие;

Ра́дуйся, мечу́, посеца́яй злоче́стие.

Ра́дуйся, учи́телю Боже́ственных веле́ний;

Ра́дуйся, губи́телю богопроти́вных уче́ний.

Ра́дуйся, ле́ствице, Бо́гом утвержде́нная, е́юже восхо́дим к небеси́;

Ра́дуйся, покро́ве, Бо́гом зда́нный, и́мже покрыва́ются мно́зи.

Ра́дуйся, нему́дрых умудри́вый твои́ми словесы́;

Ра́дуйся, лени́вых подви́гнувый твои́ми нра́вы.

Ра́дуйся, све́тлосте за́поведей Бо́жиих неугаси́мая;

Ра́дуйся, луче́ оправда́ний Госпо́дних пресве́тлая.

Ра́дуйся, я́ко уче́нием твои́м сокруша́ются ерети́ческия главы́;

Ра́дуйся, я́ко тобою ве́рнии сподобля́ются сла́вы.

Ра́дуйся, Нико́лае, вели́кий Чудо́творче .

Конда́к 10Править

Спасти́ хотя́ душу, плоть твою́ ду́хови покори́л еси́ вои́стинну, о́тче наш Нико́лае: молча́ньми бо пре́жде и боре́ньми с по́мыслы, дея́нию богомы́слие приложи́л еси́, богомы́слием же ра́зум соверше́н стяжа́л еси́, и́мже дерзнове́нно с Бо́гом и Ангелы бесе́довал еси́, всегда́ вопию́щи: Аллилу́иа.

Икос 10Править

Стена́ еси́ похваля́ющим, преблаже́нне, чудеса́ твоя́, и всем к заступле́нию твоему́ прибега́ющим; те́мже и нас, в доброде́тели убо́гих, от нищеты́, напа́сти, неду́гов и ну́жд разли́чных свобожда́й, вопию́щих ти с любо́вию такова́я:

Ра́дуйся, от убо́жества ве́чнаго изыма́яй;

Ра́дуйся, бога́тство нетле́нное подава́яй.

Ра́дуйся, бра́шно неги́блющее а́лчущим пра́вды;

Ра́дуйся, питие́ неисчерпа́емое жа́ждущим жи́зни.

Ра́дуйся, от мятежа́ и бра́ни соблюда́яй;

Ра́дуйся, от уз и плене́ния свобожда́яй.

Ра́дуйся, пресла́вный в беда́х засту́пниче;

Ра́дуйся, превели́кий в напа́стех защи́тниче.

Ра́дуйся, мно́гих от поги́бели исхи́тивый;

Ра́дуйся, безчи́сленных неврежде́нно сохрани́вый.

Ра́дуйся, я́ко тобо́ю лю́тыя сме́рти гре́шнии избега́ют;

Ра́дуйся, я́ко тобо́ю жи́знь ве́чную ка́ющиися получа́ют.

Ра́дуйся, Нико́лае, вели́кий Чудо́творче.

Конда́к 11Править

Пе́ние Пресвяте́й Тро́ице па́че ины́х прине́сл еси́, преблаже́нне Нико́лае, умо́м, сло́вом и де́лом: мно́гим бо испыта́нием правове́рная повеле́ния уясни́л еси́, ве́рою, наде́ждою и любо́вию наставля́я нас в Тро́ице Еди́ному Бо́гу воспева́ти: Аллилу́иа.

Икос 11Править

Светоза́рную лучу́ во мра́це жития́ су́щим неугаси́мую, ви́дим тя, Бо́гом избра́нне о́тче Нико́лае: с невеще́ственными бо а́нгельскими све́ты бесе́дуеши о несозда́нном Тро́ическом Све́те, ве́рных же ду́ши просвеща́еши, вопию́щих ти такова́я:

Ра́дуйся, озаре́ние Трисо́лнечнаго све́та;

Ра́дуйся, денни́це незаходи́маго со́лнца.

Ра́дуйся, свеще́, боже́ственным пла́менем возжже́нная;

Ра́дуйся, я́ко угаси́л еси́ бесо́вский пла́мень нече́стия.

Ра́дуйся, све́тлое правове́рия пропове́дание;

Ра́дуйся, доброзра́чное све́та Ева́нгельскаго сия́ние.

Ра́дуйся, мо́лние, е́реси пожига́ющая;

Ра́дуйся, гро́ме, устра́шающий соблазня́ющия.

Ра́дуйся, и́стиннаго научи́телю ра́зума;

Ра́дуйся, та́инственнаго изъяви́телю ума́.

Ра́дуйся, я́ко тобо́ю попра́ся поклоне́ние тва́ри;

Ра́дуйся, я́ко тобо́ю научи́хомся покланя́тися Творцу́ в Тро́ице.

Ра́дуйся, Нико́лае, вели́кий Чудо́творче.

Конда́к 12Править

Благода́ть да́нную ти от Бо́га све́дущии, ра́дующеся твою́ па́мять пра́зднуем по до́лгу, пресла́вный о́тче Нико́лае, и к чу́дному заступле́нию твоему́ вседу́шно притека́ем; пресла́вных же твои́х дея́ний, я́ко песка́ морска́го и мно́жества зве́зднаго исчести́ не мо́гуще, недоуме́нием объя́ти бы́вше, вопие́м к Бо́гу: Аллилу́иа.

Икос 12Править

Пою́ще твоя́ чудеса́, восхваля́ем тя, всехва́льне Нико́лае: в тебе́ бо Бог в Тро́ице прославля́емый ди́вно просла́вися. Но а́ще и попремно́гу соста́вленныя от души́ псалмы́ и пе́сни прино́сим ти, Чудо́творче святы́й, ничто́же твори́м ра́вно дарова́нию чуде́́с твои́х, и́мже удивля́ющеся, вопие́м к тебе́ такова́я:

Ра́дуйся, Царя́ ца́рствующих и Го́спода госпо́дствующих служи́телю;

Ра́дуйся, служи́телей Его небесны́х сожи́телю.

Ра́дуйся, лю́дем ве́рным поможе́ние;

Ра́дуйся, ро́да христиа́нскаго возвыше́ние.

Ра́дуйся, побе́ды тезоимени́тый;

Ра́дуйся, венцено́сче нарочи́тый.

Ра́дуйся, всех доброде́телей зерца́ло;

Ра́дуйся, всех притека́ющих к тебе кре́пкое забра́ло.

Ра́дуйся, по Бо́зе и Богоро́дице, все на́ше упова́ние;

Ра́дуйся, теле́с на́ших здра́вие и душ спасе́ние.

Ра́дуйся, я́ко тобо́ю от ве́чныя сме́рти свобожда́емся

Ра́дуйся, я́ко тобо́ю безконе́чныя жи́зни сподобляя́емся.

Ра́дуйся, Нико́лае, вели́кий Чудо́творче.

Кондак 13Править

О, пресвяты́й и пречу́дный о́тче Нико́лае, утеше́ние всех скорбя́щих, ны́нешнее на́ше прими́ приноше́ние, и от гее́нны изба́витися нам Го́спода умоли́, богоприя́тным Твои́м хода́тайством, да с тобо́ю воспева́ем: Аллилу́иа. (этот кондак читается 3 раза)

Молитва перваяПравить

О всехва́льный, вели́кий Чудо́творче , святи́телю Христо́в, о́тче Нико́лае! Мо́лим тя, бу́ди наде́жда всех христиа́н ве́рных защи́тель, а́лчущих корми́тель, пла́чущих весе́лие, боля́щих врач, по мо́рю плава́ющих управи́тель, убо́гих и си́рых пита́тель и всем ско́рый помо́щник и покрови́тель, да ми́рное зде поживе́м житие́ и да сподоби́мся ви́дети сла́ву избра́нных Бо́жиих на небеси́, и с ни́ми непреста́нно воспева́ти еди́наго в Тро́ице поколоня́емого Бо́га во ве́ки веко́в. Ами́нь.

Молитва втораяПравить

О, всесвяты́й Нико́лае, уго́дниче преизря́дный Госпо́день, те́плый наш засту́пниче, и везде́ в ско́рбех ско́рый помо́щниче! Помози́ мне гре́шному и уны́лому в настоя́щем сем жити́и, умоли́ Го́спода Бо́га дарова́ти ми оставле́ние всех мои́х грехо́в, ели́ко согреши́х от ю́ности моея́, во все́м житии́ мое́м, де́лом, сло́вом, помышле́нием и все́ми мои́ми чу́вствы; и во исхо́де души́ моея́ помози́ ми окая́нному, умоли́ Го́спода Бо́га, всея́ тва́ри Соде́теля, изба́вити мя возду́шных мыта́рств и ве́чного муче́ния: да всегда́ прославля́ю Отца́ и Сы́на и Свята́го Ду́ха, и твое́ ми́лостивное предста́тельство, ны́не и при́сно и во ве́ки веко́в. Ами́нь.

Молитва третьяПравить

О вели́кий засту́пниче, архиере́ю Бо́жий, Нико́лае преблаже́нне, и́же подсо́лнечную осия́вый чудесы́, призыва́ющим же тя ско́рый услы́шатель явля́йяся, и́хже при́сно предваря́еши и спаса́еши, и избавля́еши, и от бед вся́ческих изъима́еши, от Бо́га да́нною ти чуде́с и даро́в благода́тию! Услы́ши мя недосто́йнаго, с ве́рою тя призыва́юща и моле́бное тебе́ принося́ща пе́ние; тебе́ бо хода́тая на умоле́ние ко Христу́ предлага́ю. О просла́вленный в чудесе́х, святи́телем высото́! я́ко имея́й дерзнове́ние, ско́ро Влады́це предста́ни, и преподо́бнии свои́ ру́це моле́бне к Нему́ простри́ о мне гре́шнем, и от Него́ щедро́ты бла́гости пода́ждь ми, и приими́ мя в свое́ заступле́ние, и от всех бед и зол мя изба́ви, от наше́ствия враго́в ви́димых и невиди́мых свобожда́я, и тех всех наве́ты и злохи́трства погубля́я, и бо́рющих мя во всей жи́зни мое́й отража́я; прегреше́нием же мои́м проще́ние испроси́, и спасе́на мя Христу́ предста́ви и Ца́рствия Небе́снаго сподо́би улучи́ти за мно́жество того́ человеколю́бия, ему́же подоба́ет вся́ка сла́ва, честь и поклоне́ние, со безнача́льным его Отце́м, и с Пресвяты́м и Благи́м и Животворя́щим Ду́хом, ны́не и при́сно и во ве́ки веко́в.

Молитва четертаяПравить

О до́брый наш па́стырю и Богому́дрый наста́вниче, святите́лю Христо́в Нико́лае! Услы́ши нас гре́шных, моля́щихся тебе и призыва́ющих в по́мощь ско́рое предста́тельство твое: виждь нас не́мощных, отвсю́ду уловля́емых, вся́каго бла́га лише́нных и умо́м от малоду́шия помраче́нных. Потщи́ся, уго́дниче Бо́жий, не оста́вити нас в грехо́внем плену́ бы́ти, да не бу́дем в ра́дость враго́м на́шым и не у́мрем в лука́вых дея́ниих на́ших. Моли́ о нас недосто́йных Соде́теля на́шего и Влады́ку, Ему́же ты со безпло́тными ли́ки предстои́ши. Ми́лостива к нам сотвори́ Бо́га на́шего в ны́нешнем житии́ и в бу́дущем ве́це, да не возда́ст нам по дело́м на́шым и по нечистоте́ серде́ц на́ших, но по Свое́й бла́гости возда́ст нам. На твое́ бо хода́тайство упова́юще, твои́м предста́тельством хва́лимся, твое́ заступле́ние на по́мощь призыва́ем, и ко пресвято́му о́бразу твоему́ припа́дающе, по́мощи про́сим: изба́ви нас, уго́дниче Христо́в, от зол находя́щих на нас, и укроти́ во́лны страсте́й и бед возстаю́щих на нас, да ра́ди святы́х твои́х моли́тв не обы́мет нас напа́сть и не погря́знем в пучи́не грехо́вней и в ти́не страсте́й на́ших. Моли́, святи́телю Христо́в Нико́лае, Хри́ста Бо́га на́шего, да пода́ст нам ми́рное житие́ и оставле́ние грехо́в, душа́м же на́шым спасе́ние и ве́лию ми́лость, ны́не и при́сно и во ве́ки ве́ков. Ами́нь.

Молитва пятаяПравить

О всехва́льный и всечести́вый архиере́ю, вели́кий Чудо́творче , Святи́телю Христо́в, о́тче Нико́лае, челове́че Бо́жий и ве́рный ра́бе, му́жу жела́ний, сосу́де избра́нный, кре́пкий сто́лпе церко́вный, свети́льниче пресве́тлый, звезда́ осиява́ющая и освеща́ющая всю вселе́нную! Ты еси́ пра́ведник, я́ко фи́ник процве́тший, насажде́нный во двора́х Го́спода своего́, живы́й в Ми́рах, ми́ром облагоуха́л еси́, и ми́ро приснотеку́щее благода́ти Божия источа́я. Твои́м ше́ствием пресвяты́й о́тче, мо́ре освети́ся, егда́ многочу́дная твоя́ мо́щи ше́ствоваху во град Ба́рский, от восто́ка до за́пада хвали́те и́мя Го́сподне. О преизя́щный и преди́вный Чудо́творче , ско́рый помо́щниче, те́плый засту́пниче, па́стырю предо́брый, спаса́ющий слове́сное ста́до от вся́ких бед, тебе́ прославля́ем и тебе́ величае́м, я́ко на́дежду всех христиа́н, исто́чника чуде́с, защи́тителя ве́рных, прему́дрого учи́теля, а́лчущих корми́теля, пла́чущих весе́лие, наги́х оде́яние, больны́х врача́, по мо́рю пла́вающих управи́теля, пле́нников свободи́теля, вдов и си́рот пита́теля и засту́пника, целому́дрия храни́теля, младе́нцев кро́ткого наказа́теля, ста́рых укрепле́ние, по́стников наста́вника, тружда́ющихся упокое́ние, ни́щих и убо́гих изоби́льное бога́тство. Услы́ши нас, моля́щихся тебе́, и прибега́ющих под кров твой, яви́ предста́тельство твое́ о нас к Вы́шнему, и исходота́йствуй твои́ми богоприя́тными моли́твами, вся поле́зная ко спасе́нию душ и теле́с на́ших: сохрани́ святу́ю оби́тель сию́ (или храм сей или дом), вся́кий град и весь, и вся́кую страну́ христиа́нскую, и лю́ди живу́щая от вся́кого озлобле́ния по́мощию твое́ю. Ве́мы бо, ве́мы, я́ко мно́го мо́жет моли́тва пра́ведного поспе́шествуя во благо́е: тебе́ же праве́днаго, по преблагослове́нной Де́ве Ма́рии, предста́теля ко Всеми́лостивому Бо́гу и́мамы, и к твоему́, пребла́гий о́тче, те́плому хода́тайству и заступле́нию смире́нно притека́ем: ты нас соблюди́ я́ко бо́дрый и до́брый па́стырь, от вся́ких враго́в, губи́тельства, тру́са, гра́да, гла́да, пото́па, огня́, меча́, наше́ствия иноплеме́нников, и во вся́ких бе́дах и ско́рбях на́ших, подава́й нам ру́ку по́мощи, и отве́рзи две́ри милосе́рдия Бо́жия, поне́же недосто́йна е́смы зре́ти высоту́ небе́сную, от мно́жества непра́вд на́ших, свя́заны у́зами грехо́вными, и николи́ же во́ли Созда́теля на́шего сотвори́мох ни сохрани́хом повеле́ний его́. Тем же преклоня́ем коле́на сокруше́нна и смире́нна се́рдца на́шего к Зижди́телю своему́, и твоего́ отече́ского заступле́ния к Нему про́сим.

Помоги́ нам Уго́дниче Бо́жий, да не поги́бнем со беззако́ниями на́шими, изба́ви нас от вся́кого зла, и от вся́кия ве́щи сопроти́вныя, упра́ви ум наш и укрепи́ се́рдце на́ше в пра́вой ве́ре, в ней же твои́м предста́тельством и хода́тайством, ни ра́нами, ни преще́нием, ни мо́ром, ни ко́им гне́вом даст мне ми пожи́ти в ве́ке сем, и изба́вит мя шу́яго стоя́ния, сподо́бит же десна́го со все́ми святы́ми. Ами́нь.

И заключительные молитвыПравить

которые читаются всегда по завершении всех молитв.